引用:

原帖由 super720a 於 2007-6-20 11:24 發表

好似仲有 o個個有電腦地下室 o既主人

AXN遲d應該會有marathon，一個星期六播四、五集，正死

Bill哥哥唔知你有無睇過【Numbers】呢套野呢？

「一個星期六播四、五集，正死」   係呀！正死！ 我早前第一季都係咁錄哂落 DVD 度一口氣咁睇，十分方便兼過足戲癮！

【 Numbers 】衹睇過中間一、兩集的片段，因為當時發覺得遲（ 皆因是轉台時�E到 johncage 個樣才停下來看看 ），睇唔返開頭！阿標睇電視劇有點怪癖，唔係全套睇，就無心機睇（可能阿標喜歡從製作人及編劇的角度去睇劇集，不想漏了每場戲的目的、作用、設計和劇情伏線 ），故此，明知這套 【 Numbers 】 可能有睇頭，以後也沒看了！

你是否有睇呀？ 覺得如何，好睇嗎？  

引用:

原帖由 super720a 於 2007-6-20 11:24 發表


好似仲有 o個個有電腦地下室 o既主人

AXN遲d應該會有marathon，一個星期六播四、五集，正死

Bill哥哥唔知你有無睇過【Numbers】同埋【House】呢兩套野呢？我覺得【House】呢套野係脫離現實囉！

.

【House】我每一集都有睇！而家明珠台播的第二季早前已在 AXN 看完了！

其實，在【House】中， 主角 Dr.House 的角式和性格朔造，算是走了偏鋒，會有很多觀眾乍看下不喜歡他，加上頭幾集背景劇情未開展時，每一集都十分十分正式化，好容易流失觀眾！  

還好，醫院的奇難雜症題材仍可以嚇�鴾H，加上 Dr.House 呢個「抵死佬」，慢慢揭示了他可憐可悲的一面，他又在每集內不停擔當眾人皆醉我獨醒的活華陀角式，每每是救人活命的悲劇英雄，於是慢慢可以得到有追看劇集觀眾的認同和接受！阿標也是由不喜歡他和這劇集開始，慢慢變得頗有興趣追看下去！

此劇才是第二季，論成敗言之尚早，暫時劇情未倦，仍有睇頭，且看以後如何！不過，此劇的喜惡者應該十分分明，那些在第一季已不接受 Dr.House 外形、性格、行為、作風的觀眾，相信早早己摒棄此劇了！

引用:

原帖由 super720a 於 2007-6-20 11:24 發表

講返【CSI】，小弟由Season 6開始睇（Season 5只係睇左幾集）。
Season6都係慣常CSI o既處理手法—一集完，但係到左Season7，做法開始唔同。先係多左case要查一、兩(or more)集先破到案，有d就變左做to be continued...

.
   嘻嘻，已拍到第七季，果 d 創作人和編劇，怎會不窮於一小時可完結的題材�魽H 於是又要�M番 d 複雜一點、劇情伏線推展篇幅要長一點的題材和故事，於是，故技重施，再行老路，用多過一集說一個故事！這差不多是每個長壽多季劇集的必然軌跡，必然宿命！

   站在我地觀眾立場，衹要是好戲，不是為拖戲而分集，倒沒什�洶j問題！嘻嘻！

引用:

原帖由 super720a 於 2007-6-20 11:57 發表


下個禮拜AXN開始播【 Numbers 】Season 3，即管睇下先！（Season 1、2都無睇，主力睇CSI）

上邊個post仲update左小弟對CSI ge睇法

  原來你又係無睇過以前的【 Numbers 】，先謝謝提醒快有 【 Numbers 】Season 3，阿標下星期又跟你「 即管睇下先！」   

20/6/07（ Wed ）

  今晚播出的【 24 】，且不論 虎父食兒 情節的合理性，單就 緊張氣氛和官能刺激 而言，經過先前多集的鋪排營做，到今晚此集，來了一個火山爆發式的高潮，觀來扣人心弦，使觀眾整個小時透不過氣來！好野！好睇！

不過，背叛及殺戮行為，在父子兄弟人倫大者之間，都已經用埋，將來劇情發展何以為繼？

引用:

原帖由 johncage 於 2007-6-21 00:40 發表
唔多明佢老豆間公司有幾巴閉！連國家性命兒子都不顧！！

  呢 d 就係製作人和編劇們 「語不驚人死不休」的心態表現 ！

   對他們而言，最重要就係要有 劇情或畫面 上，出奇不意嚇你一驚的�隍G，等觀眾「嘩」的一聲過左，輪到他們要解畫的時候，就含含糊糊拖下拖下，懶理你「唔多明佢老豆間公司有幾巴閉」！

  嘻嘻，而家劇情仲未交待清楚，不過，阿標相信，將來劇情作出為何 Jack爸「連國家性命兒子都不顧！」的解釋時，我地觀眾多數都係會嚏之以鼻，媽聲四起，哈哈！

  阿標連晚出街，無時間看電視，錄埋咁多節目未睇，呢 d 電視債，幾時有得還呀？

引用:

原帖由 billchan 於 2007-6-23 02:07 發表
  阿標連晚出街，無時間看電視，錄埋咁多節目未睇，呢 d 電視債，幾時有得還呀？

.

  阿標犧牲睡眠時間追返兩三集，點知周末一時手痕，捧左大�� DVD 回家，周日又沉溺賽事，仲睇埋港隊對北韓，之後又要快快清埋兩本已過期四天未還的公立圖書館圖書，真係唔夠時間用！

舒琪 仲要係 明報 出左四篇 田壯壯電影「吳清源傳」的影評，唉，攪到阿標心思思，等住未出既 DVD ！  嘩 ~~ 唔夠時間呀 ~~~~

引用:

原帖由 KMY89 於 2007-6-25 09:34 發表
Bill,

請問你知唔知"The practice"有冇出DVD？我搵遇 ... 冇見，and 有個宗教節目'Hour of power'有冇只有唱歌的一部份DVD？

有一集ER or West Wing內有個插曲不停的唱哈里露亞 ..... 是什麼歌？ ...

  【 The practice 】 的 Box set 我以前見過有，好似係皇室堡見到的！但近年無留心，應該仍有地方能購到！ 講起來，當年 ATV World 好似播播下 【 The practice 】 爛了尾，播唔足八季，令阿標唔知肥妹仔律師 Lindsay 被陷害之後，結果如何脫身，真係要 XYZ ATV！

【 Hour of power 】幕後的組織和支援這�洶j，我相信除節目的光碟外，純唱歌的 CD/DVD 一定有的，不過，要到他們的美國總會網頁找，或會有郵購，要多費功夫一點！（寫完此段上去Check過，有d CD喎，唔知�琝A否？）

"不停的唱哈里露亞 ..... 是什麼歌？"     嘻嘻，呢個阿標無印象，可能要 johncage版主一齊幫手諗下，睇下記唔記得番係乜歌！

今晚 明珠台 的【 六度接觸 】，戲來了！

這個發生於世界最大都會紐約的人海傳奇故事，經過多集千里來龍，今晚的「結穴於此」，全賴一個以往從未提及的全新故事角色： Ray Jones ！

Ray Jones 一出場，就快速地揭示了他跟所有角式的新舊歷史淵源關係。他的出現，就像一根穿上了線的縫針，把一眾已亮相的劇集主角，像穿珠子般，快速地串連起來！也把劇集原本紊亂的分頭發展故事線，紡成一縷繩束，牽引�蚍@集當前的進行推展 ﹗ 所以阿標說： 戲來了！

但是，Ray Jones 這個人物的設計，並不寫實，他在戲中自翎是憑二萬五千美元到新加坡進入電訊行業，數年間擁資四億回紐約投資的商家，戲劇性得很，一下子把劇集過往朔造的紐約生活真實感破壞掉！且看看這個突變，是有意抑或無意？對將來的故事張力和劇情推進，�隍G是好是壞？

阿標拭目以待！

引用:

原帖由 johncage 於 2007-6-29 09:08 發表

只看hbo既 羅馬，劇情越來越吸引。

  阿標 無訂 HBO，無得睇，遲 d 得閒才煲 DVD！

  阿標評選出，「香港回歸十周年」的一眾有關電視節目/特輯中，

「最佳」及「最賞心悅目」節目為：

     

有線電視（ 第 10 台 ）直播台：  每日上午的【 樂樂 盈盈 生活室直播 】！

  其實有線電視 Discovery Channel 上星期一連五晚，每晚 9:00~10:00pm 的空中巴士新巨無霸機種 【 A 380 】特輯十分好看！當然，先�赤漪O你必須是喜歡這類紀錄片的觀眾！

星期一至四的四集是早前播過的，阿標早已看了！但星期五的一集是新的，從中可簡概地看到 A380 面對的困境，三度延期交機，累計已遲達兩年，阿標真擔心到今年年尾時，他們仍未能交出第一架飛機給星航 .....

引用:

原帖由 super720a 於 2007-7-3 10:56 發表

之前我睇過直至首次起飛 o個3集
乜原來仲拍多兩集
真係要好好留意

  係呀！舊年播的首三集是 【 Giant Of The Skies: Building The Airbus A380 】，通過節目參予了 A380 由概念至籌劃至設計至建造的過程，看得令人興奮！阿標還錄下燒成 DVD，供日後再看！

數月前曾播的第四集是 【Testing 】，衹是重點式介紹了幾個官式測驗，已可見生產者面對壓力的一斑！

  新的第五集是【 Delivering 】，相信原是節目供應者早早簽訂製作此集節目，供應世界各類電視台放映，作為配合世界第一架 A380 交貨的特輯。可惜，節目內容全不是這回事，沒有了 delivering，唯有無奈地加插了兩個 A380 飛行國際認證的測試，又加插了新加坡航空公司將來 A380 機艙內經濟及商務座椅設計的展示及記者招待會，之後加上 A380項目執行高層下台的消息，最後以公佈再次延期交機的發佈會草草完場！

   唉！一個標示人類未來幾十年交通方式的改善，代表人類世界科技文明進步的航空項目，竟然爛掉了尾巴般，不知何時才有出路！唉，看得阿標好不欷歔！

   super720a兄，這五集節目，本星期（ 2/7/07 ~ 6/7/05 ）內，仍在有線 53台 每日 5:00 ~ 6:00pm 重播！ 若感興趣仍可看看！

[ 本帖最後由 billchan 於 2007-7-3 15:01 編輯 ]

   阿標睇電視日日都有得睇、可以睇，但係睇「舞台劇」近年就少左 d！

不過，剛剛就頗有興緻地睇左【 VV物語 】！嘻嘻，可能一段時間後，螢光幕上都會有這個舞台劇的錄影電視節目睇，到時【 阿標 睇 舞台劇 】與【 阿標 睇 電視 】都無乜分別，阿標又可以大放厥詞，講下【 VV物語 】都唔算離題！

  經過數週的平淡和營造後，昨晚的【 24 】，劇情又進入了一個新高潮！

姑且不論情節的合理性，亦不計較 Jack 潛入俄國使館挾持領事及說服使館人員代打電話的兒嬉，單看看 Peter MacNichol 飾演的 Tom Lennox 的那一線劇情發展，和他的童顏童身，已經十分過癮！  

【 24 】的故事發展至此，已是凌晨五至六時，剛剛是這季的一半，角式正反派已初步定形，副總統於此集以壓場式的反派形象上場，展開表面的正邪角力，以後各方人物，有否「古龍武俠小說」式的反反覆覆呢？  嘻嘻，阿標唔知！亦唔想知！因為阿標看劇集前，從來�p看劇情預告，免損個人觀劇樂趣也！

  今晚（12.7.07 Thur）有線 61 台，竟然直播【 歐亞桌球大師挑戰賽 】，嘩！有傅家俊和丁俊暉上場，好�洁I

就算他倆不在狀態，表現不好，但難得地有直播睇，好此道者如阿標等，一定會捧場！

而家阿標最擔心的，就是有線電視拍攝桌球比賽的經驗和投入資源！  我地睇慣了英式的優質製作，如果有線祇是當現場新聞般，在平地 eye level 放一兩部機草草交代了事，到時我地就一定看得火滾了！  

希望阿標不會言中！

引用:

原帖由 billchan 於 2007-7-12 18:39 發表
  今晚（12.7.07 Thur）有線 61 台，竟然直播【 歐亞桌球大師挑戰賽 】:jump

......而家阿標最擔心的，就是有線電視拍攝桌球比賽的經驗和投入資源！  我地睇慣了英式的優質製作，如果有線祇是當現場新聞般，在平地 eye level 放一兩部機草草交代了事，到時我地就一定看得火滾了！  

希望阿標不會言中！

  嘻嘻，原來這比賽仲有三日，是九 龍倉贊 助的，吳天海還坐係現場做嘉賓，唔怪得有線電視會日日都現場直播啦！ 今次有線電視落足人力，除了間中鏡頭停留在被擊中球的 close up 久了一點，慢了 cut 回 wide shot，miss 了白球之後的走位外，拍攝得大致上還算可以！     阿標看在有傅家俊和丁俊暉出場的份上，俾有線的導演 70分 啦！

[ 本帖最後由 billchan 於 2007-7-13 02:20 編輯 ]

  現在的星期四晚上，是喜愛外國電視劇集觀眾的黃金夜！  再列列這晚阿標的必看選擇：


Pearl 21:35   【 6 度接觸 】

Pearl 22:35  【「俏」Betty 】

World 22:00  【 靈感應 】

CableTV AXN 23:00 【 Lost 】X 2  播足兩集！


  劇集迷連錄帶看，閒閒地就要花五粒鐘！

  阿標又黎講幾句！

Pearl 21:35   【 6 度接觸 】  昨晚播的一集後預告了下週是最後的一集，
                                       似乎各條故事和愛情線會有交代和�虒芋I不知還有再下一季否？

Pearl 22:35   【「俏」Betty 】  阿標看得有些不耐煩了......

World 22:00  【 靈感應 】 暫不置評，再睇定�囓�。

CableTV AXN 23:00 【 Lost 】X 2  播足兩集！  近期把劇情簡化了，集中在三兩人物身上，
                                                  變得幾好睇！

引用:

原帖由 Sax 於 2007-7-13 19:20 發表

標哥你都算捱得耐   

  其實都捱得幾辛苦...... 等極都無美女主角加入......

  今晚（13.7.07 Fri ）有線 61 台，直播【 歐亞桌球大師挑戰賽 】竟然到而家都未完！

   阿標今晚無意中看了【 歲月風雲 】第一集，深宵時又翻出星期日晚錄下的【 American Next Top Model 】細看！

   這兩個節目阿標看後都有些個人觀後感，現在太晚了，留待這一兩天有空閒時，再分別說說！

【 歲月風雲 】第一集


  雷聲甚大的劇集，宣傳經年！未播出已街知卷聞，娛樂版上消息多多！

睇完第一集之後，阿標不失望，但也沒有期望！ 因為 ....... 完全跟想像與預期中一樣！

故事背景梗概、倒敘結構、人物架構 ....... 一早已透透明明的在各式媒介「公佈」了！無論梁家樹如何神仙能變，也活脫脫變不離 TVB 劇集的傳統公式。

阿標跟大家一樣，一邊看一邊做了上帝，心中有數地能把每個角色的未來命運冷眼地預告，嘻嘻，看下去衹是繼續花時間印證一下自己對香港劇集公式的了解，反正晚上飯後時間也不值錢，得閒也無妨看下去！

第一集觀罷的印象是，片頭暗暗�a�a的，幫不了劇集的氣勢！此外，製作人沒有善用粵語及普通話雙語入戲，以營造一種真實世界的氣氛，這當然是敗筆，也輕視了香港電視觀眾接受普通話的能力！唧唧 ... 看�� 1963年郊前路邊的北京小孩互相以廣東話對答，阿標真是受不了，即場轉去收聽麗音頻道，可惜聽到的仍是廣東話，唧唧......甚麼茶楬色舊北京畫面氣氛，都被破壞掉了！

  也罷也罷！反正還有五＋九集，大家繼續看的，終會學得忍受看不對嘴皮的廣東話配音！

   本星期 AXN 播映的兩集【 Lost 】，應該是本季（第三季）的第 13 及 14 集。

第 13 集是主線故事的延續，講 Locke 在 Ben 的心理戰術擺佈下，用炸藥炸毀了島中的潛水艇，後事如何，仍有待將來分曉！

  但第 14 集呢？  哈哈，原來是一個給觀眾帶來驚喜的半獨立故事，發生在空難眾人中兩個以往從不起眼的一男一女閒角身上，故事由八十多天前說起，獨立成篇，可以說是一條側線，但又與這幾十天來的主流故事相扣，許多經典場面和場景，都以另一角度重現，帶來觀劇新趣！

  這個小故事本身詭異有趣，主題和手法極像經典舊劇【 The Twilight Zone 】的短故事，有涉獵或曾觀看者必明白阿標所言！

本集故事最後以兩個男女主角，被空難一眾活埋於沙灘內告終，到底發生甚�洧ぅO？  阿標且賣個關子，嘻嘻，有興趣而未看者，本週 AXN 仍有數次重播可追！