言論自由的可貴與可怕

首先，我覺得人人都有各自表達自己意見的自由，你有你意見，我亦有我嘅見解，能夠很自由發表意見已經很可貴, 很難得, 應該珍惜。

每個人都希望對方接納自己嘅理念及意見，但當大家發覺唔啱咀形，唔啱傾嘅時候，這時候言論就開始變得可怕，一些偏激嘅人就會利用言論自由做藉口去攻擊人，做到非我族類者死的地步，小嘅人與人發生罵戰，大嘅國與國發生戰爭，甚至發生滅絕屠殺。其實好多人想講都冇機會甚至唔畀或因種種原因下唔能夠講，如果生活喺獨裁統治之下，你同佢講相反意見已經死得，甚至未講之前已經被殺，歷史彼彼皆是，所以能夠隨心所欲講自己想講嘅嘢已經係好幸福嘅事。

如果每個人都有容人之量的話, 我想世界會非常和諧，非常美好，因為人有容人之量先能夠接受別人意見及接受別人評論自己的意見，到最後就算雙方都唔同意對方見解亦唔會因此勞氣或生氣，因為懂得尊重別人。

其實呢啲都係我個人意見, 同唔同意都冇相干, 只係純粹借此機會發表吓我個人意見, 唔好見怪.