引用:

原帖由 suewong 於 2010-11-28 18:06 發表

認識深入, 視野宏觀, 以中國人角度分析, 但有國際眼光. 不偏不倚. 沒有謾罵 / 坦護...

絕對認同！

老何兄除咗憂國憂民，自私啲嚟講，本地社會、地區、國家、以至世界大事，知多啲好過知少啲。

起碼有起事上嚟，人哋仲一頭煙四圍騰嘅時候，你已經印印脚嘆緊下午茶兼挨喺度睇大戲矣。

資訊足，唔使俾人魚肉！

引用:

原帖由 老何 於 2010-11-29 13:17 發表

有人話, 乜野原因係期油度因冇�e唔敢賺多10倍？ ...

老何兄講炒石油，有樣嘢包冇甩騼，乃美元。

小弟觀察多年，what goes up must come down, or vise versa。

俾啲耐性，你一定有機會出貨或入貨。不過一個cycle有時成三幾年咁長，冇耐性或等住佢開飯就咪制！

係人都知除咗亞爺手頭大把符蘆頭，全世界好多人都揸住大把，連薩特姆咁憎花旗佬俾人响老鼠窿摷出嚟原來攬住大叠美金而唔係英鎊或歐羅。

好多人到時到候都要用美金交收找數，所以一定久唔久要做上做落，嗰個唔係你同我，唔係跨國公司，而係各國財金部，包括花旗自己，亞爺當然都有份喇！

啲九流分析員成日話QE一出，美元會大跌。講嗰個低B冇腦兼囫囫哋嘅！�M家QE3都嚟緊喇，又唔見美金跌番2007年年尾個價？

我就係睇通呢條路，响當時續啲續啲咁掟英鎊，一見上過£1=HK$16就掟，賺番啲交租錢。

引用:

原帖由 36D 於 2010-12-13 11:54 發表

近排聽聞，中國將在十年內，建成三個航母戰鬥群，到時阿爺即可雄視亞洲了。

亞爺唔會咁蠢整幾隻咁多，整一隻咁多當玩具，叫做人有我有咁啫。啲咁嘅爛鬼火水罐旨在整俾啲國内義和團餘孼及糞青，等佢哋暫時有啲嘢睇住先。國外就拎嚟嚇吓非洲班哎吔兄弟，等要人叫陣時，好似維京海盗呢鑊咁，企出嚟幫幫手，咪食就識食，有事就跳草裙舞，否則派隻航母滅你國兼滅你種�謘I  

其實你哋睇吓英國佬最近宣佈扑晒啲航母做爛鐵就明個局係點。英國佬身為過氣七海梟雄，冇理由自知�阭磠n靠無障碍航道維生，唔驚俾人响海度玩花臣搞搞震咩？驚，不過想嚇你一驚，你隻戰艦响海中會無啦啦唔郁得或解咗體，原來俾外太空激光擊中。

亞爺雖曾為土包子，但當今亦非吳下阿蒙，你咪以為佢蠢到唔知激光武器點玩，剩係睇佢頻頻射火箭放衛星又話上月球就知佢想搞邊科矣。

不過要小心中老美招，咁嘅星空軍備競賽好昂貴，前蘇聯解咗體都或多或少係咁玩傷咗有關。老美唔同，先使子孫錢，發國債慘得過又有人信爭住買，你底子薄就唔好跟，顧住輸身家。

我講星空大戰，乃特登响comm兄呢位衛星監察專家面前班門弄斧，學熊良碩扮低B專登辣�絡頃苤A一就俾機會佢演講，二就等佢鬧你，指出你邊度錯而偷師學嘢咁啫。

引用:

原帖由 comm 於 2010-12-14 02:21 發表
我邊係專家,咪嚇親人 ,不過睇唔過眼依家D傳媒佈導,自己識小小,突破收費電視的暴利, ...

Comm兄，趁你响度傾多两句吖！

小弟早排問老兄用Bobo姐幅相做板頭相是否同佢有乜景轟，你話純粹因佢幅相個髮型似你舊時，不涉其它。

啱啱呢個forum有位師兄叫卡達菲，令我想起呢位北非上校，佢個髮型至啱你，夠陽剛氣。

我剛摷到上校幅相，老兄啱使嘅話，隨便拎去用，唔使客氣！

引用:

原帖由 老何 於 2010-12-14 10:07 發表

今早d橙賣7個半1個, 攪x錯, 有d仲9蚊tim, 有得搶乎？！

香港人咪以為咁好果制，啲嘢貴冇所謂，自己住緊層樓升咗補番數有突。  

仲陰陰笑，四圍威俾人知話層樓升到成仟萬，自己呃自己。賣出咗喇咩？賣咗去邊度住呀？收差餉通知單先知老襯，未套現，但先加咗差餉。

老何兄呻橙貴，未有耐！我曾有個日本隣居同我講，約廿年前當日經升到四萬點左近時，一個花旗西柚响日本賣五蚊美金一個，約40蚊港幣，個個日本人成仟萬身家，幾叻呀！

直至發覺人哋各國唔肥，只係自己肥，塘水滾塘魚而矣，跟住俾人割禾青當提款機，學亞松話齋，有咁耐風流、有咁耐折墮矣！

引用:

原帖由 老何 於 2010-12-18 12:07 發表

呀筆在「结婚」topic 講尊嚴, 最arm聽。老何年青時博命�M銀, 就係ne兩個字推動。 ...

老何兄，人哋話「衣食足、知榮辱」。

我哋嗰脫人仲巴閉，衣食唔足、都知榮辱！

至於要睇陶三姑個功架的口面，我久唔久會同老妻講，我唔要再做窮人！我唔要再租人一間房住！唔要！死都唔要！

赤貧日子想起也令人心酸，除咗冇錢，連人格、尊嚴都一併冇埋！

引用:

原帖由 理魯竇 於 2010-12-17 23:42 發表

法國前總理拉法蘭推薦新書《中國的啟示》，笑稱中法年輕人差異在「勤奮」。 ...

法蘭西人冇必要咁勤力吖！勝在有腦，易揾食。

大把低等民族甘願做佢法蘭西品牌奴隸。一個幾嚿水成本嘅爛鬼手袋，一件鬼五馬六嘅衫，貼個乜鬼LV, Chanel牌子，就賣幾盆水。啲酒又係，葡萄收成好時，遇啱滯銷，為托市，當水咁倒，你哋就當寶。

自己日日响啲血汗工廠做到手指頭都掘埋，冇停手，仲會黐咗線要跳樓，但出咗糧就排隊去買名牌，正一進貢法蘭西。

人哋有腦就食腦，行行企企賣品牌、意念、產權，就盆滿砵滿。你哋冇腦就食力，做埋啲低檔次貨式，賠了人民工傷勞損，又賠上環境汚染，竟祇可從人哋手指罅流出，得雞碎咁多。

其實呢位法蘭西前總理好陰毒，又高招。贊你叻，等你哋勤力啲，賺多啲，先至有錢買高佢哋啲高檔嘢。中國人俾人笠頂高帽，贊兩吓就鬆毛鬆翼，俾人曲線種族歧視咗都唔知。

你法蘭西人又係人，我中國人又係人，乜嘢叫做中國人勤力啲呀？佢當你哋係牛咋，猪咁蠢！

英國有位華人真有種，申請放假唔批，仲俾老細窒話你哋中國人咪好勤力嘅？唔使放假喇！呢位仁兄就執住佢呢句嘢，告去勞工法庭話佢race abuse，卒之佢公司輸咗，要賠錢兼道歉。

如果真係咁叻，又唔見你啲海鷗牌相機打低日本機？大地牌衫衭砌低法國時裝，紅旗牌車取代德國車吖，笨！

引用:

原帖由 suewong 於 2010-12-19 21:16 發表

早期華僑, 冇學歷, 都是勤力, 才可以生存.

生存當然唔成問題，但做到隻積咁，先揾雞碎咁多，亦即生產力低之謂也！

引用:

原帖由 理魯竇 於 2010-12-23 15:26 發表


呢d 咪就係香港精神囉，完全沒有消失到。 但係竟然提出要政府包機，真係佩服到五體投地 ...

今早飲茶，隔離枱富婆茶友，盲字唔識個，硬係水多，知我支筆勁，係都要佢口述，我筆錄佢以下心聲:

我謹代表各家長有子女負芨英國，不幸遇上大風雪，破壞聖�蚺庢s年歡樂假期，更遭此forum之冇人性兼仇富網民冷嘲熱諷，表白不滿如下:

你哋講咁多嘢，唔抵得我哋富貴，供得起仔女放洋外國留學之嘛，酸嘅！

成件事，係凸首行政失當，冇急市民所急，剩係掛住上京賴亞爺籮柚，冇順便叫胡生通令紅毛鬼呢個英國沒落藩屬，開放全英軍方機場，好讓我觧放軍殲80戰機羣降落，接送凸區子女回港渡假。

尋且讓我國皇帝子孫無端飽受風霜驚嚇，亦任意讓紅毛鬼伙同漢奸魚翅航空，故意蝦啲廿幾歲嘅小朋友，刻意留難佢哋於「欺細路」機場，俾亞差上機都唔俾自己人上，特登令佢哋趕唔切應約同學仔於老蘭聚舊happy，妨砠佢哋正常社交活動！

今次嘅有組織、有計劃嘅排華、辱華行動，激起全港絕大部份市民民憤，正一人神共憤、罪大惡極、天地不容！今次一定要有人人頭落地呀！

我認呀！我係刁民呀！慘得過我老公大把、聲大、納稅多，養起哂你哋班窮鬼！

懵董筆利益申報: 本人跟此聲稱富婆冇任何華洋轇葛，以上聲請乃富婆原主旨，一切與我無關。

引用:

原帖由 comm 於 2010-12-24 18:01 發表

未聽過觧放軍有殲80戰機,殲8就有但單坐位戰鬥機装不到乘客的,要派運豬機去

多謝comm兄指正。

不過殲80應該係啱嘅，之不過係响N年之後。  

我剛收到富婆來電抦我，話我篇嘢講漏咗啲嘢。  

佢話最衰祖家唔爭氣，如果北大、清華係work嘅，使鬼山長水遠要個仔坐成十幾個鐘去到英國咁遠讀呀？仲要俾鬼搞！  

佢仲話睇住嚟吖！等佢個孫嗰代，亞爺大把錢兼成為全世界超級強國，到時買起哂啲乜鬼牛津、劍橋、哈佛、摸人脾罅大學，變成北大、清華分校，仲要係中文授課咁話。到時若然有鬼夠胆搞佢嗰孫，叫亞爺派啲殲80戰機去接佢嗰孫返國。

Comm兄，請問富婆咁講法，佢係咪有病？我聽日飲茶使唔使坐番遠啲咁呢？

引用:

原帖由 老何 於 2010-12-25 10:36 發表

自50後, 已不喜出門, 在家東翻西看, 自得其樂；過去可能跑得太多, 有點倦意。...

極有同感！

老何兄，我哋真係老了，大家都有咁嘅心態嘅？

引用:

原帖由 dirtyoldman 於 2010-12-25 17:43 發表

不是縱容，是嬌縱。

咁即係父母做得唔好喇，又點怪得哂啲細路呢？

引用:

原帖由 suewong 於 2010-12-25 20:06 發表

多數 年輕人的 的志願與前人同. 但 mind set 是好逸惡勞 / 坐享其成, 美醜立辨...  

其實我哋成日話啲後生仔女乜乜物物，我哋會否是酸葡萄心態呢？

既然就手，冇理由唔食落口�謘H鬼叫你哋出世得早，生活條件冇我哋呢代咁好呀，怪得誰？

引用:

原帖由 suewong 於 2010-12-25 20:38 發表

好逸惡勞, 人性 (ah Sue 都係). 外圍環境1路差, 但是不願付出, 又諸多要求. 邊有咁大隻 frog 隨街跳 ?...

嚇鬼呀？乜唔係人類在進步緊，生活愈嚟愈好嘅咩？  

你哋啲死老鬼，唔抵得我哋一生出嚟唔使捱，就烏鴉口，咒我哋第日實死硬。

家陣個個都係咁諗�豲漶A就算第日真係時勢唔好，大把人陪，唔使懍喎！乜唔係政府會幫我哋搞惦嘅咩？

有呀，我有投票選民煑派�謘I佢哋話會踢走哂�M家垃圾會裡面啲廢柴，到時聽講有身份證嘅都會分到一層豪宅，返工一個禮拜唔准做多過三日，一日唔准做多過三個鐘頭，我鍾意呀！

民主萬歲！世界人民大鑊•飯萬歲！唔使做、有得食萬歲！亞爺萬歲！

引用:

原帖由 老何 於 2010-12-25 19:52 發表

楊憲益先生是中國最後一個..........士大夫, 洋博士, 革命者.........與任何時侯的人都不同！ ...

請問老何兄，楊老有否在英當兵？

小弟有此一問，皆因楊老第二幅相之冷衫，很像英軍軍服之一而矣。

[ 本帖最後由 mtpen 於 2010-12-26 12:40 編輯 ]

引用:

原帖由 comm 於 2010-12-26 15:06 發表
1572009

不用當英兵,我自己都有件,97前做香港紀律部隊時穿制服,

多謝comm兄不辭勞苦揾料以解小弟疑團。

唔問唔識，又學咗嘢！

所以話呢個forum好有用，除咗吹水仲可增廣見聞！

引用:

原帖由 suewong 於 2010-12-26 17:06 發表

酒店系學生出去實習, 第一日家長/學生就投訴. ...

抵俾人投訴�瞴I我個寶貝讀咁多書係嚟學做經理�謘A你估做散仔waiter呀！搞錯哂！

我個仔自細已經跟我出入文華、半島食嘢當去canteen咁閒，俾人serve慣，呢亭粗重嘢見慣哂，唔使學喇，留番俾啲响屋村長大，未見過大蛇疴尿嘅窮鬼學生學喇！

至於話同F4影相，同G4都得呀！呢啲叫寓工作於娛樂呀嘛，同啲客打成一片，冇乜唔啱係嘛？

大陸啲實超、公安、武警做做吓嘢都係咁同啲明星影吓相留念�豲漶A我個仔有樣學樣啫。呢啲叫中港共融、香港大陸化呀！明冇？都唔化嘅，咁搞我個仔法！

引用:

原帖由 suewong 於 2010-12-26 20:12 發表

哩 d 學生多數係住屋村/ 新移民.  香港 根本 afford 唔起佢地 咁樣. 唔勤力讀書 / 做功課, ..

乜嘢唧？�M家搞階級歧視呀？乜唔係生而人人平等嘅咩？做乜成日釘住我哋住屋村嘅人，話要我哋努力讀書，勤力工作呀？當我哋係牛呀？哦！有錢仔就唔使勤力，就有靚車遊艇去溝女，唔公平呀！

我都係鍾意共產黨，共鬼哂你哋有錢佬啲產，到時大家都咁有錢，等你哋講嘢都冇咁大聲。

引用:

原帖由 suewong 於 2010-12-27 19:49 發表

她說 1 賠 100, 你是綜援客, 仲係1定要買 Gucci 眼鏡那位...

社署淨係爆我買Gucci眼鏡嗰條只係細數嚟咋，佢哋冇有識死，初頭俾間天水圍廉租屋我，撞佢個鬼，咁隔涉點住呀，我一話識曾凸手，佢哋驚到瀨尿，又冇問番曾凸手有否識得我，就咁批我二萬伍仟蚊，叫我自己鍾意去邊度租就邊度。

咪四圍唱我呀！我淨係講妳知咋！

引用:

原帖由 suewong 於 2010-12-27 22:29 發表

如果話識胡生/溫生, 可能批8萬伍...

我頭頭係撘胡生個朶�謘A佢哋話我再講胡生就射我個case去深圳我先收聲之嘛。

引用:

原帖由 大隻西 於 2010-12-29 01:50 發表

聖誕鐘 買匯豐..就瓜直！

B哥所言非虛，揸匯豐中短線冇運行，十年後就唔識睇，不過就祝你好運！

我並非烏鴉口，新年流流，幫港人念倒頭經，只是以事論事，不忍見自己人俾鬼佬當提款機而矣！   

事實小弟早前已批死匯豐，希望港人匯豐死士小心。就讓我於此再post
26/9/10曾於此topic page 38 post#1123之論說，讓大家重温：

黃小妹又唔使咁驚，話明退休用即係 pension fund 喇，係用十幾廿年嚟計嘅。廿年後 80 蚊妳一定會見到，高過就抿水啲。至於依家應值幾錢？我唔敢响呢度講，費事俾人媽。



你哋有否留意到，匯豐一上到 80 蚊左右就被人質番落嚟。邊個咁做？並非對匯豐有情意結嘅港人，而係金融風暴前用佰幾蚊抄過龍入咗貨嘅中東佬，過氣祖家啲人，等等。  


我相信佢哋 set 咗 £7 嚟做程式，一見高過呢個價就去貨。港人投資好主觀，自己鍾意就算，好似打牌咁剩係識睇住自己嗰13隻牌，唔理上下家做緊乜。俾人當咗提款機都唔知。


人哋就冇感情用事，會去比較。佢哋自己嗰幾隻數一數二嘅銀行股，例如Royal Bank of Scotland(皇家蘇格蘭銀行)。係金融風暴前曾高見£6，依家只值 £0.5 (=HK$6.00)，即係跌咗 92%。大家都係英國銀行股，點會相差咁遠�謘H唯一你話匯豐有中國概念成份。嗱，匯豐班鬼佬叻就叻响呢度，所謂無遮無扇，神仙難變。英國佬嘅民族性如其天氣，我跟他們共事十載，知之甚詳，陰陰濕濕，尤其是蘇格蘭人，更要小心！  



既然你哋香港人咁鍾意匯豐就賣俾你，佢哋套現去執平貨仲好。我好相信at the end of the day, Hong Kong Bank 股份真係俾香港人全資擁有，到時真係香港人嘅銀行，求仁得仁，幾威阿呵？

引用:

原帖由 老何 於 2010-12-28 10:21 發表

講到樓, 眾聞老何冇樓,
眼露異光, 花甲已過, 豈會冇樓？！真係多講無益,  看來真係港人一日冇樓,...

老何兄，所謂人各有志，加上見識不同，無謂拗。


有人鍾意瞓住嚿錢死，我就鍾使哂嚿錢至死。亞松冇講錯，啲錢一日未使，一日都未算係你嘅錢。人哋假假哋都曾係財爺，有啲道理嘅！

我�M家租呢層樓，向東南，隔離向西南，same size，三個月前賣出仟鬆啲萬，我同老妻講，若果層樓係我嘅，我會襯好價套現，橫惦成60歲有多，將呢一仟萬長租服務式酒店，以後唔使裝修，成日新，又唔使抹窗打掃，差餉管理費唔知，鍾意去外地住三幾個月當旅行又得，幾果制呀！

引用:

原帖由 老何 於 2010-12-31 10:26 發表

A曾邀老何赴其於中山廠房一遊, 廠內職工只向他稍作微笑,並無一人伴他巡廠,.. 巡者,此現象.., 值得深思...

小弟不敢，亦不應評論老何兄之好友，但亦要冒上大不諱，講出我嘅睇法，或許對其有所啟示。  

從老兄字行間透露，我有理由相信此君乃鬼見愁，lack of sense of humour兼生人勿近，包括自己家人，當然連其親子在內也！

我亦深信其management technique，自有理順之必要。觀其巡廠時下屬對其反應，我可套用「敬鬼神而遠之」去形容。今時今日，咁嘅處理手法，對待低等民族亦不合用矣，值得撿討。

至於住600呎,��Corolla。子非魚，焉知魚之樂？有亭人非常人可理解也，錢呀命呀，每日睇住銀行存款啲000000…就可樂上半天矣。同佢講生活質素與享受，猶如跟夏蟲語冰之無奈，唉！

引用:

原帖由 老何 於 2010-12-31 17:44 發表

仲有呢！請繼續.............

嗱我唔客氣喇！

此君相信並非以德服人，而係以駡鎮人，正一省長！你以為黑面媽人，佢哋就怕你呀？

你7-11廿四小時監場吖！笨！再唔啱用番最原始嗰種管理方法，呢，有冇記得金字塔血淚史嗰款，一個管工管一個，唔做就鞭瓜佢，即刻揾過第二個。  

老何兄，問佢聽過乜嘢叫陽奉陰違未呀？

我有理由相信佢檔攤大極有限，什至山寨而已！

[quote]原帖由 suewong 於 2010-12-31 20:58 發表


最好是包哂所有維修. 試過在家呆等裝修工人半天...新世界中心服務式酒店的住客, 全體被逼遷../quote]

I tell you what! 2004年時，我好天真、好幼稚，聽老董向全球港人通令，要回港救港。所以立即賣咗英國間house，將两層樓嘅傢俬雜物，連garden chairs都放哂入個20呎貨櫃，食懵咗，大安旨意，以為到時會平平哋執番間2000呎細細哋house住住先。

點知聽錯發瘋佬講嘢，啲樓平鬼平馬。初初仲too simple, sometimes naïve, 暫住serviced apartment，個20呎貨櫃原封不動存倉，點知等吓一日，等吓又一日，樓價只有上冇落，卒之住咗16個月，倉租又貴，雪雪聲，唯有死死地氣正式租番普通住宅住至如今。

不過話時話，住serviced apartment好盞鬼，一如住酒店，但又有個pantry仔，可煮食，水電、打掃、被鋪、毛巾、廁紙全包，乜都唔使做，老妻對手都滑番哂。仲有，隨時住舊咗，搬過另外一間新淨啲嘅又得。

若然遲啲仲買唔到樓，我會揼哂啲爛鬼傢俬雜物，連啲相都揼埋，將之digital化放入隻手指度，淨係留番两個行李喼就算嘞！

我同老妻講過，聽說係人一生都要去歐洲三次。第一次後生自己一個去、第二次同情人／老婆去、第三次老來俩老退休後再去。

我打算更進一步，第三次玩嘅方式係吉卜賽人遊牧民族式，全歐住勻，直至使哂啲錢兼捌吓捌吓唔郁得為止！