請問有人在淺水碼頭村長大嗎？
我住在79A我叫小露寶！
響冠南對面斜路上，沿途經過油叔、米鋪、泰山士多..雲吞麵檔，信箱房、黎明記，跟住再上，去到財記，跟住過左邊石橋橫過財記下面大坑，再沿水井左邊右級上，轉右再上再行十分鐘，去到兜彎仔大平地菜園.....其實住到好高，上面好多桑樹，垃圾站...唔知有冇鄰居記得我？！
記得有好多條路上到黎，後面愛民街盡頭好多汽車維修，有條路可以一直上，經過士多可以食遮喱，得個望字，我冇錢食，愛民街果度又有石級落番去斜路..油叔..信箱.果度，今日仍然響度，冇拆
沿斜路上，未到黎明記之前，左邊有石級上去，一樣可以通番後面上去條路，而黎明記前面後來建造左個公園，唔知點解公園中間有支好高又尖的東西？旁邊係流水一條，成日跳入去捉科斗，有冇人捉過？可以我地認識的，哈...黎明記有兩條路，一條貼住黎明記旁邊轉入去過大坑，一條貼住公園上去財記再分叉，您地住邊？
斜路麵檔、油叔、擔挑魚旦、又或者響財記食野，以前南康街，即今日天悅果度，以前係小巴站頭，鐵皮檔好多，有間東方紅！南昌燒臘，威利民麵包，冠南酒樓，逢源大下後面好多野食！以前教堂里係二號巴士總站，當時嘉立圾學校仲響度，永華大下前已經係海！愛民街下面愛秩序果度有間嘉頓餐廳，以前馬會診所個公園可以擒綱架。嘉頓餅廠明華酒樓海邊地下全部擺哂魚響度賣，金華街市近工廠街有粥檔好好味！
記得以前打風，會有喇叭講小心燒電線，關電器！十號風球，愛倫果次，望去對面聖十字果面，人地屋頂好似開罐頭咁飛起！
我讀北角官立，日日行路經過百利冰室，太古城，當時未有太古城，起緊，到後來起好，嘉年嘉華戲院好多人睇戲，六樓roller場，出奇老鼠等等...都得個睇字！冇錢...哈
後來要拆先至搬！
沿西灣河街行，經過丘左榮、基灣，仲有其他村的村口，成安街、聖十字是每日必經之地，其實條條村都可以行番去淺水碼頭村屋企，記得膠袋裝汽水，孖條好味！永華對出面盆兩溝唔要菜，炸大腸..涼粉橙…又係得個睇字！
東大街安利，王林記，天后廟果度，筲箕灣官小門口有個阿伯賣金絲貓！
撲哩哩，何濟公，通山跑，跳入大坑，飛簷走壁乜都有，大過諗起都好驚！平日半夜三四點起身幫手去水龍頭排水喉，跟住落去冠南酒樓洗碗碟，因為我係童工，之後番學！禮拜有時去慈幼包思高玩，有好似銀紙的分送，有單車踩，有獎品
[
本帖最後由 小露寶1 於 2009-3-1 18:34 編輯 ]
