RIP！

讀書時曾到過菲律賓，也是我這麼大個人唯一一次到菲律賓，之後都冇去，第一，冇好感，響一間豆泥餐館食飯，都要有持槍警衛做保安，實在不覺得會安好到那裡。
有一晚，同團幾個團友外出遊玩，坐的士回酒店，個的士司機不落錶，至酒店，話幾錢幾錢？有團友問：為何不落銇呢？司機即在袋中抓出手槍放在咪錶前，嚇得付錢即走。自此後都冇去過。

曾蔭權音咁多次事件中做得比出色算係今次。
但昨日睇無線直播新聞，話所有人質被殺時，竟然聽到有人在大笑，真是沒有人性。

引用:

原帖由 hkgalbert 於 2010-8-24 20:22 發表 大陸當然有能啦！記得臺灣觀光團遊浙江省的千島湖嗎？被賊匪燒屍，人體及衣衫皆已變灰炭，手戴的金勞竟能絲毫無損！當年港府都未有列「大陸」黑色觀光警告；今天呂宋的個別神經佬劫車就列入！

老兄，當年的香港同今日已經唔同了，我都講過，回歸後，我反港府施政多過贊成。但呢件事我又唔係咁睇。
但今日，香港抽水的人何其多？在另一個論壇，一樣有人咒話亞視個Logo唔用黑色喎，咁既水都欏黎抽，有點過份囉。
司徒XX又話鬼節影響槍手喎，咪一樣抽水？要點講把口都響人度，一個政府，做左自己要做既就得啦。
今日香港政府已是一個弱勢政府，你點做都有人話既啦，點同十幾二十年前？有好多野，都係門面工夫、公關技巧黎姐，何苦睇得咁重？
唔通發個警示你估香港人就唔去咩？上次泰國一樣發黑旅警，D人咪一樣咁去？

我今日已幾十歲人，我唔食飯，阿媽都係咁叫，再晏D唔食，就淥埋碗公仔面欏入黎，你估我咁大個人真係餓唔餓唔知咩？出於關心，我睇點都冇乜錯既。

引用:

原帖由 hkgalbert 於 2010-8-24 07:05 發表 大陸不是更亂嗎？港府小題大做，個別搶劫事件，竟然發出「黑色觀光警報」，又浪費納稅人血汗金錢去包機接送！:fire:

包機，係代表一種心意，響咁既意外、環境下，就算做乜野都無補於事，咁是否乜野都唔做呢？這時對死者親屬多一點關懷，多一點安慰，係一個負責任政府應該要做架！

唔好太執著啦。咁做人好辛苦架！

引用:

原帖由 ali 於 2010-8-25 05:22 發表 睇dailymail 話有2個生還者係British national，又唔見英國佬出手 。http://www.dailymail.co.uk/news/ ... ostages-killed.html

British National並不British Citizen，可能仲係BNO，英國佬講到明係旅遊證件，大陸出左面，佢仲唔側側膊咩？

引用:

原帖由 bobbystar2100 於 2010-8-25 00:18 發表 其實好多人無必要因為咁而抽水，太感情用事了！一個好既民族，應該理智點去睇整件悲劇，要鬧既當然要鬧，但同別國民族無關，如果大家係針對菲律賓人，咁就變左對事不對人，而抽水既就更加無恥。注：我係講緊網 ...

任何人都有情緒既。香港還好，在大陸，如果對方處理不好，很容易做成仇菲情緒。

所以我話阿奎諾政治IQ零旦囉。
作為一個政治領袖，表現其實好重要，發生左D咁既事，響菲律賓可能日日都有發生，所以都唔當一回事，但發生在外國人身上，就未必係咁，做好做醜，真心又好，假意又好，點都要做一些門面工夫架啦，走去旅遊遊巴度笑口騎騎，開記者會態度輕佻，又要笑笑口話俄羅斯咁有經驗，都死咁多人....睇到人眼火爆。

引用:

原帖由 ali 於 2010-8-25 19:29 發表 有部份港人以為持BNO等於係英籍，到時係外國出事咪又係拍中國使館門。

BNO跟特區護照權利同代價不成正比。特區護照：HK$2xx，BNO：HK$13xx。

多千幾銀，又冇乜Jetso，如果我唔係貪佢有個美國免簽我都費事欏。

引用:

原帖由 meijik622 於 2010-8-25 13:41 發表 終於覆電特首致歉 菲總統辯解忙救人2010-08-25八名港人遇害，菲國政府受盡千夫所指，總統阿基諾三世昨日傍晚終回覆特首曾蔭權的電話，親自向曾蔭權致歉，解釋在事發當日因忙於指揮人質營救，才沒有接聽曾的來 ...

呢條阿奎諾，講大話唔眨眼。頭先仲話，佢開記者會時既微笑，就係代表憤怒，佢不如話槍手殺人係為左D人好，唔使做人咁辛苦？呢個國際社會渣子真係....

引用:

原帖由 suewong 於 2010-8-25 22:42 發表 希望只是個別例子，Now 和 蘋果報導，有菲律賓人把現場當作景點，專程去拍照。 2nd thought, 難道是香港人平時的作為，令菲律賓人有此表現？

係真的，國內新都有報道。

仇華情緒菲律賓不及印尼那麼利害，但一向都有。
都係錢作怪而已。
華人在菲，都是勤儉致富，菲人懶散，導致華富菲貧，菲律賓貧民住的房屋破落不堪，華人墓地竟然窮奢極侈，成強烈對比。
在第三世界，仇華似見怪不怪。

引用:

原帖由 suewong 於 2010-8-25 23:03 發表 唔係o丫，你唔算好過份。個時亞媽不在，亞哥叫我去佢屋企住。我答：你屋企唔係我屋企。

今日響小巴，見一對母子坐在一起，母約三十來歲，子，十歲不到吧。後面坐一男子，年紀不太大，不到六十。
母子傾談，面男子時而搭咀，知是女子之父，兒之外公。

閒談間，孩童突曰：車，佢係你老豆之嘛，又唔係我老豆。男子苦笑。

引用:

原帖由 suewong 於 2010-8-25 22:56 發表 同意!!! 你就好啦，仲有亞媽錫。 諗起其中 1個女仔，拾零歲，咁就變左孤兒。

有媽的孩子像個寶，此話不錯。

引用:

原帖由 ali 於 2010-8-26 07:09 發表 BNO 有美國免簽？真的 我早前check 過 USA不在免visa名單http://ukinhongkong.fco.gov.uk/e ... no-visa-free-access

呵呵，我講既係BC，因為BC同BNO係同一價錢的。我令你誤會了。

[ 本帖最後由 mygo 於 2010-8-26 09:57 編輯 ]

引用:

原帖由 meijik622 於 2010-8-26 18:48 發表 今日心情唔多靚,去了洛克道酒吧,飲酒,本來沒事,,,,.一個人飲酒,但菲律賓d人,棊某人,話點睇呢件事件,第問菲律賓總統笑嘜能野呀,D賓仔話好少事啫,你地成蟲,到說没有問題,,,结果我在洒吧話了一 ...

都唔知係咪因為事件影響，呢幾日情緒好低，乜都唔想做，成身唔舒服，但又講唔出邊度有問題，訓又訓唔度，以前響床上訓唔到，就走出廰訓梳化，今次連梳化都訓唔著，坐在按摩椅，又訓唔到，到五點幾天光，好辛苦！

引用:

原帖由 hkgalbert 於 2010-8-27 00:22 發表 So 要切底解決，菲律賓政府就應當立刻解散，然後由華盛頓派一名總督接任，從此美國旗上就變為53顆星。不過後遺症是：1) 家有呂宋番婆的港人家庭就大鑊，因為披索變成美金時，呂宋番婆亦變成富婆，何須跟您打 ...

恕小弟拙劣，唔知老兄想表示D乜。

引用:

原帖由 牛奶蛇 於 2010-8-27 06:14 發表 我反對, 美國人已經浪費太多金錢落無謂人身上, 現在中國不差錢, 還是由中共派個貪官過去管冶, 做個負責任的大國, 以毒攻毒斗腐敗,說不定可起死回生.

其實世上人，的確有優劣之分，但最大問題還是在於制度。

孔子在幾千年前已經講共產主義行唔通：「今大道既隱，天下為家，各親其親，各子其子....」
毛澤東還抱著共產主義不放，仲邊有運行？做又三十六，唔做又三十六，你做都得啦，想唔窮都難。只有制度的改變，才能發揮人類的本性。