我係石黑龍fans：
但由新著第一期至今，其表現都只是二打六，對親較强的高手都係輸.....
黑龍最近隻秋Win果次都只係打底果個銀使(水兵一隻罷了！)....再之前的是金如來右使(第八關).....再之前用六關半果陣嬴咗銅猩 + 鐵貓兩隻垃圾......唉....真失敗。
原本諗住做羅刹教主會有奇遇，就算內力未上到第十一關，都會有全新招式卦?....唉....又係失望，連比蚩尤打幾拳都要療傷日幾。.....豆腐十關罷了!
人地金羅漢比幾大高手圍打都冇事，石黑龍就次次都比人破罩，究竟點解？金羅漢打金如來時用十關都頂得住彿法無邊，但黑龍既九關就比隻垃圾小棍妖用氣插穿....唉......
黑龍D招式又雜又精，亦剛且柔的他理應配合金鐘罩打超近身戰是無敵的，是否黑龍天資太低、不能容滙貫通....所以用身法時身法、食招時就食招.....唉.....無眼睇！
追左新龍咁耐.....都係咁....連王風雷都可以擔正，黑龍竟然毫無表現....十分離譜。
如在十期內第十關的黑龍都係咁的話，我不會再買新書了。横掂都無什麼收藏價值....不如在網上看非法電子版罷....不竟九年來的投資原來都只係篇一D小虎同小龍既故事...講乜龍虎三皇鴉。不如好似舊著咁，整死左黑龍.......咁咪真正既龍處門羅!
回應今期，嘩竟然有個女子練成咗六重天? 好離練過喎！......當年風雷都要食蔘加外力先練成，依家真係成街都係......
以前有金鐘罩第九關功力已經可以近乎不敗...依家......講咩優化工程鴉......越講越衰......
好.....講住咁多先....下期再講。

Kelvin,
多謝你的回覆，你講提及黑龍的威水史，我只能應同單打無形居士那一次。
因為其餘的戰鬥都係執雞或捱打(仲要係比人打到嘔果隻)
我記得黑龍第一次出十面埋伏打大佬時是很形仔的....現在.....一個X 字就算數•
我真係好希望黑龍可以比玉郎打造成一個近身打鬥戰士。在拳法、雙節棍及絞殺技上升呢！雖然仍在十關，但加強了攻擊力可以KO吓強者，唔好再晒防禦力了.....