偶然間上咗何老兄呢個forum，令我勾起童年時無限嘅回憶。

我亦是大坑東老街坊，曾於1956至1958年間租住於七層樓C座七樓585室。

1956年十月暴動，挨山邊望向A座，只見香島中學那邊烽煙四起。某日，差人逐家逐户上門命令所有男人落地下公厠前空地踎底，雙手放腦後接受盤問。我只得七歲，當然無份，之不過我老豆同大佬就要落去。咁都得？得！不過如果依家咁做法，冇暴動都變有暴動嘞。

引用:

原帖由 老何 於 2010-5-10 17:12 發表
哈！你好........

多左個40後, ........那裡平時都滿山青天白日滿地红........所以係人都要�縉Clor！
我住香島隔離, 現已拆左半邊。

Hi, 何老兄！

咁當時我响C座見你嗰邊煙bum bum，不知老兄家居安好否？

[ 本帖最後由 mtpen 於 2010-5-10 21:33 編輯 ]

引用:

原帖由 老何 於 2010-5-11 17:58 發表


有心 ,那年還未搬上桃苑。 當日傻傻更更等巴士等左4個鍾, 最後從尖沙咀行路返何文田屋企,
路上豬籠車川梭不断, 銀雞bb��, 在窩打老道彌敦道交界見人群包圍一私家車, 被一大漢喝叫快d走。
記得第 ...

何老兄都幾有sense of humour噃。咁混亂情景下都處之泰然，仲話好過�痋A佩服！

當日差佬上門call人落樓，我嚇到標尿。你估好似依家啲差人叔叔咁温文有禮兼陰聲細氣咁話：「裡面嘅男士們，唔好意思阻你哋一陣，請出嚟同我哋落樓下一聚」，咁呀？嘭！嘭！嘭！嘭！裡面嘅麻甩佬通通同我出嚟，雙手舉高放响後頸，一個跟一個，快啲手！

triple兄响佢post #701話好慘。睇你响乜嘢角度嚟睇啦！比起金字塔血淚史裡面啲奴隸就好好多添。triple兄用緊今時今日咁文明嘅社會文化嚟睇就係慘啲嘅。而家興講乜嘢人權、人身自由呀，呢啲咁欺君犯上嘅字句，唸吓都自覺罪該萬死呀！當時社會行緊Jungle Law弱肉強食，興恰人文化。响外面明俾人abuse， bully咗都要硬食。返屋企亦唔好得幾多。亞爸亞媽有樣學樣，郁啲都用武力鎮壓。輕則學氣管炎兄早排講咁「夏楚」吓，重則「春揪」都得呀！

唉！怨氣太多了。都係講番火燭呢單嘢先。各位兄台，你們可曾吃過火災救濟餐咁呢？如果未，那我可形容俾你哋知，那是一等一美食，否則我不會事隔50多年後仍然回味無窮的。你哋估係乜東東？

之唔係就係椰菜煮沙典魚囉。估唔到喱？

其實我哋無資格去排隊攞飯嘅。1958年之後家境更壞，連租七層大厦都唔夠錢，於是乎再搬入啲，去咗朱古仔環山路11A一間石屋。两層高，一屋六伙。我哋一家六口住間50呎板間房。就响大同中學球場山玻脚下。環境仲衰過七層大厦多多聲，冇水、冇電、冇厠所。最慘係冇街燈，亞爸週不時半夜三更要我出路口，即瑪利諾神父小學對面間舖仔拍門買止痛藥，來回15分鍾我會於崎嶇難行小路急步走，因沿途一邊係山玻，一邊係人哋屋背脊，夜嘛嘛，冇屋、冇人、冇燈，好驚有隻鬼標出嚟咬我。我一路走一路有唸聖母經�謘Awork喎，so far真係冇俾鬼搞過噃。可能自細夠哂訓練，依家見到鬼子佬一啲都唔驚，仲好friend添！


環山路對面雞冠山 (or烏龜石山？) 脚下水坑仔西面之木屋週不時俾一啲道友追龍引起火災，我哋呢邊未曾燒過，但我哋一於揸住個兜去攞救濟飯食。其實咁做冇乜人義道德嘅。邊個唔知衣食足，知荣辱吖？咁我哋當時上晝都唔知晚頭黑有冇飯開吖嗎，禮義廉呢家嘢等第日有銀先再講喇！都係為勢所迫啫！

引用:

原帖由 Lawrencetoo 於 2010-5-12 00:21 發表
老兄一鳴驚人，精釆，應該還有好多野分享架。

多謝各位！失敬！失敬！小弟豈敢响呢個高手林立嘅forum招摇呢？

小弟才（&財）疏學淺，白字連篇，皆因自幼讀書少，只係Form 5仔(亞伯？)，况且自幼家貧(真)，父母唔識點樣先做到好爸爸好媽媽(can’t comment) ，自已唔勤力(似)，洋奴買辦式教育制度(似)，港英打壓(賴) 。點都好喇，起碼未至於文盲，仍然夠胆上嚟同各位咁有份量嘅大哥大姐寫番两咀。

始終嗰句，小弟若有講錯、講漏、講大咗，請多多包涵。我都係想為九龍仔歷史盡一分力。相比何老兄及一眾前輩，小弟定必要行埋一邊。佢哋呢年多以來(我依家先至無意中睇到，走哂寶！至於各大師之鴻文，只看到page 5，因每個post都有料到，要俾啲心機�棬u吓先至得)咁有耐性去run呢個forum而其口號更偉大，話襯我哋呢代尚未乘坐仙鹤西去之前，用文字及圖片記錄底行將煙沒嘅九龍仔嘅歷史。Great！實在令人敬佩！

嗱，啲乜嘢80後，聲稱乜嘢集體回憶搏上位嘅哥哥仔，姐姐仔，學吓嘢喇！睇吓呢個forum啲前輩點樣默默耕耘，不出風頭，實幹實做喇！好學唔學，學紅衛兵嗰套，不學無術，見人哋王生洪文哥哥上到國家領導人位就想照跟。人哋係靠做小白臉先上到位�謘I鴨嚟�謕Q！咪郁啲就走去冲擊建制先得�謘I學華哥仔話齋，今時今日咁做法唔work�謚捸I唉！激氣！

嗱，咪話亞叔唔醒你哋啲小朋友两句嘞！想改變個局一如你所願咁，唔使四圍搞搞震�謘A快啲返歸俾心機啲讀好書，攞多幾個degree仲啱，跟住去考AO，政務官呀！第日就算做唔到亞曾仔個位，响佢身邊影响佢，搞滲透呀！明冇？

至於籮記兄話分享小弟見聞，I will, but don’t expect too much, you know, 因年紀老兼記憶不佳也。

Kintsun兄，are you there? 我原來同你有啲 la luang嘅喎！

引用:

原帖由 kintsun 於 2009-6-7 19:03 發表
akbcya 兄,所言花墟,是否指今陳樹渠書院对下的花墟公園?...60-66年,因在當時的一間在今南山邨的培立小學就讀,是在路邊的單層式平房式校舍,兄台有否印象? ...

kintsun兄原來我哋係培立小學書友仔嚟�謘I你睇吓張相認唔認得本手册？

呢幾日我翻箱倒塔去揾舊史，希望可以揾到啲好嘢同大家分享。老妻鬼咬咁聲問我因乜解究搞到七國咁亂？答之曰：為九龍仔歷史作見證！為九龍仔人民服務！

相片就暫時就唔多見，你知喇，我哋呢啲赤貧賤民，影相呢家嘢係資產階級玩意，唔啱我哋嘅。所以就算有都係手册上嘅車頭相咁大把。

我係1956–1957响培立小學度讀一年班，你呢？我哋有否打過交？

正如各位老兄早前曾說過，當時街道名稱並不統一。就以培立小學為例，手册上之地址稱之為九龍塘村，並注明响AB座對面。嗰度邊鬼度係九龍塘村啫？亂哂坑！唔通嗰陣時已經興好似時下啲地產發展商咁，將鑽石山拃大為飛鵝山？

根本嗰度係大坑西至啱，响天主堂嗰邊。我依稀記得返學時要响大坑東道走入一条好黑、好窄、兼濕���楔ㄗㄓ�嘅巷仔，一如進入九龍城寨咁，分別係呢度全部係木屋。我懷疑培立小學都係木建的，而混在其它木屋民居中間，屋貼屋，班房冇窗，當然更冇操場呢味嘢喇。我敢相信如果火燭，必定有幾十隻燒猪仔响災塲度抬出嚟。唉！賤命！

有時會咁諗，我哋嗰代，唔好講營養不良嘞，剩係暴露於危險之中而居然唔瓜得，仲可活到成六十幾歲，簡直係奇跡！奇跡！

Can’t complain啦兄弟！感恩呀！不如我哋一齊嚟咁唱吖嗱：我謝蒼天，我又謝祖先….

引用:

原帖由 kintsun 於 2010-5-14 11:24 發表
很難得在此遇到小學的學長, ...

計起嚟，kintsun兄應是我師弟了。不過我肯定冇蝦過你。我只在培立讀了一年。1957大坑東官立小學剛起好，我轉過去讀二年級直至1962年小六畢業。

因為年紀少，未識有感情呢回事。轉校之後未嘗踏足母校，及後變成老兄所述之模樣，亦不甚了了。

老兄觀察事物極之細心，連可能是莫老師之筆跡亦察覺得到，佩服！

到底63年那天發生何事要默哀咁傷感，還請老兄道來可也。而母校又於何年消失於歷史洪流之中呢？

引用:

原帖由 kintsun 於 2010-5-14 15:46 發表

老兄能讀大坑東官立小學是很幸福了,....可知兄台學業與事業應順利,今天應是如老何般坐享退休之樂了!

kintsun兄，咪玩我喇！點有得同何老兄佢比呀！天同地喇！

我冇嘢叻，硬係脚頭好，讀嗰間執嗰間。我寫啲學校名等你哋掩咀笑吓吖嗱。

小弟確是有負師長期望，並未能成大器，小學會考肥咗佬，冇位派。Form 1 讀喇沙…. 對面嗰間聖恩，Form 2 至 Form 5 讀聖若瑟….一字之差嘅聖若望。英文中學會考光頭收場，五科梳仔 - E。

冇喇！死梗喇！家貧，冇得repeat。係咁大喇，出嚟做嘢囉，點呀？

做咗12年嘢，好彩有日突然札醒，對自己講，Come on，can’t go on like that！1978 以 30歲高齢，入讀理工夜校。更好彩的是，理工當年尚未係大學，否則咁嘅 quali  咪使旨意有得讀。皇天不負，苦讀三年，又要日間返工，卒之都俾我考到張英國嘅 Diploma，亦從始改變了命運。

感謝上天，2003年即 53 歲計過惦，於是退休了，如今跟老妻清茶淡飯，生活尚可。

老兄話1963甘迺迪之死好大陣仗，奇怪美國嘅嘢又關我哋香港人事？關！非常之關！

總括一生，兜兜轉轉，原來真係離不開歷史與時勢，受中、英、美三國牽引着。大陸被解放影响當然是有，最大鑊反而係韓戰，家族命運亦從此徹底地被改變了。連最後期呢次亦不例外，我俩老之有今日嘅健康及小量財富，都係多得柴玲及吾爾開希等人唔少，係佢哋令個局改變埋我俩命運，真係估唔到。

引用:

原帖由 老何 於 2010-5-15 11:20 發表

.. 老何都係人一個, 有何不同？ ...可惜者世人多不從歷史吸取教訓。... 更應於近代史尋找啟示, 不要誤以為歷史就是過去, 於今何助！

小弟跟 kintsun 兄趁人少少傾計，唔覺意 touch 到老兄你嗰瓣，以為你行開咗，咁都俾你overheard 到，好彩唔係講老兄你壞話，否則大鑊矣！

老兄謙稱普通人一個，惟我睇就殊不簡單嘞！

至於話不要誤以為歷史就是過去，於今何助？何老兄所言甚是。可惜吖，未必人人能夠有智慧可利用歷史尋找啟示，趨吉避凶。反之，更一而再重犯錯誤添。

鬼子佬都有句咁嘅警世名句: We learn from history that we learn nothing from history 。呢句嘢係英國劇作家蕭伯納 Bernard Shaw (1856-1950) 嘅名句。佢仲好嘢到將英文字句嘅運用搞作一番，不愧係大文豪也。

Before you go, can I ask you a stupid question? 老兄是否一個玩得之人？若然是，小弟寫啲嘢同你玩吓吖，好嗎？

引用:

原帖由 老何 於 2010-5-15 17:18 發表

不知何解, 族人向來幽默感欠奉, ... 与洋人大異之處莫過於對自嘲的體會, ...

何老兄果然見多識廣，一語道出華洋差異之處。國人素來 lack of sense of humour,  body language as well as gestures,  一如老兄所述，成塊 poker face 咁，唧都唔笑，扮哂嘢，又衰唔起。慳啲啦，成個鬼見愁咁。唉！以為咁人哋就怕咗你咩？尊重同怕係两回事呀！搞到人家敬鬼神而遠之就唔好喇！哭又一生，笑又一生。小鳳姐唱道: 何必呢？何必呢？化先得�貕隉I

講開又講，何老兄，呢個世界真係好唔公平。我有個 friend，你都識嘅，年紀跟你相約。邊個？姑諱其名以存忠厚。

佢並非我輩貧下中農，自幼讀名校，都係叫培，不過就正過我間多多聲。佢有老父揸私家車接送上學，之後又負芨放洋。家住私樓豪宅，一早與高幹子弟黨校香島中學為隣，以搞好人脈關係，作回歸準備。

佢老哥週不時响我哋水深火熱，托住啲家檔响佢樓下騰來騰去之時，响樓上揸住支雪條印印脚睇熱鬧，並不時投訴我哋火燭時呯呯嘭嘭嘈住佢睇電視，又話啲火屎�翕豸j少爺佢。

好嘞，大個咗，我哋日日做到隻 Jack 咁，佢老哥朝早就托住籠雀去茶樓，一邊睇財經報，一邊嘆吓虾蛟燒賣。食夠皮，搓吓個肚，跟住上股票行打個冷，然後返歸瞓陣晏覺，它它條條又一日，幾爽啊呵？

天呀！點解我投胎時唔識執條咁好嘅籌呀！

引用:

原帖由 suewong 於 2010-5-15 22:19 發表


why, why, tell me why ? 老兄沒有移民 ? 當時人心惶惶, 不停 farewell 班移民既師兄. 他們回流時, 樓價大升, 人工大減....

黃小妹，您好！講起嚟一幅被咁長。我家陣趕住同老妻去買餸，容後再談，待慢哂，唔好意思！

引用:

原帖由 suewong 於 2010-5-15 22:14 發表

以當時來說, 五科 E 已經好 let o 家啦...

黃小妹，移民一事，暫且按下不表，講番會考光頭單嘢先。唔講由自可，講起就一壳眼淚。

亦如早前所述，命運始終受歷史及時勢所牽引着。當年小弟會考正值火紅偉大年代，即1967暴動之年，考得好至奇。當時巴士大罷工，家住青山道長發街，試塲响佐敦道南九龍裁判署對面之拔萃女書院。又會黑得咁交關！

冇巴士搭唯有捱啲又迫又貴坐凳仔嘅麵包車（呢！要由車尾上落，車側邊窗下面有两行黑白間階磚仔，好似時下英國差佬頂警帽，圍住两行黑白間階磚仔捆邊嗰種款咁）。都算咯，南九龍裁判署係除咗大有街及港督府之外，最熱鬧嘅地點之一，日日被愛國人士包圍叫口號，嘈到拆天咁。每日考完，主考官仲話，聽日使唔使考，請留意廣播，戒嚴就食自己喎。咁即係點唧？吓？

都算好彩，五月時份，尚未興菠蘿呢家嘢，否則未考完已分分鐘變咗蛋散仔都似。唉！Tragedy!

黃小妹冇講錯，當時五科 E 仔雖然係抿水啲，亦不過不失，讀預科當然冇行，但假假哋都叫英文中學會考 pass 有報紙登吖 (當時好趣怪嘅，查放榜要睇當天日報)，理應有份寫字樓工做吓掛？

可惜條命太焦，適逢大動盪時代畢業，會有乜好工做唧？好奇怪，當時啲人可能民智未開，唔識得怨天怨地，更加一早就明白小平同志講嘅乜鬼嘢….揾實錢就是硬道理。冇恃住自己會考 pass  就亞芝亞佐唔肯屈就。人家肯請我，就係因為我 quail 好過其它冇 pass 嘅人，咁先搶到份工�謕Q，理得佢係 shit job with shit pay 唧，你唔做大把人等住做，take it or lose  it。兼且我好自量，明白到好嗰份工唔請我，皆因人哋請咗 5 科 credit 嗰個呀。所以我從來冇失過業，一份接一份，正一屎唔臭都食。或者一如 kintsun 兄係樓上講，呢啲就係香港精神哪掛？

未放榜前响旺角大世界戲院度做帶位，有戲睇又有人工收，幾棧鬼，啱我呀！

放榜後首份工响尖沙咀一間亞差行 (唔好意思，race abuse 咗人添，應叫南亞裔行至啱) 做馬辰 (messenger) ， 五蚊一日。中午响中間道大牌檔食义雞飯，好好味。放工後行去海運大厦睇啲有錢佬搭大洋船出埠 (當時仍未太興坐飛機) ，臨開船前掟哂彩帶，那種氣氛，讓我這窮小子看傻了眼，好羨慕。

之後响青山道平價市塲百貨公司做散仔，執頭執尾，人工少咗，但可慳番車錢兼有兩餐食。其後再去清水灣邵氏片塲做服裝管理，响 canteen 食午飯公司有津貼。之後入咗電話公司做technician 安裝電話。

kintsun 兄說得對，5 科 pass 應可入職政府的了，而我响 1971 年考入了政府，生活亦總算安定下來。

其實諗落最衰都係自已，讀書唔成，抵捱�瞴A怪得誰？在下奉勸各位小兄弟，小姊妹，套用永遠英明正確嘅毛主席教導我們：

千言萬語，就是一句話：讀書有理！

[quote]原帖由 HAOCHANG 於 2010-7-25 00:13 發表

HAOCHANG兄能將所影之培立小學相片與我們分享，令小弟可看見母校當時之模樣，真是感激不盡。

老兄可得知此正門是否原裝抑或後來改建而成？Kintsun兄又有乜嘢補充？

引用:

原帖由 kintsun 於 2010-7-28 21:08 發表
.., MTPEN兄就讀時是否如此呢?

以我記得此乃原址。相片遠處山上還可見到天主堂。HaoChang兄應該係响七層大厦C座隔住大坑東道影出去。但我記得1956年時度校門好渾亂嘅，要穿過一些民居才進入班房。

引用:

原帖由 kintsun 於 2010-7-28 21:33 發表

大坑東七層大厦在1955年後才興建,母校已成立,混亂應是必然了!

我相信母校大門是後來才建成咁樣，之前门响民居之後，什或並沒有所謂校門，後來拆哂近馬路之民居才讓母校貼近大坑東道

引用:

原帖由 大兄大 於 2010-7-18 21:31 發表
我是係民興樓(華人茶樓地下)的診所看醫生,....

睇番HaoChang兄放响post #827天主堂張相，令我勾起你哋講開响大坑東睇醫生嘅事。

我哋窮到挖沙都無銀，何來一蚊去睇醫生呢？好彩天主堂有啲外藉修女識啲醫術，免費睇病。一張長枱放滿藥，小病嚟啫，醒劑你嘆啦！感謝天主！

引用:

原帖由 HAOCHANG 於 2010-7-30 13:07 發表
其实天主堂我印象也不深,应是救世军那边轮救济物品较多,一般是面粉饼乾食物,是否即制麵條 ...

派麵條應該係天主堂，我哋週不時响嗰度攞到。救世軍就冇乜記憶。不過我就成日上瑪利諾對面嗰間救世軍借圖書睇。

引用:

原帖由 kintsun 於 2010-7-30 10:30 發表
.....少時曾在某些地方取救濟麵條、牛奶餅乾,不知是否在這��?.

小童群益會週不時都有嘢派。我最記得有两個月餅盒叠高咁大，紙皮盒外印有两隻手互握着，中間有美國星條標誌及印着「美國人民捐贈」。內有豆豆、梅菜、可能有麵條（唔係好記得）鉛筆、單行簿等。

美國佬俾人叫做ugly American。諗落都唔算太醜惡。係就係naïve, sometimes too simple啲。人就冇乜點嘅。硬係鍾意認叻，好心做壞事啫。

引用:

原帖由 HAOCHANG 於 2010-8-1 10:36 發表
...可以看到外国的卡通漫画,如狄士尼的卡通故事,增长见识,至少有个好去处,不会é ...

對，我都好鍾意去佢哋度睇圖書，雖然全部係雞腸，唔知佢寫乜，但齋睇公仔已經好開心，好過街邊要錢租嗰啲猪八戒盤絲洞打打殺殺教壞小朋友。

我最鍾意佢哋嗰度有熱牛奶飲，一大桶俾小朋友用浪口盅仔任飲。

啱嘅，捐啲舊書去幫吓人。我唔多見有小童群益會嘅收集箱，我唯有放咗落救世軍嗰度。

引用:

原帖由 suewong 於 2010-8-1 17:23 發表


...用奶粉開 ？會唔會好香甜 ？

飲奶粉响依家嚟講係人都有資格飲，冇乜特别。但响五十多年前係非富則貴人家才可享用得到的，好似牛欄牌之類。我哋窮等人家是食人奶大。

而小童群益會用奶粉冲嘅熱牛奶對我哋嚟講乃極品矣，到依家我都仲記得嗰種香味呢！

引用:

原帖由 kintsun 於 2010-8-9 08:53 發表
每天放學後担水至晚上八,九點,做得累時常與哥哥邊抬邊喊!學業亦因而荒廢!.

唔係想批判父母，只係當賽後檢討。kintsun兄可否切身處地咁代入佢哋嘅角色嚟睇吓，你估你有乜嘢方法可做得好啲呢？

當然事後孔明對佢哋唔係咁公平。即管講吓你嘅見解吖！

引用:

原帖由 kintsun 於 2010-8-10 10:01 發表
..,當時是無奈不懂得任何思考,只知日日要抬要捱,沒有任何選擇,...

小孩子係極之無助嘅。幸福與否，完全掌握响父母手上。佢哋咁細個，唔係靠你哋大人，又可靠誰呢？至於所謂好爸爸好媽媽，若果佢哋 deserved 嘅話就係，而並非啤咗個仔出嚟就自動榮升嘅。

一個好嘅主頭人會响逆境來臨時，盡快 - 明天嫌遲，昨天仲好 - 帶領家人走出困境。正如友明兄响樓上講，啲井水會飲死人�謘I

韓戰爆發，美國禁運，出入口公司倒閉，一貧如洗。唯老豆坐以待斃，不肯放下身段去揾工，更過着好景時習慣嘅生活，食煙、飲孖蒸、去冰室嘆�謚堙C煙酒過多，更要花錢買散利痛去止胃痛。家庭成員揾嘅血汗錢就此流走而不能用以改善生活。

廿幾三十年前我响灣仔南洋戲院睇過出戲叫「城南舊事」。裡面两姊弟有段對白大意咁話：「如果老豆唔係要錢買鴉片食，家姊妳就唔使去做雞咁辛苦了吧？」。唉！

引用:

原帖由 suewong 於 2010-8-10 22:34 發表

...家境都要等子女成材，先有所改善。

時勢唔好，冇人需要負責。只要一家人同心合力，唔自私，唔懶惰，自然好快就企番起身。

我有個亞姨當時住响I座二樓。走難落嚟前响內地女子中學畢業，姨丈做三行。兒女成群，佢冇可能出嚟打工。於是响個百呎不足嘅單位整個閣仔放家當，地上放啲長條木凳加塊黑板，教小朋友讀書贃錢，兼可教埋自已子女。又租架麗的呼聲電視機，晚上招呼街坊入嚟睇電視收錢，就咁維生，醒！

引用:

原帖由 suewong 於 2010-8-11 16:59 發表

…何必 lau 1 個死左多過 20 年既人….但她喜歡和自己過不去 ...

黃小妹，我明你意思。但請勿誤會，我並非想鞭屍咁大不諱，之所以講番一啲陳年舊事，祇是希望借此forum記錄低當年一些實情，好使日後人們得知當時有啲人點解咁窮，原來係stupid之過，而唔好再犯，咁人類才可一代比一代叻。好嘅更加要講，唔好嘅都要講，千祈唔好避諱。

好似重男輕女呢類事，以現今社會，有些少人性嘅父母理應好少再做。但如果冇人敢批評此不合時宜之行為，為人父母者以為上一代都咁做，我有樣學樣咁就唔好喇，係冇？

引用:

原帖由 suewong 於 2010-8-11 20:12 發表


Pen 兄你未答我移民個貼。Lau, lau...

我唔係想講風凉話，天主堂、救世軍、小童羣益會、培幼會等等都唔應該救濟我哋，如果佢哋知道我老豆咁做嘅話。好多一家人克勤克儉都無以為繼者，才更值得及更需要幫助。我哋根本係打跛嚟醫。

我曾對老妻提及此事，她不敢comment。佢俾儒家思想騎劫咗，認為長輩，無論德行如何，不可批評。先人更什，死後自動榮升仙人，被受尊敬，違者不孝。唉，婦人之仁！唔怪得中國比西方落後咁多喇！尤其是响思想方面。

黄小妹，既然妳都認為亞媽重男輕女、偏心係事實，妳更加應該將此事當歷史咁作反面教材，讓妳之親朋戚友及下一代得知，以免重蹈覆轍。演繹嘅時候當然要包裝一吓喇。咁都係為下一代好啫，冇壞嘅。

至於家姐點解講親都咁激動，皆由於你哋好似我老妻咁，俾鬼神所威嚇，又或既得利益者之類，而冇、或不敢、或不肯正面咁去肯定佢曾被不公平對待，性質一如平反六四要求者一樣。

ps 移民一事，都唔記得咗添，sorry稍後再答。

引用:

原帖由 小師弟 於 2010-8-11 23:11 發表 覆871帖
我在十一座的四樓水喉頭位那一家都有裝一部麗的電視，有粵語片做時一毫子可以入座，

小師弟之街坊同我亞姨皆醒字派。

窮，唔使死。人蠢就冇藥醫嘞。我老豆食得煙多，梗咳�謘C所以週不時要買啲非洲海底椰或鱷魚肉嚟食。想唔咳，好簡單之嗎，介煙咪得囉。

我响呢度講我老豆啲嘢，似覺係數佢。其實我真係衷心咁想借呢個平台，告訴大家佢之所以窮，係犯乜嘢錯而矣。况且董狐連皇上都敢批評，皇上乃天子，即上天派落嚟嘅噃，我老豆算老幾啫，雷公都冇劈佢，我怕什麽？

動物之所以為動物，乃因唔識去改錯。一羣牛過河，有啲俾鱷魚扯咗落水底，其它牛惦行惦過，唔會識得過咗河後回頭睇吓點解。人之所以為人，乃識得思想吓人哋點解錯。見人被車撞親，識得話：「哦，佢衝燈！」，以後識做喇。

我之所以可53歲退休，皆由於我早已行緊青樓名妓張永霖嗰套。佢話：「我會見人哋犯嘅錯，當成我都會犯嘅錯」。少犯錯，就可比人走快一步了。

原來我呢種性格响後生時早已存在。1975年我响維也納讀德文，我還記得班香港friends幫我起咗個花名，叫「悲觀仔」。後來移民英國後，見識多咗，先知悲觀乃貶詞，係負面。正面應該係「有危機感」至啱。