引用:

原帖由 suewong 於 2010-9-25 21:25 發表

希望 5 號仔，唔好攪到 8  號仔咁結果。

希望歸希望，事實匯豐已行緊 8 號仔條路，即概念股是也。

匯豐高層好叻，早已知西方經濟唔妥，首先撥備，跟住高調唱好中國，又話回歸中國，搬 office 東來等整色整水。

其實中國有幾掂，我哋香港人，上面啲大陸人，以及匯豐啲鬼佬好清楚，當概念爆破時自然就回歸到市價的了，小心！

[ 本帖最後由 mtpen 於 2010-9-26 10:04 編輯 ]

引用:

原帖由 suewong 於 2010-9-26 13:48 發表

Ah Sue 本來諗住，退休靠佢。

黃小妹又唔使咁驚，話明退休用即係 pension fund 喇，係用十幾廿年嚟計嘅。廿年後 80 蚊妳一定會見到，高過就抿水啲。至於依家應值幾錢？我唔敢响呢度講，費事俾人媽。

你哋有否留意到，匯豐一上到 80 蚊左右就被人質番落嚟。邊個咁做？並非對匯豐有情意結嘅港人，而係金融風暴前用佰幾蚊抄過龍入咗貨嘅中東佬，過氣祖家啲人，等等。

我相信佢哋 set 咗 £7 嚟做程式，一見高過呢個價就去貨。港人投資好主觀，自己鍾意就算，好似打牌咁剩係識睇住自己嗰13隻牌，唔理上下家做緊乜。俾人當咗提款機都唔知。

人哋就冇感情用事，會去比較。佢哋自己嗰幾隻數一數二嘅銀行股，例如Royal Bank of Scotland (皇家蘇格蘭銀行)。係金融風暴前曾高見£6，依家只值 £0.5 (=HK$6.00)，即係跌咗 92%。大家都係英國銀行股，點會相差咁遠�謘H唯一你話匯豐有中國概念成份。嗱，匯豐班鬼佬叻就叻响呢度，所謂無遮無扇，神仙難變。英國佬嘅民族性如其天氣，我跟他們共事十載，知之甚詳，陰陰溼溼，尤其是蘇格蘭人，更要小心！

既然你哋香港人咁鍾意匯豐就賣俾你，佢哋套現去執平貨仲好。我好相信at the end of the day, Hong Kong Bank 股份真係俾香港人全資擁有，到時真係香港人嘅銀行，求仁得仁，幾威阿呵？

引用:

原帖由 suewong 於 2010-9-27 00:00 發表

最怕到時 1 罐細午餐肉，都要 80 蚊。

會�謘A當今之世，百年老店亦會一朝倒閉，家陣邊度有隻股可以鎖住响夾萬安枕無憂�謘C就算唔執，有時唔生唔死做咗殭屍股一樣衰。

我响英國時買落幾隻呢亭嘢，皆跨國大藍籌，依家成十年有多，仲坐緊艇。其中一隻係藥業股葛蘭素 (Glaxo)，1999 年買入價 £22，現價 £13，跌69%。

另外一隻捉蟲股重大鑊，叫 Rentokil Initial，佢真係做捉蟲�謘A香港好多大公司皆揾佢做。1999 年買入價 £5，現價 £1，跌 80%，慘！

但望匯豐班鬼佬唔好飲鴆止渴，將投資比重過份放响中國，口講呃吓人，制造吓中國概念就算咯。到時就算中國有乜冬瓜豆腐都唔使咁傷吖。到黃小妹廿年後退休攞退休金時，祖家會點邊個知呀？會否學蘇聯咁解咗體呀？

嗱，唔係我講�謘I妳得閒上吓 Financial Times 睇吓人哋點睇我哋偉大嘅祖國吖，個個都話唔否認中國依家好醒、好巴閉，但留意吓收尾個段必然暗示明示，話担憂會學蘇聯咁解體。我就話戀英、媚美、崇洋、反中啫，人哋鬼子佬旁觀者清，唔信罷就！

我係中國人，我都望中華民族國運昌隆，但係外人好多 China skeptic - 疑中派。若然太多呢亭疑中派 hold 住匯豐股份，個價點上呀？想大升？得！排出血肉長城接貨啦，等 Hong Kong Bank 股份真係俾香港人全資擁有嗰陣時咪得囉！

佢吔哋共產黨自己都咁講吖，客觀形勢，非個人主觀意志可轉移。咁點做呀？腰攬腰嘞！

引用:

原帖由 suewong 於 2010-9-28 17:14 發表


就因為咁，亞哥 / 家姐先咁擔心我。因為佢地有長糧食，我無。

講真，若然打算長揸做退休金，切忌將之放於一籃子上。無疑，升起上嚟single company 係爽啲，但為咗瞓得覺落，還是 Tracker Fund  (or Index Tracker Fund) 先為上選。

外國好多呢亭嘢，年費平。惟小心有啲掛羊頭賣狗肉。睇清楚追踪啲乜股先，是否側埋一面於某幾類或幾隻成份股呢？

最穩陣係好似香港嘅盈富基金咁，全包宴。

引用:

原帖由 chungyong 於 2010-10-5 09:54 發表

Dear Sue, may I ask which provider you are using ?? Many thanks

Why? Are you going to check if Sue is using the same provider as what you’re using and quit it if the answer is positive, isn’t it?

Take my advice, don’t change your provider unless the management fee of which is unreasonably high, otherwise it’s not worth doing so. Don’t forget that you may need to pay charge for changing a provider!

Just change the type of fund will do. In fact, the poor performance of Sue’s fund may be largely due to the market, you can’t blame anybody at all.

Please remember, the other side of the grass is not necessarily greener!

引用:

原帖由 chungyong 於 2010-10-5 17:31 發表

...and I found that the choices of fund is very important and determine the results.

Sure, getting the right fund is therefore equally important as getting the right provider.

For pension funds, it’s better to stay away from those high-risk funds, e.g. those claiming that the fund price could go up 8% and above per year. It’s too good to be true!

If I were you, I’d stay away from those funds heavily invested in the emerging markets, e.g the BRICs, particularly when you’re getting close to your retirement.  

引用:

原帖由 suewong 於 2010-10-5 20:18 發表

匯豐股票佔我的 投資> 50%，(投入資金 < 80%)，   蝕左我 6 萬幾 / 7萬。

以滙豐聲稱將以中國市塲為重點，黃小妹現有之投資比重，似乎過於側埋一面了，小心！相比全球跨國銀行股，中資除外，滙豐現價極之嚴重超買。

總之滙豐一日未係俾我哋香港人全資擁有前，睇滙豐一定要睇埋外人點睇。我於 Post #1132 曾說，得閒要上吓 Financial Times，睇吓人哋點睇我哋偉大嘅祖國，因佢哋之中，China skeptic - 疑中派太多，成日睇死中國會有乜冬瓜豆腐。

呢，上星期四（九月30號）出嗰本壹週刋裡面有個鬼佬叫 Paul Curley 咁寫: …Will China be a democratic country in 2047? I’m not as confident as they are, but I sure hope they’re right. 呢種睇法响佢哋嚟講，係根深蒂固，三句唔埋，就會提中國政權會點點點，話之你識登陸火星甚至太陽。中國人就唔會諗吓人家未必無中生有，祇當佢種族歧視罷了。

當好多呢亭外國人仍手揸滙豐，想佢唔跌，港人就要生性，一跌低過 £7 就要排出血肉長城接貨嘞。不過啲外國人就多得你哋啲香港人唔少，幫手托高個閘俾佢哋走。

仲有，睇滙豐個價，記得要睇埋英鎊對美元個滙價。我好多時上 Financial Times 睇，明明冇乜升�瞴A但香港就係升咗，原來英鎊升咗。所以小心咪捉錯路呀！

引用:

原帖由 36D 於 2010-10-8 10:24 發表

美佬匆匆在中東收爐，火力集中在亞洲，司馬昭之心也，第一個要擔心的是------金正銀

你估祖家對本月15日至24日印俄兩國陸軍將在印度北部舉行反恐聯合演習
又有乜睇法呢？

引用:

原帖由 老何 於 2010-10-8 10:56 發表

大家可能認為係你老何先咁8, 但�M銀, 要眼看8方。 ...

Sure! 投資冇international outlook，等於打牌祇睇自己嗰13隻牌，唔理上下家做緊乜，輸多過贏！  

引用:

原帖由 老何 於 2010-10-8 10:56 發表
老何發現佢地80%係唔睇外地主流報刊,地沿政治更1%都冇, 點解係咁？按理此輩最具國際視野, 何以如此, owl頭！...

讓小弟嘗試解答吓老何兄此 owl 頭嘢，會否因此輩身處之社會風氣，重理科而輕文科所致呢？

佢哋連地圖都唔識睇，更遑論國際視野！

以我認為，現今世界早已一家，識英文及電腦唔在講，全球學生必修歷史及地理，否則一定輸蝕。

引用:

原帖由 老何 於 2010-10-8 16:20 發表

8,90年代, 各地機場, 喧嘩無禮, 必是香港人, ..可悲者, 大都有中上教育；一代新人換 ...

我同意老何兄睇法，不過我哋成日話啲 80 後乜乜物物，其實我哋都有責任嘅。佢哋自己响石頭度爆出嚟�謘H咪又係佢上一代即我哋啲 40、50、60 後教成咁！佢父母無責任嘅！

我夠胆講句，香港嘅父母 90% 唔及格。佢哋最興講啲不付責任嘅嘢，乜嘢龍就上天蛇就落地呀、佢唔係讀書嘅材料呀…好似乜都唔關大人事。更唔係？就賴老師教得唔好 or 社會嘅錯。佢哋當時躲到那裡去？如果老師可以代替父母嘅話，不如叫老師做呀爸呀媽啦！使鬼叫你呀？自已剩係識得上深圳去滾，女嘅就去打牌 shopping 追劇集。以為放低啲家用就大哂，問多句就發哂爛渣話要揾錢吖嘛，養大你算偷笑等字眼。

嗱，舉起三隻手指發誓，放咗工有即刻番屋企親子，冇去滾、打牌、賭狗馬吖！小心發假誓雷公劈呀，唔好以為好天就冇事，有旱天雷�謘I

想家族興旺，一代好過一代，聽我講，同佢哋坦白交心，叫佢哋唔好再學我哋嗰代咁無知。用光頭佬尤栢連納幾十年前證實患上肺癌後拍嗰段短片勸人戒煙咁嘅誠懇態度就啱嘞。

[ 本帖最後由 mtpen 於 2010-10-8 18:10 編輯 ]

引用:

原帖由 老何 於 2010-10-8 10:56 發表
大家不要忽視俄人, 北極熊始終係北極熊, 俄人明暗地動作及言論 ...

其實講國仇家恨，倭寇，花旗佬，亞差等未有耐。北極熊先至係中華民族頭號死敵。

基本上滿清俾人攞咗嘅地，大部份經已歸還，除却俄人。當你睇番歷史，對比地圖，你會一路睇一路喊。

同大鬚子打，要用不怕滅國或同歸於盡之勇氣，毛主席都唔敢孭呢條罪。  

依家唯有望祖國真係生生性性，有日強大到好似花旗咁，啲蘇聯加盟國、外蒙古等人民自動加入大中華合眾國了。

引用:

原帖由 老何 於 2010-10-12 10:31 發表

首要條件係要身體健康, 有精神, 早睡早起, 老何10:30PM後多已見周公了；...

我學老何，23:00 必瞓，21:00 已拎起電話聽筒以防搔擾，早上鬧鐘 set 死响 7:00。

投資同養生一樣，要嚴守紀律！

引用:

原帖由 老何 於 2010-10-12 17:42 發表

紀律............識講人多, 做則人少, 臨場考驗, 立分貴賤。

老何見解, 要面對執行紀律, 已是失策； 處事主動, 方為上算, 而事前籌謀, 則萬事大吉。

Absolutely !

引用:

原帖由 老何 於 2010-10-13 09:36 發表

.., d香港小輩仲死,尿酸腳痛, 神經衰弱 ...

我有個 friend，53歲，政府工，contract，一年前腸癌三期，成因我話係壓力，而家好番，我叫佢咪再做，老公又係政府工兼 pensionable。樓供完，個仔 London School of Economics 畢業兼有份好工。


佢唔聽，錢呀命呀，我祝佢好運！

引用:

原帖由 老何 於 2010-10-20 17:44 發表

抗衡老美, ..,  即現時陸基航空兵整套運作架構搬至海上, 發展18萬噸级航母 ...

其實亞爺整隻咁貴嘅18萬噸級航空母艦，係咪祗係去吓釣魚台或東、南、西沙度保護領土，抑或會用嚟去四大洋保護石油航道呢？

又或者會否用嚟去日本海同倭寇、印度洋同亞差片過，甚至遠佂去到花旗本土同老美死過咁呢？

引用:

原帖由 老何 於 2010-10-22 09:00 發表

老何倒希望鄧伯料事如神。

客觀形勢，非個人主觀意志可轉移。

西方以至日本一直以來皆想佔領中國，或扶植傀儡政府，又或將之如李登輝所說，分裂為十幾國更好。  


到時鬼打鬼，你殺我，我殺你，仇上加仇，好似印度同巴基斯咁，剩係賣軍火俾佢哋都夠和味。

所以中國點做都唔會俾人當 friend，人家只係等緊你衰而矣！

此之謂: 「象以齒焚身，蚌以珠剖體；匹夫無辜，懷璧其罪」是也。

引用:

原帖由 36D 於 2010-10-22 09:52 發表

亞爺…已有小成…而祭出大國凸起，推動盲目愛國之計，實是飲鴆止渴


& flowingwater #1308..打工如事. 做生意如事. 到國家層面亦如事.要上位. 其他人一定想方法拉你落返NE…. 一但成功上位. 人家便會主動NE擦你鞋. ...

水哥仔言之有理。


而 D兄响 #1305 所言，亦小弟所憂。

做人切忌不自量力兼沖昏頭腦。小心人哋贊你，實則係包藏禍心。你仲以為人哋擦你鞋，其實想你死。

例如你踩住架新買靚單車落斜路，班友响路邊見你咁寸，唔順超，起哄話你好叻，叫你踩快啲，卒之唔使幾耐連人帶事舂咗落山，笑到班友蹗地。

引用:

原帖由 36D 於 2010-10-22 09:52 發表

...忽說登月，又說航母，再說深海秘密武器云云，怱怱派人去亞丁灣，維和部隊四圍去， ...

並非長他人志氣、滅自己威風。

大陸要打海戰，對象不離倭寇及老美。

今時今日，同呢两條友打，即係同全世界開戰，到時亞爺支艦隊要補給，我諗唔到有亞水夠胆會唔睇老美台戲俾亞爺泊岸。

我相信啲乜鬼18萬噸级航母 ，乃亞爺之大玩具，整俾啲糞青及現代義和團睇啫。至於打唔打得，亞爺自己最清楚。  

一艦两用，做定可隨時變潛水艇或者啱用啲。

冇咁大個頭，就唔好戴咁大頂帽。要整？幾多隻至夠？我怕好似黃小妹話齋，遲早學蘇聯當年俾花旗佬拖垮。

引用:

原帖由 YU? 於 2010-10-22 18:13 發表

何不用另一個角度講下ne 個題目.
例如~~中國有需要擁有航空母艦嗎？

其實亞爺要同人隻揪，何須用到航空母艦？  

同老美打，可不費一彈一砲。

毛主席晨早教落，人多好辦事。求仁得仁，實行百多年前西方列強所冀望，採取門户開放政策。

一於用人海戰術，海陸空全方位，先放一億難民去老美及佢响全球啲 friends 度，唔夠再加碼，直至佢哋接貨接到手軟沙霖為止。

[ 本帖最後由 mtpen 於 2010-10-22 22:28 編輯 ]

引用:

原帖由 dirtyoldman 於 2010-10-22 18:21 發表

捧殺你好過棒殺你！

好句！

捧你上天掟瓜你！

引用:

原帖由 老何 於 2010-10-22 19:23 發表

中國艦隊現時5大主要補給基地位置圖。

同老美片起上嚟，呢班哎吔兄弟靠唔靠得住呢？�M家冇事冇干，未攤牌都好似幾 friend 嘅。

老美班傳統盟友會否助佢陣呢？

Don’t forget, 亞爺支旗太恐佈喇，共產政權呀！佢哋拎支西方民主自由旗出嚟，殺通莊呀！

就算有日士急馬行田，俾班哎吔兄弟飛起，要到飲鸠止渴，都咪鬼俾波斯佬同你叫陣呀，否則多條同邪惡軸心勾結罪，打死無怨。

[ 本帖最後由 mtpen 於 2010-10-22 20:01 編輯 ]

引用:

原帖由 dirtyoldman 於 2010-10-22 18:21 發表

捧殺你好過棒殺你！

其實呢句嘢，日本仔體驗最深，尤其响經濟層面。自己跌瓜咗先知邊個係醜人。

廿多年前，日本財閥東征西討，超英趕美，連洛克菲勒大道以至紐約啲靚地皮都俾�謋J買起晒，好不風光。

奈何始終係東方黃面佬，白鬼只是看在眼裡，酸在心裡。惟有跟�謋J癲埋一堆，見好唱好，順勢挾高佢，贊佢英明神武，捧到佢天下無敵，令其嚴重超買，乘機抽水。

真好笑，家陣响天撻落嚟散咗成廿幾年，仲未醫得番好，斷估呢單嘢亞爺唔會唔「地除」啩？

引用:

原帖由 suewong 於 2010-10-22 12:22 發表

對中國，我的感覺就是 1 個母親，面對 1 個天性頑劣的孩子。

小弟與妳想法完全相同，而老何兄對祖家之矛盾心態，更有同感。

黃小妹，妳叻女，讀得書多，分析能力高，可否解釋一吓我哋呢類港人咁對祖家法，是何心態呢？又愛又恨，精神分裂乎？

坦白講，我對亞爺並無好感，但又唔想佢衰。若揾國家領導人，你叫我揀柴玲、吾爾開希呢類學棍、民耻黨嗰两個想做現代孫中山嘅政棍大老、又或李登輝漢奸之類，我情願揾番胡温做好過。

妳比喻得好，感覺就是一個母親，面對一個天性頑劣的孩子。換句話說，就是恨鐵不成鋼。假大空及其它唔講，肅貪倡廉、反腐有幾難啫？改極都改唔到，衰於人前！  

既然冇其它更好選擇，就當亞爺係看守政府好了。我哋亦唔望佢衰。一如老何兄說，亞爺衰我哋香港都冇運行，唉！

引用:

原帖由 flowingwater 於 2010-10-24 10:33 發表

因為畢前輩愛國不愛黨乎?

叻仔！好嘢！直情係！

你唔講我真係唔知，真嘅！

我祇係知，當啲鬼話衰我哋中國，我會唔鍾意。但你叫我番大陸行吓，睇吓？咪拘！

有個friend三番四次話用車車我上去玩，我都話唔使客氣。