噚晚三條友七點鐘想去佐敦牛x 星度打邊爐, 點知間野full 晒, 有張檯俾我地但要八點半埋單, 咁當然唔啋佢, 記得上次食過九龍城間龍城金記, d 野唔錯, 決定去覆啅

一坐低, 點左個菜乾豬肺湯底, 同上次一樣,個湯底好甜, 但係今次居然搵左成個窩得一件豬肺,其他就好多豬骨同豬粉腸, 我同個待應講乜得一件豬肺,條友可能話唔到事, 好無奈咁望下我就算, 原本想叫老闆埋o黎同佢傾, 不過因為某d 原因, 都係費事嘈算, 另外叫多碟豬肺加落去算

點左手切肥牛.......ok 保持呢度o既水準, 新鮮有肉汁
脂肪牛肉粒.....呢個好正, 好鮮味, 同牛x 星個牛肉粒有得比, 但平左差唔多一半..值得推介
炸腐皮卷......另一推介, 放落湯度一拖食得...腐皮有香豆味, 剛炸好..仲好脆, 同埋有新鮮油炸, 一食就知..無得呃
鵝腸......新鮮肥美爽脆, 無得彈
大蜆.....一碟八隻...收四十八..都算ok
豬心頂併魚卜.....魚卜都好係新鮮貨式
墨魚滑.....ok...好彈牙
最後再叫多一碟手切肥牛encore
細樽藍妹10蚊枝...飲左九枝

埋單大約七百三十蚊, 同區算係中上價錢

引用:

原帖由 利記 於 2007-1-10 14:52 發表

抵喎
之前幾條友去左厚福到食每人都要4舊

乜厚福舘依家咁貴咩??我剩係知名城同輝哥兩間都貴

烏頭扣都好正, 不過唔係時時有

引用:

原帖由 Sieben 於 2007-1-21 19:02 發表
大蜆.....一碟八隻...收四十八
$6只蜆~~

所以我話o個度唔算平架