佢間士多大部份客人都係外籍人仕，有英文鋪名都好平常，衙前圍道過左延文禮士道就係蘭開夏道，以前九龍城街坊大都集中幫襯福佬村道，獅子石道，候王道，同埋衙前塱道街市，嘉林邊道同聯合道都係靜英英，當年最旺都係獅子石道，成條街塞滿鐵皮屋檔口同埋推車仔小販，都係賣布匹衣著類，衙前塱道小販就以賣蔬菜為主，間中有個阿伯擔住擔熱辣辣九菜豬紅，斗零一碗，事隔數拾年，還是念念不忘。

嘉林邊道，秀竹園道，書院道，喇沙利道，蘭開夏道等等都是高尚住宅區，好多食外匯人士居住，就算執佢地D公仔書都係番鬼佬文字，什麼Doald duck,Micky Mouse等等........

帖子1#那間士多向舊機埸方向第一個街口就係 "嘉林邊道"十字路口就係 "中西英文書院"，再行前一個街口就係聯合道，當年有D街坊有事要搵葉錫恩就係由聯合道行去老虎岩。

但是，界限街另一邊，露明道，科發道，士他令道，都是高尚住宅，當年有間酒樓 " 狀元樓" 在我心中是高級園林酒家，當年紅星湯覺民先生就是在露明道家外被淋液體，後來息影在台灣。