一毫四個生果？呵呵。

引用:

原帖由 理魯竇 於 2011-1-6 23:40 發表 一毫四個君莫笑，孩時鮮果幾人嘗。 50年代生果價錢我都唔知平定貴，但都無錢買，所以都好少食生果，記得孩時有時候會和小朋友住上環果欄執生果食，因為好多時果欄會將些爛生果掉出來，有些都仲食得。 ...

生果就真係冇乜印象。但記得唔係咁平，食完飯同老豆行廟街，食件西瓜都一毛子一件，此記憶最強。而家老豆仲都成日欏番出黎講。

引用:

原帖由 suewong 於 2011-1-9 15:30 發表 家姐話佢 5/6 歲食唔飽, 要偷番薯; 到我5/6 歲, 食生果幫助消化.

1 切都是命...

香港真係好.

黃小妹真好命。我食唔飽就冇，但食生果多數都係同老豆行廟街時食西瓜。

引用:

原帖由 理魯竇 於 2011-1-6 23:40 發表 一毫四個君莫笑，孩時鮮果幾人嘗。 50年代生果價錢我都唔知平定貴，但都無錢買，所以都好少食生果，記得孩時有時候會和小朋友住上環果欄執生果食，因為好多時果欄會將些爛生果掉出來，有些都仲食得。 ...

爛生果有得執？咁就未見過。
但記得街市有好多菜烚賣，斗零一大抽，那時老媽子買斗零番黎俾雞食，老媽子好鍾意養雞。我就成日同D雞玩，D雞原來都有性，晚黑會自己番入個籠度，好乖，做時做節有雞食，就問老媽子，如果係街市買番黎既就食，如果話劏自己養個D就唔食，仲要唔開心幾日。

引用:

原帖由 suewong 於 2011-1-11 19:37 發表 similar experience, 我會 lau /now 亞媽添...

呵呵，不要心邪。

引用:

原帖由 ces 於 2011-1-12 01:50 發表

.....................

個時唔怕禽流感。

引用:

原帖由 suewong 於 2011-1-12 16:42 發表


咁當時咪會缺乏維他命 c ?

當時差不多大部分生果都係由外國黎，而西瓜就係台灣既。
那時生果並冇今日咁多，乜野火龍果、恐龍旦、香梨，也都未聽過。

只有新奇士橙、華盛頓蘋果係最常見既兩種生果，由美國來，富貴一些的，就吃提子，也是美國來，或者啤梨，由澳洲來。其他節令生果如西瓜，由台灣來。芒果，由菲律賓來，荔枝及龍眼由大陸來，梨，則是天津鴨咀梨，日本的，則係水晶梨。時最真貴澳洲啤梨，平均每個要八毛至一元。黑提子不遑多讓，要一元一磅。

不同今日既生果，品種全部亂晒，龍眼可以係泰國、橙係南非或埃及，至於藍梅及西梅，大陸都有，但相對今日既生果，已好難搵得出以前那味道了。除了荔枝外。

引用:

原帖由 suewong 於 2011-1-13 18:14 發表 細個好怕食提子, 因為通常食藥送口... 6 歲時同家姐講, 家姐嘆氣, 話我好命...

呵呵，此提子不同彼提子。
藥材舖的係提子干，一般用白葡萄晒乾而成，新疆一帶產物，用來送苦茶。黑提子乾乃地們一盒盒的，賣$1.2一盒，同藥材舖一毛子有一大把的白提子乾相比，是貴品了。
至於一般講提子，就是一串的新的黑加侖子，是水果了。

引用:

原帖由 理魯竇 於 2011-1-13 23:08 發表 c 兄，同我問下世伯點解以前賣酒的咁鍾意用個醴字，記得灣仔有間叫"醴棧 ".............以前我同d 大人買酒，多數會去第一街"吉祥酒莊" 和大馬路"和友酒行"，另外有一間在 "趙醒楠"行落少少，唔記得叫乜名 ...

因醴係指甜的酒的意思，所以多數酒莊都用醴字，就如昌隆、興盛之類。

引用:

原帖由 suewong 於 2011-1-14 17:21 發表 當時係食黑加侖子. 童年陰影, 巨峰提子都唔鍾意...

巨峰提子那時香港好少有賣，只有日本百貨公司或有。到70年代尾我到日本時才第一次見到，那時最記得還有極大的溫室蟠桃。

引用:

原帖由 suewong 於 2011-1-14 17:24 發表 mygo D 記憶力. 多口 1 問, 你會唔會傷心事, 常掛心頭 ?

會架，睇下乜野傷心事啦。哈哈。

現的細路好幸福，可以食美素佳兒奶粉，那時的嬰兒只哺母乳，沒有母乳者只食煉奶，嘩，糖份多到。

那時有四牛煉奶，但唔暢銷，暢銷者只有鷹嘜及壽星公，每罐賣1.25元，其後有冠軍煉奶，只賣1元，但都係唔賣得。

講番起煉奶，有否飲過葡萄糖開滾水？又否記得得力素同葡萄靈？

引用:

原帖由 suewong 於 2011-1-15 18:16 發表 又係童年陰影, 1 病亞媽就開葡萄糖水比我飲, 所以覺得味道...

呵呵，我就由細飲到大，冇乜特別感覺。

引用:

原帖由 suewong 於 2011-1-15 18:13 發表 嘩, 原來當時香港已有得賣巨峰提子...家姐係大丸買過文具買比我. 因為好 cute, 當時係鄰居/同學, 都好哄動...

巨蜂提子一路都覺得唔好食，塊皮好韌，咬穿左，全部都係水，冇提子味。
講番起，仲記唔記得細路仔時有D一個個波既啫喱既波波賣？係一個好似奶咀既橡膠袋，袋住一D啫喱等物件，解開個結，就咁用口吸，似足一粒巨蜂提子。