引用:

原帖由 LouisLee 於 2011-8-1 12:23 發表

孫中山係咪漢奸有待進一步考證, 不過佢係澳門有大婆屋、二奶屋,  D 錢究竟喺邊處嚟???

Lee兄提起孫大炮嘅始亂終棄與及涉嫌斂財臭史，亦令我想起緬甸嗰位所謂民主女神昂山女士，佢屋企咁有米，當年又有錢俾佢去英倫讀書，大家知唔知佢軍佬老豆會否一如現時我哋共和祖家啲高官咁款，啲錢係咪乜嘢咁得番嚟吖嗱？

又講起南非嗰個曼乜鬼嘢達拉，側聞呢位仁兄都幾風流吓，做咗黑版陳世美，搞到佢老婆有辱冇榮，莫非真個「自古（中外）英雄皆好色」？

所以奉勸各位女士千祈咪揀英雄嚟嫁呀！

引用:

原帖由 suewong 於 2011-8-3 17:22 發表


.. 我更加 佩服昂山女士，出于污泥而不染, 無同 班軍佬埋堆, 殘民自肥.....

吓？乜唔係臭罌出臭草咩？

出污泥而不染？咁重手隻仰光猪受唔受得起呀？

哦！共和祖家嘅高幹子弟有錢就十惡不赦，佢軍佬老豆興嗰家嘢擸埋擸埋買豪宅送個女去放洋湊鬼就得！大細超呀？

妳點知祖家啲富二代第日唔會學佢咁番嚟搞屎棍呀？

引用:

原帖由 suewong 於 2011-8-4 17:26 發表


好早前既帖, 就說過 - 希望祖家啲官二代第日...

我愈來愈覺得好多香港人患有反政權／反政府症候群呢個世紀絕症！

逢親有乜人反當權派／建制派，理得係發生响香港／大陸／世界任何地方，呢班病人都封那人為好人，忠嘅！理得佢係咪為一己私利之陰謀家或亂黨。反之，任何人等一同情／同意政府做法，即被打成為壞人，奸嘅！

可能港英當局當時冇俾政府由民主產生，壓抑得太甚，條件反射，以致產生一大班呢亭可憐燒壞腦病人！

唉！成也英國，敗也英國！

引用:

原帖由 suewong 於 2011-8-4 17:57 發表


how about those in U.S.A / European Countries ?希臘人民該覺醒 不能活在過去   ...

歐美嗰啲巴黎大種乞兒我唔講，我講番我哋香港犯民班好食懶飛伸手牌大鱷，講就天下無敵，做就有心無力！

唔怪得俾人王咩亞明寸，話你哋港人未夠班治港！冇公務員？你班犯民食屎啦！吹水掟蕉掟紙飛機就叻！

人哋英國政黨落咗台做反對派都 maintain番班影子內閣，有影子首相、影子財相、影子外相…以備隨時上台又或响國會對等身份隻揪互片。

香港班犯民乃烏合之眾，政治演員，最叻開空頭支票，又冇全盤治港政綱、班底，又唔知自己稅基窄，食稅者眾，納稅者寡，只識煽動群眾攞着數！搞唔惦就拍吓籮柚走頭！