引用:

原帖由 Tarocake 於 2011-12-29 19:29 發表
...除唐餐外，我亦有幾間心水餐廳做得不錯...

那到時就真係要Tarocake兄你這食家多多指點了！

我屈指一算，2013年春夏之間英倫將會是好時年！不過只是利我，不利紅毛鬼！揸定錢執平嘢！

2012係人都知乃全球凶年，哎吔祖家又搞乜鬼奧運，佢仇口多，我怕佢會五鬼拍門，暫無寧日，所謂危城勿入，務請小心！

等契媽奧運冲喜後，縱使大步𨂾過，亦會債台高築，將緊隨Eurozone，破產告終。樓市會下滑50%，而英鎊會見£1=HK$10！信焉？

引用:

原帖由 西南風 於 2011-12-30 09:05 發表


...-我以''威迫利誘''之手段使其看畢上列題目，她的回應是"大伯，係唔係真的咁淒涼鮁" ...

咁南風兄又有冇講解一吓俾佢聽，邊個搞到你呢個大伯咁慘呢？

引用:

原帖由 西南風 於 2011-12-30 09:37 發表

無！！！如果一定要提供一個的話.......就係個 "天"

唉！天啊！問天何太狠？

惟天曰: 「天若有情天亦老！吾老矣，無能為力矣！Sorry 囉！」

引用:

原帖由 scottiehong 於 2011-12-30 00:19 發表



筆兄
康仔未曾踏足英倫, 都聽過旺記個大名, 真係幾響.
呢間野生存左甘多年, 可以話係奇蹟喎

好想諸事八掛一吓，請問康兄是否有親友亦有我之遭遇，甚或有過之？  

引用:

原帖由 西南風 於 2011-12-30 11:41 發表

.,,摸黑撤離，還帶走了惟一的生財工具____衣車. ...

乜走難模式咁相似嘅？

當年小弟响九龍仔寮屋走火警時，家人亦是托住部衣車往山上逃！

引用:

原帖由 西南風 於 2011-12-30 11:41 發表
"溫黛"過後，在"寳文街"極目所及，海面上、一隻船都冇見到...

變哂 yellow submarine！

引用:

原帖由 理魯竇 於 2011-12-30 14:15 發表


溫黛過後，呢隻沉船我在西環岸邊親眼見過，
過左一二天後，成隻反轉咗，
真係十足十一隻submarine.

乜原來真係咁大鑊㗎？

呢幅圖我都係第一次見。以前未有電視，報紙都冇錢買，只係聽講而已，冇睇見咁震撼！

引用:

原帖由 Tarocake 於 2011-12-30 05:54 發表
筆兄好，若然預測正確，小弟真是欲哭無淚。06年14.65換，現時痛到入肉，依筆兄高見，應何時止蝕？謝謝
...

慘聞芋兄於高位入貨做咗蟹，喊亦無謂，因止蝕位已過哂龍，返鄉已無望矣！

如今之計，唯有溝貨一途！

嗱！咁喇，等£1=HK$10開始掃貨，逢低吸納，希望愈溝愈淡，見£1= HK$1（到時我死俾你睇）才好停手，然後反手止賺 (點止法唔好問我)！

不過若有日啲英鎊變成哎吔契媽簽名嘅 IOU (I Owe You) 白條子唔好賴我！

更請老兄於我哋2013年响London見面時，拜托唔好再提呢單嘢，無謂流淚眼望流淚人，免生掃興，okay?

阿筆我乃玉石商人一名，斷嚿估㗎咋，萬望醜嘅唔靈好嘅靈啦！

引用:

原帖由 scottiehong 於 2012-1-1 01:06 發表

各位街坊好, 新一年事事順境, 財色兼收

康兄，「色」留番俾你哋啲後生仔嘞！

我獨愛股「息」、利「息」？

引用:

原帖由 理魯竇 於 2012-1-1 00:09 發表


Happy New Year. 雖然矇矇地，搶先第一個上載圖片。

理兄，真係矇咗啲，不過好應景吖，今年係咁矇𠺝！

話時話，老兄坐擁無敵靚景，風和日「曬」之時，不妨影幾幅靚相放上嚟等大家欣賞吓吖？唔好嘥呀！

引用:

原帖由 小師弟 於 2011-12-31 22:54 發表

新的2012年快來臨了，在此祝願大家九龍仔老街坊身體健康，心想事成！

大家咁話！

引用:

原帖由 Tarocake 於 2012-1-1 00:58 發表

新年好，祝願大家2012年事事順景，日日開心

亦祝芋兄食盡天下美食 and/or 女！

引用:

原帖由 Tarocake 於 2012-1-1 14:34 發表

筆兄果真善解人意，順祝筆兄財運亨通，及早完成回英置業大計。
話時話筆兄有否繾戀旅居英倫時的元旦，是否像聖誕一樣水靜河飛？...

多謝芋兄之祝福，際此新年，小弟亦祝老兄一家老少平安、事事順境！


嗱！大家約實，2013年London猪乸街見！

老兄當年並非太過揀錯日子，只是唔知埞而矣！

無疑，25號聖誕正日，會是全英死市，所有店舖皆關門大吉，連唐人街之茶樓亦大多如是！

之不過，英國佬比歐洲佬生性，此乃一年365日之中唯一全國死市。若然老兄當年今日，即元旦日，帶芋嫂去Central London 之Oxford Street、Regent Street一帶 shopping，佢實會錫哂你，因所有百貨公司皆舉行 Mega Sale，某些貨品甚至會劈價低至一、二折！

不過你俩公婆去好嘞，芋仔不宜，而你俩公婆仲要十指緊扣拖到實隻手仔，以免走散。當然荷包亦要㩒實，因扒手今日會開OT，跟掃貨人士一樣將會大豐收！

至於火鷄呢亭嘢，以我哋唐人識飲識食民族，至今亦未明嗰啲傻鬼唔知貪佢乜嘢好？攞嚟煲湯我都嫌佢嚡呀！

引用:

原帖由 Tarocake 於 2012-1-1 14:34 發表

...未知筆嫂會否應節弄隻火雞與筆兄歡渡浪漫佳節...

芋兄講開火鷄，令我想起一個事實。  

可能紅毛鬼自少食得火鷄多，食到咀都堀埋，佢哋真係鍾意食嚡烚烚嘅肉。  

下次芋兄再去英倫唐餐館又或Chinese Take Away食Chicken Fried Rice，你會留意佢哋興用雞胸肉嚟炒，你唔好以為佢哋用平肉，而係鬼佬原來唔多鍾意食用雞肶拆嘅肉，話嫌佢滑嘟嘟太難頂喎！我並非搞笑，係真㗎！  

引用:

原帖由 老街坊 於 2012-1-1 22:12 發表

救世軍;官立小學[local]1[/local]未知已否上傳相片.

Not yet, please upload again, thanks!

引用:

原帖由 老街坊 於 2012-1-2 00:40 發表
成功嗎?正是那俗稱"清兵帽"的涼亭.

非常感謝老街坊兄不辭勞苦，替我哋update九龍仔大坑東之最新現況！

芋兄冇講錯，清兵帽亭乃老兄故居14座對出之公園仔。呢個亭都有成50多歲矣，仲能夠屹立於此，實屬奇蹟！  

若要我選一物作為大坑東地標，我會選佢，雖然佢比瑪利亞諾神父小學及救世軍還後生咗成四至五年。

不知因何原因，我對四方亭冇乜印象，雖然佢同處公園之另一邊，甚或有着相約年歲。

Ps: 我有理由相信坐响四方亭內那位女士乃老街坊兄之 Girl Friend!

引用:

原帖由 小師弟 於 2012-1-2 15:35 發表

4A 及 2C 巴士站的第七和第八座都值得懷緬。

小師弟又可知仲有個2D巴士站？

當年在街坊福利會前斜路有站！

引用:

原帖由 prettysin 於 2012-1-2 16:11 發表
謝謝老街坊的照片．前些日子，我心血來潮想看看母校（救世軍）的近況（不是照片那種），於是回到大坑東，坐在小公園對著救世軍發呆．可惜有一大群的外地傭工在公園內開其party，真是掃興．現在好像一到星期日，全港的 ...

坐响四方亭內那位女士乃仙妹？

引用:

原帖由 prettysin 於 2012-1-3 13:26 發表

..我會選救世軍作為大坑東地標． 因為清兵帽的建築物好像不是大坑東獨有 ...

多謝仙妹指正，等我仲以為清兵帽亭乃我哋大坑東獨有，真大鄉里！  

咁我都唔反對選救世軍作為大坑東地標矣！

其實以年資嚟計，瑪利諾神父小學分分鐘仲老過救世軍一两年，惟我對瑪利諾冇好感，因我於1957佢剛起好時，曾考過入學試，但被拒於門外（實情係自己渣，與人無尤）。

反而我對救世軍有着深厚感情，佢肯俾我入去借書睇！

引用:

原帖由 Tarocake 於 2012-1-1 23:32 發表

筆兄，好！約定2013倫敦見。唐人街那個Gerrald Street喎，千萬不要在你封邑內安個豬乸街等我找不上。..

乜強國真係有度叫猪乸街嘅地方咩？內安响邊？

其實我哋唐人真係冇品，Gerrard Street官方唐名叫「爵祿街」，甚為優雅，而路牌上亦以此名作中英對照。可惜吖，嘥咗人個靚名！

一如對正猪乸街西面街口之Wardour Street亦甚雍容華貴，譯造「華都街」。芋兄早前問嗰間康兄個新界friend上去傾太公地嘅「旺記」响邊？正是位於此「華都街」也（見附圖）。

嗱！就當你依家企正响猪乸街滙豐銀行門口，面向銀行，左手邊一出街口就見！
康兄話倫敦「旺記」可屹立幾十年不倒，靠嘅係一味夠平，大牌檔格，炒雜碎呃鬼佬而已！

老兄知道邊間就算嘞，嗰度唔啱你嘅，無謂上去，除非劉德華肯陪你一齊上去教訓吓佢哋嘅服務態度！况且佢哋對象並非嘴尖如老兄之唐人！

引用:

原帖由 1149 於 2012-1-3 13:51 發表

...當年未有窩仔街,2D巴士就是走大坑西街,從蘇屋村去觀唐,...

多謝49兄能confirm大坑東曾有2D單層巴士行走！

當年我就是乘坐呢條線往返九龍城太子道啟德機場對面之聖若望英文書院上學。

引用:

原帖由 Tarocake 於 2012-1-4 01:47 發表

..我答應你和康兄2月中回倫敦一定去食翻餐，踫踫那班型佬侍應再匯報。 ...

當埸影低幾幅相傳番嚟睇吓仲正，包括食物同場地，甚或這些武打明星！

引用:

原帖由 Tarocake 於 2012-1-4 12:16 發表


...假若唐山大兄對小弟動粗，請筆兄為我出頭。今晚出差孟買，擱筆幾天，待天竺國砌掂個bid，

一定！I’ll chop him into five pieces, and fry him as well!

祝㗎喱國之行順風順水，get a big deal back, okay?

引用:

原帖由 小師弟 於 2012-1-8 00:04 發表

現今祇剩下的"2C"巴士站，總站在又一城。

請教吓小師弟，2C幾時開始行走大坑東？

是否有段時期九龍仔有2C、2D及4A三線齊行呢？

引用:

原帖由 老街坊 於 2012-1-9 13:39 發表

注意: 所有字,皆是橫排,由右至左,乃傳統中文.  

真係戥啲鬼子佬學中文太陽灣，你哋啲Chinaman忽左忽右，頭都暈埋！