旗海真係一個特色 好真貴的相片‥‥
略有印像係雙十節有一幅好大的旗掛在18與19座間飄揚；
另外就係中秋節在走廊的石壆擺了長長的臘竹陣當對面19座被風吹熄我地就會「靴」聲四起；
還有就係住隔條中間樓梯的613是潮州的家庭會在7月14日附近的日子，會拜祭並擺滿祭品在中間樓梯
近走廊地下位置，拜完神就會給一些祭品潮州糕餅；
最深刻就數到對面19座高層有一家，喜搬出擴音機與我座某一單位「粉機」‥童年往事回到現在吖！有無人有這些相呢？？
我住18座612面向19座，我的單位後面係水房，還有樓上有一位亞姑住天井買零食。兒時老父會與我們到好運及天寶飲茶，因為媽媽曾在這兩間茶樓工作。
兄長和我是78年畢業於19座地下横頭磡循道小學(上午6B)有興趣可在 facebook chat - 79'橫頭磡循道小學，不知能否找到舊日的同學仔呢！
最最懷念就係第8座鼓油面及第1與2座間樓梯口的凍椰子汁啊！飲完係凍到頭痛一陣，但真係好正‥

好想尋找惜日的童年玩伴，我住18座612，她係住我右邊約十個單位，面向19座姓林‥她時常說衣裳竹，拆樓後好似搬往順天邨。
另一位亦係同層住係男沖涼房隔鄰的，一家有三女，姓戴的。

[ 本帖最後由 彩虹橋 於 2009-10-29 19:49 編輯 ]

昔日的7D總站係「食棧」對出，現改為公園仔。