塞翁失馬，焉知非福？塞翁得馬，焉知非禍？


今日，我照常返到公司；因為，我要交待身後事與公司鑰匙！再者，我重要清理與收拾自己之私人物品！所以，我比平時之返工時間，略為遲少少！因為，最高話事人 ... 些粉上司之返工時間；大約係十一點後十二點前！但，有時都會勁遲；大約十二點半先現身囉！

所以，假如 ... 我照平時返工時間出現 (九點)！我估 ... 我真係變咗做化石；因為，我唔會放置太多野係公司；所以就算真係收拾遺物？！我相信一個鐘，已經可以清空自己個位與櫃檯！因此，我將剩餘之時間，用嚟上網揾工或與網友傾計；甚或，致電朋友問近況！

正當我放低電話筒後，些粉上司就蒲頭；並快速行近我身邊話：亞貓，與妳傾幾計！吓？！死刑都判咗啦？！重有乜好傾呀？！況且，我交待一切後，就極速閃人！因為，我唔想被她老人家咬住陪食飯嘛！不過，些粉上司妳響咗口，話有事與我密談？！好啦 ... 反正又唔係忙？！咪嘥少少時間，看看妳老人家講乜！

點知 ... 結果真係出乎我意料之外！因為，些粉上司，竟然叫我做到一月尾！嘩 ..... 發生乜事呀？！我已經被新公司解僱咗！點解些粉上司，妳重留我係公司？！當時，我真係抓爆頭？！可能些粉上司，睇到我個傻樣？！所以，她老人家就解話：我個部門現在只得我一個！但，全公司所有大少雜項，必須係二月頭搬到新公司；所以，我想妳幫幫手，做到一月尾，好等我有多個人，齊齊處理所有運作！

嘻嘻嘻 ..... 真相大白啦！原來新公司，無打算派人過嚟幫手收拾殘局！所以些粉上司就咬住 ... 我呢個妹仔唔放啦！算啦，我又未揾到工！何況，重有錢袋落袋；何樂而不為呀！問心，無人會嫌錢腥呀！阿門！

雙喜臨門，好事齊來；終於行運，唔駛失業！


今日，我真係好合皮 ... 哈哈哈！因為，我再無後顧之憂 ... 嘻嘻！點解？！

事故，我已經找到新工作，呵呵！再者，薪金都唔錯；其次...重有第二份工，等緊我明日去見！所以，我有感幸運之神，再次綣顧我呢個傻妹仔！

坦白講，我都要多謝一個 ... 茶煲上司；因為，唔係她老人家比機會我去進修？！我相信我未必有今日之成績與進步！況且，我真係無諗過自己可以係短短十個月內；修讀到兩個短期課程！所以，我真係好感激茶煲上司囉！雖然，她老人家之脾氣，真係超級惡頂與難以估計；但，她始終都令我學識咗好多 ~~ 我未曾試過或見過之事！重有，如果無茶煲上司所寫之推薦信？！我估我真係無乜機會，找到份好工？！或者，可以話係即見即成！

問心，如果唔係茶煲上司寫得好？！我諗就算工作經驗勁多或年資長？！都未必會有好工！因為，長江後浪推前浪 ... 唉！所以唯有增值，才有更好前途與錢途！阿門！

新工作，新環境，新人事，新作風；悲喜交雜！


昨日，正式返新工啦！感覺 ... 真係有少少緊張加擔心；可能，一切由零開始？！或者，自己將要接受無限量挑戰？！

點解？！因為第一日返工，已經要開夜；重要係由早踩到晚，未停過手！講真，我無諗過會忙到反肚？！甚至連食飯時間都要開工！無計啦，新公司係專替人找工之公司；所以忙係理所當然之事！否則都唔駛請人返來幫手？！況且，公司間唔中，都會找幾個兼職返來開工！相信應該係人手唔夠？！問心，日日知返工；唔知收工？！有幾多個人頂得住？！

坦白講，我自己都怕 ... 有日會捱唔住！所以我會邊做邊搵，看看重有無其他機會？！現在未係旺季都忙到扑直！如果到暑假或放榜 ... 點死？！阿門！

日做夜做，自由消失；無得上網，失去聯絡！


我真係無諗過，我自己會變咗失踪人口組之一份子 .....

唉！相信，或多或少，都係與我返咗呢份工有關？！點解？！事故，新公司無安裝上網服務；所以，我咪無原無故消失！再者，呢份工勁困身，差唔多晚晚都要加班，搞到我無乜私人時間！總之，係公司既時間；多過係屋企 ...

唉！雖然加班有錢落袋；但，有時真係唔想開夜！問心，日日返朝九；收就晚九或十？！講真，點頂呀？！總之，你早收工就好似係罪人一樣！坦白講，我唔係簽咗賣身契？！我無義務日日直踩到尾？！再者，我唔係機械人！我只係個凡人，我都會累或要休息！

或者，公司某主管，身懷絶世武功？！可以日做夜做，唔駛休息？！又或者，她視財如命吧？！

怪獸公司，收買人命；有病請假，諸多留難！


今日，我又發現咗 ... 新公司之不成文規則！感覺真係勁不知所謂，兼有少少無奈！

點解？！事故，我呢個傻妹仔，有少少牙肉發炎兼發冷；所以，咪晨早打咗個電話返公司請假！點知，個冒牌雞精話：妳睇完醫生後；再撥個輪返嚟！因為，公司呢排勁多文件要處理；所以，最好就唔好唔返啦！

嘩 ... 無事呀？！想收買人命咩！問心，如果唔係塊面腫咗？！我返嚟都無所謂啦！再者，啪咗藥，個人都勁迷！就算，真係返咗公司；都無精神工作啦！況且，隨時有機會做錯或做漏任何工作！但 ... 結果，咪又係自己硬食！

講真，無人想有病痛或唔舒服呀？！但真係有乜頭暈身熱都無計！莫非，真係要練習一身好武功？！減少病痛！

怪獸公司，工作激多；嚇壞員工，無人願做！


最近公司頻頻請人 ... 但，無幾多個做得長！大部份都係做咗一或兩日就唔見人！其餘，最多都係做一個星期就無影無終！點解？！因為，公司文化之問題，間接令到好多新人，頂唔住囉！！

問心，晚晚要你做到九點或十點；有時要做到十一或十二點，先可以放工！再者，第二日又要返九點！唔知，有幾多個人，可以頂得緊？！雖然有加班費，兼有餐食！不過，鐵人都會累或謝皮啦！坦白講，日日做到無停手；連休息之時間都無！何以有心情去消遣或減壓！假設，有心想去進修都無時間！講真，放假之時，就係安息之時！

其實，呢個問題已經存在咗好耐；只係 ... 無人提出解決方法或人手調配！或者，係我多事？！

國有國法，家有家規；人情冷曖，盡在此刻！



星期六，我終於做咗一個重大決定 ... 我要離開呢個層出不窮之鬼城！

點解？！因為，我發現咗好多問題，簡直係不可理喻！

例証一：能者多勞！
只要你快手或買力替公司工作？！哈哈哈 ... 你已經中咗頭奬；你將會得到更加多之工作量，直到當日之文件沽清為止！

例証二：口甜舌滑！
假如，你自問有把識講說話之嘴巴？！呵呵呵 ... 恭喜恭喜晒！因為，你將會成為各部門掃把之得力助手或身邊之紅人！

例証三：見高拜，見低踩！
或者，每間公司都有呢種人？！不過，事不關己，已不勞心！但，如果要保持中立或沉默？！相信，唔會有好下場 ... 唉！因為，現實係勁殘酷；只要你唔埋堆，你將會成為眾人箭靶！( 因為無人射住 ！)

例証四：是非做人情！
可能，有女人之地方；就係是非堆？！總之，講話與否，都係死狠梗，唔駛等！

例証五：亞爺心態！
多做多錯，少做少錯；唔做唔錯！也許，呢個係公司與各大門派之文化？！( 無計 ！)

綜合咗以上之茶煲問題，得出一個結論，就係左右做人難！所以，我好慶幸，自己總算無選擇錯誤！雖然，日後之發展，真係唔知係好與壞？！不過，我相信，最少會比留係呢個 ~~ 江門幽靈之地為妙？！願我安息吧！

愛...是這麼近,那麼遠, 性...是隨心所慾? 還是必需品?


縁份...曾幾何時, 悄然飄落;

感覺...曾幾何時, 無聲消逝;

愛戀...曾幾何時, 浪漫綺麗;

情愫...曾幾何時, 纏綿心靈;

性慾...曾幾何時, 迷惑理智;

結束...是否灑脫? 了無牽掛?

言詞刻薄, 身攻擊; 諸多懷疑, 何必請我 ?



我從未試過... 見工會有如此畢生難忘之經歷 !

假如, 你去見工之時, 不停被人事事挑剔 ? ! (勁串或狂窒) 或者, 出言奚落 ? ! (不留餘地... 用說話打壓你 !) 甚至... 懷疑你既工作能力 ? ! (因為, 會考成績全軍覆沒 !) 總之, 整個過程, 就好似懲教處審犯 ! (事實)

問心, 我無欠你 ? ! 更無得罪你 ? ! 點解, 全程要黑口黑面兼句句針鋒相對 ? ! 莫非, 我個相頭... 令人極討厭 ? ! 還是, 學歷差... 就代表辦事不力 ? !
若果, 我真係如此不濟 ? ! 為何, 又要請我呢 ? ! 我真係好唔明 ? ! 也許, 呢個問題... 真係無答案 ? !

不過, 我相信... 公道自在人心 ! 世事... 實在有極多難以明瞭之處; 真相... 往往是出乎意料 ? ! 如果, 你係當事人... 你又會點做 ? ! 阿門 !

重重監測, 確保聲譽; 日日返工, 加倍小心 !



今日, 我無意中...發現咗一個應該唔係秘密之秘密 !

原來, 公司有安裝閉路電視兼電話錄音系統 ! 其實, 每間公司都會有可能用呢個方法...去維護公司之形象或品質 ?! 或者, 可以話...確保公司上下與其他客戶之安全及利益 ?! 也許, 較有規模之公司...總有這個需要 ?!

坦白講, 站在公司之立場...它之存在; 真係有百利而無一害 ! (方便公司做事,無論對內與外) 不過, 站在打工仔之立場 ?! 似乎...有少少壓迫感 ?! 問心, 每日之工作程序與行為...都被監視得一清二楚; 試問...有誰會放鬆或偷懶 ?! 再者, 若是有乜行差踏錯 ?! 相信...必死無疑  ! (證據確鑿)

所以, 由今日起...我會好小心兼留心自己之所作所為 ! 阿門 !

工作範疇，天天新款；危機暗藏，膽戰心驚！


昨日，我差少少...補唔到隻鑊！

雖然，最後都有專人幫拖補翻飛；但，幸運唔係必然！所以，我諗...我真係要打醒萬二分精神，兼比心機去學公司之所有運作！否則，有乜衫長褲短...咪又係自己硬食囉！

坦白講，公司其他同事，唔係個個有時間教自己；再者~~有好多細節與竅門...真係要靠多聽與多看或細心、留心去處理！總之，無事咪笑笑口；有事咪死狠梗...唔駛等！

問心，人不為己；天誅地滅！況且，有人之地方；就梗有是非！所以，我要化身做每事問~~唔識問到識；好等自己減少出錯或誤中埋伏！因為，人心隔肚皮！唔係人人都會對自己好，就算對自己好，總有目的或所求！

無計...現實歸現實，凡事總有代價！

[ 本帖最後由 只因我太痴 於 2008-7-4 00:59 編輯 ]