引用:

原帖由 理魯竇 於 2012-8-21 23:52 發表
  以前在中環做事經常都經過，但有無入過去就真係唔記得。 不過以下呢一間我細個時就入過去寄包裹返大陸，這間舊郵局好似1964年已經拆咗，有無人知道它是在那里？

細個 (70 年代初), 常要陪亞媽去郵局, 寄包裹返大陸. 郵局 在政府合署內, 附近有政府診所.

當時覺得好怪 -

• 郵局的裝修擺設, 黑黑白白. 同平時住宅/商店, 所見不同.
• 有一個鬼婆既相掛牆.
• 樓底好高, 但好少傢具
• 亞媽之前會把一塊大布, 密密縫, 做成布袋,  亞媽話大陸 d 親戚, 可以用黎做衫. 但塊布用墨寫滿地址.  我細個都知墨係洗唔 nut 既. 心唸: 著上身?!
• 其實 亞媽/亞爸 d 兄弟姊妹, 係哂香港. 但好似話親戚先可以收包裹/錢, 所以 d 鄉里抬頭, 要寫表哥/姨丈/堂兄弟. 我上過常識課後, 問亞媽, x 堂兄同 亞媽/亞爸 唔同姓, 會唔會穿煲 ? 亞媽 當時 d 表情...

引用:

原帖由 GungGung 於 2012-8-26 14:09 發表
當年寄包裹, 好似係郵局規矩要用布袋袋住先至收, 如寄易碎物品, 重要釘個木箱仔, 再用袋袋住佢.
令壽堂親情心重, 可敬, 可敬 !

印象中, 好多鄰居都有寄包裹返大陸. 因為唔識字, 所以要亞哥幫佢地寫地址 / 收件人 在布袋面.

當時年紀少, 但文盲的不便 / 無助, 點滴在心.

英國政府的一項德政, 就是免費教育.

p.s. 成長才知, 因為亞哥識英文, 原來是不少鄰居的白馬王子/ 東床快婿...

引用:

原帖由 流留樓 於 2012-8-27 07:09 發表
講開寫信! 請大家看看當年郵局外的代寫信工作情況!

現時在油麻地玉器市場內有代寫信工作的推擋!不知大家在那處還看見?

而加仲有代寫信?!

引用:

原帖由 GungGung 於 2012-8-27 19:06 發表
"寫倌佬" 代客竹報平安, 鴻雁寄情. 又善處理各種政府文件, 真了得 !

圖中央的售郵票機, 入毫子入去, 就有郵票吐出來, 現時可能在博物館才可見.

10 年前在中環郵局, 仲見到...