引用:

原帖由 suewong 於 2010-11-6 16:40 發表 me too...因為虎豹別墅好恐怖, 所以父母冇帶我去過...成年後, 喜歡去教堂, 因為氣氛肅穆, 令人深思, 反而東南亞的廟宇, 營造不到此效果...

細個時好怕看到十殿閰王，非常恐怖，我細妹一看到就喊，話D人好慘。老媽子仲話：拿，打老豆老母第日就要咁既嘞！(嚇到如今都唔敢打老豆)
大個左去睇就有點反胃，睇完唔想食飯。但已冇左恐懼感。
年前因公到新加坡，亦去彼邦虎豹別墅看過，唔見有十殿閰王壁畫，只有鬼門關，有點似以前工展會鬼屋，而南洋虎豹別墅亦遊人足跡不多，甚為荒涼。

引用:

原帖由 mtpen 於 2010-11-8 11:07 發表 你就好喇，身光頸靚兼可去虎豹別墅玩，仲付得起影相錢。  當時我哋朝早都唔知晚頭黑有否飯食。  

講起以前的影相佬，收人錢代人影相，都甚有信用，現今我睇冇人會啋你，因為俾左錢，你幾時寄番相黎都唔知。或者去如黃鶴都唔定。

引用:

原帖由 mtpen 於 2010-11-8 19:32 發表 當時啲大人，自知唔夠公信力，於是 take the easy way，借鬼神之說以收阻嚇之用，可以理解。  若然今時今日仍用之，會得反効果，被子女笑無知，自暴其醜兼 naive。  又若然子女今時今日 ...

係呀。
個時資訊不發達，人們知識貧乏，細路仔亦相對愚昧。

阿媽呃我好多野：

茄子：叫矮瓜，細路仔唔好食咁多，第日唔會高。
雞旦：隔左夜唔好食，如果唔係就會....
頭髮：食左落肚，會纏住D腸，纏纏下會死。
香口膠：唔吞得落肚，黏住D腸會死(試過一次唔小心吞左一粒香口珠落肚，等死等左一星期，又唔敢同大人講)。

引用:

原帖由 mtpen 於 2010-11-8 21:16 發表 Mygo兄，咁隔夜雞旦食咗會點唧，吓？   

你係真唔知定假唔知哦？我講出黎一陣唔係幾好意思嘛。

引用:

原帖由 mtpen 於 2010-11-9 10:06 發表 我知！  不過我驚其它網友唔知，食咗就大劑咁啫！  

細個真係無知，咁都會人呃？

大左就會問，點解隔夜就有問題，隔日就冇事？

引用:

原帖由 mtpen 於 2010-11-9 13:07 發表 以前啲大人講嘅嘢，一知半解，以訛傳訛。   好似話蕃茄濕熱咁。我哋上一代疴屎唔出就話係濕熱。濕鬼濕馬咩，蕃茄皮不易消化，但易入口兼好食，唔識節制食多咗， ...

其實，仲有好多野都係俾佢地呃。
好似話：

唔好著住袜睡覺，當然，這樣血液不循環，會導致雙腳腫脹，呢種情形係坐長途機時容易發生，但就絕不如老媽子等所講，著住袜睡覺，會「發大台」，意指，隻腳會腫脹到「天殘腳」咁大隻，真係俾佢嚇死。
千祈唔好鯁雞骨，雞骨甚硬，小童消化極有問題，但就唔係佢地講話鯁雞骨冇得救，要用老虎爪去爪喉嚨先可以醫。

仲有洗完頭一定要等到佢乾晒先可以訓覺，如果唔係又話有「大頭瘋」(個頭發到大頭佛咁大)，要用百家柴(去一百個不同家庭取用木料)煲水洗頭才可治癒。

唉，真係無知。

引用:

原帖由 suewong 於 2010-11-9 18:14 發表 唔知點解, 聽番哩d 大話, 覺得好好笑 (細個咁蠢), 同埋好 sweet...

哈哈，人就係咁，而家D細路仔，邊會信呢D野。上面理魯竇兄所貼之胡文虎7.jpg一圖，右面的瘦骨嶙峋老人，至今不知是誰，但每至虎豹別墅，老媽必曰：「此乃六祖，如斯瘦削者皆因少吃也，汝常不吃，日後定必貌似之。」細個成日唔肯食飯，老媽一講，想起就驚，唔食都食了。但想那老人，必不會是六祖慧能吧？