美國眾議院昨日通過咗呢條法例:
向 AIG 發放嘅獎金追加 90% 特別稅


就算反對嘅共和黨議員理由只係 : 點解唔追收 100% 稅 ?
總之大家都擺出一副憤怒面孔
–    呢家嘢我地香港垃圾會腦殘吻豬派議員簡直奧斯卡金像獎級數

當國會議員公審 AIG 老總要佢攞出份名單, 到底邊班所謂高層呢個時勢仲要分獎金 ?
老總攞出一份死亡恐嚇信出嚟
話有人恐嚇要將攞獎金班人全家上下包括仔女陷家富貴
所以佢要求國會保證呢份名單絕對保密

就算喺香港, 有人話要殺阿乜水全家
阿乜水身居高位, 薪高糧準, 身嬌肉貴, 唔受得呢 D 刺激架
更何況喺美國, 買枝 M-16, AK 47 好似去買包煙咁 easy
唔驚就有鬼   

更有美國憤老中青提議 : 去將 AIG總部包圍. 將所有門窗撼爛
拉 d  AIG 高層出嚟, 當街亂棍打死
又有人話 : 不如去將國會山莊包圍, 將所有門窗撼爛
將班議員拉出嚟, 當街亂棍打死
聽落係咪十足似文革呢 ?
國會班議員肯定聽到美國班老百姓呢 d 怒吼
再睇睇咁多個州瞓公園, 排隊輪救濟金嘅人
都咪話唔腳軟
所以唔理三七廿一老虎蟹都通過呢條法例先講…..
咪住 !
呢條法例有一個大問題 : 獎金已發放, 家陣追加特別稅 ?
普通法精神係唔可能秋後算帳架喎
而且美國憲法明文規定國會唔可以通過追溯過往嘅法例
自詡民主法治典範嘅美國立法機構會唔知 ?

大概眾議院班友唔會咁無知
只不過將個波踢去俾參議院
但參議院班友唔係癡呆, 點會拿屎上身做醜人 ?
大概改少少條文, 掟返去眾議院再議
眾院再改少少又通過, 然後兩院就將個波踢來踢去…
奧爸就睇住兩院踢來踢去
一個唔覺意兩院齊齊通過就慘喇
佢老兄曾在哈佛教法律
唔可以扮唔知法例有個大漏洞下話 ?
但民意沸騰之時, 否決條法案就聽民望下跌十個百份點
眾怒難犯, 點算 ?
最好就有條二打六告到高等法院尋求推翻法案
將個波踢俾高院班老而不死法官, 佢地去孭黑鑊
國會議員, 白宮已經盡力啦, 但我地要尊重司法…
-- 橫掂高院班老賊唔駛顧民意, 唔駛擔心要選舉…呵呵

AIG 總部要求駐軍保護。

乜民主國家唔係尊重法治和合約精神嘅咩,
如果係香港發生,
d 洋狗奴才泛民又點批評政府干預呢!!!!

引用:

原帖由 kcpw0n 於 2009-3-20 19:58 發表 乜民主國家唔係尊重法治和合約精神嘅咩,如果係香港發生,d 洋狗奴才泛民又點批評政府干預呢!!!!

阿妹你看，是民主典範，縱使倒轉過來成主民，也只不過是自左向右，還是自右向左的觀點與角度問題。阿妹你看，依然是世界楷模，唯妹獨尊唔憂嫁。

美式民粹

今次 AIG 發放所謂獎金 ( Bonus)究竟係乜性質 ?

大家應該記得冇幾耐之前香港有單官司
永安旅行社領隊成功於高院取得判決，將佔收入九成的小費納入為薪金之內，
令離職時有薪假期賠償毋須只以底薪千八元計算。

AIG 嘅獎金唔係完全同上述 “ 小費”
我只係借呢個概念解釋 AIG 獎金其實應該係包括於薪金內
呢個獎金其中一種叫做 retention　bonus
即係話你簽約做到比如 09年1月31日
離職時就俾呢個 bonus 過你
所以今次攞獎金嘅人有 d 早已經離職
但拖到今個月先磅水

另外有一種獎金叫 non performance-base bonus
好多高層選擇低底薪, 年終時獎金提高嚟補數呢種 pay package  ( 唔知係咪咁先顯得有性格定係稅務考慮 ? )
呢次呢班高層就最慘, 早知就唔玩呢種 pay package,
個個月支高薪就唔會呢次咁袋咗 bonus 都要嘔出嚟, 仲要俾人喊打喊殺
所以由法律角度去審視, 呢 d 獎金係合法, 唔存在欺詐成份

合法又點 ? 家下班選民谷到爆, 恨不得將你班友抄家問斬
合法就得呢咩, 老子打橫嚟
老子手握立法大權, 就搵你開刀平民憤
邊個話洋老大尊重合約精神 ? 邊個話洋老大就唔會 rule by law ?

換轉係香港係咁做
果班舔咩一子宮之流又跟住班狀棍議員吠到拆天....

[ 本帖最後由 飛毛腿 於 2009-3-21 18:01 編輯 ]

鬧劇繼續 .....

原來最初通過之救市法案裡面
有限制受政府救助金融機構接受政府救助之後不得發獎金
但民主黨國會議員主管金融小組議員 Chris  Dodd 靜雞雞加入一條條款
令 AIG 可以發獎金
家陣時情鬧大, 有人指責Dodd 係罪魁禍首
Dodd 連忙卸膊, 話唔關佢事, 係財政部做手腳
於是箭頭指向財政部長蓋特納
有人大喊要炒佢魷魚, 奧黑就聲言要撐佢撐到底

過街老鼠
AIG 管理層發通告俾員工 :
叫員工離開公司時唔好配戴職員證, 唔好穿著有AIG 標誌嘜頭制服,
或者攞住有公司嘜頭公事包, 公民袋之類,
否則在街上俾憤怒暴民毒打一頓, 公司都無能為力 !  
打份工打到咁心驚肉跳, 你話死唔死 ?   
條命矜貴, 所以有 D 攞咗獎金嘅人
寧願要命唔要錢, 乖乖將全數獎金嘔番出嚟   

向日本人學習

學 D 咩 ?
共和黨資深參議員 Chuck Grassley 呼籲 AIG 高層學習日本武士道精神
上電視台向全國人民公開道歉, 然後 ……
切腹自殺, 一死以謝天下 !   

香港吻豬植物人最喜歡指責人 - 轉軚

我冇估錯 – 奧黑知道條法案未必經得起司法檢驗
又可能華爾街高盛, 摩根大通…一班大鱷對條秋後算帳法案反應激烈
奧黑呢兩日已經改口話唔唔贊成呢條法案
上星期剛通過時佢就大讚
唉…..政客…..天下烏鴉啫

Kmy 記得有很多烏喱單刀既野係香港都按合約完成
likely 巨星匯；依家 Obama 要爭取大眾 support，難免感性而不理性 ，
有點文革味，打土豪分田地。
當地楊Sir 買條艇 唔係俾壹仔插爆，
所以依家D官個個都好小心 。

引用:

原帖由 KMY89 於 2009-3-24 19:52 發表
Kmy 記得有很多烏喱單刀既野係香港都按合約完成
likely 巨星匯；依家 Obama 要爭取大眾 support，難免感性而不理性 ，
有點文革味，打土豪分田地。
當地楊Sir 買條艇 唔係俾壹仔插爆，
所以依 ...

班舔洋港燦一切行為思想以洋主子為標準
開口埋口就人地外國點點點, 我地認該要點點點
洋主子話合約精神, 我地就乜七都講合約精神
但人地老外就真係得個講字  
克淫頓簽落嘅京都議定書, 布殊一乜就話唔算數
合約精神 ?   

我地就唔同喇
西鐵俾西門子搞到一鑊粥咁
九鐵就話要按合約賠錢俾西門子
我地大把錢  

火上加油

近日有 d 美國民間團體興起搞 d 短途旅遊
價錢優惠抵食, 部份據聞係只收象徵式團費
目的地係去參觀 AIG 總部同高層管理住嘅豪華莊園別墅
睇吓政府 " 救濟 " 嘅金融機構高層點樣奢華法
對比一下自己一班冇錢供樓, 失業要瞓街嘅平民百姓....

AIG 獎金風波未完
那邊廂又揭發摩根大通購買豪華小型飛機兩架 -每架盛惠6000 萬美元
仲要租用專用飛機庫去停泊
本來美國人見慣 rich and famous 奢華生活, 冇乜值得大驚小怪
問題係摩根大通剛剛收咗政府 250億 "救濟金" ....


有共和黨議員話 AIG 高層應該學日本人咁謝罪完後切腹自殺
脫口騷主持人JayLeno 提出改進意見 :
應該由收費電視將切腹自殺過程用直播節目播出 - pay per view
咁可以賺番多少幫補吓救濟金
咪以為呢個脫口騷係港台果種低級趣味論政節目
上星期奧黑先剛剛上完呢個節目