做漢奸感舒服?做漢奸有冇感興奮?做漢奸有冇感高潮?

李柱銘做漢奸感舒服

「搞事四人幫」之一嘅李柱銘，孭咗「李漢奸」呢個外號已經十幾年，似乎愈做愈享受，做漢奸做到入型入格。李漢奸尋日參加社民連座談會時，竟然有參加者問佢畀人鬧係漢奸嘅感受，點知佢相當興奮，即時記番起多年前第一次畀人鬧漢奸時正身在美國華盛頓，仲洋洋得意咁話：「我當堂舒服晒啦，連漢奸都鬧埋咯，仲有乜嘢好鬧吖！」
記得李漢奸多年前曾經話過：「你話我做漢奸，我日日做漢奸，有需要時做漢奸！」原來畀人鬧做漢奸係可以咁舒服嘅，唔怪得李漢奸咁多年來都樂此不疲去勾結外部勢力同埋唱衰香港啦！李漢奸嘅漢奸史實在係罄竹難書，回歸前已經危言聳聽，鬧到香港回歸一文不值，到九九年美國導彈襲擊中國駐南斯拉夫大使館，佢竟然指事件為「誤炸」。

每逢香港有大事發生，李漢奸都例必到歐美多國唱衰香港，仲勾結外部勢力干預香港內部事務。早前佢又企圖迫使佢一手創辦嘅民主黨參與五區總辭，結果事敗，改為聯同「搞事四人幫」另一成員「民主阿婆」陳方安生一齊力谷所謂嘅五區「公投」，可惜兩人政治能量已微乎其微，苟延殘喘之力睇怕做唔到乜嘢出樣。