引用:

原帖由 scottiehong 於 2011-11-23 23:51 發表

筆兄,新舊對比,希望可以找回往日的記憶

康兄真係好兄弟，百忙之中幫手揾我故居舊照，萬分感激！

景業大厦應是附圖所指之處？

引用:

原帖由 akbcya 於 2011-11-25 18:55 發表
此圖圓頂之建築物乃50年代尾的東樂戲院是也....

I see! 專映鹹戲嗰間! Thanks!

akbcya兄，窩仔山仲有乜補充！

引用:

原帖由 akbcya 於 2011-11-21 06:50 發表
mtpen兄有昔日辛酸的童年生活致有發奮圖強今日的成就希望成為今之年青人典範.

akbcya兄著實太誇獎小弟了，也並不是甚麼發奮圖強，只是跟我先前鼓勵kintsun兄之做法一樣，見步行步而已！相信最大動力係衰唔起，兼且自己比較蠢鈍，冇識得大喊十又或要生要死，而事實當年喊都唔會有人理你，話之你死咗仲好！

其實28歲之前也是漫無目標，烏吓烏吓咁虛渡光陰，又懶清高讀埋啲唔等使嘢，到28歲後才突然扎醒！

我八年前，即53歲可退休唔使做，諗落多得哎吔契媽唔少，佢嗰幾十年幫手响中華南岸極地頂住阿爺個勢，等大家可响香江休養生息！

當然亦要再次感謝柴玲、吾爾開希等人創出千古難逢機會！

所以我曾多次响度呼籲大家要維穩呀！你就當我代西環傳話好了！嗱！今次區選犯民大敗，正好證明正宗本土文化重新抬頭，邊位烈士英雄想搞對抗革命或玩阿爺，請便！唔該返上大陸搞，我哋好多人只想留此安享太平、想安居樂業呀！咪搞亂檔喇！

引用:

原帖由 HAOCHANG 於 2011-11-27 23:28 發表
引用
又一個Poly仔！
MTPEN 兄：
我都系！我约是1980年的设计系-夜间，在平房那边上课。唔讲唔知，大家都是校友，真是有缘。
HAOCHANG

引用:

原帖由 dirtyoldman 於 2011-11-28 09:12 發表

Opposite to Keswick Hall?

Are you our schoolmate as well?

Or you're our Lecturer?

引用:

原帖由 flowingwater 於 2011-11-28 23:00 發表
阿水是96年POLY校友.

引用:

原帖由 liao_marco 於 2011-11-28 23:15 發表
  小輩係05年校友, 响呢個門口出入不出十次

原來咁多書友仔响度！

引用:

原帖由 flowingwater 於 2011-11-29 10:28 發表
...現在變作李+X樓. 各建築物亦已被有銀仕認頭.標上自己的名字.如李兆基樓.

唉！神聖嘅教育事業，好可能就係咁被商業化了！可憐的母校啊！

引用:

原帖由 dirtyoldman 於 2011-11-29 09:33 發表

I am old but not that old , class of 1982 !

Then it'd be more appropriate for you to rename yourself as dirtyyoungman!

引用:

原帖由 理魯竇 於 2011-11-29 11:02 發表
看來應該小弟是最oldman,
1970-1972 Part Time Day Release Course,
那時候紅隧尚在興建中，仍未通車，
後來為了貪錢讀讀下走左去打銀行工。

理兄唔夠我老！

小弟1968 HKTC Evening Course，夠老哪掛！  

打銀行工有乜唔好？

莫非老兄所讀之Part Time Day Release Course會日後仲勁？

引用:

原帖由 1149 於 2011-11-29 20:09 發表
高中女友,我來台灣,她讀polyU,某年暑假回港,
她新男友開私家車戴她和我見面,
兩個男人都表現風度,可是內心卻滴血

相見争如不見; 有情何似無情！

引用:

原帖由 1149 於 2011-11-30 17:58 發表
塞翁失馬,焉知非福...

莫非吃不到的葡萄？

引用:

原帖由 老街坊 於 2011-12-1 20:30 發表
其實, 以前培立&天主堂,又或瑪利諾後山通往官立小學之處,是否叫 "朱牯仔"?

美麗宮後山,是否叫 "窩仔山村"?

老街坊兄之两個問題都有爭拗！

以我理解，朱牯仔是指大同中學以南，香島中學以北一帶。但有一說包括瑪利諾神父小學背後。

至於大坑東官小以北之山坡上，好似唔多覺有人住，直到A座（14座）落山到桃源街附近才再有木屋。朱牯仔是否包括此段，有待考證！

美麗宮戲院背後肯定是窩仔山，是否有個「村」字，亦有待考證！

引用:

原帖由 1149 於 2011-12-3 18:12 發表
朱古仔是瑪利諾後至又一村,大同香島一帶叫蕉園...

那麽蕉園會否是朱牯仔中之一個區呢？

引用:

原帖由 小師弟 於 2011-12-3 22:38 發表
男童院開始拆，又少一個值得回憶的建築物。

請問小師弟男童院左近有否相若之社區建築呢？

我已34年未有再踏足又一村了，對上一次大約1977年俾班friend夜嘛嘛劫持去到好似係男童院或附近開party。

照理男童院唔會對外開放仲俾人搞party𠺝，我當時身處何處呢？老兄有乜提示呢？  

引用:

原帖由 老街坊 於 2011-12-3 21:17 發表

在下正是住14座, 對面木屋區也屬大坑西?

我家約响1956年於大坑東徙置區C座即12座住時，我大佬於老街坊兄之故居14座即A座近飛碟亭（當年此亭尚未建成，你前面亦非公園，而係露天wet market）右邊挨山那邊一冰室做童工，我最鍾意去揾佢攞做三文治飛邊出嚟之麵包皮食，與及攞荷蘭水蓋玩（响隣居小朋友眼中，我是富有一族，止於荷蘭水蓋而言）。

14座向北望乃榕光里／蕉園（即kintsun兄及蕉園仔兄之根據地）／朱牯仔／香島中學，左邊雞公山脚有一水坑（水從筆架山流此？），滙集桃源街公園仔之另一水坑（從小西湖流此？）於救世軍旁而成大坑。此大坑藏於大坑東道馬路底，左轉陸軍球場出界限街再右轉旺角水渠道出海（有錯請各街坊前輩指正！）。

所以天主堂／培立小學那一帶份屬大坑西一啲都冇錯，只不過內裡再分乜里物里而已！

引用:

原帖由 scottiehong 於 2011-12-5 23:07 發表
各位舊街坊 / 網友
小弟帶 b仔同大家打聲招呼  

Ho! Ho! Ho!

What a lovely little young man!

引用:

原帖由 老街坊 於 2011-12-10 12:44 發表
謝過筆兄解答, ,原來1956年已有此邨.

不用客氣！

我夠胆講，我哋係第一批入住九龍仔大坑東七層大厦徙置區之原居民！  

之不過我哋係非法居民，因户主燒咗木屋後霸咗個單位唔住租俾我哋一家住！

引用:

原帖由 Tarocake 於 2011-12-14 03:57 發表
各位，大家好.本人也是大坑東徙罝區街坊。早前瀏覽此討論區，拾回許多童年回憶，謹此致謝

小弟謹代表各九龍仔大坃東街坊歡迎Tarocake兄大駕光臨！

請多多上嚟交心！

引用:

原帖由 Tarocake 於 2011-12-14 09:29 發表
..得悉筆兄旅居英倫，碰巧小弟亦需要經常穿梭香港倫敦。除外出開會需要，小弟活動範圍只限於往返 ...

Tarocake兄過譽了，還望老兄多多指教才真，有空不妨上來切磋切磋、談天說地好嗎？

小弟居英十載後，有感年紀老邁，老妻亦患有番邦恐懼症加番文障碍症等，早於八年前已落葉歸根、回流香江矣！

人雖離英，但仍心繫此第三祖家，得知老兄經常穿梭港、英两地，亦想知英倫近況，有空不妨告之一二！

敢問老兄慣常出入於何埠？那些年，小弟之長居駐紮根據地在Greater London之Croydon（電話字頭0208）屬South East England之Surrey郡，請問老兄有否到過那裡Purley Way之「榮業」辦唐貨，又或去過其商場之「大同」嘆過茶呢？

引用:

原帖由 prettysin 於 2011-12-14 13:19 發表
..雖然我當時不是住徒置區，但很喜歡聽聞或看一些"那些年"的事情－－我是在尋找昔的情懷．

那些年，仙妹住响木屋區，理論上，肯定比住响徙置區慘！

引用:

原帖由 Tarocake 於 2011-12-14 16:04 發表

小弟居於倫敦東2區，Pepper Street, DLR Crossharbour(8年前應該仍叫London Arena ) 站旁。 ...

依家先至食早餐，睇嚟Tarocake兄真係有嚴重jet lag矣！

嘩，離英數載，乜強國子民真係咁巴閉呀？好！中國人民有志氣！一舉作氣吧，將英倫三島買下來，跟住趕哂啲紅毛鬼落北海，一雪百年國恥，好讓我與老妻「回流」，不用再怕番邦恐懼症及番文障碍症等，但担心普通話不靈光而已！

對！當年仍叫London Arena，不過小弟亦只去過一次咁大把！時維1997年六／七月某日，香港回歸左近，嗰度華人搞咗個祝捷大會甚麼的，與老妻順道往蓮舫飲茶。

之所以少入Canary Wharf及City金融區一帶，乃當年自從IRA（愛爾蘭共和軍）炸冧咗HSBC Headquarters后，那裡氣氛肅殺，荷槍實彈搜車，淨係過差唔多每條街都設有嘅road block都塞車塞餐死，不去也罷！

老兄出入City，穿梭港英，相信乃財經俊傑，又或倫敦奧運前期專業人士，實在令人羨慕！九龍仔大坑東街坊之小弟我亦與有榮焉！

引用:

原帖由 Tarocake 於 2011-12-15 06:22 發表
...無奈當時家貧，消費力只及路邊的供應，

苦盡甘來，Tarocake兄依家咪可食盡天下囉！

憶苦思甜，珍惜、感恩呀！

引用:

原帖由 Tarocake 於 2011-12-15 14:38 發表
筆兄所言甚對，雖然尚未食盡天下，但會珍惜、感恩。奇怪、沒想到在國內可上到這討論區。

皆因我哋夠河蟹，阿爺網開一面！  

所以Tarocake兄响上高請手下留情，炒蝦涮蟹時要揀海蟹嚟涮，okay?

引用:

原帖由 Tarocake 於 2011-12-15 16:35 發表
筆兄，一定聼從指示，真巧，今晚應該是涮羊肉

Good man!

總之老兄响上高出咗乜嘢亂子，你quote阿筆我出嚟，包冇衰，縱使有，唔好怪對方，佢太低層次，冇有識死啫！

若果阿筆個朶响某些區份唔夠行，乃上情尚未下達，你搭住阿習先喇，包冇甩轆！