哈哈，師兄真富有，五塊錢？我每星期六只欏兩毫子，時值廣智戲院未拆，那戲院專做二輪電影，每套電影都只做兩至三天就轉畫，而逄星期六，就同老媽子欏兩毫子去買票睇黃飛鴻，前座咋。說也奇怪，星期六日都是做關德興黃飛鴻電影的。
一套電影就花一個下午，跟住睇下有冇錢剩，如果有，走去廟街推車仔食下烚蜆，一毫子一碟，用鹽水烚熟的，沒有豉椒炒的鑊氣，一大鍋酸甜汁，有少少似而家D海南雞飯既醬咁，但冇咁杰，每個人拿起隻蜆就往鍋裡點，然後就欏上黎擺入口食。
食完走去潛下籌(抽獎），廣智戲院後面有個阿叔搞潛籌別開生面，一大袋波子，一毫子潛兩次，要潛中五粒唔同色既波子就有獎。如果有兩粒相同，就馬上被中止。
唔想咁玩既可以去彈波子，那時小販真係多花款，彈波子機要彈中五粒在不同位置先有獎，彈完輸左，就欏個牌仔，儲夠一定數量又可換野。冇錢就走去租公仔書，一毫子最少有四個牌仔，四個牌仔可以租四本公仔或食四粒陳皮梅。
其實那時什麼都係玩賭運氣，潛籌又好，抽獎又好，就算租公仔書、食糖蔥餅都有得玩轉盤，轉得一定位置就會多些獎賞，如糖蔥餅轉盤就有一件、兩件、四件等，但最少都有一件，唔會完全輸晒既。但那時又沒人說會助長賭風，仍是個個樸素平實。今日既小童，太受保護，望下都話會學壞，但學壞不在環境，而在自己而已。

[ 本帖最後由 mygo 於 2010-7-2 14:39 編輯 ]

小時根本沒有什麼小販認可區，鍾意擺邊就邊，最多走鬼。
那時，油麻地廣智戲院一帶是小販集中地，因近廟街之故，小販特多。
有賣面粉公仔的，手工唯肖唯妙，有賣大菜糕的，一個雞旦或一隻小水杯，暴露在空氣中，汔車行過，行人行過都係咁食，食時小販盛一小匙水往上面沖一沖沙塵就吃了，今日，又話不衛生。
平安大廈後有講古佬，不過，都唔知佢講乜，從來唔聽，只有D伯父及伯爺公踎響處或坐響度聽。
晚上有人唱戲，唱完賣陳皮梅之類，都係一毛子粒，俾一毛子買包陳皮梅已多謝連聲，今日聞說已冇野賣，只係打賞，聽講話俾五十蚊都唔係幾高興，算了，從來都唔行去聽。
小販賣西瓜係至愛，同老豆行過，一定食一件，每件一毛子，清甜過而家多多聲。

引用:

原帖由 suewong 於 2010-7-2 23:22 發表 亞哥研究過, 發覺轉盤有"轎妙", 1 定中唔到大獎, 最多中 d 細獎, 而且多數唔中.

就像賭神中田雞在台南賣燒腸那樣了，有磁石。

引用:

原帖由 PLAYERalex 於 2010-7-3 01:24 發表 5毫子囉!誇張少許都唔得!正場前座好像是$1.20

正確。
普慶戲院正場座係$1.2，中座$1.7。
光明、第一新正場$0.6， 中座$1.2
廣智(二輪)前座 $0.2，中座$0.4。

引用:

原帖由 suewong 於 2010-7-2 23:22 發表 亞哥研究過, 發覺轉盤有"轎妙", 1 定中唔到大獎, 最多中 d 細獎, 而且多數唔中.

照理應該唔會既，因為個轉盤係圓既，上下左右(12點、3點、6點及9點位置)都有三件或四件的區域，傾鈄同等稱的位置沒有任何利益，只不過係細到好神奇而已，要支針停正個咁細小區域已有一定難度了，如果話加埋田雞既磁石效應，可能性會高DD。

引用:

原帖由 suewong 於 2010-7-3 18:31 發表 亞爸每天放工, 都比 1 毫子我, 70 年代, 應該幾好. 不過我懷疑入 side 家姐 / 亞哥袋.

一毫子可以食碗車仔面加豬紅豬皮Lu。
唔食都可以食街邊鹵味，生腸、雞腎一樣有兩味！再唔捨得咁快食完咪要兩隻橙色既雞腳，可以食成半個鐘。

引用:

原帖由 kintsun 於 2010-7-4 08:10 發表 小時在大坑東平房舖仔玩過,紙板掛滿實物獎品,心好其中一款射吸盤咀的膠槍,每天課餘必往進貢,從紙板下部貼滿密封號碼的小紙塊中撕下其一,小紙塊兩層,上蓋统一的圖案,下層則是抽獎號碼.進貢一輪,心心不忿,乃 ...

唔知Ching乜法子，有兩三個年代，早時年代或者可以，但後來小販都精左，但我就冇試過，諗過就有。

第一代，呢D潛籌紙仔，點呃得我地呢D成日響街做人既細路吖？其實有得賣，好平，如果件獎品值二元，有人可以去買番同一款既潛籌紙仔，所費只係一、二毫，買番來就自己開，跟住記住小販既獎品號碼，然後就欏中獎號碼去扮中獎...

第二代，小販可能發現有人咁做，就用箱頭筆在上面劃一條痕，小販對過其他筆痕是否吻合先俾獎。

第三代，潛籌印製者可能已發現這一問題，在所有潛籌面上都有特定編號，如：838、344等，這一些編號是沒有相同的，這等號碼外還有花紋，想用這方法，已沒有可能。

順帶一提，這三代應該在一年間左右全部發生，時間極短。

[ 本帖最後由 mygo 於 2010-7-4 10:13 編輯 ]

引用:

原帖由 PLAYERalex 於 2010-7-4 01:49 發表 另外有一種抽獎游戲,不知有誰玩過?一大張紙牌,上面釘了很多的獎品,大概有20來個獎,各自寫上號碼,另外有幾個特別號碼的大獎。下面則是用作抽獎的密封號碼("潛 Number"),抽中獎品的號碼就中獎。一版大概有10 ...

呢個問題我地好細個時已有諗過。但證實未必個個店主如此。
事關我地靚仔日日行過，佢有乜野獎品，知道晒，一般我地會睇住佢係新既潛籌板我地先會去抽，佢成排既，如果欏出黎冇左一兩個，一眼就睇得出，唔抽。同時，亦都會話俾同學仔知唔好抽。

同時見到個獎品唔見左，突然間又痴番響度，就係俾人做手腳。

但我地幫襯開既幾個店主都冇個情況。

補充一下：呢D潛籌板既獎品，如果唔係有序既唔好潛，多數呃人。

例如，獎品編號多係1字結尾，如1號，11號，21號，31號等，即係話逢抽到1字或1字尾都會有獎。呢D比較可靠，因為做手腳好難響紙板上抽晒1字出黎。

如果，獎品係亂數，就係有古怪，有可能店主自己抽左幾個出黎之後再寫上獎品編號。

引用:

原帖由 suewong 於 2010-7-4 17:09 發表 你地好醒目。 我仲諗住回 帖，話而家 d 細路，唔會好像我地當時咁蠢上當。我估 Kintsun 用哩個方法，抽到心頭好。  

其實，我地好當個成日響街做人，古惑野唔多唔少識D。不過，就冇群埋D牛王仔，加上錢財有限，所以對呢D野特別緊張。

引用:

原帖由 suewong 於 2010-7-4 17:20 發表 mygo 心水好清。 相對你，我真是成舊飯。 有無發覺，當時佢地做小生意，都搵到食，相對其他人，已經好好。

其實，大部分都唔呃人架，因為來來去去都係個班細路仔，你一揚開一左，佢地做生意就有問題。

當年，大家講信用，小販（一個小販推既車仔)都有信用，可以發行D牌仔，牌仔可以換野食，換玩具，十年如一日，邊有而家咁，收完你錢，聽日都唔知去左邊LU。

引用:

原帖由 suewong 於 2010-7-4 17:26 發表 我估你最後有俾錢佢抽獎。 你個孫好像 5 歲了。對不對 ？我的侄孫 2  歲，都唔知這是抽獎。只是覺得過程好得意，想玩。

哇，你地真利害，我個侄女才不夠十歲，我姪仔都係讀中三咋。

引用:

原帖由 suewong 於 2010-7-4 17:45 發表 因為我亞哥大我 10 多年。我地估過，第 3 代 得佢 1 個，因為其他小輩 唔生 / 無老人家幫手睇住賓賓。 血濃於水, 雖然佢好醜樣，又惡死。但見到佢，我就好開心。

哦，原來相差咁遠哦？不過，我最大的大哥跟我最細的細佬一樣相差十五年。

引用:

原帖由 suewong 於 2010-7-4 17:49 發表 記得。不過記唔記得，我提過 60 / 70 後的分別 (雖然我是 60 後後)。 當時我多數同學都是衣衫檻褸，皮黃骨瘦。70 後既草根，在 60 後已是小康。

其實，６０年代至７０年代初改變好大。
７０年代開始經慢慢好轉。比６０年代相差好遠了。
在６０年代中期，好多徒置區開始興建，舊樓拆卸，如牛頭角新村、慈雲山新村等都是６０年代落成入伙的，代之而起的，就是舊的樓宇一間一間的拆，在短短十幾年間，令香港變化很大。
那時小學同學，因搬遷而停學轉學的大有人在，至今全無聯絡。

衣服，去邊都係白恤衫、藍斜褲。番學都係佢。

引用:

原帖由 kintsun 於 2010-7-5 16:02 發表 「第一代，呢D潛籌紙仔，點呃得我地呢D成日響街做人既細路吖？其實有得賣，好平，如果件獎品值二元，有人可以去買番同一款既潛籌紙仔，所費只係一、二毫，買番來就自己開，跟住記住小販既獎品號碼，然後就欏中 ...

呵呵，我最記得那些潛籌紙仔，好似係毫半子兩張。個陣時真係諗過咁樣做，但係又細心諗一下，日日響度蒲，會俾人發現，最後都係唔好搞啦。
可能都唔褃我地諗到，亦可能有人咁做過，如果唔係，D小販邊有咁快用箱頭筆劃記號呢？

最後，都唔使劃了，生產商都知道問題所在，全部印左號碼。

至今仲認為好野，呢D潛籌紙仔，點可以做到每張既號碼在不同位置呢？

引用:

原帖由 suewong 於 2010-7-5 16:49 發表 相差咁遠, 我覺得幾好. 亞哥 / 家姐細個成日打交, 但多數都好錫我. 其實亞哥係典型既 40 / 50 後, 大男人, 但家庭觀念重. 佢覺得長兄當父, 照顧 / 關心 d 妹, 理所當然.

你就好啦，細，我地響中間就冇咁幸福了，兄弟姐妹多，打交時時有。不過打完一陣又冇野。

引用:

原帖由 suewong 於 2010-7-5 17:15 發表 你細細個, 就識得 3 思而行.

其實，好驚架，個時細個雖然話響街度成日玩，但始終都係唔啱既野，唔係好敢做。

引用:

原帖由 kintsun 於 2010-7-5 16:02 發表 「第一代，呢D潛籌紙仔，點呃得我地呢D成日響街做人既細路吖？其實有得賣，好平，如果件獎品值二元，有人可以去買番同一款既潛籌紙仔，所費只係一、二毫，買番來就自己開，跟住記住小販既獎品號碼，然後就欏中 ...

kintsun兄，可以收集到咁多咩？因為都有好多種唔同既花紋圖案，唔同好易穿既喎。