引用:

原帖由 老何 於 2010-10-1 11:16 發表

便是「知足常樂」這四個字,...

何老兄講得好啱，enough is enough!

老兄能於38歲便得道，醒！ 好多人98歲都未必明。  

中學時有幸曾讀過一两篇莊子，讓我對人生睇法，功名利祿，有着深層次影响。

釋迦牟尼都講過好多叫人無欲無求及其它相關之大道理，我信。我好同意黃小妹所說，很多人被資本主義愚弄，先使未來錢，剌激消費，盡量享樂，乜都要有。很勤力工作揾錢，同時很勤力去散錢，show off，件衫好地地揼咗佢再買過。何必呢？發到個計咁行，好易壞�謘I

我深信佛學同資本主義係對立嘅。

講開佛學，我信嘅係釋迦牟尼講嘅道理。我從來不理會甚麼儀式，乜嘢打坐、誦經、燒香等皆非釋迦牟尼之原本意願。與其花時間去誦經念口枉，倒不如去理解佛理原意並實踐之。

釋迦牟尼從來非神，乃印度一王子，一個好心地嘅智者。後人將其神化以利拎財，制造特權，導人迷信而矣。

我相信佛教需要改革，一如德國一教士，馬丁路德 Martin Luther (1483 – 1546) 將天主教改革一樣。

該改革者可以是任何族裔、國籍、性別、及結婚與否。始後再不須穿加袈裟、剃頭、建廟宇等。

引用:

原帖由 suewong 於 2010-10-1 22:57 發表

mtpen 的看法，與一些大學校長 / 有識之士，不謀而合。

小弟26歲得道，於1975年，在維也納。

某日，突蒙主感召，向部門申請一年 no pay study leave 去以天主教為國教之奧地利，修讀神學，兼修德文。課程多元化，包括認識各大教派，如佛教、伊斯蘭教、印度教、等等。  

可惜抵埗後不久，認識了一班從香港來之留學生，高人林立，讀音樂、劃畫、冶金、機械、哲學、文學等等，更被其中一個同輩大師感染，從此疏主近佛。

之所以歸佛，最大主因，是不幸事接連發生在這班從香港來之留學生身上，致令其中两摯友分別早夭，從而令我悟出佛理而得道。

歸納肇因好簡單，乃叻嗰個死嗰個。要叻過人，一定要去盡，愈來愈盡，卒之超越臨界點而敗下來。兼且叻人自然好勝，目空一切，難度更高危險事愈做愈多，必應統計學之定率無疑。佛理早有講過相關大道理如：無欲無求、不貪、不嗔、不癡、等等。

整件事非三言两語可交代，若然黃小妹唔怕悶，小弟日後再詳述。希望何老兄唔介意到時借佢地盤用吓，好嗎？

適逢國慶期間，先講啲國慶相關瑣事吧。當年十一國慶，中國駐奧地利大使館邀請華僑上大使館慶祝，我哋當然唔客氣，好多嘢食，如月餅、沙田柚、春卷、咕嚕肉等。餐後放影平原游擊戰。

其間大使在台上講，話代周恩來總理傳話：「…您們雖已居於國外，但祖國對您們仍然有責任，有事需要大使人員幫忙，請隨時來找我們！」。各人聽罷，無不大為感動，淚凝於睫，小弟亦眼濕濕，我們同來數女，更哭成淚人。

大約一星期後，又有餐食，今次輪到雙十國慶，台灣中國時報搞，食物相若，其間更向年中逝世之蔣介石相鞠躬。餐後放影梅花。

我哋呢班香港人正衰仔衰女，為咗餐食，左右逢源，冇腰骨！

引用:

原帖由 suewong 於 2010-10-2 16:44 發表


不如你都開個 post 講下。

個人來說 - "欲問前世因，今世果便是"， ...

其實根本冇前生，更遑論後世。好多所謂佛經，並非 original。

我確信釋迦牟尼本原著是很簡單，很人性化，並不深奧。只是後人加吓多啲，加吓多啲，兼整色整水而矣。


其實任何一個有良知嘅人，無須讀過或揸住本經書才識得做人，或做好人。

舉個例，當妳睇住我呢個 post，冇筷子在手，妳試吓話俾我知，揸筷子點揸？用食指吖、中指吖、抑或無名指吖？又用邊隻手指夾前夾後及夾住邊度？我包妳唔識。

咁是否妳不識揸筷子呢？梗係唔係喇！但唔識揸筷子嘅人，例如鬼子佬，佢哋去親唐餐館，就要揸住個筷子紙筒印住個 manual 先惦，明否？

此之所謂手中無經，心中有經是也。

我好有理由相信，釋迦牟尼本原著係一本無字天書而矣！As a result, to be honest, 我已冇正正經經看過啲所謂彿經久矣。

至於開個 forum，小弟不才，絕對不敢响呢個高手林立嘅地方獻醜。更重要一點，乃有違我所理解之佛理 - 無為！

因此，還是附在各高人之 forum 好啲。

引用:

原帖由 ali 於 2010-10-3 05:07 發表

咁又唔一定。我個件係鬼，佢都唔駛我教,夾下夾下慢慢就識用；我個女3歲時，都係自己搞掂...

Ali兄所言非虛，亦回應了小弟先前所說: 「…其實任何一個有良知嘅人，無須讀過或揸住本經書才識得做人，或做好人。」

換言之，Ali 嫂及囡囡無須睇 instruction 而識揸筷子，正是我想講之「天生好人」是也。

事實亦然，並非信佛才可稱得上是好人，一如並非識揸筷子之民族才懂弄美食。法國佬用刀叉，法國菜比唐餐好食百倍（中式餐飲業朋友請息怒，此乃愚見而矣 ）。世上千千萬好人，信着不同宗教，甚至乎無任何信仰。


講番前生今世輪迴之說，幾千年前民智未開，有心人士，用鬼神之說以收阻嚇之用，可以理解。起碼走運時會埋怨因前生作孼而起警惕之效。又或想做壞事時會想到下世會有報應而收手。但屬飲鴆止渴式，後患是導人迷信，失却公信力，信非釋迦牟尼原意。見諸當今世人學識，此神化說法，未免令人貽笑大方，更有劃蛇添足之感。

佛學若想現代化、國際化，跟鬼神之說劃清界線是唯一出路。

當然鬼子佬都唔好得去邊，睇番舊約，犯駁連篇，得啖笑。

Ps 多謝老何指點，小弟未曾看過此 Cosby show劇集，有機會一定買隻DVD睇吓。

引用:

原帖由 suewong 於 2010-10-2 16:44 發表
女主角臨死前，說了 1 句發人深省的話

p.s. 細個亞哥已好怕我坐係度睇書，佢話與眾不同，注定吃苦。...

句嘢點發人深省法呢？

妳大佬講相反說話啫，你估懵閉閉，一舊飯咁，乜都唔知，就叫傻人有傻福呀？

最怕係有日衰咗，唔識早知冇乞兒，自疚時就真係吃苦了。

講起冇腦，勾起响 Vienna 時跟各高人互窒之趣事。

若然人哋唔同意你嘅睇去，常用貳招回敬:

一係就話: 「嗱，上天俾咗個能分辨是非黑白嘅腦你都唔用，佢會懲罰你，收番你個腦�謘I」。潛台詞即係等你變白痴。其實上天唔得閒懲罰你，你做錯嘢，自疚唔開心等於自已罰自已。

一係就話人: 「夏蟲！」。莊子駡人夏蟲乃一絕。唔識聽還好，否則比被人駡猪頭炳更難受，更毒辣。簡直係深層次地傷害人民感情。

引用:

原帖由 suewong 於 2010-10-3 17:45 發表


mtpen 真是好人，仲有赤子之心。

眼見不少人 衰�� - 人地衰，累我；唔好彩。..永遠重犯。so far, 無見到有人 識 / 會 內疚。

君子求諸己，小人求諸人。小人實折墮�瞴I點解？乜都話人錯，自己冇錯。即係唔使改喇，實行再扑崩個鼻�瞴I遲早個天實收佢喎。

又係嗰句，講就話天收。全世界咁多人，你又唔係老幾，個天邊度得閒成日睇住你吖，要睇都睇住胡温先喇。  

最好一世都唔扎醒，否則到頭來發覺最衰係自己就最痛苦。

引用:

原帖由 suewong 於 2010-10-4 22:07 發表


ah Sue 試過 用類似說話 安慰舊同事，佢答：我見佢順風順水 10 多 年，人生有幾多個 10 年？因為佢，我地就扑崩左個鼻。  

妳下次教佢，若想唔再仆崩鼻，記住呢句格言：Don't take a chance, make a choice!

叫佢永遠咪同統計學之機會率拗呀！僥倖呢樣嘢好飄忽不定，並不常與你同在�謘I

引用:

原帖由 saltyguy 於 2010-10-5 03:14 發表

點只日本人,全世界都看穿,除了中國人自己!

中國人唔係唔清楚，只因基因問題，唔鬥唔得。你試吓將两隻白老鼠放响個籠度，好少打交。若同一size個籠，放十隻落去，唔打至奇。

毛主席好明白，口講就人多好辦事，心知人多好大鑊。所以久唔久揾場扙嚟打吓，人唔同你打就自己鬥自己，減吓人口，因為一孩政策都唔夠快。啱嘅！

引用:

原帖由 老何 於 2010-10-11 12:40 發表


那是有感而發。
才有照片中傲視香江的大宅, 修橋補路者, 惟有仰視而嘆！

間屋咁有形，係咪湘哥嘅物業呢吓？

引用:

原帖由 老何 於 2010-10-11 17:36 發表


湘哥老爹都要大屋主人幫手, 否則行行�儱|甩轆。

咁屋主係乜水咁巴閉？

引用:

原帖由 hkgalbert 於 2010-10-11 23:27 發表


鵝頸山主人利希慎，經營福壽膏、利園遊樂場。

以為乜嘢咁顯赫，原來販賣福壽膏呢家嘢起家，就算發咗達都唔係好�G香啫！

引用:

原帖由 suewong 於 2010-10-13 00:16 發表

唔好理，人地到而家，都咁顯赫。  

待小弟嘗試解讀老何兄之感觸。

殺人放火金腰帶，修橋築路冇屍骸。

我唔記得黃小妹响邊個 post 度講過两句古句，大意謂叫人做好人呢亭說話，只係講俾啲忠直死蠢嘅人聽，等自己有 room 去作奸犯科。

我相信呢個顯赫家族已自我吹摧眠咁話：「乜嘢唧，我唔賣，其它人都會賣，爭乜在我啫。當時賣鴉片乃英皇御准，完全合法。要怪就怪紅毛鬼英國佬東印度公司响印度運啲咁嘅嘢嚟賣，關我鬼事呀！」

又係噃，香港之有香港，乃拜鴉片之賜。即打從 day one 起，香港乃罪惡之城。我懷疑上天會否有日將天火焚城錄照樣搬嚟响香港上演。

又或有日會好似樓蘭咁，名城變廢墟？又或與切爾諾貝爾等城相提並論呢？

我相信港人是時候要多積福及贖罪了。

引用:

原帖由 comm 於 2010-10-13 18:52 發表

嘩!大哥唔係個個香港人賣鴉片,而得到呢班人的利益,大多數勤勤力力,遲早乞食個隻禾,我信有天收呢句,唔會係全香港呀

comm兄，唔好意思一時講大咗，令老兄不安。

不過我不殺伯仁，伯仁因我而死。

但香港之起家，或多或少離不開鴉片煙。無鴉片，無東印度公司，紅毛鬼冇 jetso 唔會打中國，亦唔會割香港。早期稅收亦全靠佢貿易所得。冇當日就冇無今日，呢啲係孼債嚟�謘I

聖經舊約係咁做�謘A天火焚城，好人壞人一齊落鑊�謘I

引用:

原帖由 comm 於 2010-10-13 18:52 發表

大多數勤勤力力,遲早乞食個隻禾,我信有天收呢句,唔會係全香港呀

我啱啱見過上帝嚟，表達 comm 兄之不滿與不安，點解好人壞人一鑊熟？佢話邊有得解？你啲馬騮，解咗咪隨山走？

不過佢俾面 comm 兄，臨走都肯答啲。佢話就算你哋班人，只係响灣仔街市賣米、肉、菜等，但你哋有賣食物俾啲鴉片販子。你雖冇賣鴉片，但鴉片販子因你而生，即係從犯。  

重有，鴉片販子納咗重稅，政府先可提供水、市政、治安等服務，而你哋只納低稅，就享有呢啲優質服務而唔提出反對，等同間接有份參與鴉片販賣。

By the way, 上帝搭我問吓 comm 兄，你版頭張相個嗰女仔係咪幾十年前做戲個嗰 Bobo Fung？你同佢又有乜景轟咁呢吓？

引用:

原帖由 suewong 於 2010-10-13 23:17 發表

其實 筆兄所論，是佛學的共孽。 如今通行的環境保護，就是共孽的應用。

Brilliant!
We speak the same language!

行政管理學，之所以著重 Team Work，背後理念，乃有福同享、有鑊同孭。

大家一條船，互相督促、學習、鼓勵，以致自我完善。

現今風氣，鼓吹無度消費，亦如小兄弟 scottiehong 响另題所說過度借貸，先使未來錢，以致商場處處，耗用燈光、冷氣能源。黃小妹亦曾提及其親友，件衫好地地就掉咗佢。

若能還完基本法，應使得使，大亞灣核電廠縱非全為港人而建，we do our bit，將加建盡量延遲，不失為功德。要知多建一廠，危險加倍，值得港人深思。

所謂天火，實乃人火，自己焚自己而矣！所以港人要發揮 Team Work 精神，介浮誇及無謂消費，甚至於感染隣近地區，港人幸甚、國人幸甚！

大家祇要明白平淡是福，無須與人爭長短。學吓歐洲人精神，你鍾意打造乜嘢世界第一，就讓他去吧，焉知非福。環境保護才是硬道理。



[ 本帖最後由 mtpen 於 2010-10-14 16:31 編輯 ]

引用:

原帖由 老何 於 2010-10-14 12:22 發表

改變郊野公園條例.....垃圾堆填區問題是阿凸投石問路, 大家不要捉錯用神。 ...

老何兄睇嘢夠通透。

垃圾唔准揼响將軍澳，咁揼去邊呀？

吓？起焚化爐？嗱，你哋話�謘I

得米，正合朕意！

邱騰華專登扮做醜人，你仲以為佢係傻仔。如果佢一早話起焚化爐？嗰啲乜鬼環保塔利班原教主義恐佈份子，仲唔响啲狗窿度捐晒出嚟狂吠呀？

（詿: 環保有真環保、假環保之分，稍後有機會再詳述。）

引用:

原帖由 scottiehong 於 2010-10-15 00:52 發表

而家既後生就係慨念模糊化, 分唔清乜野係必須品, ...

Fully agree!

有需要，同想要，係两回事。

例一: 由太古城去皇仁返學行得太遠，我需要撘巴士。啱！
例二: 由太古城去皇仁返學行得太遠，我唔鍾意撘巴士，我想坐Rolls-Royce。冇必要！

香港�M家好多�c妹仔，為咗買個 LV手袋，情願走去做雞！

嗱，呢啲又係為人父母者，day one 就要身教嘞！

所以我好放心 hong 兄第日個小朋友，一定會係叻人！照做喇！冇錯��嘞！呢件翡翠玉石就交俾你慢慢彫琢嘞！

[ 本帖最後由 mtpen 於 2010-10-15 19:13 編輯 ]

引用:

原帖由 老何 於 2010-10-15 16:37 發表


唔係親耳聽到由AH凸親口講出來, 都唔知佢原來咁慘情！
挖幾塊地皮仔for源自田少的「置安心」, 都要親自出馬, 同老董比較, ah 凸真係不可同日而語,
...

早幾年有個訟棍，原來係地產佬打手，講环保，保育，保维港，個鬧劇幾好笑呀！

引用:

原帖由 hkgalbert 於 2010-10-15 20:41 發表
1) 殺環保局，炒邱騰華；2) 殺法援署、申訴專員公署及警察投訴科，免社民連濫用司法覆核；
3) 向南朝鮮引進防暴警察隊，把那些環保示威者打到嘔電；4) 向前蘇聯引 ...

Albert 兄老馬仍有火！殺！殺！殺！

個啲花瓶衙門，早就要殺清光。阻碇兼冇鬼用，祇係要嚟做分猪肉，掩口費，收買政黨。你請客，我付鈔。最衰係制造抝撬，到頭來仲要用公帑俾錢刁民黨啲訟棍使。

至於嗰啲乜鬼環保塔利班原教主旨極端恐佈份子呀，啲「X毛」、「X狗」呀，佢哋都係揾食啫，如知悔改，學港英時代咁，遞介出境算喇！  

邱騰華今次响堆填區自己都做埋垃圾，算佢喇，硬食扮做傻仔，做咗電兔俾啲患咗狂熱症嘅環保癲狗狂噬，都好傷��嘞，革扯就慘啲，揻柴降两級兼永冇薪加就算嘞！

啱呀！劈咗個馬鞍山，將啲泥推落海，填落老何兄所講嘅吐露港嗰度，唔使同大陸買沙，慳番筆。不過玩還玩呀，咪郁親 Albert 兄啲國民黨老鄉响馬鞍山剩低啲地盆呀！反面�謘I

引用:

原帖由 老何 於 2010-10-16 21:21 發表

老何最喜歡講錢, .. 環保NE兩個字值幾多錢, 現值4萬億港元。何只食得, 用得！ ...

Damn right!

講起環保、填海，大家應該記得幾年前有個地產佬御用訟棍自編、自導、自演咗一出極為賣座鬧劇。臨散場前更加插佢娘親被人搞，以至要避走英倫咁話，極富娛樂性。可憐弱勢特區政府俾佢玩到反晒肚。

據佢話某日突然發覺自己半山住緊間屋個維港靚景愈來愈少，於是吹雞發動羣眾，居然糾集到各路反動份子，例如泛（犯）民鬥士、反中亂港搏出位紅衛兵、環保塔利班原教主旨極端恐佈份子，一齊起哄，泡製咗個反維港填海大聯盟，又遊行，又絕食，亂作一團。最後又上訴，又司法覆核，啲刁民黨訟棍集團無喇喇又多咗單 big deal。

其實香港之有今日，全靠百多年來不斷填維港得嚟。所謂移山填海，除咗移走陸地嘅山可多出平地外，啲泥石可即時填落海增加土地，廢物利用兼有效率。

�M家啲偽環保暴徒，話填海唔環保、唔保育，不知是那門子學說。荷蘭現今好多地皆填海而來，人家咪一樣冇破壞生態。你估填維港係是旦揾幾個泥水佬倒啲泥落海咁簡單呀？經過各有關專家堪查評估過先進行�謘I

呢班土炮偽環保暴徒，舢舨充砲艇，識啲唔識啲，白痴兼冇腦，俾地產佬利用咗都唔知。人家驚前面如果起咗樓，遮住佢�M家啲商業大厦靚景兼供應多咗唔值錢咋！你呀媽生你啲咁嘅廢物出嚟，day one 就要用紙尿片，咪仲唔環保！好彩你食飽飯冇屎疴，慳番咗幾格廁紙，都算環保咗。少啲寫poster，少啲用黃絲帶去示威，咁就真正環保嘞！

嗰個訟棍自己返工放工上落半山中環路路通，可憐响九龍新界、灣仔、東區嘅市民就慘，如果唔係佢哋搞搞震，條新海濱大道經己通車。�M家啲巴士、小巴、的士、貨車，蟻躝咁又或者要兜路，咪仲噴多咗廢氣！

引用:

原帖由 suewong 於 2010-10-20 00:14 發表

再填，真是艇仔都行唔到....

黃小妹，我哋啲老鬼嗰頭近，唔買樓好閒，妳唔好跟人咁短視去反對維港填海呀！

响經濟學嚟講，從來係 supply & demand 主宰一切。唔准填海，supply 少咗，樓價自然貴，到時妳揾埋都係得個吉咋！

始終嗰句，現今樓價已脫離一般打工仔可負担能力。現時樓價之所以炒高，乃拜憧憬大陸人來港買樓所賜。

其實現今買樓及炒樓者，大部份是港人。而港人早已被催眠，沒有能力衡量真正錢銀價值，加上恐怕唔買會蝕底，又或貪心見人贃咗錢心紅照跟，幾貴都照買。97爆煲十多年已冇人記得其成因後果了。

正如我曾提蕭伯納名句：We learn from history that we learn nothing from history。慘！

引用:

原帖由 hkgalbert 於 2010-10-19 23:31 發表


老友記，此尾「鮎魚」比打殘沙田機場那臭婆娘「溫黛」更勁！小心為上。老人雖身在番幫，仍念及家園也！

Albert 兄你就爽喇，可以响花旗避風兼欣賞緊花旗婆咁大個月亮。

我哋响香港就慘喇，食正個世紀巨風。

俾個倭寇氣象厅網頁你就睇到個風有幾勁矣！

http://www.jma.go.jp/en/gms/index.html?area=1&element=0&mode=UTC

[ 本帖最後由 mtpen 於 2010-10-20 18:24 編輯 ]

引用:

原帖由 comm 於 2010-10-20 17:33 發表
無維港啲樓咪唔值錢!D屎 排去邊,好多人靠個海揾食, 想破壞風水,香港死快D

維港點都唔會填平冇咗，�M家只係想响各方專家評估堪查後，填得先填啫。

我唔覺得�M家咁，一刀切 ban 晒成個維港填海係香港人嘅福。

西九對出、紅墈、啟德附近，包括明渠及觀官一帶，填咗冇乜大問題啩？

至於風水呢家嘢，今時今日，咁迷信嘅嘢都好信？好似有人使咗咁多錢揾最高道行嘅風水佬，恨生孫仔，咪又係生咗两個女？乜唔靈嘅？兼且更搞到近排是非多多，乜化解唔到咩？咪聽佢哋呃神騙鬼喇！

引用:

原帖由 老何 於 2010-11-7 21:42 發表

e+d淡水魚檔, �M條鯉魚睇下都冇, 問魚佬, 答：阿伯, 係你地先買, 冇人吼好耐了。...

淡水魚都係少食為妙，又激素又孔雀石綠。

今時唔同往日呀！