引用:

原帖由 Lawrencetoo 於 2012-1-29 23:49 發表
係米真架,講到似層層,似假時亦似真,假假真真

杜兄嘅懷疑精神，極具專業性，與維京海盗國嘅諾貝爾歷史及醫學獎項評審專家吻合，令小弟甚為佩服！惟真的假不了，假的真不了，你瞧着看！

其實我傑作初稿早於37年前已呈上有關單位作初審，惟受到嚴厲批判，指缺乏足夠後期調查數據！

我隨即以反納粹為名，與以色列駐維也納大使進行親切及友好磋商，要求以色列特工交出阿杜夫在德國及奧地利依挹過之情婦名單，看看佢有否留後。

冇，一個孼種也沒有。可惜從佢娘親、伊娃、戈培爾…等人筆錄口供指出，佢冇記載嘅情婦比有記載嘅還要多很多！

更可惜係因巴勒斯坦個死鬼阿拉法當時剛啱响中東又再搞搞震，以色列一方以事忙為由，與我中斷合作。

慶幸現今基因科技先進，我遲啲會親身前往德、奧两國，會同以色列特工再作實地抽查餘孼一事，若再無發現，其數據一經呈上諾貝爾獎評審委員會，我攞硬两獎！

萬望波斯唔好再玩嘢，否則以色列特工又再無暇與我合作做有益人類嘅學術研究矣！

引用:

原帖由 Lawrencetoo 於 2012-1-31 23:25 發表
波C佬玩又死,唔玩又死,你話点好??

杜兄問得好！

波斯呢個邪惡教主蝦毛內衣，見死鬼傻金玩到花旗佬殘，以為有樣學樣，殊不知自己衰在象以齒焚身！

傻金窮山惡水窮過鬼，滅佢國會一身蟻，但波斯有波斯貓、波斯地毯，當然仲係有石油。  

傻金揸住嗰套爛鬼過氣兼破產A貨共產主義，冇市場，故冇人懔佢，但波斯佬個套包頭包腦阿拉教响中東好煞食，好有傳染性，故殺傷力大，不可不防！

就算花旗佬冇錢打兼人民厭戰，宿敵以色列及花旗國內之有財有勢嘅猶太佬都想篡佢朝，只要揾到佢乜嘢把抦就用UN支旗出兵，以花旗及以色列為首，歐盟為助。

惟波斯佬亦非蠢貨，不會自取滅亡。家陣搞咁多花𠱸，為的是轉移國內人民視線，制造大敵當前，令民族主義先行，可拑制反對勢力，方便執政而已！  

但走鋼線遊戲好危險，一個唔該擦槍走火就會莫命，玩火自焚時會發生，唯望阿拉真神保佑好了！

引用:

原帖由 Lawrencetoo 於 2012-2-4 00:17 發表

我估波C佬一定玩,最多一拍兩散,(美国和猷太佬)

小弟跟杜兄想法相去不遠！

呢場仗打就打硬，但交戰是雙方的。花旗與歐盟，以至以色列何嘗不想即日篡佢朝呢？只係睇整國西方主流社會冠以波斯及傻金為邪惡軸心成員國，就知幾咁憎死佢哋！

不過做嘢要分priority，佢哋响敍利亞叫緊糊，等多陣茉莉花香就八國聯軍翻版殺北非狂人卡特菲嗰鑊咁，又可將西方各國之國內財困視線轉移。

除非波斯佬真係咁沙卜公然核爆，俾藉口人郁佢就另計。

我中學有讀歴史嘅，發覺打仗真係好似細佬哥玩泥沙，是旦揾個藉口就可開戰嘅！

好似當年伊拉克薩特姆就係衰口痕，話花旗佬911俾阿蓋特炸冧檔攤扺佢死，以致薯仔屈佢收埋核武郁佢都冇人幫拖！

引用:

原帖由 Lawrencetoo 於 2012-2-6 00:29 發表
八國聯軍翻版殺北非狂人卡特菲嗰鑊咁,不用一兵一卒,肯定食過返尋味,波C佬亦唔係流嘅,唔係猶太佬一早出左手啦,就係知佢無咁易蝦  

波斯佬之所以咁寸，一如傻金有阿爺撑，佢就有俄佬撑！

係人都知，俄佬絕不容許波斯灣落入花𣄃手中，但世事無絕對，若然波斯佬冇有識死玩大咗，有樣學樣以為行傻金嗰套爆核彈，佢實身痕，到時俄佬條縮骨友都唔敢冒天下之大不諱，幫拖同整個西方主流社會對抗開戰！