講番起，以前細個成日唔肯食飯，要老媽子買燒臘店的鴨腳包做餸，每個三毛子，入面有塊豬膶，一隻鴨腳，一塊肥豬肉，用條鴨腸綁住黎燒，個時覺得好好味，而家諗起都驚。

引用:

原帖由 meijik622 於 2010-4-6 13:25 發表 答..靚女阿芷一樣係砵仔糕羅傳統的砵仔糕以黃糖、粘米粉等造成後砵仔糕加入紅豆亦有砵仔糕改以白砂糖製造，因而是黃色白色的。剛蒸好的砵仔糕，暖、滑、香、爽。男仔多數撰擇黃色,因色濃及甜D女仔多數 ...

而家D砵仔糕，顏色就靚嘞，但都唔知搵D乜野整。唔係好敢食。
講番以前既小食，真係味道一流，上面D鹵味，以前記得仲有染成橙色的雞腳，仲有鹵水牛肉等，非常好食。
碗仔翅，放學由九龍塘坐巴士去旺角域多利戲院或油麻地廟街，一毛子碗，真係又香又好味，而家既碗仔翅，漿糊水，又冇料，已冇食好耐。

引用:

原帖由 suewong 於 2010-4-9 20:42 發表 可能以前餓; 而家 d 野粗製濫造. 好像牛雜, 真的不好吃.

咁又係，以前話窮，但真係好多野食、野玩，乜都食得一餐，玩得一餐。
金絲貓、蠶蟲、公仔紙、波子、面粉公仔、吹氣糖公仔、棉花糖....

引用:

原帖由 suewong 於 2010-4-10 20:29 發表 唔係丫. 中央幾好食.... 好像牛雜, 而家係急凍, 冇新鮮. 而且批發商 1 早調好味, 于是味道千般1率.

其實唔止牛雜，魚肉燒賣、魚旦都係咁。

引用:

原帖由 suewong 於 2010-4-12 19:42 發表 唔知點解, 學唔識吹波. 小時覺得好唔開心...

吹波就識，唔難，但吹完仲要得得聲就難。
講番起，個時流行白雪公主吹波糖，唔知有冇人玩過，將未食既吹波糖幾塊鍊埋一齊，兩個人欏住四個角，揚下揚下，咁佢就會大，大到好似張棉胎咁，好好玩！

引用:

原帖由 meijik622 於 2010-4-5 22:09 發表 燒乳豬（亦稱烤乳豬）是傳統食品的一種。製法是將二至六個星期大，仍未斷奶的乳豬宰殺後，以爐火燒烤而成。世界不同的飲食文化中都有燒乳豬這種菜色。中國在西周時相信便已有食用燒豬。當時八珍之一的「炮豚」相信便 ...

講番起乳豬，師兄圖中既應係乳豬全體。
但實，一睇就知，根本唔足，一隻乳豬，點止咁少件？每次宴會，都標明乳豬全體，但都係每人一舊，十分搵笨，我估酒樓應該偷起一部分。唔知有冇師兄知，到底偷左多少，偷完的又用黎做乜野呢？

引用:

原帖由 YU? 於 2010-4-28 11:02 發表 由來已久的「傳统」吧。說話87年冬，參與一飲宴(席設灣仔Ｘ京大酒樓)，至"當紅炸子雞"上席，於飲酒閒話之際，忽有一小輩嚷曰：「點解隻雞得一隻雞翼嘅？」而更妙的是，待應答曰 ...

其實，係非常討厭，真係要海關查下有冇呃人。乳豬其實真係少得可憐，最離譜既係個頭同腳根本不成比例，都唔知去邊搵D腳番黎，又細又奀，仲要同隻豬唔同色，真係極過份。個頭同兩隻咁既腳仔，你就上碟，搵阿水食咩，全體，我係要食肉，肉，食得既你就唔斬上黎，仲唔係搵笨？好多講乳豬全體，問都唔問，就同你片皮上，咁你話啦。阿Sue姐講既北京填鴨，其實冇咁過份，因為大多數係堂上片皮既，但係就懶，只片胸背部及脾，其他都唔片。其實大部分都可以欏番隻鴨瞉既。

[ 本帖最後由 mygo 於 2010-4-28 14:23 編輯 ]

引用:

原帖由 meijik622 於 2010-4-28 12:30 發表 吃午飯,走先,真係去吃乳豬飯

拿，咁就真係差唔多嘞。我睇到一行有十三舊，共有四行，應該係五十幾件。而#96師兄貼出黎既就真係一般酒樓既乳豬全體啦，我數過，第一行九舊，第二行八舊，第三行八舊，合共二十五舊，一圍十二人每人得二舊。足足偷左半隻。簡直豈有此理，此風不可長。

[ 本帖最後由 mygo 於 2010-4-28 14:30 編輯 ]

引用:

原帖由 suewong 於 2010-4-29 00:13 發表 鴨殼整的鴨鬆都是少得可憐.. 食過冇偷工減料既, 真是食極都唔完...

梗係啦。如果真材實料邊有咁少架？


鴨鬆一樣偷架，你食雪菜火鴨絲炆米或窩米，就係呢D下欄黎既啦。所以我永遠唔食呢D火鴨絲炆米之類既野架。

引用:

原帖由 dirtyoldman 於 2010-4-29 10:45 發表 一鴨三吃乎（一隻鴨賣給三枱客做鴨鬆）？

仲有火鴨絲炆米。

引用:

原帖由 suewong 於 2010-5-6 17:51 發表 近來學做煮飯婆，發覺食材好平 (我已專買貴野) 其實飲食業 好好賺..

完全同意。而家酒樓既豉汁蒸鳳爪、薑蔥牛栢葉等，其實係非常平既食材，但就俾酒樓賣到貴晒。
十幾蚊一碟，不夠三隻雞腳，急凍雞腳不外一元一隻而已。毛利係400%-500%。

引用:

原帖由 36D 於 2010-5-11 16:58 發表 以前跟阿爺去上海街金唐飲荼，D义燒包好食到不得了，而家D酒樓的义燒包，真係差天共地。

以前乜都好食，炸大腸，嘩，正，而家D炸大腸，一早切定一串串，你買時放番落油度炸番熱俾你，有D直頭連抺都唔抺，大佬，有冇職業道德架？食串大腸食到隻手肥淋淋。

碗仔翅：以前香到不得了，而家只係漿糊水。

現在保持到水準既，只有那些橙色的鹵水生腸，因為唔使整，亦冇味，只靠豉油同芥苿、甜醬做味。

引用:

原帖由 suewong 於 2010-5-12 21:36 發表 有舊同事在連鎖快餐店做過管理層, 話成本最貴是租, 然後是電 / 人工. 有 d 地區冇得賺...未有領匯前, 在屋村開食肆既最好賺. (人工 / 租 都平). 所以當時咁多人反對...

Sue姐：其實話人工貴既根本係剝削啫，根本主要開支在租金，其他水、電係其次。但水既排污都唔係野少。

講番人工，而家仲講二十蚊一個鐘，就算俾你二十八蚊個鐘，都已經比以剝削。點解？
以前茶樓酒家，分工精細，十分有系統，而家，所有人一腳踢，都已經慳左唔少。
以前酒樓，分經理、部長、應及練習生。侍應生只負責沖茶及擺放碗筷等，絕不會收已用過的碗筷，用過的碗筷由練星島日報生收取，這樣，可確保侍應不會處理過不潔的碗筷又拿取食物及沖茶等，而經理及部長更是碗筷都不碰，他們只責片皮鴨等堂食東西。
比起現在，侍應賣埋點心、收埋用過既碗碗碟碟，甚至抺完鼻涕的紙巾等，然後，又用手「拿」茶葉沖茶俾客人，睇見都嘔心。

引用:

原帖由 suewong 於 2010-5-13 21:33 發表 Sorry, 講得唔清楚 -  "成本最貴是租, 然後是電 / 人工", 意思是, 出街食飯, 大多數既錢, 不是比係食物上. 而是租最犀利.人工 如果同電 費差不多, 貴極有限...  

係呀，食野根本就係食租，但而家小販，好似都唔放過你地，就算唔使租都唔會平俾你。真是人間何世。有時諗番，小販食水更深。

引用:

原帖由 suewong 於 2010-5-13 23:28 發表 同意. 好像九龍城 1 些自己物業的食肆....

街邊碗仔翅都賣10蚊碗就真係冇乜道理，生粉水搭小小酒樓煲過湯既瘦肉絲，仲細過頭髮。

引用:

原帖由 suewong 於 2010-5-14 23:20 發表 反而我最欣賞是那女同事男家, 全個家族, 搵到錢, 識 / 肯用. 好多草根階層, 尤其是老 1 輩... 不是說笑, 家姐有舊同事 (50 / 60 多歲), 有幾個的士牌, 幾層樓 (全部供滿), 營養不良 (不為 ...

唉，人過左大半世，仲慳黎做乜呢？食左先至講，到第日再過多十零廿年，想食都冇牙，想旅行都行唔郁耳。

某日坐地鐵，我隔離位阿叔同人講，自己移民加拿大，欏住六百萬去投資，幾年後變左千二萬，俾錢仔女買樓、結婚，洗下洗下，自行旅行，食下，幾年又變番千二萬，又食又使，又過幾年，又有千二萬響度，個本永遠響度，仲有得使，有得用。呢D先真係識嘆。

[ 本帖最後由 mygo 於 2010-5-15 02:06 編輯 ]