引用:

原帖由 hkgalbert 於 2010-11-25 15:39 發表

可惜教育界的「教協」，竟然叫人撐與教育界毫無關聯的北平趙XX案，都沒有激烈行動來反騙公帑

呢啲叫做雞仔唔管管麻鷹。

更可能係食飽飯等屎疴or想轉移視線咪俾人釘住教協失職之嘛！

引用:

原帖由 suewong 於 2010-11-25 17:32 發表

唔講都講埋, 敝舊東家, 差不多每一單位領導人, 都犯左每 1 男人都會犯既錯, 點拉得咁多?...

此風不可長！
違規違紀之事，一定要嚴打！

一於雙規佢哋，以警效猶！

Ps 小弟梗知係徒勞無功既野喇，附和吓妳，等妳消消氣咁啫！恕罪恕罪！

引用:

原帖由 suewong 於 2010-11-25 22:44 發表

點解佢地基層出身, 受惠於港英政府 1 d 相對公平的措施, 冇諗過將公平 keep 住, 令子孫受惠?

其實港英政府時亦非絕對公平，寃假錯案時而有之。

見黃小妹呻開，提及office war啲激氣嘢，請恕我離題，讓我亦講吓我响港英政府嘅寃屈嘢妳聽。


1983年，小弟剛考獲poly張diploma，繼而成為英國某professional body之chartered member 後，札職為junior officer, on probation一年。

原來大老細一早target咗我為office bullying對象。佢等我臨confirm前三個月second我去警務處，因當時職位相對低级，要under個鬼頭總幫，外號屎坑蚊，又陰濕又毒。

三個月後，屎坑蚊話我工作excellent，但無辨法confirm我，因時間太短，要睇多三個月再算。後來才知佢聞哂名咁玩人法，我並非第一個。  

我跟咗佢三個月，日日朝七晚九搏到盡，到頭來咁嘅結局，好upset。年少氣盛，沉唔住氣，入房跟他理論，問點解唔flexible啲處理？邊有得解唧，解咗隨山走。

我新嚟莫賴，犯下兵家大忌。軍裝最憎下屬challenge上级嘅decision。佢話我以下犯上，叫我大老細調走我，我亦因此燉咗冬菇一年，日後升级seniority亦低哂，前途盡毁。我大老細借刀殺咗人，掩咀笑。

我自問亦抵死，中咗大老細奸計。佢一早睇通我脾性，知我一定同屎坑蚊理論。性格決定命運，早知冇乞兒。

引用:

原帖由 av8s 於 2010-11-26 17:12 發表

MTPEN Hing were you SPI at that time?

引用:

原帖由 av8s 於 2010-11-27 11:23 發表
.........

引用:

原帖由 suewong 於 2010-11-26 16:54 發表

我都會出聲嘈. 咁年輕就逆來順受, 唔製....  

Everything happens for a reason, 𠵱家事後多年，諗番起，要感謝佢哋都嚟唔切，因我跟老妻有今日之健康及財富，皆或多或少由佢哋而來。

既然前途暗淡，去意早萌，適逢八九六四英國放大閘，唯有敗走英倫。

當地生活，日出日落，平淡如水。正一有得做、冇得食。錢就有，不過冇埞使。最大支出，乃去garden centre買花、買肥、買架生响花園種嘢，日日擔泥。

叫做最好食嘅中菜，要揸成個鐘頭車去Central London唐人街至有，但也不是甚麼好東西，呃鬼老炒雜碎而已。

好彩，原來食得多、食得好係罪過嚟嘅。大把錢使唔晒，又賓賓又印印仲大鑊，郁都唔使郁就有得食，食飽拍吓蘿柚睇電視。

十載歸隱後回港，盡見同輩親朋戚友，個個腰圓背厚，大咗成個碼。外形趣怪都算咯，三高有之、痛風有之、糖尿有之、中風通波仔坐輪椅有之，變成長期病患者。最大鑊係有三個生咗腸癌。一個割咗，一個二期，都唔使化療，好番。但一個三期，化療後一年，近月復發兼癌細胞走入肝。上次40萬好彩有買危疾保險全包，今次呢40萬食自己，慘！

我俩自認纔嘴一族，兼且若在港返工出街食好正常，但油鹽不受控制，必多。有幸在英返工多揀揸車15分鐘必達者，lunch可回家食老妻煮之自家飯。更經此十載冷靜期，明白食得就真係是福，𠵱家識驚唔會放縱亂食嘢。

感謝我大老細、屎坑蚊一干人等、另加柴玲及吾爾開希。

仲有大英帝國之糠概。天𧙗女皇！   

引用:

原帖由 suewong 於 2010-11-27 16:51 發表

Pen 兄有冇種過西洋蘭, 我種左 10 多年, 今年搬家 (臨海 / 泳池), d 葉黃 side, 死左 1 棵. 是否水土不服 ? 有冇辦法 ?:' ...

西洋蘭就冇種過。

妳話搬過屋？Isn’t it?

妳有否在搬到新地將之入土後不斷淋水令其根mix & fix firmly with the new soil？

I love pansy, nearly evergreen, even though it’s in winter.

引用:

原帖由 suewong 於 2010-11-27 21:19 發表

西洋蘭是種在花盆的.

死火，小弟外行冲內行，今鋪露咗底添！