不過, 我一直都有一個問題, 就係佢地黎香港生係唔係一件好事,
因為香港人口係老化緊, 因此, 根本係須要人口去補充.
而香港人唔肯生仔(呢一個唔關經濟, 而係先進社會共通問題.)

佢地黎生, 我地最多貼生仔費用,
如果小朋友肯黎住, 充其量係二千大元一個月.
以此費用, 我係好難吸引一個香港生額外一個小朋友 (記住, 係額外.)

當然, 有人會講, 香港人要吸引的係高技術人才,
但係大家有無諗過, 高技術人才人人都要, 我地夠唔夠英加等地搶先,
據聞, 優才計劃申請人數不及原先計劃的一半.
所以, 我地只可以自己培養人才.

(最後, 大家記住一件事, 佢地父母要黎香港, 第一個條件係要夠六十歲,
另外, 住未夠七年沒有綜援.)

引用:

原帖由 ivan99 於 2006-12-28 01:00 AM 發表

李麗珊話養大一個細佬要400萬，打個３折都要120萬，未計7年後的綜援及房屋津貼，只計教育，平價醫療，每生一個，納稅人唔見一百萬，香港直接稅由10%支撐，個10%人就成為羊牯。

但係呢四百萬係唔係香港政府出哂先??
記住, 就算以現行制度, 香港人最多最多最多係2千大元一個月,
(你說什麼七年後果一筆係不成立,
因為如果佢地父母未夠六十歲, 根本黎唔到香港, 及來港未夠七年沒有綜援,
因此除非而家黎生的, 已經係六十歲的公公婆婆, 否則一定不成立.)

至於教育, 香港而家的學校資源係過剩(因此要殺校),
香港以前一年近十萬小朋友出生,
香港各方面都應付有餘, 而家無可能唔得.

最後, 我深信一件事, 如果我地今日唔付出,
他朝人口老化的問題會更令人頭痛,
光係減少消費所帶來的經濟循環效應,
每人每年肯定不上一百萬.

引用:

原帖由 無聊居士 於 2006-12-28 03:10 AM 發表


老兄所言,小弟就不認同,今日李怡在蘋果就有一段有關大陸大肚婆的專欄

http://appledaily.atnext.com/tem ... 37&art_id=66605 ...

你去查下例啦!!

重慶煤工果一單係流野黎,
先去入境處網頁查下果150個配額係畀什麼人,
再去社署網查下兒童最高綜援金額有幾多, 同埋人不在香港有無.