引用:

原帖由 Lawrencetoo 於 2011-4-5 00:29 發表

我有興趣一問,如果中國輸出的食物沒有問題, 又沒有山寨貨物充斥, 其他國家真的就對她沒有顧忌, 而美國就不会顧忌中國,事情就是那么簡單嗎??..

杜兄問得好！

我對俄國冇好感，衹係以事論事。佢經已換咗共產黨支咁恐佈嘅旗，相信沒有輸出有問題食物，又沒有山寨貨物充斥，其他國家真的就對她沒有顧忌，而美國就不會顧忌俄國嗎？

引用:

原帖由 ali 於 2011-4-5 01:58 發表

請教大家，老翻/翻版貨跟生寨貨的分別？

讓我嘗試解答Ali兄有關老翻/翻版貨跟山寨貨的分別。

如果用我居港超過半個世紀所見去解說，以50至70年代港人經營之所謂山寨，乃住家式蚊形個體户，大多數是前舖後居之小型工場，產出之來料加工或輕工業制品，是為山寨貨也。

港人一般比較蠢鈍、手工粗劣，故嚴格來講，香港一般並無老翻/翻版貨工場（除却影音帶／碟），只有老翻/翻版貨售賣而已。而老翻/翻版貨只是近呢二三十年才出現，乃從大陸而來。因大陸人腦根轉數快，工藝精湛，連外國名牌總裁亦週不時當錯翻版貨為正貨，甚至禮失求諸野，派人來華去翻版貨工場接受再培訓。

小弟兒時遷離大坑東木屋區後，跟家人曾租住於深水埗青山道兼善里，見樓下地舖，除却街頭街尾之米舖、雜貨舖、士多外，大多是此類山寨工場，如五金啤工、吸塑、籐木、膠花等等。為賺外快，小弟曾往該等工場取膠花來串，亦為塑膠公仔加油上色。暑假亦曾做童工，去附近山寨屈鐵線衣架。

至於山寨貨，一般質料較次，只是一味夠平，但並不襟用。一如五六十年代，我哋港人習慣叫啲唔襟嘅壞volt平價嘢為：「正一日本貨！」。遏後語：「化鬼學！」。

講開化學嘢，我在英時常聞啲鬼佬同事稱呢亭嘢為Cheap Chinese Watch。例如有次大家tea break去canteen買飲品，個vending machine入咗錢冇嘢出，經一輪又傲又拍都冇反應，就大駡Cheap Chinese Watch！

其實�謢菾夆熀瞉鱈Y愛爾蘭製造，係人都知，亦唔係手表嚟，但佢哋就係興咁鬧，皆因長久以來買過好多隻呢亭中國製平價手表，於是以後見襯乜鬼譞臣化學嘢都賴中國製造而已。

引用:

原帖由 Lawrencetoo 於 2011-4-5 00:29 發表

一個人口大國要發展起來,真的會有千千万万的问題等待去解決,..這是作為一個中國人的可悲。 ...

小弟亦同意杜兄所述，中國實在太大了，管治上必然困難重重。

有時我都好同意阿爺成日講嘅乜鬼嘢合乎中國國情方法治國。

早排我响youtube睇到以下片段，或者各位亦早己睇過，關於廣州天河挾持人質犯俾個差婆用槍近距離一嘢辣瓜。

http://www.youtube.com/watch?v=4kt2PJGdnMY

我可能係以隔岸觀火心態睇嘢，冇人性。但我覺得差婆好嘢！乾淨俐落，夠爽快！最叻係個匪徒中咗第一槍趴直後佢仲响背後補多第二、三、四槍，驚佢唔死咁！超爽！

審！審！審！捉姦在床，有贜有證，嘥錢嘥時間喇！淨係响事發現場揾鑑証科搞都起碼成晚唔收得工喇！

如果呢單嘢係發生响香港？啲訟棍實開心，又有大生意做嘞！呢條差婆就實死硬，冇刑事都會有民事上身，打完柴仲俾人告到甩裙，慘！

咩話？話我冷血？咁吖，你做被挾持個嗰無辜女民工吖？大佬，我鄉吓阿媽病咗，老公冇田耕，仔女等飯開，我唔死得�謘I咪講風涼話喇，唔該！

至於話叫我好似你哋香港咁出庭做証，咪拘！你哋啲有閒階級玩意唔啱我哋嘅，我要揾食�謘I兼且我當時已經嚇到間歇性失憶，乜都唔記得哂囉！

引用:

原帖由 Lawrencetoo 於 2011-4-7 16:02 發表

如果當時大富豪在香港被抓,命運絕对不一样。你看那兩个香港賊王,亞葉&亞季,重咁多野玩, ...

所以我不嬲都同意阿爺嘅手法，亂世要用典刑！

既然有贜有證，嘭，嘭，嘭！幫我全部拿出去槍斃哂佢，咪嘥米飯。仁�w？又唔見個賊殺人前手下留情？搞笑！

其實英國佬有時都唔斯文得過阿爺幾多。呢，早幾年咪响Central London地鐵站好似天河差婆咁辣瓜咗條巴西佬。

條巴西佬樣衰，貌似中東佬，孭住袋嘢，班反恐軍情五處(MI5)特工走埋去�O佢，懶有嘢咁同特工拗，仲轉身跳過出入票機逃走，結局梗係成身開哂蜜蜂竇兼反肚喇。我今次唔爭佢，冇嘢咪企定定囉，走乜唧？差人做嘢啫！

循例梗係多手續過阿爺嗰度喇，開壇審吓係咪誤殺，因巴西家鄉嗰邊好嘈，不過咪又係事出有因、查無實據！

引用:

原帖由 Lawrencetoo 於 2011-4-7 17:15 發表

我做個一次獨立証人,ne 世都怕怕,下次咪預我

杜兄早啲問聲我吖，呢啲大龍鳳到頭來未必幫到啲乜，都係認間歇性失憶穩陣！

引用:

原帖由 suewong 於 2011-4-7 21:28 發表

請恕直言, 為何 law 記 覺得美國 應該能 阻止中國赤化 ? 美國是神/上帝 ?  ...

我哋不如咁問，花旗佬每次開拖，都係毫不為己、專門為人？

當真？不涉其它？例如石油、擴張勢力、圍堵非我族類...等等？杜兄問得好，因乜解究要打韓戰、越戰呢？又如伊拉克呢？

至於送两個原子彈俾�謋J，抵佢死�瞴A鬼叫你炸我珍珠港呀？先撩者賤、打死無怨！

我唔否認花旗佬佢有時出兵係太天真，好心做壞事。但基本上，說穿了，還不是為咗自己千秋萬世功業，獨霸武林、搶奪資源而已。咁同弱肉强食之禽獸行為有何分别呢？唉！

引用:

原帖由 suewong 於 2011-4-7 22:05 發表


how about British / China / France ?

同一問題, 為何筆兄特別看美國政權不順眼 ?

佢自以為是、鍾意指手劃脚扮大哥、冇大冇細、搞亂人檔攤就棚尾拉、又乘機賣／試軍火、搞埋堆...聽日再數臭佢，Bye! Good night!

引用:

原帖由 Lawrencetoo 於 2011-4-7 23:43 發表
me too,一於伸張正義,盡數佢

好！就讓我將我偉大社會主義祖國立國以來，被美帝、蘇修（蘇修自動解體，鬧少個，可集中火力炮打美帝呢隻正在走嘅走資派紙老虎）欺凌嘅怨恨、屈氣、血海深仇，一次過在此盡訴心中情，鬥垮鬥臭佢。

我更代表全國各族人民，各省市工、農、兵、羣眾，各前 and/or過氣黑五類（e.g.: 香江第一才子Daddy, etc.. 不論平反與否），各亞、非、拉失散兄弟，邪惡軸心(including可憐的上校) ，各被出賣／揾笨西方大國，全世界劳动人民、无产阶级工人兄弟…等等，不能盡錄，數臭呢隻Ugly American!

上次數到佢第1000罪狀，下續:

1001 - 默許／縱容／支助／鼓勵猶太復國／仇主義抬頭，以小蝦大，响中東洽我阿拉叔兄弟，每年打傷打死千萬平民！

1002 - 出賣朋友，例如佢襟兄弟，我前朝宗主國兼哎吔祖家 - 大英帝國。出錢、出軍火，支／聲援愛爾蘭共和軍，搞分裂，搞我契媽！

to becontinued…

引用:

原帖由 Lawrencetoo 於 2011-4-8 00:01 發表

30 多年改革開放, 淫業仍然是川女的出路. ,ne 個古老行業,不是中國最盛,泰國,菲律實亦很娼盛,

其實靠淫業起家，响好多發展中國家乃重要之隱性收益。而靠淫業創滙，連南韓亦要走過此路。

大家應該記得卅多年前南韓最出名之殘廢餐吧？

並非侮辱，南韓之有今日，乃靠嗰班婦女起家，主要對象當然是美軍及�謋J喇，此乃公開的秘密。

引用:

原帖由 suewong 於 2011-4-10 00:45 發表

我以為筆兄 now 緊 支援紅色高棉/ 北韓/ 北越  的國家...

阿爺（聲稱）佢冇輸出革命，唔同蘇修，係啲哎吔兄弟俾面，自願朝聖跟我學嘢，咁冇理由拒人千里，唔教番人两手�赯嚏H

喂！義工嚟�謕Q！非牟利�謅j佬！

引用:

原帖由 suewong 於 2011-4-9 23:43 發表

while u have not answered my question, I give my answer first:...

黃小妹，妳死喇妳，噴到杜兄嬲咗，唔蒲頭同我哋玩！

引用:

原帖由 comm 於 2011-4-10 13:23 發表


呀爺最不順眼就是個人有創意能力的人,我養的一班人统统都要聽我老點為之正常人,後果就好似呢位仁兄咁收場 1

唉！好心你哋咪亂咁吹捧呢亭trouble maker搞屎棍喇！

呢條友淨係幅相就令人噴飯，癲唔癲、呻唔呻，咁出位，唔慌唔夠創意咯。交個江山俾佢打骰？唔係話？

呢條肥佬正式精甩辮，睇穿阿爺死穴，唔敢郁佢，用民「渾」維「拳」做擋箭牌作奸犯科、走私漏稅、亂搞男女關係，犯咗事就話人政治打壓。

噏一两句反政府口號，你哋就幫佢叫陣篡阿爺朝，佢有乜治國大計／理念呀？又有過乜政績呀？

橋唔怕舊，係咪又好似廿幾年前啲學棍扮反政府想大搞，等花旗佬俾個綠咭佢咁之嘛？       

嗱咁吖，咁鍾意創意，俾你個仔响屋企搞無限創意吖，任得佢唔返學，成日將幅牆劃大花龜、寫大字報、鑿爛哂啲傢俬，見到你俩老用粗口問候你哋。咪搞錯，呢啲祇係無法無天、無政府主義、作反咋！

Comm兄啊Comm兄！阿爺好多嘢令我哋唔滿意，係事實，但切不可為反對而反對，否則一蟹不如一蟹咋！

為咗推翻滿清，就支持袁世凱；為咗踢走蔣介石就迎老八，十足法國大革命，殺咗皇帝變共和，跟住就天下大亂，鬼打鬼！

讓我講述一下我所見之一片段伊朗革命與大家分享。1975年當我初到埗奧地利維也納，因早咗一星期到達，未能即時入住維也納大學宿舍，拎住大喼行李正在徬徨之際，有一跟我年紀相約之伊朗仔趨前問我是否迷路，我告之冇埞踎。佢二話不說叫我跟佢去另一區佢屋企暫住。我想俾番租佢，答唔使客氣。原來佢好叠水，佢帶過我去佢大佬响市中心開間波斯地毡舖。

有日，我見佢枱上放咗個有三個窿嘅布袋，問有何用？答曰要嚟去大學前石級示威用，怕俾伊朗王响當地特務認出，返唔到國咁話。跟住數臭佢國王專制獨裁，俾本教科書我睇，話第一頁好似中國必刋毛主席相咁刋出國王個相。

我回港後初初仲有同佢書信往來，佢多次提及會返伊朗搞革命，到1978年，即巴列維孔雀皇朝倒台前一年，已不見其音訊。

1983年我重遊維也納，同老妻去佢居所及舖頭揾佢，皆不見人。我好想感謝佢曾對我熱誠幫助，奈何遍尋不獲。我担心佢可能在革命中遇上不幸，因我們曾向佢間波斯地毡舖問過，皆說自1978年他們回國後，未嘗再見。但我唔相信我呢位波斯兄弟會幫緊蝦毛內衣做事，唔似佢性格。

我講我呢個波斯革命故仔係想代西環傳話，警告吓你哋啲香港人，記住河水不犯井水，咪以為共和變天你哋好過�痋A到時唔好以為係陣痛，肯定係長痛。你哋都一身潺兼會落鑊！

至於祖家對大國子民郁手郁脚，子非魚、焉之魚之樂，關你哋港人屁事呀？

我認呀，我自私、我衰仔、我契弟冇人性！人不為己，天誅地滅！我但願有乜革命，唔好發生响我駕鶴西去之前。

好彩我跟老何兄一樣，冇物業在港，理論上一切流動資產，一分鐘online離港，人就24小時，最頭痛係啲爛鬼傢俬雜物！

Take my advice, 我哋求神拜佛，千祈望阿爺富貴，唔好望佢閉翳呀！  

引用:

原帖由 理魯竇 於 2011-4-11 01:49 發表

鳥巢早在汶川大地震前己經建成,你唔好屈得就屈,再組織一下至講。

大家有否留意，愛咪咪呢單嘢，西方主流國家聲援幫拖者，主角除咗反華集團首腦美英外，跳出嚟嘅，仲有呢隻蚊螆國奧地利。

呢條奧匈大帝國餘孽跟海盗國挪威一担擔，專同非西方注流社會意識形態國唸倒頭經，搞對抗，搞作反、動亂之幕後黑手，亦存有長久傳統歷史。但時移世易，佢居然可以從支持逢右必反（泛指一切獨裁政權，理得佢呢啲政權當時背後支持者為美帝與否），到�M家支持逢左必反，似乎立場唔夠堅定（好似我咁！）。

佢最到家係開放平台俾佢自己認為係極權國國內嘅反動派、反政府尋釁滋事者聚脚。我亦於當年於斯認識幾個香港去嘅革馬盟（革命馬克斯聯盟）份子，惟大家路線不同，嗌咬多過食飯，最後不歡而散。

1975年係一個大時代，四月卅日西貢淪陷，小弟有幸在維也納見證咗班患有一般左傾思想幼稚病嘅病人們如何慶祝一啲幾十年後才發覺慶祝錯咗嘅嘢！當日越南被解放消息一出，維也納大學前打鑼打鼓，舉banner派傳單掟紙碎，我好相信大部份學生都有份參加祝捷，唔知仲以為係佢哋奧國打勝仗！

第二日，五一勞動節仲勁，當日雖然勁凍，大概祇有四五度，個個口中可吹白煙，仍無損祝捷氣氛，第一區國會大樓前之巡行，我相信甚少會見咁多人聚集，咁情緒高漲。

家陣大家都垂垂老矣，回頭望過去，大家都會笑說too simple, sometimes naïve!

杜兄早前問得好，打仗死咗咁多人，北韓、北越咪又係被赤化咗？

其實赤化與否，並不重要。至於有冇謂嘅問題，表面睇係無謂，尤其是相對你同我之平民伯姓來說。但原來响啲政棍嚟講，極之呂有惠，例如當年嗰幾屆花旗總統，無論贊成開拖／散水，and vice versa，只要能利用此為藉口而打擊對手而當選者；又或我哋阿毛Sir，利用戰事凝聚民族愛國情緒，轉移人民視線，上下其手咁打擊異己，e.g. 劉少奇&鄧小平呢两隻走資派，與及千千萬萬個愛咪咪呢亭機會主義做反份子。當然仲有蘇修呢隻豺狼喇！

所以，小弟在此懇切地勸籲各位後生仔女，千祈，千祈，千祈，要stay away from政治呢家嘢，唔好俾人利用做培襯／葬，除非你正是那個好肯定藉此能達到目的（無論是不可告人或可告人）及利用人做培襯／葬者。否則你好大機會會俾人騎劫／出賣你嘅熱血及理想！務請小心為盼！

引用:

原帖由 suewong 於 2011-4-11 18:24 發表

在我看來, 義工/收錢 賣白粉, 都是犯法...

我哋共和祖家乃堂堂大國，絕對唔會學紅毛鬼呢亭生番國輸出鴉片咁傷天害理。  

我哋只會輸出本國土產經濟意念，幫助弱勢亞非拉小國嘅勞動工人兄弟共人產，食大鑊•飯，好似你哋香港咁，個個唔使做有飯食，有屋住，生養死葬，最緊要唔使供款有退休金食。

呢，禮失求諸野，我已訓示西環要向你哋飯民虛心學習，乜得咁把炮，做得咁七色。

我亦已訓示西環安排各省市領導人，來港落户插隊，接受再培訓，等闔國富貴！



[ 本帖最後由 mtpen 於 2011-4-11 19:30 編輯 ]

引用:

原帖由 comm 於 2011-4-11 01:30 發表

佢癲唔癲、呻唔呻咁,遭受秘密警察的攻擊,打到short左,.反而對佢有創意連北京「鳥巢」奧林匹克..

comm兄唔講開雀巢單嘢由自何，一講起我就�窗C正一反骨仔，食碗面反碗底，唔夠雷氣喎！

我俾足機會你，開放國家級平台俾你响嗰度搞你嘅所謂藝術，實情係人都扲咀笑你啲爛鬼塗鴉垃圾鐵片。諗住你搞你嘅藝術，我有我治國，點知你唔領情都不獨已，仲想食埋我啖飯！

細佬！咪三分顏色當大紅呀！你記住呀！有我就有你，冇我你都冇運行，至多同歸於盡，一鑊熟！

結束一黨專政喎，咪欲蓋彌彰，隱隱晦晦喇！不如坦白啲講話想革我條老命，篡我皇朝仲好喇！

嗱，細佬！我死唔緊要呀，過隔離我契細佬傻金度，佢實收留我�瞴I但你唔好忘記，呢檔攤乃跨省企業，too big to fail，好多兄弟跟我揾食�謘A若然檔攤有也�M郁，後果冇人承担得起呀！

今次吘到你short short哋，實屬不幸，我已責成佢哋下次輕啲手��嘞！今你最衰係你郁嚟郁去，吘錯部位啫！記住以後錯就要認，打就要企定，okay？

�M家出面啲兄弟仲刮緊你，你暫時都係响秦城裡面抖陣先，不過叫你娘親响出面唔好咁多聲氣，咪一陣佢哋唔好老皮搞佢老人家就論儘矣！

勸吓佢，大家都係飲黨嘅奶長大，要聽黨嘅話，做個黨嘅好兒女喔！

最後切記叫佢咪鬼再接觸香港班反中亂港報紙佬，費事佢哋個凸手阿曾�峓硠甯c，會錯意，未經我同意就私人做嘢，黑你阿二個名單，唔俾佢再入境掃貨買名牌，到時嬲你陀衰佢同你分手就唔好賴我！

引用:

原帖由 suewong 於 2011-4-12 18:45 發表

喊得一句句, 點 break even ? 有無腦o架?

各省市領導人富貴過香港人多多聲, 我們要再培訓就真...

我唔知呀！人噏我噏咋！

黃小妹妳識咁多飯民大老，妳代中央去問佢哋喇！

我當然知啲省市領導人富貴過香港人多多聲，我就係特登想佢哋落嚟捱吓，憶苦思甜咁啫！

引用:

原帖由 Lawrencetoo 於 2011-4-13 01:31 發表
..個的越南仔则要善待佢地,起埋營舍,供書教學,白食白住,点解唔咁益返自己人呀 ...

Damn right! Good question! Brilliant mate!  

點解唔咁益番自己人呀？  

其實你哋香港人正一假仁假義，呢頭見我共和祖家有乜災物災就曲線幸災樂禍／歧視／睇少我哋，扮做好心去捐錢，嗰頭見人哋大住個肚又冇錢／冇咁好醫療，落嚟求你幫吓手搞惦，就設下重重關卡，就唔去做好心幫吓人哋。如果唔係燈光火着，睇怕就算我個仔突咗半個頭出嚟你都一脚撑我過番中方條界嗰邊呀，陰功！

一年先使你嗰三幾億之嘛！就當回饋對你恩重如山嘅祖家得唔得？我見你哋人口老化，捱義氣幫你哋生仔啫！第日佢發咗達，納重稅救番你哋啲又窮又死唔去嘅老鬼噃，仲唔感恩我偉大呀？

都係我哋同導遊阿蓉做出大龍鳳嘅安徽勇哥勇於直言，鬧得好！冇我哋大陸人？你哋香港人食屎喇！

當年我哋自己打大赤肋，唔捨得着都織啲名牌大地衫褲，祝君早安你哋着同洗面珠吨，自己唔食都運啲菜呀、米呀、糧油罐頭落嚟俾你哋啲大種食！驚死你哋港澳同胞俾紅毛鬼、西洋醎蝦鬼虐待。

搞東江之水越山來，單工程淨係响梧桐山跌傷跌死者数以萬計（恃機非法出境旅遊跌瓜者不計），否則�M家你哋港人唔單冇屎食，連屎水都冇得你飲呀，寃鬼！

引用:

原帖由 Lawrencetoo 於 2011-4-15 15:12 發表


亞1,使乜咁鬼認真呀,我地都係上來發下up瘋咋,嘻哈一下,今次我做吓反派,唱衰花旗亞黑馬仔個檔嘢,下次可能又做正派,搬亞爺上枱........ ,咁先至好玩,係咪呀...

俾杜兄講埋我嗰句添，我都係一時忠一時奸，全無立場嘅牆頭草一名。

我見高就拜兼唱好，見低就踩兼唱衰，壹哥咪鬼當真喔！

老何兄，comm兄，黃小妹… 等等，我週不時都係咁激佢哋都唔嬲嘅，係冇？




[ 本帖最後由 mtpen 於 2011-4-15 16:27 編輯 ]

引用:

原帖由 suewong 於 2011-4-15 21:20 發表

筆兄, 英國好像沒有收容船民 ?! ...

我哎哋契媽心地好，原本打算收越南佬去英國，念及日後要收你哋啲港英餘孽，所以將quota留起備用。

因此越南佬嗰鑊香港人要硬食，兼特登用嚟明玩阿爺，等啲越南佬回歸後都响香港行嚟行去，篤阿爺眼，等佢成日都記起當日响越南自衛還擊戰中死咁多共和戰士，記起血染的風釆！

話時話吖，其實契媽做嘢都好有前瞻性，知阿爺想將香港打造成國際大都會，唔預早幫你哋溝番啲越南佬、印印、賓賓、阿差、paki，啹喀佬，日後點揍夠數整人種雞尾酒呀。。

你哋港人多得佢老太婆唔少喇，人哋就嚟娶孫新抱，快啲夾錢送番個大禮俾人添噃！我知你哋中國人最興送墨寳俾人做賀禮，不過唔使客氣嘞，你哋平時都俾落唔少，所以唔想再要你哋掛响牆度啲對，唔使除副落嚟俾我嘞！  

引用:

原帖由 comm 於 2011-4-16 13:05 發表
好似佢老人家最近有病疴血禾,連佢孫新袍婚禮有傳决席?
希望前事頭婆長命百歲,快快袍孫

就快抱塞��嘞，小道傳聞，開始作作哋嘔，怕已有饀！

引用:

原帖由 comm 於 2011-4-16 13:05 發表

好似佢老人家最近有病疴血禾,連佢孫新袍婚禮有傳决席?

comm兄，我再跟進有關老太婆疴blood單嘢，根據軍情五處(MI5)嗰friend最新來料，原來佢係嘔血才真。

皆因佢老太婆做人唔化，冇與時並進，太愛面子，話啲後生，一隻二隻激佢，嬲個未來孫新抱大住個肚入門，咁成何體統唧？就咁激親出事！

老兄有最新科技，全球定位衛星CCTV，請幫我睇住吓佢，有乜瞓低，即請告之喔！

引用:

原帖由 Lawrencetoo 於 2011-4-16 14:57 發表

唔使估啦!!佢尋晚漏野已打左电話俾我,報左喜啦

八吓俾我聽,男塞定女塞唧？仰或打孖上？

我謝蒼天、我又謝祖先！….喇喇喇！….齊慶賀呀！


[ 本帖最後由 mtpen 於 2011-4-16 15:13 編輯 ]

引用:

原帖由 Lawrencetoo 於 2011-4-16 14:53 發表

多謝女皇厚賜鴻恩,天佑我皇,願女皇万歲万歲万万歲

都算你知恩，我呢两日叫待從寄張孫仔大婚請帖到府上，到時請賞面帶埋杜太出席。記得唔使帶對聯咁客氣呀！帶两梳蕉就好了！

我會安排Chinaman走埋一堆打牌，早啲到喔！

If you’ve no objection, 我安排胡生、温生，甚至曾生俾你一枱，到時你幾鄉里傾餐懵吖！

記得PM你地址我喔！

引用:

原帖由 suewong 於 2011-4-15 21:46 發表

.. who is 亞man ? ...

証明黃小妹妳真係好後生，否則唔會唔地除嘅！  

杜兄因忙於做踢死兔去撼哎吔事頭婆响白金漢宮娶孫新抱嗰餐，唔得閒答妳，等我嚟喇！  

我哋呢亭老鬼，幾十年前細個讀英文，教科書咁寫:

A man, a pen;
A man and a pen;
A pen and a man….

A pen cost a cent,
Buy one draw a plan,
How to evacuate with my wife Jane,
Together with other men,
In case the explosion of Da Ya Wan,
Causing the world to an end.

Amen!




[ 本帖最後由 mtpen 於 2011-4-18 10:04 編輯 ]

引用:

原帖由 理魯竇 於 2011-4-16 18:06 發表


我都有對聯送俾王子:

一對新人物
兩件舊東西

好彩契媽唔識中文，理兄你咁贈佢個乖孫，激到佢趕唔切做太婆為你事問！