支持偉大李漢奸煽風點火 賣完國家又賣黨 抗議司徒華反對李漢奸賣黨

李漢奸煽風點火 賣完國家又賣黨

泛民內部近排因為九唔搭八、不知所謂嘅「五區總辭、變相公投」嗌到反晒面。你想我衰，我想你死，幾乎搞到散Band。嗰個當正自己係「民主之父」嘅大漢奸李柱銘果然唔忿老，又跳出嚟諗住玩番鋪。
李漢奸不甘寂寞發噏風，話對泛民內訌睇唔過眼，驚泛民會輸，打算同班「志同道合」嘅人籌組聯盟，「凝聚支持」，撐所謂公投喎。佢仲話，唔排除會搵其他人幫手，暗示淫賤黎、民主老太同李漢奸呢個臭味相投嘅「搞事三人幫」可能又準備跳出嚟，攪亂香港嘞。

叮！廣告都有話「講嘢要有牙力」啦，你李漢奸貴庚呀？唔該攞塊鏡照吓自己，年紀老邁，棚牙已經好似你啲政治誠信咁，冇得七七八八啦，以為人哋仲會聽你支笛，慳啲啦。

話時話，李漢奸一向唯恐天下不亂，舊年「搞事三人幫」同港英舊電池一齊密謀五區總辭，然後想逼所有泛民「與賊共舞」，點知畀司徒華踢爆。呢，今次司徒華又睇唔過眼，炮轟公投邏輯混亂，仲同李漢奸劃清界線添。

身為白鴿黨創黨主席，李漢奸唔理黨友已經通過唔參與五區總辭，呢次又公然自組「聯盟」再次出賣白鴿黨。都係嗰句，李漢奸連自己祖宗都可以出賣，仲有乜嘢唔賣得o架？

嗱，港人有眼睇o架，咁多年來，李漢奸跟住洋主子不停鬧自己國家，唔係要求美國干預中國內政，就係叫美國向北京施壓，除咗反中亂港，李漢奸做過乜？呢次睇怕佢見自己時日無多嗰頭近，萬一兩腳一伸係咁先，對唔住洋主子嗰幾塊「狗餅」，咪諗住盡地一煲去到盡囉。

做洋人走狗做到入型入格，連「日日做漢奸」都講得出口，李漢奸同南宋害死抗金名將岳飛嘅大奸臣秦檜有乜分別？

太一叮想提醒李漢奸，出賣民族利益嘅大漢奸絕對冇好下場。係人都知，杭州西湖岳王廟有秦檜夫婦等四人嘅跪像，遊人見到都會對住佢哋吐口水，連姓秦嘅後人都作詩話「人從宋後少名檜，我到墳前愧姓秦」。

講開秦檜仲有段古，前幾年內地有個唔入流嘅「藝術家」想出名，喺上海一家藝術館搞咗個秦檜站像，話係「行為藝術」喎，結果畀人炳到七彩，民眾根本唔接受呢個大奸臣企番起身。

叮！學孔聖人話齋，老而不死是為賊。李漢奸做咗幾十年漢奸，反中亂港不遺餘力，早就應該跪低謝罪啦。佢依家居然賊心不死，仲諗住搏晒老命企出嚟搞搞震，與民為敵，死不悔改。

叮佢個鎯鎯！善有善報，惡有惡報，時辰一到，一切都報。李漢奸呢次赤膊上陣，搞風搞雨，結果必定係唔衰攞嚟衰，自暴其醜，自取其辱，等住個天收啦。

on.cc倔

[ 本帖最後由 至.尊豪庭9 於 2010-1-14 12:41 編輯 ]