引用:

原帖由 Tarocake 於 2012-1-15 23:48 發表


嘩，筆兄，你與筆嫂同機都敢泡妞，真勇。假若她過來丙你，小弟該怎樣做呀？請指示

所以我要跟芋兄夾定口供，你話我哋乃大坑東老街坊，好多舊史要傾！

你仲要話識我曾响七層大厦A座做過水吧嘅大佬呀，咁就天光都唔使埋位，等另一位靚女空姐換班serve我哋，拜託，拜託！

引用:

原帖由 理魯竇 於 2012-1-15 22:48 發表


剛退休都有一鴻圖大計，要飛勻全世界，但可能有長途飛行恐懼症，六年來，只去過韓國，上海和重慶..

小弟亦有着理兄所患之「長途飛行恐懼症」！

更有甚者，此症引發另一不（用）治之症，乃「乘前抑鬱症」！

好得意嘅，當年我尚未退休，每次去旅行搭飛機前一個月（或更長，視心情而定），就唔想返工！呢個病最淒慘係冇人會同情你嘅！

為咗得到同病相憐，好想請教理兄或芋兄，你哋有否患上同一症狀咁呢？

引用:

原帖由 Tarocake 於 2012-1-14 23:59 發表


筆兄，那是下一站天后的第一句歌詞，不好意思。確實太深奧了，究竟是那裡令筆兄進退兩難？

芋兄提到Twins站在「大丸」前，其實佢哋咁搞作，「行」多一陣就一定會（見到）「松板屋」無疑！

我真佩服當年嗰班㗎仔高手，將銅鑼灣嗰一帶嘅日資百貨公司啲名改得咁風趣抵死！

唯一敗筆係五、六十年前，佢哋勢估唔到現今翻天覆地，唔再用牀板，改用牀墊，否則命名為「松展鎮」就未必使執笠矣！

引用:

原帖由 Tarocake 於 2012-1-17 00:57 發表


一定聼從筆兄指示，但萬一空姐被筆兄的談吐舉止，魅力，內涵，外表，異稟等等吸引，堅持要跟筆兄回家再把酒言歡，咁???????? 唉！無眼睇，最多幫你搬完行李上車後拜拜

嘩，芋兄數到最尾嗰樣真尷尬，都唔知認好定唔認好！

不過有芋兄响側邊嗰程小弟實冇行喇，我只得做塘邊鶴猛吞口水好了！

睇嚟老兄確係名符其實嘅Frequent Flyer矣！就算公數出唔到頭等，唔使幾耐咁都自己夠分可upgrade喇！

芋兄早前述及機上之座位設計，以我三次坐頭等經驗，老兄實在無須計較座椅調教係171度、180度、甚或360度，亦話之佢係魚骨型或猪骨型排列吖！

其實頭等座位並非為男士而設，之所以整成咁舒適，為的是讓該男士之太太或女友可以瞓到死猪咁，等佢可溜出去個酒吧仔度跟啲靚女空姐把酒談歡！

而頭等貴就貴响個酒吧仔及其服務！而你會留意到派得去做吧，人鬼一樣，皆一級靚女，兼健談大方，連正副機長break親到會埋去飲杯嘢（我曾當講笑話佢哋杯嘢溝咗酒，梗話冇，我唔信），似覺同乘客我哋客套一番，實則…you know! 所以坐頭等唔識得走埋去吹水，簡直暴殄天物呀！

响姐姐面前無須充大款，因你未坐低佢一早响電腦知道哂係咪upgrade客。但亦無須自卑，正一唔睇白鴿都睇篤屎，啲積分係搭得多又或用咭真金白銀咁碌番嚟㗎！

不過妳好我好，陪咗你成晚都要識do，碌咭買番啲Duty Free嘢𠱁吓佢開心，又有幾倍積分，何樂而不為？所以上機前記得唔好响Duty Free Shop買嘢，留番幫襯姐姐仔，佢實錫哂你㗎！

引用:

原帖由 Tarocake 於 2012-1-17 01:00 發表

...月中仲要回倫敦幫筆兄去旺記影唐山大兄，...

恭賀芋兄榮昇日本首相！

算啦，坐飛機都好過坐義大利或日本郵船吖！

多謝老兄仲記得去開London幫小弟影旺記，嗱，我祝你好運，食完旺記，旺吓佢，行去消防局對面間 Corner Shop攞 £2買張EuroMillions Lucky Dip，分分鐘好似舊年七月嗰鑊咁，Jackpot有成 £164,761,000，近20億港銀，中咗就從此脫貧，唔使再两頭騰！

若果唔想同佢買，去開Sainsbury’s or Tesco Supermarket先至買，又或在英時開定個National Lottery Online Account:

http://www.national-lottery.co.uk/player/p/home.ftl

不過小心上網買時要人在UK or EuroZone，攞獎要有在境證明，否則問佢俾時就膝頭對上！

引用:

原帖由 Tarocake 於 2012-1-17 20:55 發表


筆兄所指是否菅直人，何解？筆兄一向好resourceful,未知能否找到海部俊樹...

非也！

足證芋兄乃80後青年才俊，未知那些年，蘿蔔國有一首相，叫「佐藤」乜鬼，自後若有人「左騰右騰」，就會被叫作「日本首相」矣！

引用:

原帖由 Tarocake 於 2012-1-17 20:55 發表


請問Tesco Express 有得買嗎，因住處旁邊有一間，較方便。...

或會有, 只要見此logo便是！

引用:

原帖由 flowingwater 於 2012-1-17 23:03 發表


至於A380.因工作關係.我阿水好可能係第一華人或香港人入去參觀. ...

水哥好嘢！

原來呢個forum咁多青年才俊嘅, 與有榮焉！

引用:

原帖由 Tarocake 於 2012-1-18 01:00 發表


...應該有這個logo,買一張，中咗重重有賞，唔中象徵性收你5P作為補償失望可以嗎？

芋兄你咁疏爽，5p太少喇，我醒你Fiver！

Fiver (=£5)即係五皮嘢，Tenner (=£10)即係十皮嘢！

呢亭粗俗英文，那些年，My Fair Lady呢類下三流街市婆出沒嘅SOHO一帶流行，包括Covent Garden，唐人街以至整個 East London，即老兄在英時之駐紮根據地Canary Wharf、Docklands…等等。

呢一區slumped area乃爛鬼、打壞之Eastender出沒地方。興講Cockney，懶音，例如Water讀成「鑊呀」、Peter讀成「撇呀」，冇咗個 ”t” 音！

不過老兄亦不用驚，嗰一帶經已urban regeneration，趕走晒啲爛鬼、打壞，成為今日之金融區。而今次London可打羸Paris搞奧運（大白象工程，焉知非福），最搶分係提出活化East London而已！

引用:

原帖由 Tarocake 於 2012-1-17 20:53 發表

筆兄，現時CX頭等艙沒有酒吧，不過wine list 好掂..，筆兄估吓小弟有幾多Asiamiles, 估中有奬 ...

國泰頭等我未坐過，嗰三次坐頭等两次係維珍、一次係英航。可能紅毛鬼興响pub飲番杯嘅民風有關，維珍、英航皆設酒吧仔，而國泰頭等我諗應設大牌檔啱啲！


我估芋兄咁飛法，起碼有三張Hong Kong – London Economy來回，對嘛？

我早排講要再去多次先至上得天堂嘅下一站並非天后，而係Hawaii！而我上一次去Hawaii亦因Air Miles而起！

1988與老妻乘United Airlines北美30日遊，首站Vancouver，過東岸Toronto及New York，再南下Miami，然後返回西岸San Francisco，咁就儲夠分每人可得來回Hawaii機票一張。

上天堂一事係衰多口，有日俩老路過Diamond Hill山脚下一波斯尼亞土著廟，見有免費草裙舞睇，入內有族人請食夏威夷果仁，好香口，點知離開前各人獲告知食過此果仁若不再重臨Hawaii就上不到天堂！

為咗有得天堂上，寧可信其有，故死前我俩老一定會再去多一次，起碼！

至於何以一去到或會即時上天堂，留待下回分解，因關乎國仇家恨，玆事體大，要嚴肅處理！

引用:

原帖由 flowingwater 於 2012-1-18 16:21 發表
咁嚴重!!

引用:

原帖由 Tarocake 於 2012-1-18 19:08 發表

同意，筆兄還有你呀。

芋兄咪講笑啦，响你哋面前，小弟乃老年廢柴而已！

所以我真怕跟老兄你一齊坐頭等，盞我唔敢離位，冇哂人生樂趣啫！

引用:

原帖由 flowingwater 於 2012-1-18 19:57 發表

HAHA..問得好..係7月既B787 FIRST FLIGHT 已到ANA的總部參觀了..

水哥，我最關心唔係機嘅大細問題，而係可否飛得快啲！  

請問B787去London要多久？

引用:

原帖由 Tarocake 於 2012-1-18 19:13 發表


真諷刺！業界每年春節前在HonoluluHilton 都有大會，小弟去過2年後怕怕，每年都躲。 ...

芋兄唔肯去Hawaii，你走寶喇，稍後再述！

引用:

原帖由 Tarocake 於 2012-1-18 20:21 發表


筆兄，完全沒這回事，那個crew要是在小弟面前對筆兄不敬，一定還拖

就算冇不敬，對我冷言冷語，擰歪塊面淨係掛住同你傾就夠冇癮啦！

引用:

原帖由 flowingwater 於 2012-1-18 20:19 發表

答案會令畢老兄失望. 根據設計.速度係一樣.

引用:

原帖由 Tarocake 於 2012-1-18 21:18 發表


唔係喎，我坐你對面個小位，佢坐你旁邊，佢擰歪塊面豈不是與你，唓，筆兄好
頑皮，好，食完飯再傾

引用:

原帖由 Tarocake 於 2012-1-17 20:55 發表

..筆兄一向好resourceful,未知能否找到海部俊樹97年來港出席特區政府成立時的snapshot 或clip.找到我告知..

經多日搜尋，仍未能替芋兄找到相關資料，歉甚！

不過老兄少担心，我哋呢度有位高人，乃「老搜」兄是也。

只要佢老人家一出手，開動佢個人肉搜尋器，將會比當今世上任何一部超級電腦運算得更快、更準！

惟佢老人家大隱隱於山，但亦時而隱於市，來無影、去無踪，能否遇上，純屬緣份！

引用:

原帖由 Tarocake 於 2012-1-20 00:42 發表

除旺記外，倘有其他地方需要幫筆兄拍照，請指示。例如白金漢宮女皇與你茶聚的偏廳，戴安娜當年向你訴苦的肯辛頓宮，碧咸與你切磋的球場，馬卓安向你請教的首相府..。 ...

嘩！芋兄，冇有作得咁大嘛！

我想幫佢哋倒痰罐到未有資格呀！

不過每去到一處，記得放啲相俾大家睇呀！

我祝你去英呢程順利upgrade頭等啦！

引用:

原帖由 flowingwater 於 2012-1-20 01:01 發表

我的工作只是創意媒體類別吧.金融方面你又要問何老了.

以我估計，水哥一定識落不少有頭有面之公司高層，想信對老兄事業必有幫助。

出嚟撈，人際關係比其它所有嘢更重要！

我睇好老兄你，努力！加油！

引用:

原帖由 Tarocake 於 2012-1-20 09:58 發表

嘩，筆兄，無爆你同查理斯隻揪為奪卡美拉芳心嗰單嘢已經 ...

芋兄講起卡美拉單嘢就引證小弟居英十載觀察所得，上至皇室貴族，下至平民百姓，食老火鷄乃英人民風所致！

嗰個查理斯都short short哋嘅，大把嫩口好嘢食唔揀，偏偏走去煲老藕，真係貪佢嚡口咩？

老兄你定，我乃華夏幾仟年文化優秀民族子孫，識飲識食，佢老哥嗰家嘢唔啱我嘅！況且跟咗老兄你呢位食家一陣，仲唔識食就抵打喇！

引用:

原帖由 Tarocake 於 2012-1-20 12:49 發表

....有一次去Guildhall聼殺科齊吹水，人哋就識食，佢老婆真係無得比。進埸時吸引全埸目光，

請問芋兄當日乜嘢場合要出動到法蘭西總統咁犀利？

引用:

原帖由 Tarocake 於 2012-1-20 12:49 發表

...筆兄，可能佢老哥都崇尚華夏文化，知道卡姐可以幫佢驅風。

其實紅毛鬼興食老火雞乃事非得已！

要怪就怪幾十年前班友信奉了DINK (Double Income No Kids) 之過，以致人口斷層！

我响Croydon時條Close有11間House，連埋我哋呢伙，四户冇後！

芋兄在英時有否留意，大多數做Receptionist，無論一般商業機構，又或clinic，皆由阿婆駐守，省鏡靚女失晒踪！

引用:

原帖由 Tarocake 於 2012-1-20 12:58 發表

話時話條法國晏嬰oratorical skill幾掂喎，估計溝女功夫亦然

口才了得，總之着數哂喇！

除咗呢位法蘭西總統外，聞說花旗嗰位黑仔總統都雄辯滔滔！

孔老二話「剛毅木訥近仁」，今時今日仲聽佢支笛「木訥」，肯定乞米！莫講話揾份工要in，家陣連入幼兒班都話要in過至收，噏少句都死呀！

芋兄若想在英贏多幾份contract，就要多啲同對方派員溝通傾吓偈。而informal溝通去pub吹水就最啱佢哋民族性！

你可借啲意話想多謝佢，跟住話I buy you a drink this evening。佢哋純粹飲杯嘢咋，不涉其他㗎，而啤酒已可。若然老兄識講波經，就更快入題！

上帝賜與人類語言溝通能力，唔用就蠢喇！

呢啲係我心得，包你事半功倍，try, no harm, mate!

引用:

原帖由 Tarocake 於 2012-1-21 01:56 發表

筆兄，當日是City of Westminster 及UKTI 邀請為主題晚宴作嘉賓。他當時正官式訪問英國。又要White tie 又要行鬼咁遠，正一「法國大餐」。幾個月前特首嚟TDC個Event 就輕鬆多，在Hilton Park Lane,business  ...

咁睇嚟芋兄你都幾吃得開矣！

呢啲咁尊貴嘅上等人大場面，都有我哋九龍仔大坑東街坊出席，小弟身為老兄隣座鄉里，與有榮焉！

祝老兄馬交豐收而回！