引用:

原帖由 suewong 於 2011-7-19 17:06 發表


以前因為有房津, 所以無此感覺. 不過今年業主加 30% 租..   ...

今時今日，我唔明妳業主點解咁把炮夠胆加租30%而唔驚妳搬？

我租緊呢度，2009年十二月起租，月租HK$25,000，一年生一年死，依家生約已過咗成八個月，都冇敢加租或叫我扯！

引用:

原帖由 suewong 於 2011-7-20 17:34 發表


筆兄你好彩啦, 遇到個唔志在既業主. 有人住 service apartment, 311 前續約,加  60%. 311 後,  ...

妳話我好彩又得，事實上客觀形勢唔到業主大哂話加就加𠺝！

我2004年七月回流，住咗Serviced Apartment 16個月，400多呎Studio Flat，由HK$14,000加至HK$18,000，於是响2005年尾用HK$25,500租番1,200呎一般住宅，但到一年生一年死完結，即2007年尾，業主都冇敢加租再簽多一年生一年死到我於2009年尾住厭咗才搬到現今之地，即是話，住咗四年都冇加租，而加租呢樣嘢，唔係想像中咁犀利啫！

引用:

原帖由 1149 於 2011-7-20 20:28 發表

我身價是李首富的萬分之一..也算是窮人..9間屋有6間租人開當舖和早餐店,3 間自住.

若然老兄咁嘅情況叫做窮人,那台灣被稱為寶島實當之無愧矣！

引用:

原帖由 suewong 於 2011-8-6 21:19 發表


..說她好福氣, 所出皆男, 不需祭拜啦...半世紀多後, 慶幸重男輕女, 已減少...

黃小妹講起重男輕女呢個敏感議題，等我踢爆呢幾千年來中國男權社會世紀大陰謀，利用此去愚弄無知婦女吖嗱！

有些少常識嘅人，都知生仔生女嘅chance係五五波，兼且男方女方各負一半責任。偏偏麻甩佬可大幟幟賴個老婆唔好，生咗個女包出嚟，而社會共識亦同意全係女方責任，兼且女人自己唔敢反駁，不獨止，個捱壞仲不理自己曾經明俾人屈過，夾手夾脚一代一代咁幫手恰個新抱！

既然責在女方，麻甩佬自然大條道理娶妾侍，包阿細，若果咁不幸真係生咗個女包嘅話。好嘞，就算生咗一個仔，就賴話驚養唔大，要繼續生落去，咁有乜好處？大把啦！十月懷胎加埋前四後六，咁條衰佬話有需要，唔通唔俾佢去滚呀？之後，等妳湊住成竇，得閒死唔得閒病嗰陣，佢去滚妳都冇佢咁好氣啦，係冇？

其實話繼後香燈正一無稽，有錢佬有檔生意，又或太公有猪肉分尚可，若然两樣都唔係，繼乜鬼嘢香燈唧？陳姓、李姓、張姓…冇你就會絕種呀？咪呃神騙鬼／強物情就己意罷喇！

至於話生個女包係蝕本貨亦一樣無稽，就算嫁唔出留响屋企攝灶罅，做妹仔俾你當賓賓咁使都值回票價啦！若然嫁得出仲和味，以你咁古惑嘅人格，咁無良，你估會死錯人呀？仲唔斬到條老襯重傷呀？兼且十個女九個賊，日後乜本都返番嚟啦！

引用:

原帖由 1149 於 2011-9-23 18:00 發表
..各位,錢要拿在手上,不要作無謂投資,年後看準再出手吧.

對呀！Cash is King嘛！

2008年金融風暴延續三年至今，最後的審判卒之要來了，邊個冇著游水褲要現形了！

小心滙豐呢隻大鱷提款機抄股，低處未算低！當最後一張中國牌打埋都唔work，無遮無扇再滾人唔到就要現形，到時見3…，唔係33蚊，係3蚊呀！

老妻成日俾啲九流分析員／財經演員／地產佬誤導，話聯邦儲備局聲稱两年唔加息，樓市股市冇事嘅！

我問佢咁點解美國唔加息，但香港樓按近日又會加息呢？又咁點解渣打今日定存利息會見2厘呢？佢呢两日先至信我講！好彩都未為晚也！

引用:

原帖由 HAOCHANG 於 2011-9-25 23:00 發表
   
   近日收拾旧物藏品, 算算差不多近五十年了,真是难得了,大 ...

HAOCHANG兄揾起舊物而感概時光飛逝，小弟極有同感！

好好醜醜，轉吓眼又幾十年，似慢亦快！

依家行街又好，飲茶又好，冷眼旁觀，笑看人生，好想問佢哋何必過於
營營驛驛呢？使少啲咪得囉！

引用:

原帖由 HAOCHANG 於 2011-9-25 23:00 發表
MTPEN 兄:
     
...生真的是匆匆,也蒙糊想起当年的朱古仔岁月.MTPEN 兄可有感想否? ...

再講番朱牯仔歲月，若果當年我哋唔化，唔肯付出努力，只識停留於鬧唔公平，嗟嗟怨怨，而冇積極面對人生，亦冇欣嘗童年身邊可能還剩有些美好之人、事、物、景，咁就真係令前半生白活了！

引用:

原帖由 chungyong 於 2011-9-26 11:46 發表


sigh... you are right again !!

其實滙豐衰我一啲着數都冇㗎！

我只不過根據國際形勢同英國現况作出愚見而已，並非憑空作嘢唱衰佢㗎！

我都傷㗎！因我响英國買落啲基金及Pension Funds差唔多隻隻都有滙豐成份，唯有長揸啦！

引用:

原帖由 kintsun 於 2011-9-26 16:55 發表
真是難得,好好保存,haochang兄64年讀小一,我則小四,已經調往培立..

Kintsun老兄一切安好吧！

引用:

原帖由 HAOCHANG 於 2011-9-26 23:47 發表
经历过朱牯仔的日子,会懂得积极面对人生,自力更生,就算现在一穷二白,也很淡然,放得开.认为再差也不会重过朱牯仔的日子....

上天有好生之德，必留世人一條生路！  

我成日同老妻講，我哋嗰個年代嘅人，有幸能活到今天，委實係奇蹟！

亦都證明咗「物競天擇」呢個嚇鬼謬論係站唔住脚！

我哋咁嘅出身成長、咁嘅教育水平、咁嘅謀生技能，竟然能生存超過半個世紀有多，看來呢個世界根本係冇競爭嘅，就算有，都係非常之寬鬆，亦即係話，點做都得（唔死嘅話）！

引用:

原帖由 prettysin 於 2011-10-4 14:21 發表
大家好！很高興發現這個論壇，因為我也曾經是個九龍仔人。...

謹代表xocat網友歡迎prettysin兄大駕光臨！

有空請多寫九龍坑仔大坑東／西回憶，以補各師兄之或有遺漏！  

敢問老兄小學就讀於何校？

引用:

原帖由 杜友明 於 2011-10-4 10:41 發表
1972年6月18日星期日，我最難忘的日子，當時我住榕光里，所養母狗剛剛產下六頭小狗全部溺斃 ...

我哋嗰個年頭, 做人同做狗都分別唔大,同樣咁慘！唉！

引用:

原帖由 1149 於 2011-9-30 19:09 發表
大坑東官立小學,女生有家政課,男生有木工課.學了不小....

老兄提起大坑東官立小學之木工堂，小弟記起曾做過一對木馬頭書座及凳仔！

我對此二物極之珍惜，可惜93年移民英國時不知何故遺失了，非常心痛！

感謝大坑東官立小學有此木工堂，亦是由其啟蒙，致令我日後喜好DIY！

引用:

原帖由 scottiehong 於 2011-10-6 00:38 發表
...時間過得好快, b仔都5個月大了

康仔好趣怪呀！

嗱！康兄！依家係小朋友最好玩嘅時候，要珍惜每一分鐘呀！玩盡佢呀！再大少少有咗個性就冇咁好玩㗎喇！

佢依家性格未形成，即係未有個性，唔識扭計，冇脾氣，先至肯俾你任玩㗎咋！

依家亦係教仔黃金時間，錯過咗就冇㗎啦！你咪以為佢懵吓懵吓唔識講嘢就唔教佢，例如基本嘅嘢好似控制情緒，唔好任性，唔好亂咁扭計發脾氣。又要教佢table manner，唔准拍枱拍櫈，未食完唔准離枱….等等。Day one就要教定㗎！Okay?

仲有，要營造讀書環境，我唔係叫你刻意教佢咁細個就認字，只係俾啲書放响度當玩具，慢慢當佢養成書不離手，咁就成功了，日後佢想唔叻都難呀！

我有個friend個仔就係咁教到成功入讀劍橋大學並畢業，依家响英國做緊嘢！佢仲曬命話個仔大咗之後佢冇使迫過佢讀書，因為個仔當咗讀書係興趣啫！

引用:

原帖由 杜友明 於 2011-10-6 17:54 發表
那年代，雖然窮，但街坊人情味濃，生活是有意義，現在回味，知道甚麼是窮風流，餓快活。

友明兄一啲都冇講錯呀！

呢！依家好多強國子民都緬懷毛聖君朝代個種太平日子，大家雖然窮，但可以路不拾遺、夜不閉户，那多好呀！

我明，絕對明，乜嘢叫做窮風流，餓快活！

引用:

原帖由 杜友明 於 2011-10-6 18:07 發表
教養小孩，真的花精神，尤以近代小孩，所花精神更甚。

友明兄亦一啲都冇講錯呀！  

係近代教養小孩先至咁花精神啫！

我老豆老母冇咁傷神，仲好瀟灑咁成日話:

天生天養！ Or

龍就上天、蛇就落地！ Or

養大你算偷笑喇！

引用:

原帖由 1149 於 2011-10-6 17:16 發表
Steve Jobs辭世,他與我同年,唉,,人生苦短,所以要及時行樂.R.I.P.

名，我所欲也！利，我極所欲也！

惟若要獲取此二者，而要令我精神上及體能上過份透支，以致有名有利都莫命去享，娃唔制！  

酸嘅呵？



[ 本帖最後由 mtpen 於 2011-10-6 21:41 編輯 ]

引用:

原帖由 prettysin 於 2011-10-4 14:21 發表
..我的家是很好找的，是路口的第一間木屋，我在門前可以看到救世軍。我家斜對著， ...

照咁睇，仙姐妳應該住近瑪利諾神父小學對面嗰間舖仔。

呢間當年嘅7-11對附近一帶居民帶來無限方便，有糖果餅乾汽水、財叔神筆神犬公仔書，連散利痛都有得賣！  

引用:

原帖由 prettysin 於 2011-10-21 13:31 發表


我們小時跌到受傷，父母只會罵我們不小心，百厭活該。很少會責怪別人；

昨晚與老妻茶樓晚飯，隣桌一約五歲小孩玩碗碟致令掉地盡碎，侍應急忙提掃清理，還解困說小孩冇受傷就好了。

整個過程其同枱父母沒出半句聲，不獨只沒有乘時提勸／教導小朋友要有table manner，不可玩弄餐具，連向侍應道歉／多謝清理也沒半句！全程只是略為望了一眼地上碎碗碟，猶如是隣桌打爛嘅一樣！

好！好父母！咁教仔法，who suffers most at the end of the day?  

引用:

原帖由 chungyong 於 2011-10-21 15:52 發表


Garbage in, garbage out....

中庸兄，可否譯作「臭罌出臭草」咁呢？

引用:

原帖由 chungyong 於 2011-10-21 16:37 發表


Exactly !

咁如果踩多脚 - 「臭草冇條好」，會否惡毒咗啲呢？   

引用:

原帖由 chungyong 於 2011-10-21 15:52 發表


Garbage in, garbage out....

老兄又認為可否套用當年文革批鬥門聯用語贈予此人渣父母:

老子（將「革命」改為）「尚禮」兒好漢！
老子（將「反動」改為）「敗德」兒渾蛋！

橫加: 當然如此！

引用:

原帖由 prettysin 於 2011-10-20 02:44 發表

我幼稚園是讀救世軍的..之所以找到這個論壇也是因為尋找母校照片之故。我還記得它是一幢四層高的 ...

仙姐講起大坑東救世軍，令小弟想起童年時常常上去二樓（或三樓？）去借圖書的日子。

救世軍圖書館响當時嚟講，應是整個大坑東及大坑西唯一對外開放嘅圖書館，我之有今日識咁多中文字，真係多得佢唔少！

我仲記得曾將自己個大頭相貼於其告示板上之會員樹上！

引用:

原帖由 prettysin 於 2011-10-21 22:13 發表
啊∼∼救世軍有library？！這個我真的不知道耶！當時我真的是太小了，所以，筆山，請稱呼我sin妹好了．．．

好喇，就叫你仙妹好了！

我响救世軍借書的年份，約於1959 - 1963之間。

我於1963搬離大同中學脚下之石屋出大埔道住，之後會否仍有library之設就不知了！

妳講到細個時睇乜嘢地方都覺好大，我就覺得條條路都好長好遠！我成日有個願望，如果4A巴士總站可以由I座（即第八座）搬到救世軍門口就好了，冇使搭襯車都要行鬼死咁遠！


[ 本帖最後由 mtpen 於 2011-10-21 22:34 編輯 ]

引用:

原帖由 mtpen 於 2011-10-21 16:44 發表


咁如果踩多脚 - 「臭草冇條好」，會否惡毒咗啲呢？    

憑良心講，的確唔關小朋友事，否則又何需有「教育」此二字呢？

若一定要揾人落鑊，追源溯始，小朋友個老豆老母 - 嘅老豆老母難辭其咎！