炒DOW期指, 真係盲都執錢, 又會有咁清楚區間俾炒友出入, 成10多年都未見過,
只要你信, 發過豬頭, 老何信d唔信d, 由得小輩代理, 從台回來望一望, 又good水！

綠線區間焗你發...........看圖

[quote]原帖由 liao_marco 於 2011-9-26 14:57 發表
  馬拉維一個國家咁細,地處內陸,莫非交通運輸要道? [/quot



老何話中馬關係有趣, 確係是你所猜的交通運輸這方面, 但不是目前,
是7,80年代冷戰期。

支援第三世界革命及發展, 係老毛犧牲國人肚皮才得以踢走KMT在UN席位的
政策, 而老何於80年代在非洲穿梭亦受惠此政策. 這政策在民事上最突出可見
的例子, 便是坦贊鐵路.

坦贊鐵路, 年青一代對此可能全無所知, 簡單地說是改變贊比亞這內陸國家的銅礦
往東從坦桑尼亞出口, 擺脫往南經白人控制區出口的困局.

這線路從68年始, 75年完工, 之後便被不斷地破壞, 理由很簡單, 東西方冷戰的結果.
建造這鐵路最艱辛困難的地區, 是坦桑尼亞南部高地橋隧密集區, 即地圖紅圈, 是西方
集團搞破壞標的目標區, 最佳出擊地點莫過於馬拉維北部, 何以會是馬拉維呢？

先說簡短歴史, 1戰後英國接管德國在東非的利益範圍, 2戰後, 民族獨立勢不可擋,
英人傀儡謀略應運而生, 在馬拉維扶植一在加納受教育的獨裁者Hasting Banda直至1997,
因這因由, CCP無法在馬拉維趕走KMT. 在此說一小趣事, 80年代, 老何往馬拉維欲辦一
Soap Factory而作實況了解, 離開前在機場被查問於小室, 畢, 往登機時見一查詢老何
之官員於另一室內向一黄口黄面者在說話, 版友不妨猜猜此君是何方人物？因此事航
機竟然順延句鐘, 上得機來, 全是怒目！

Banda统治期, 馬拉維是全非洲政治最穩定國家, 國防經濟全操在白人主子手中. 馬拉維
今天雖有政黨輪替, 軍方人物, 還是當年系統, 有趣的是, 2007年北京與馬建交後, 2008年
馬總统訪華, 隨同的馬拉維國防部長Sangala桑加拉與中方防長梁光烈會談, 不知有否如下
咁上下意思的對答 ？

梁 : 部長先生, 我地準備在贊比亞投資開銅礦, 遲d同贊比亞傾好就開工,
       你估條鐵路會唔會好似以前, 週不時個隧道塌下, d橋又斷左, 而火車頭
       唔係ne個打柴就係果個呢？
桑 : 乜有d咁野咩, 點解我唔知, 幾時發生架！
梁 : Ne d 都係我地主席在生時的事, 係上一代d瓜葛。
桑 : 咁就係啦, 其實我都聽過你地中國人有句說話, 以和為貴。
梁 : 對, 和氣生財, 我國前主席仲話悶聲發大財tim, 哈哈哈！
桑 : 哈哈哈, 我又聽過又有一句, 好似係....受人錢財, 替人消災.....咁講wor....
梁 : 難得你深明大義, 我地好好合作, 順便問句, 有乜可以幫手呢？
桑 : 咁就唔客氣了, 例如................

大家想8吓之後係點, 試打ne 個電話問亞桑便是了........ 265 1 789600

之後中國在贊比亞Chambisi 及 Lianshya 銅礦開工, 幾個月前, 無息貸款給坦贊鐵路
管理局, 支付保養, 出糧等問題.

公平地說, 坦贊鐵路之經營失敗, 可分內外因素. 外因 : 冷戰期之破壞只是次之又次,
西方針對坦桑尼亞手段, 是指使烏干達那狂人阿明發動烏坦戰爭, 中國更要軍援坦國.
內因 : 主要是坦桑尼亞當年政府的國營策略, 把外資麻田等農耕企業收歸國有, 以至
鐵路沿線無貨可運,

後殖民期, 弱國要擺脫西方資本集團控制, 真係一壳眼淚, 在整個冷戰期, 國際商品期貨
低處未見低, 弱國以資源出口為生, 收歸國有便以為可行, 根本不知資本集團的利害, 那
有生路讓你行, 70年代, 老何替老美打工, 便大開眼界彼等操控國際糧價的事, 有空一說.
贊比亞的銅, 如同智利阿連德的遭遇, 銅價跌到暈。

坦贊鐵路, 無貨可運, 瓜得！

現今國際資本集團這異形, 既已出手, 各位保重.








[ 本帖最後由 老何 於 2011-9-28 17:47 編輯 ]

2038 富士康..............................最宜賺左後儲股！
e.g. jar10手,賺8/10%, 走9手, 剩1手: 照辦煑碗, 直至突破5.5.

仲炒梗的要都望一望..............................

引用:

原帖由 suewong 於 2011-9-29 11:41 發表


常想, 如果不是中非友誼永固, 非洲的極權政權會否長治久安 ?
或是, 民族性決定一切 ?

一張圖片, 勝萬話千言.！
23號, 非洲贊比亞總統大選, 反對黨勝出. 正在祝捷.

妳的問題, 結穴是ccp的不干涉內政政策, 另文吹水, 而民族性是假命題, 因人人皆懂選擇, 無民族之分,
問題是有冇得你/妳揀, e.g. 香江正上演的鬧劇, 把贊比亞人民與港人民族性比較又如何呢, owl 頭！

久未與眾人茶聚, 今早鷄 啄唔斷, 都冇人up 抓銀, 保值才關心, 正路！

更而要老何答, 除jar公用股, 仲有bin d？

老何話 : 金, 众怪而問之, 你久不談金, 何以有此一說.

众人善忘難怪, 众炒中字牌過癮, 又點會jar金, 只問乜價位入市

實金1440/1540可也, 望3000.

众你眼望我眼, 意思明白不過, 跌落NE個水平,仲買？升上3000, 是耶非耶！

總之各自修行, up完就算, 係咁先！

17588  jar 2...............牛扒餐

引用:

原帖由 suewong 於 2011-9-29 20:00 發表
資助埃塞俄比亞執政黨, 係咪干涉?

妳意思是否指 Ethiopia 的Muslim North 與 Christian South 的沖突, 若是, 另答.

引用:

原帖由 liao_marco 於 2011-9-28 18:29 發表

挪威首富叫費廸里臣, 業務包括海上石油鑽探,航運及人工三文魚養殖, 身家約597億克朗,約USD102億, HKG的LEE+X 有240億USD, 早年因同挪威政府因稅務問題鬧翻, 而入籍塞浦路斯. 好肯定香港富豪在挪威國一定無立足之地..

這位首富仁兄亦是大善長。
以GDP及人口計, 挪威的對外援助, 全球排名第1.花旗出5元, 挪威出1元.
以挪威那近500萬人口計算, 真係！
大善長雖已入籍他邦, 但仍以挪威名義捐獻.；挪威人是值得我們尊敬。

17700 鋸左件牛扒, good 水 224 pts

17560 再jar 2................

17680 走左, good 水 240 pts

非洲行.....說糧食 1.

2009年3月, 微軟四眼仔的Bill Gates Foundation撥出以億美元計支持
與中國農科院合作 ge《Green Super Rice for the Resource Poor of Asia and Africa》
計劃, 目的是大規模地在亞非兩洲, 推廣農科院近8年努力開發成功的超級稻米,
點樣超級法？ 比現今良種平均產量多20%, 而最令人讚嘆的是這超級稻米,
其氣候土壤多變適應性及抗病能力, 現今米種無出其右. 這是農科院生物科技專才
們對人類的貢獻. 老何向他/她們敬禮！

在非洲, 適農良田, 舉目皆是, 老何讀耕田, 對這些以百千里計因人禍而荒廢, 耕而
又不得其法, 看在眼裡,不禁搖頭太息； 而知其道者如前羅德西亞白人, 遭無理驅逐,
大好非洲糧倉發展至......竟然一個麵包, 售價當地法幣5億.....如斯境地, 人禍, 人禍, 何時了！

人禍, 在神州大地上的蟻民, 已百嗜千嚐, 而大躍進的苦果, 記憶猶新；方今在糧食方面,
據云已得溫飽, 但官方糧儲數字, 水份如何, 只有天知？ 憶及當年鐵面朱總巡糧倉後翌日,
倉內竟然顆粒無存！國情, 國情, 中南海又知道幾多？
無糧則亂, 古有明訓, 溫總掌握的糧食數字又如何呢？

在這Forum, 看人民日報的, 相信只有老何我一個, 但在人民日報這一年來, 有三篇短少精
幹文章論糧食, 提出警告, 文章雖少, 意義重大, 只能告訴版友, 事非尋常。

因過往打工仔生涯及炒商品期貨, 對全球穀物付運及中國進口數字事必留神, 但中國情況,
總摸不著頭腦？感覺只得一個, 亂象紛呈！但更要命的是, 從美國進口穀物比自產的
要便宜得多這一事實而引發的工業及住房侵佔農地便堂而皇之了, 農民從而流離失所,
各大城市民工集中地便成人間煉獄, 而內房股則風起雲湧, 舉國上下, 齊齊炒爆它好了！
而有朝一日, 中美反檯, 10多億張口, 怎樣填得了？
老蔣退出大陸之日, 留下一句, 看你共產黨怎填飽那四億張口！
老毛國策, 糧食自給自足, 可以做得到, 但只限於粗糧, 只合那一時代生活水平要求的人；
此刻人口多了一倍多, 要的是精糧, 再不是冷凍饃饃, 而饃饃是什麼？方今十中無一曾嚐過！
油氣礦產可以冇, 肚子打鼓便天下大亂了！

==================================================================

非洲行.....說糧食 2.

1800 中交建, 收5.13, 5年後跌穿上市當日開市價7.8. 期內高位25.4。
她公佈業績, 在利比亞133億人仔合約, 實袋得20多億人仔, 而各大
基建,油氣國企於利比亞總合約額188億USD, 則可思過半矣, 總之
入帳應收未收額, 腰圍又大多兩吋. 利比亞卡上校攪成咁, 自身基本
因素如同各大洲發展中國家一樣, 人為的通貨膨脹令糧價飛升, 加上
積存負面因素, 歐美揀arm時機, 裡應外合下, 上校他便倉皇失措地投奔
bin度都未知, 中國則眼光光瀨尿, 錢銀事少,  而北非地中海影響力則烏呼哀哉了！

今次瀨尿, 事亦難怪, 因自2戰後, 歐美以人道為籍口而聯合出兵干涉利比亞,
實開局之作, 打破歷來國際常規, 對中國於非洲10年來的經營, 發出清淅
無誤的警告, 中南海又那能料到歐美赤裸地出此一著.

無糧則亂, 天下皆然！

東西方冷戰期, 於非洲, CCP及KMT都在農業支援上下功夫, 方今KMT已矣,
CCP名打正中國旗號伸展筋骨。

因地球太小, 歐亞美無中國容身之地, 剩得非洲。
要在非洲發展, 替邦交國建立供糧系統, 是穩定交往, 互通有冇的皇道之策,
供糧系統在於現代農業基建, 基建在於水電及農業耕作技術及作物改良,
這些方面, 中國能力, 卓然有成, 但問題是非有五7年不為功,
自2003年中國在贊比亞開建 660MW(等同大亞灣1期) Lower Kafue Gorge Dam始,
在非洲各地, 水電建設就未有停過, 隨之的各方支援, 如灌溉系統, 農技示範
培訓中心, 良種專利技術轉移, 這些後續措施, 對邦交國供糧, 解決肚子問題, 助力
巨大； 而最令歐美擔心的是, 糧食一旦自供自足, 與中國建交的各政權, 事必穩定,
西方鑽空子機會小了, 而中國投資開發的各類礦產計劃亦比較順利,
對歐美各國生人霸死地的只圈礦源名探查而不投入開發, 而於期貨,股票市場上下
其手的求財手法打擊可想而知, 其實都唔洗老何up, 港人炒資源股便心知其理了。

這兩年, 西方傳媒大吹中國在非洲,南美大量購地產糧運回中國, 因而刺激當地民情,
土人無知, 事亦難怪。 中國人那有如高盛他們那樣的投機眼光, 80年代末, 以已保育
為名, 於非洲南美, 鉤結當地政府, 賤賣宜耕土地給他們, 制造糧食問題, 地價便升過
不了, 總之食住中國因素, 想唔發都難； 保育本正道, 亦是投機取考良策, 名正言順也！

在非洲, 屯地自肥的都是歐美對沖基金, 中國助當地國開發新耕地, 等同打彼輩荷包,
他們如何反擊, 只能散佈流言及支持當地對立方, 中國面對此情, 千萬別中計。

中國對非洲糧食政策, 日見成效, 進而一步, 若能聯同各世界級大援助機構及私人基金
如Bill Gates Foundation等開發非洲各大河谷, 三角洲 e.g. 莫三鼻給贊比西河河谷, 得
糧以便救災之用, 當可免除口實。

這次非東之角大旱, 中國雖捐出全球最大援助數額3.6億美元, 西方傳媒, 雖不至於隻字不提,
細緻報導只見北歐國家；錢就付出, 形象有改善嗎？
西方之所以不在非洲化力氣於農業, 只是運糧救濟, 一為神功, 二為弟子, 因本國農產品
亦有去路也, 而救濟之名, 爭取人心, 更為化算；而土人那能看見在礦源上9出13歸之理呢？

中國與非洲國家交往, 病在透明度, 土人只知中國買上不買下, 那能明白對外不干涉原則
的復雜性, 糧食政策見效慢兼吃力不討好, 雖是正路亦對當地政權穩定扶持不少,
但當年花旗 USAID 招數, 實有學習必要！

引用:

原帖由 tiutiu111 於 2011-10-1 15:59 發表



高見 ! 要尊稱何老大做 股神   ......

失禮晒, 跌穿3蚊, 唔走就閣下自理了！

午茶聚, 老友問72蚊jar左和黄如何是好？真係唔知點答！
90蚊樓上碌落, 現收58.45,  明天跌5%, 就即到抽上起點55, 你話如何是好？

既然凝重地問, 便咁答 : 大市要跌, 天王老子都p.k, 包括公用股！
大市e+有可能回調0.618至16200, 咁就無謂觀望, 明天跳車好了。
=====================================================

又有位仁兄, 係都要老何up件中字牌能守得穩兼會升的,
諗左一陣, 遲d162/16500時, 隻三花蓋頂2319蒙牛, 大家認為點呢！？
點解揀ne件, 明天up.

期指因平倉抽高, 正股開市前唔沽就老襯, 17080沽5, 牛扒餐,
快過打針 16980平3張先, good水 300 pts, 餘2張, 係咁先！

引用:

原帖由 liao_marco 於 2011-10-2 23:45 發表
北歐國家先有詳細報道, 老何係睇英文定挪威文.   因為挪威報紙甚少有英文版.

Republiek van Suid-Afrika 南非的南非荷蘭話 Afrikaans, 本源北歐語系, 睇得明Afrikaans便估得到
北歐語系5成以上, 而瑞典文更可達6成, 等同拉丁語系, 意德法英西, 化多點時間學習, 不難睇得
明5成以上. 要點係去學！
老何E+學睇俄文, 每日學兩個字, 都認得300多了, 目標1200個日常用字, 識睇唔識up, 因過花甲,
冇可能發音正確。
時間最寳貴, 1天24小時很快便過去, 用45分鐘學習, 便積小成多, 有如買煤氣, 年年增長, 日久見功！

昨午外出, 冇乜好up, 今日可能下試16450, 如見此水平, jar之哉, jar乜, 各有心頭好,
老何梗係jar F la. 見唔tao16450, 袖手旁觀好了.

17080沽落有餘兩張, 16350平倉good水1460 pts...................

侯機反手.............冇水腳軟莫跟！

16250 jar 5....................
GAS 17.3 又jar多d...............

jar 2319 蒙牛.....21.9 賊佬試沙煲,
F26150 加多5長..........
16800 call 515 jar 10.................

16266 平左5張, good水 330 pts..........均價16200餘5張.
JAR 蒙牛3手, 目的觀察.留意！

老何JAR 蒙牛, 是否奇怪？ 中字牌, 大家都知唔係老何杯茶。
今次jar左3手, 目的睇幕後人想攪bin科, 手法如何？
為的是想以此觀察自己對內地未來10年內地經濟調整政策是否正確！

長篇大論免了, 撮要地說 :
要擺脫以出口帶動而推出內銷, 以平衡經濟結構的方針已快3年了, 得個「桔」字！
大前題....促內銷...是應走之路, 但3年時間亦証明操作手法不通, 不通則變。
前曾說, 變....惟一方法是GDP減速, 亦即是鋼��, 化工, 水泥, 鐵路, 房地產 etc. 不再加注,
內銷比例便上來了, 加上已公佈的其它措施, 如教育, 環保, 新材料, 醫�x等等行業的投入,
下屆政府全力推行, 10年應可改變現狀, 只要異形不在2013/2015年挑起戰爭.

老何看法是對的話, 有關民生的便有運行了, 此中小朋友股....奶, 便是不錯選擇。
一場大風, 蒙牛便成國進民退1例, 此股性質, 最合官僚口味, 管理規範易掌握,
全無高新科技要求, 把好奶源關, 煩惱小, 包賺！
未來10年, 全球經濟陰乾格, 包賺股不易求, 蒙牛市場比維他奶深廣得多, 今日大市
跌近調整幅度0.618, jar番3手試沙煲可也。

引用:

原帖由 liao_marco 於 2011-10-3 14:18 發表
今日個市又係插到底, 我買既00003仲唔使捱價, 不過如以老何認為2013年先係大清算, 下年都要有個迴光反照先係首喎...

e+只係小兒科, 好戲在後頭。
財演日日up 政治市難測, 至於點政治法, 全無內容.
老何up左n次, 異形立意踢散個地球, 借美利堅合眾國這軀殼.....
把養大才劏的歐盟, 而亞洲之首中國, 將擊其中流....循環不斷地炮制歐亞, 達至控制目的。
目的是什麼, 小小地球只能容許美元稱霸.

歐洲主要目標係要Euro消失, 要令歐洲的夢想, 政經一體化進程中途夭折, 還原分崩離析面目。
手法簡單之至, 養肥你先(借錢給你d 靚, 有如毒販免費送上白粉)先逐個小傢伙埋手, 跟住意西, 戲肉
法國, 迫德國揹起歐洲, 因德國最醒目又能自持, 但衰在有大一統歐洲ne個夢, 異形便有埋手之處了.
歐豬危機是先聲, 只待意西著火, 法德就算有擎天之志, 亦難挽大局, Euro便成歷史名詞.
老何up得出, 歐洲人更清楚大局, 索羅斯更晤想Euro消失, 獻計Europe Bond, 但需此刻就痛下決心,
一講到決心, 即係唔駛講落去, Euro瓜梗！

而中國呢, 肉在砧板上, 待劏！
有冇機會反制呢, 有............只待強人出手, 扭轉乾坤！
強人強在那？不需老毛,老鄧, 十大元帥級, 大將之才足矣;
視50萬人命如草, 3萬美元外儲如廢紙者, 便可雄視地球矣。

在這進程中, 2012年必大反彈, 點解？ 全球游資仍多得很, 異形必需消化ne批游資, 事必炒上再陰乾,
不如此, 對歐亞策略不利, 因不斷地給歐人, 亞洲人以希望, 才能逐個分化及擊破。

香港有很多高人, 已聽見戰神的蹄聲, 香江健筆林山木是其一.

引用:

原帖由 tiutiu111 於 2011-10-4 22:02 發表


有股友話 2038 係「妖股」, 玩唔過, 因為台灣佬淨係一味吹水, 點睇 ? 有無回應 ?  

如何吹法！？
說者財技不如人而矣, 恨唔得咁多