引用:

原帖由 老搜 於 2010-10-28 22:59 發表

舊啓德机場現.. 真是怎也想唔到曾極盡繁忙一時的机場, 現為滿目斷垣敗瓦,沙塵滚滚.顯唔出朝氣.

老搜兄講開啟德機塲，令小弟勾起無限回憶。

當年小弟小學會考滿江紅，惟有入讀學費50蚊一個月位於太子道454號聖若望英文書院。

我相信校址係最後張相片矮矮哋嗰座三層高建築物嗰度，隔離係西南茶樓（？有錯請指正），茶樓地舖賣建築材料。

飛機起飛時，籮柚撻正响對面馬路，跟着震耳欲聾兼汽油味極濃之廢飛噴過嚟校舍。學校冇操場唔在講，咁嘅環境都讀到書兼個肺冇事，真係要感謝天主。

引用:

原帖由 老搜 於 2010-10-29 22:35 發表

聖若望書院位置先前似是西南木園嗎?  ...

間建築材料舖是否叫西南木園就冇乜記性，但佢樓上係茶樓就肯定，雖然我窮從未幫襯過。

老搜兄嗰届要考常識科相信是俾小弟更早了。當時真係蠻荒世紀，乜都亂籠，我呢幾日得閒想摷番張成績表嚟睇，可惜搬屋太多，唔知放响邊，但我記得有一科改過嚟，但校長冇 initial 番，咁都得。可能當時亞水有打字機咩，實信係真�瞴C好彩我科科喎啫，話之佢喇！

多口問句，老兄後來成績都唔錯，入到好中學喇？

引用:

原帖由 flowingwater 於 2010-10-30 12:05 發表

當年阿水我都未出世!

咁水哥仔就要多啲上嚟睇吓我哋啲老鬼舊史點樣嘞！

引用:

原帖由 老搜 於 2010-10-30 20:16 發表

哈, 托賴合格攞到份證書,  ...

小弟乃於1962嗰屆小學會考，後老搜兄一年，我尊稱老兄為前輩好了。

屈指一算，前輩應於1966年中學會考，避開1967年狗反之年，實屬幸運，理應事事順境，得享晚年也。

引用:

原帖由 suewong 於 2010-10-31 00:41 發表

. .而+, 考完一 科, 有乜事, 即搵傳媒....

咁細個就識做刁民，香港有福了！

咁講法，我 1967 暴動嗰年中學會考，試塲响正佐敦道南九龍裁判署對面之拔萃女書院，一路考一路聽緊出面拆天咁高叫打倒白皮猪，打倒黃皮狗，並伴以 live band 勁唱大海航行靠舵手嘅聲討港英大會演，嘈住晒我答試題，我咪要上書英倫討回公道？死咗佢吖，笨！

你睇吓老搜兄响樓上佢個 post #458度講，話同班獲授合格證書的同學個個都能分配得學額就讀中一，唯獨是佢老人家當年卻沒有學額分配，惟佢懶理個中原因，二話不說，嗱嗱聲去揾學校咪阻時間。人家若然有心唔俾你，有 hundred and one reasons 去解釋，你唔夠佢拗嘅，做番啲實際嘢仲有益喇！

引用:

原帖由 YU? 於 2010-10-31 14:35 發表

問問老搜兄同筆兄兩位，你們當年是考幾多科的？

哈哈！Yu兄，我係你前輩！


我只需考中、英、數三科。

引用:

原帖由 suewong 於 2010-10-31 16:42 發表

Ah Sue 仲未化得 side, 如果有不公平, 我都會嘈, 但會諗埋有乜 實際嘢可以做, 唔係剩係嘈....

黃小妹嘅飯票絕冇揀錯人！

我仲有一句真理：

投訴人者乃 loser
被人投訴者乃 winner

因為妳投訴得人，即係妳已蠢到俾人攞咗着數。
若妳俾人投訴，即係話妳已叻到攞咗人着數。

引用:

原帖由 老搜 於 2010-10-31 19:58 發表

1961年那年小學會考是要考四科的.

真幸運，原來只係遲一屆就可考少一科。以我科科喎嘅成績，好明顯係拉牛上樹。咁就唔好客氣嘞，拉少一次就少一次，拉個嗰又慳力，隻牛我又少一次辛苦。

係呢老搜兄，領岛小學是否在九龍城區呢？同香島中學是否有喇能呢？

引用:

原帖由 老搜 於 2010-11-1 20:01 發表

可是後期出來了社會拼博, 到教堂之時間少了, 現已成為冷淡之教徒....

不單只老搜兄，小弟亦如前輩般成為冷淡教友多年。  

據心理學家分析，宗教乃精神以至心理病之靈藥，尤其是當你信心跌倒時。既然是藥，冇病就無須食矣。

自小家貧，得天主教會之救濟不少，實在感激。


惟當今之天主教，尤其是本港之主理人，縱容包庇會內不公義之事，亦未能放低私人仇恨，實在令人痛心。  

引用:

原帖由 flowingwater 於 2010-11-2 19:12 發表

阿水曾係天主教中學做過..攪到佢對教育雖有一翻熱誠.耐何不敵OFFICE WAR.恨而去.

如果我係水哥仔我都會劈砲遠離是非之地，估唔到教友都係咁。

我疏遠教會，曾作出掙扎，惟發生咗两件事後，我更少覺不安。

大約1976年有間銀禧天主教學校（有錯請指正）有人穿櫃通，但當時主教徐乜彬並無秉公辦理，更掩飾事件，搞出罷課示威風波。

另一乃上任主教陳乜棍，因曾俾亞爺收監，懷恨在心，更伙同民恥黨處處為難凸區政府，為反對而反對，公報私仇，反中亂港，可惡！

引用:

原帖由 dynmv 於 2010-11-2 21:12 發表


小弟廿多年前心情最低落時,晚上走上深水埗一教會,牧師及一班從未相識的教徒,手拉手給我禱告, ...

我並不否認大多數天主教徒是好人！

而 dynmv兄所遇便是。

引用:

原帖由 hkgalbert 於 2010-11-4 13:43 發表


機場附近有「金夫人墓」，現在的「聖三一堂」，見過它的原貌嗎？

未，可否一見？

引用:

原帖由 choihung 於 2010-11-10 23:44 發表

啓德河可以從臭河變爲清泉，我期待所有的改變都是朝著好的方向去走 ...

彩虹大姐冇講錯，我哋要好加珍惜啟德這幅相信係維港最後一幅咁大型可作全面性規劃發展之寶地。

惟我們一眾刁民，思維上要小心被那些別有用心之所謂維護維港反中亂港起哄集團及偽環保塔利班原教主旨極端恐佈份子騎劫呀！

邊個香港人唔想將啟德整幅地起個好似 Central London 嗰個 Hyde Park咁，讓市民邊做晨運跑步，邊印欣賞維港美景，又或泛舟明渠呀？

都係現實啲，為全港市民利益着想吓好啲。記住，儲備有用完之一日，顧住收尾嗰幾年呀！

引用:

原帖由 choihung 於 2010-11-12 00:18 發表

I see, 我在sanpokong的活動範圍是：麗宮戲院,東方國貨,中元國貨,...

彩虹大姐妳漏咗講啟德遊樂埸。

我見過妳响嗰度掟香口膠。

引用:

原帖由 dynmv 於 2010-11-11 23:00 發表

我嘅初戀小情人就喺三年級認識,當年每朝同佢行路番學,用1蚊送佢搭的士放學.

dynmv兄落咗咁重本，結局係比翼雙飛吖，抑或亞聾燒炮咁呢？

[quote]原帖由 dynmv 於 2010-11-14 23:21 發表

當年暑假一年翻做一次"兩小無猜",每年我都有帶唔同嘅女朋友去睇嫁.


咁咪變咗熟手技工？

話時話嘞，咁你每次都當自己未睇過出戲呀？

試過穿崩未呢？吓？

引用:

原帖由 suewong 於 2010-11-15 17:05 發表

其實 70 / 80 後, 成長時, 都唔係咁富貴, 點解成年後, 好像幾百萬未開頭. 考起!!!...

佢哋好學唔學，學晒資本主義最呃人嗰part之先使未來錢，搞活經濟咁啫。到收尾嗰幾年我睇佢點活法！

正一冇有識死，叫佢哋去睇吓街邊執紙皮嗰啲亞公亞婆，就係佢哋幾十年後個樣嘞！

我多次同老妻講，揼釘後千祈咪將啲錢捐俾啲乜鬼嘢老人長者慈善基金，盞佢哋嘥晒啲錢去買骨灰龕。捐晒俾啲兒童基金就啱嘞。

上天俾咗幾十年你去準備晚年生活，居然仲可以搞到臨老唔得過世，嗰幾十年你做咗啲咩呀？咎由自取！

反而兒童先至最無辜無助，既然資源有限，當然係去幫啲最有需要嘅人喇！  

請恕我講嘢涼薄，我只係我手寫我心啫！

引用:

原帖由 suewong 於 2010-11-15 20:28 發表

第日係地府碰到, 我可能喊住同 Pen 哥呻 點臨老唔得過世....

識驚就�M家即刻做嘢，應慳得慳、應使得使。

總之揾一蚊，使伍亳就冇錯得去邊��嘞！咪鬼俾人滚，話唔使會貶值嘅廢話。   

就算真係貶值都好過亂使錢，起碼養成慳家習慣，亦唔會買埋啲垃圾返歸吖，係冇？

引用:

原帖由 suewong 於 2010-11-15 23:41 發表

經過匯豐 $33 之後, 家姐 / 亞哥 / 自己, 開始驚...

呢個故事教訓我哋，包括子孫，有三樣嘢千祈唔好做:

第一: 唔好買股票；
第二: 唔好買股票；
第三: 都係唔好買股票。

老何兄實唔同意。

引用:

原帖由 hkgalbert 於 2010-11-18 21:00 發表
為何教育局孫公不把事件交由警方商業犯罪調查科調查？...

其實班友一啲都冇做錯吖！

橫掂凸府庫房大把錢洗唔晒，幫手散咁啲啫。

我就話審計署應該嘉許佢哋至啱。學大陸用公帑幫手炒樓炒股，搞活個市，市民又開心，又可吸引外來資金湧港，打造全球金融casino品牌，凸府淨係收印花稅都收到手軟，而我哋市民個個唔使做，唔使納稅又有飯食，幾爽記呀！嗰個乜鬼嘢國際貨幣基金組織，眼紅我哋，响度說三道四，唔抵得之嘛，唔使啋佢喎。

所以揾人拉真道班友做乜啫，凸府仲應該頒個止驚勳章佢哋都嚟唔切呀！

引用:

原帖由 av8s 於 2010-11-19 18:54 發表

Yes!    PU..

av8s兄及黃小妹提起紅磡某大學，小弟雖曾是該校前身夜校學生，但唔啱就要批評。

老妻早前因患有frozen shoulder (凝肩)往其附設之物理治療診所求醫，發覺極之取巧及商業化，有違其作為大學物理治療教學身份。

其診治模式採用流水作業，話就話每個療程約一小時，實則有物理治療師在場不足15分鐘。治療中途廣播一call佢名話有客到，就沙沙滾趕往診治其它病人或跟進其它早前做緊之病人。

治療時間長短並非不滿之主因，夠就算。但自己心虧又或可能希望病人覺得物有所值，加插接受無須治療師在場之電動按摩半小時。教在家運動嗰part亦甚求其，只係是旦講一次就由得你自生自滅，不會跟進糾正。

引用:

原帖由 suewong 於 2010-11-22 20:22 發表

有機會飯聚, Ah Sue 同 你呻下 過去10 年所見所聞.......

好呀！下次老何兄再吹雞，小弟一定潛逃出嚟同大家吹水。

引用:

原帖由 dirtyoldman 於 2010-11-24 10:29 發表

真是祖上積德，刑事也可全身而退，不致身敗名裂，仍可用大學前教員身份行走江湖。

Man兄及黃小妹之質疑未嘗無理，上有好者、下必甚焉！

小弟並非憑空謾罵此紅磡大學校風不良，而是有比較才敢作此批評。  

老妻2002年在英時曾因學亞信响厨房跪下抹地後企起twist咗隻脚，引至右膝cartilage torn（軟骨撕裂）。

當時有两個選擇，一係就做keyhole surgery ，即係响膝頭鑽三個窿仔做微創手術，一係就做物理治療試吓先。  

念及不可隨便動手術，粗暴對待身體，選擇了後者。那間物理治療診所一如紅磡那間大學般，集團式運作。但人哋一對一做足整個鐘之療程，過程用心細緻，不斷查詢效果並筆錄，有幾堂甚至出動两個物理治療師會診相討設計治療方式。  

每星期只需做一堂，並教導在家自做招式，不出個多月，由day one之痛到lock死咗唔郁得，到行走可達七成功力，兼無須再上堂可在家自行跟設計招式自我治療。

三個後，竟然好番晒，至今八年有多，沒有所謂舊患痛或風濕痛，只是有一次因姿勢不正確拗痛三幾日而矣。

再講紅磡那間大學仲好笑，將物理治療土炮化，搞到不倫不類。竟然附設針炙這些另類治療，脫離正統。我相信佢哋遲早會做埋跌打、按摩、推拿，以致神打之類嘅一條龍服務。

該煨咯，將啲公帑用嚟搞啲咁嘅混吉揾銀行業並教導啲學生咁嘅市儈，商業化行為，簡直侮辱物理治療呢個學系同職業，而第日學成出嚟嘅物理治療師之操守亦成疑矣。

引用:

原帖由 suewong 於 2010-11-24 17:39 發表

因為自負盈虧, 可以分花紅...

就係咁至衰，要cut budget嘅地方，其實應該係壹仔講嗰啲亂花錢嘅嘢，而唔係教育質素及病人權益。

至於黃小妹响樓上提及副院長同個女人有乜景轟，我諗ICAC新成立嗰個「風月特別調查科」應該開file跟進一吓嘞！

引用:

原帖由 suewong 於 2010-11-24 21:53 發表

亞哥係政府做:  ICAC 唔會管, 因為女方冇真金白銀比男方.....

係吖，雖然冇真金白銀到手啫，不過可能有俾人着數咗，咁都算係利益輸送呀，查吓亦無妨�瞴I