引用:

原帖由 mtpen 於 2013-2-18 11:15 發表

趁壹哥大駕出巡路過九龍仔呢壇��, 讓我繼續分享一�鴽琣p何踏出�R家富貴之第一步!  ...

1983年三月, 西灣河新成中心樓花開賣, 九月入伙。原發展商聞說週轉不靈, 賣盤俾新鴻基接手散貨。

那些年盜亦有盜, 奸商得嚟都似番個人, 三座共約350伙一齊推出, 冇好似家陣班禽獸咁唧牙膏玩市掠到盡。

當日早上9點响地盤設售樓處, 只有小貓三两隻, 但大家都怕俾人笑猴噙, 只敢在對面山邊當睇嘢。我見個個唔郁, 本着雖十九幾人吾往矣之精神, 帶頭行過去揀樓。

呢個咁奇特嘅買樓現象, 皆由於樓價於1981 – 1982間之頂峯, 到此時已跌近50%, 大家expect仲有排跌, 早買早老襯, 噙青實俾人笑到面黄。

To be continued….

[ 本帖最後由 mtpen 於 2013-2-24 19:31 編輯 ]

引用:

原帖由 Tarocake 於 2013-2-19 00:56 發表

老謝大督爺珍藏照片，順便交功課，古董電話，話唔定其中一台是大督爺當年親手安裝，who knows?

呵呵,這是Model 9A呀!屬第一and/or第二代!

早前我放在太古城智星閣浴室者乃Model 20A, Made in Portugal。屬第四代!

引用:

原帖由 Tarocake 於 2013-2-19 01:04 發表

老大，相中位女士，點解咁似你早前在英國找來扮筆嫂那位臨記？

係佢契家姐!

引用:

原帖由 Tarocake 於 2013-2-19 02:52 發表

欣賞49大夫精采喱國旅遊手記同時，卻勾起我一單痛苦經歷。前年首訪New Delhi ， ...

芋兄為咗揾食就冇計啫, 無喇喇去呢亭蠻荒世界旅行喎, 真係身痕兼揾命博!

旅行都係為咗開心啫, 世界上還有其他更皆選擇, 何必犯險呢?

早排話有條強國妺比阿差嗒咗鬼殺咁嘈, 咪玩嘢喇, 佢去都係想試摩囉嘢啫, 事後又後悔, 佢應該對當地治安知之甚詳格, 咎由自取喔!  

引用:

原帖由 Tarocake 於 2013-2-19 00:56 發表

老謝大督爺珍藏照片，順便交功課，古董電話，話唔定其中一台是大督爺當年親手安裝，who knows?

芋兄放上嚟呢两隻蟹(我哋電話佬叫之為蟹)令我感觸良多, 正式不堪回首話當年喔!

1968年離開卲氏片埸入電話公司安裝部, 俗稱「大棚」做學師仔。每日跟住師傅孭住個工具袋、數隻蟹、一綑線加幾個電話部, 通深水埗走。去做我死鬼外母最睇唔起之三行仔!

好奇怪, 三行仔女婿最好使, 隨傳隨到幫手fix廁所鏡箱、神枱燈、散咗嘅廚櫃…正式有事鍾無艷、冇事夏迎春。

逝者已矣, 呢筆老舉埋年結啦, 之但係我好感恩電話公司俾機會我揸槌, 當然尚有我母校大坑東官小之啓蒙性木工堂, 令我居英時識得玩DIY, 基本上一般修修補補, 以至屋簷Gutter漏水、Fence俾Gale吹冧…, 每次慳番一佰幾十九鎊, 而我現今之財富有部份係咁慳番嚟嘅。

仲有, 自己一手一脚整番好果種satisfaction並非金錢可衡量者。  

引用:

原帖由 Tarocake 於 2013-2-19 00:56 發表

老謝大督爺珍藏照片，順便交功課，古董電話，話唔定其中一台是大督爺當年親手安裝，who knows?

芋兄你行宮多, 更有固定居所, afford得起收藏大件實物作留念, 實屬可喜可賀。

可憐大督筆我六十幾九歲仍然流離失所, 故只能保存紙張文件作歷史見證。

就讓我放上那張45年前我在八號仔裡做三行仔見習學師仔之聘書以讓大家作為笑柄, Hong Kong English School Certificate 五科pass, 雖然光頭, 仍只配月入HK$277, 仲係on a Daily Paid basis之Minor Staff, 太冇出息喇, 抵人睇少嘅!

引用:

原帖由 1149 於 2013-2-19 16:14 發表

有些人拉起破布,墊些紙皮,就是一 家,比九龍仔

木屋還慘,最少我們用木板

...

咁49大夫你走雞喇, 未有觀賞一吓我哋那些年一家晌九龍仔大坑東「瞓石冚蓆」嘅趣怪景象喔!

引用:

原帖由 prettysin 於 2013-2-19 18:01 發表

老大,這是今天爽報介紹的。您老有沒有接觸過

真係俾仙妹考起, 三個都未見過!

之不過最右手便果個妳留意吓, 撥號字盤 (Circled in Red)係metal嘅, 乃original。


而芋兄show果两個9A Model原裝亦是用此metal 的, 信是日久壞了, 後來new parts皆只再出plastic 而改換成此模樣。

引用:

原帖由 Tarocake 於 2013-2-19 19:50 發表

老大，我見到個Cost CenterCode 有點感觸，我有一段時間曾經背2個ccc.

芋兄對Cost Center Code咁大感觸, 莫非老哥亦曾是八號仔人? And/or跟八號仔有生意往來?

如非商業機密, 可否八啲困難嚟聽吓?

引用:

原帖由 Tarocake 於 2013-2-19 19:41 發表

噢！幾可亂真，老大可否找回上次扮你那位帥哥的契哥and/or 契弟睇下會唔會一樣咁似呢，唔該。

想揾上次果條木咀? It’s simple and straightforward, get Google Search, 打上「契弟精」便可, 想more specific啲, 加上「兩耳婆個仔」, 包保會彈出仟九幾個咁上吓樣嘅嘢出嚟!

And then, 請教蕉兄用PhotoShop, Copy and Paste, that’s it!

引用:

原帖由 Tarocake 於 2013-2-19 19:43 發表

筆魯班果然文武雙全。我忽發奇想，假若中庸居士及方五十郎今年投資大有斬獲，決定為九龍仔立一牌坊，並請一位德高望重的人，who is 閣下在牌坊頂鑲九條龍仔，未知老大對此能否勝任？

吾老矣, 無能為也矣! 希望大家另聘高人好了!

九龍仔事, 九龍仔理。故務請芋兄要小心處理此事喔!   

既然黨早已委任仙妹為九龍仔街坊組長一職, 大家就要聽黨的話, 跟着黨的路線走, 做個黨的好街坊。


一切還是由仙妹拍板, 我哋不可說三道四, 更不可依牙鬆槓, okay?

引用:

原帖由 蕉園仔 於 2013-2-20 10:28 發表


又擺我上檯，我只懂這樣Copy and Paste，哈哈，另我只懂小小 PhotoCap，而 PhotoShop 這軟件太專業，我不懂用的。

蕉&仙卿家請原諒, 擺你哋上枱一事乃習生嘅主意啊!

習見習主席得知特區2013年十大傑出青年之首 - 芋富商提議起牌坊賀皇上登基一事, 大讚佢識撈兼襟撈, 龍顏大悅。

習生話際此南蠻密謀作反, 香江渾局一片, 風雨飄搖, 要多作偉大工程以冲喜及轉移暴民視線。

起大量牌坊是為一策, 一: 可為庫房水浸洩洪; 二: 可增加就業; 三: 可令啲垃圾局揾食議員有話題起爭議, 剩係起或唔起、起乜款、賀乜、幾大幾細、向東向西….已嗌餐懵, 隨之內哄鬼打鬼, 互雙殘殺, 唔得閒當梁生係寃大頭咁玩, 吓吓針住佢。一如掟幾梳蕉俾啲馬騮乾, 等佢哋掛住爭食打餐懵, 冇精力走入民居度搞搞震。

現根據芋富商建議, 响九龍仔起碼要豎立两個或以上牌坊。最好學到倫敦唐人街咁, 每個出口皆設一個, e.g. 大坑東道、大坑西街、桃源街、窩仔街…or wherever you like…, 總之務要搞得好好睇睇, 錢唔係問題!

為表揚仙妹對黨、國、人民之偉大無私貢獻, 係咁易都要為大姐妳豎立一個, 暫時定性為「貞節牌坊」, subject to大姐妳嘅final同意or被勒令同意, 以肯定妳比白雪公主更雪白之高尚情操!



至於牌樓款式, 已有定案, 就根據各DINO Club骨幹member之新春考察匯報, i.e. 包括但不限於49大夫之㗎哩style、芋富商之高麗江西style、水哥之暹羅style, 以至方五十郎正在花旗取經之Yankee style。

[ 本帖最後由 mtpen 於 2013-2-20 11:06 編輯 ]

引用:

原帖由 蕉園仔 於 2013-2-20 10:35 發表

我印像中在蕉園住時最初安裝的電話撥號字盤係metal，其後才改為塑膠撥號字盤。所以早期的電話應該是metal 撥號字盤，對嘛筆學長？

蕉兄所言絕對屬實。

總之芋兄show那種Model 9A之第一代全屬貨真價實貨式, 若我冇記錯, 應是Made in England的。

我想請芋兄秤一秤那两部古董, 告訴我墜不墜手? 攪盤除咗要係metal才算Original外, 唔係晌度講衰嘢, 仲要係「硬膠」才算數。

咁部電話點至算「硬膠」呢? 嗱, 除咗要墜手外, 敲崩嘅唔係枱角, 而係個電話, 若然两者互撼。


蕉兄撚黑膠唱片撚得多過我食飯, 第一代黑膠一掟就崩, 呢, 就係果種material嘞。之後之黑膠唱片輕好多, more elastic者, 乃第二代, 冇咁易崩了。而我有理由懷疑芋富豪之珍藏屬第二代者。

引用:

原帖由 mtpen 於 2013-2-20 14:22 發表


總之芋兄show那種Model 9A之第一代全屬貨真價實貨式, 若我冇記錯, 應是Made in England的。 ...

經我再三研究仙妹那幅圖, 我circled in red果部乃Model 9A之前身, 所用之material乃「硬膠」。

大家留意芋兄show那種Model 9A較stylish, 角位比較smooth, 因後來之material經改良後容許倒模咁做法。Original則相反, see, 起晒角。

好坦白講, 我雖然在八號仔度做咗三載, 出街安裝電話前後只約數月。其實我哋去用户度安裝者, 絕大部份屬brand new者。而60年代尾我安裝者, 大多已是我放在浴室那種Model 20A了。所以我未見過仙妹放上之那三款舊式電話。

值得一提, 那些年電話公司相當霸道, 被港英殖民地偽政府保護為Monopoly行業。電話機頭屬公司所有, 用户只是租借而已, 日後是要歸還的。故打爛要賠錢, 但壞咗可獲免費修理。

霸道中之霸道, 是不可接駁非公司機頭, 否則電話服務會被取消! 而公司俾乜款你都要硬食, 嘈襯唔幫你安, 我大晒!

引用:

原帖由 蕉園仔 於 2013-2-20 10:25 發表

我有個同學也在這公司做電話安裝員，一做幾十年，幾年前公司要外判這工種，他只有兩種選擇，自動離職，再接外判工作，或接受補償，離開公司，最後他接受補償，提早退休， ...

喜聞蕉兄個friend能功成身退安享晚年, 冇俾八號仔害死!

相信佢老哥亦冇手痕, 大手買入八號仔以為日後收息之用, 否則確實臨老唔得過世矣!

引用:

原帖由 蕉園仔 於 2013-2-20 10:35 發表

我印像中在蕉園住時最初安裝的電話撥號字盤係metal，其後才改為塑膠撥號字盤。所以早期的電話應該是metal 撥號字盤，對嘛筆學長？

想再重温大家那些年一些荒誕之電話服務。

有否記得乜嘢叫做姊妹線呢?

雖則叫做特事特辦, 舒緩線路緊張, 但好大鑊㗎嘛! 咁都得?

即係咁, 蕉兄同小三通電搭上, 因你條線跟隔籬八嬸孖線, 你哋講之依泣嘢佢拎起聽筒聽得一清二楚。

最大劑係八嬸跟蕉嫂friend過打band, 事後作實地現場報導俾蕉嫂知, 死硬超喇!

要是當年有私隱專員公署, 咁搞作我諗八號仔一定俾人告到甩褲啊!

引用:

原帖由 Tarocake 於 2013-2-20 21:37 發表

筆大督爺，枉我封你做我偶像，似乎你對我此等忠實粉絲不太關心，我以前同你講過兼post 埋名片，原來你不屑一顧，激死我!!

有咩?

真係唔記得呀! 我年紀老邁兼間歇性失憶嘛!

引用:

原帖由 Tarocake 於 2013-2-20 21:52 發表

老大，是硬膠，頗重的

那就要good good保存以備仙妺充公喔!

引用:

原帖由 Tarocake 於 2013-2-20 21:53 發表

老大，姊妹線是否pair line?90 年代電話網絡數字化後推出好多功能電話服務，callwaiting, 三方通話，duplex line 可以一線兩號添

大佬呀, 鬼唔知咩!

但我哋講緊60年代尾, 當時乜都未電子化, 機樓都係mechanically操作咋!

引用:

原帖由 Tarocake 於 2013-2-20 21:53 發表

老大，姊妹線是否pair line?

可以咁叫法, 又可叫parallel line。

總之乃當時事急馬行田方法去滿足大量之電話線需求, 是旦將两pairs telephone wires駁埋同一個distribution point就算, 冇理乜鬼私隱了, 而用户明白唔係咁就仲要有排等, 唯有將就吓先啦!

引用:

原帖由 Tarocake 於 2013-2-20 21:39 發表


仙妹，容許我稍作補充，爽報的註解對我們行內人來說，稍嫌牽強，左邊那台分機在上世紀20至40年代頗普通，部隊只會in-house 用，其他機關及公司亦然，上戰場一定不行。extension 均有譯作分機或內線，但後者在小交 ...

嘩, 睇嚟芋telecom專家仲比我呢個電話三行佬強呀!

引用:

原帖由 蕉園仔 於 2013-2-20 10:25 發表


筆學長，當時能入到大公司做事已好叻仔，我有個同學也在這公司做電話安裝員，一做幾十年，幾年前公司要外判這工種，他只有兩種選擇，自動離職，再接外判工作，或接受補償，離開公司，最後他接受補償，提早退休， ...

其實蕉兄絕無言過其實, don’t forget那是香江開埠以來發生百年一遇之人為特大世紀大風暴(or人禍) 之後, 有份工做已算萬幸矣。

在此大時代嘅背景下, we’d got no tomorrow, 在入電話公司做學師仔技工那一刻, 我已well prepared呢一世做硬三行仔矣。數月後我更接受management「勸諭」, 於晚間走去Hong Kong Technical College, 即Polytechnic之前身讀Telecommunication呢!

好彩我跟得恩師紅太陽多, 時刻銘記佢老人家果句乜鬼嘢世上無難事, 居然俾我藍領變白領, cheap 工變成冇咁cheap!

我放上那張Testimonial讓大家睇吓, 我Job Title原本係Technician, 但Job Nature竟然可變成Works Order Control Clerk呢!

壹哥早前曾叫我扮人版示範俾當今後生仔女睇以示鼓勵佢哋發憤做人, 其實我呢個cheap工嘅經歷真的可對佢哋作深層次反思, 作指導性啟示, No Job is too Cheap! 食住等嘛, 千祈咪匿响屋企吽呀!

正式手法人人有, 巧妙各不同。稍後我會繼續跟大家分享何謂只要肯攀登喔!

而我自問咁努力、勤力、好使好用, 只配獲「Good」之評價, 背後有一幅被咁長嘅鬥爭辛酸啊!

引用:

原帖由 Tarocake 於 2013-2-21 21:07 發表


筆電訊前輩，我估你係讀Part-timeDay release 課程， right? 請問你當年Telecom 是讀些什麼呢，

唉,芋首富,真失禮,開學讀咗一陣就放棄喇,係Evening Course,但太多OT喇,揾銀至上嘛!

若果公司肯咁慷慨俾我Part-time Day Release或者可complete the course嘅。

其實我始終唔想做死一世三行仔呀,我想讀Matric, GCE 2A 3O呀!

引用:

原帖由 1149 於 2013-2-22 11:43 發表
今天新聞:印度大君後裔告上法庭,向正在印度訪問的英國首相卡麥隆要求歸還殖民時代被迫進貢的美鑽....

撻咗人嘢梗係要還啦, 咪側側膊呀!

點止阿差嘢呀, 果啲放响大英賊贓博物館於火燒圓明園時撻落咁多珍貴寶物都要限日歸還呀!

否則強國更強時出動千九幾艘海陸空暨潛水四棲航母將英倫三島炸個稀巴爛就莫怪傷害两國人民感情了。

引用:

原帖由 Tarocake 於 2013-2-21 21:07 發表

筆電訊前輩，我估你係讀Part-timeDay release 課程， right? 請問你當年Telecom 是讀些什麼呢，

芋兄講起讀夜校, 我又想藉此勸勉吓時下後生仔女, 趁後生Good Good 學習, 理得佢日後有冇用, 志在從中尋找做人方向、靈感便已足夠。並不太需要理會日後可否以之賺錢, 就當興趣好了。  

況且保持學習習慣, 在暫未找到正確目標學科前可令個turbo保持運作模式, 以便日後學習暢順。

仲有, 又可收心養性及kill the time, 令無限精力不至花於嫖、賭、飲、蕩、吹之歧途上。

那些年我哋做電話公司啲三行仔, 揾錢易, 故easy come easy go, 大家放工後, 例牌, 包括但並不限於去舞廳、上士碌架波樓、保齡球場, 至於煙、酒、狗馬、麻雀乃指定動作也。

好慶幸自少家貧, 要我花hard earned money於無謂不良嗜好上, 咪拘!

自問並非讀書材料, 仍肯嘗試將自己困於學識上, 雖然at the end of the day乃屎坑關刀冇張利, 亦冇後悔喔!

自Form 5會考後, 我前後讀過十九幾樣嘢, 例如新蒲崗文理, 以為可攞到GCE 2A 3O, 但心散, 只得English Language & Geography 攞 O-Level, 及唐人包惦但冇用之Classical Chinese A-Level而已。

40年前連電腦係點様都冇乜人知嘅時代我已走去摩記嘗試知吓係乜東東了。

[ 本帖最後由 mtpen 於 2013-2-22 17:53 編輯 ]