引用:

原帖由 bobbystar2100 於 2011-10-16 03:47 發表
...咁實情我地宜家係「當家作主」， ...

Bobby 兄，久違了！

恕小弟衝撞了 ，「當家作主」？

呢班「打、砸、搶」無政府主義政棍刁民，搏出位攞着數嘅「沙漠飛」，曾幾何時有好好地坐低，寫好一份完整嘅執政政綱，以至執政班底交出嚟俾香港市民去支持佢哋去「當家作主」？

Bobby 兄，你太後生冇俾人滾過，有時間請睇睇各師兄前輩响另題，當年點樣俾共產主義滾咗。你就拋頭顱，嗰啲別有用心嘅陰謀家就飲你嘅熱血，一如當年希特拉滾啲納粹青年團及毛澤東滾啲紅衞兵一樣。

引用:

原帖由 牛奶蛇 於 2011-10-16 06:39 發表
V 煞們打出打倒資本主義口號, 令人想起文革. 如果資本主義被打倒, 誰來替代 ...

Absolutely, 革命起義？  

今時今日仲興呢家嘢？死人�謘I

引用:

原帖由 mtpen 於 2011-10-16 10:00 發表


革命起義？   

再講值唔值得要用激烈暴力手段去推翻一個政權。

蚍蜉撼樹，樹唔死你死先，有咁必要咩？係唯一出路咩？

物必先腐而後蟲生乃定律。阿爺呢棵樹係點，我冇返大陸23年，你哋清楚過我。何不由得佢俾蟲蛀通心自己冧落嚟？又何必只爭朝夕呢？  

不過要行遠少少睇，又或者揾定退路，以免冧落嚟被壓嚫！

呢個論題講及英國佬，啱嘞！呢，一於學「戇豆先生」呢條典型英國佬咁做法，古惑、縮骨兼側膊就啱嘞！

引用:

原帖由 bobbystar2100 於 2011-10-16 03:47 發表
執紙皮賺外快既公公婆婆們，但我卻每日睇到佢地，一個個咁企響地鐵站度等 ...

Bobby兄提到「見到」啲窮人好慘，恭喜老兄你只係「見到」而已，而未曾有過好似小弟我童年時响九龍仔大坑東木屋區嗰種「真窮」嘅親身經歷！

我已經窮到怕了，所以我曾多次對老妻講，我呢世人唔要再做窮人！窮一陣都唔要！

原來窮有真假之分！以我落區觀察所得，依家香港之所謂窮人，絕大部份乃打跛嚟醫嘅「假窮人」！

我咁講似乎好凉薄，但係喺事實。佢哋之所以窮，不外乎愚蠢、任性、stubborn….等等。

有日我去「八街」超市揀緊蘋果，見一婆婆揀咗一個就走，我叫住佢話要買三個先至平啲。答曰: 「一個人住唔食得咁多個！」。我教佢放入雪櫃可存耐些也不會壞。答曰: 「我唔「鍾意」食雪過嘅嘢！」。

大家請留意，阿婆係話唔「鍾意」」，並非唔「可以」！

佢咁洗錢法，即係話我唔「鍾意」」唔做窮人！

引用:

原帖由 choihung 於 2011-10-17 15:46 發表
..如要“occupy central”，不如再勇D，移民到古巴、北韓去，有關部門可否儘快除瘟疫，把所有渣滓打包馬上運去填海...

久違了，彩虹大姐！  

好！說得好！就將呢班鼓吹破壞性、虛無主義流氓文化嘅反社會暴力人渣通通捉去填海！香港唔需要呢亭搞亂檔！

近排此論壇似乎少了大姐呢類咁「激」、咁「左」、咁「反動」嘅聲音！可能係各位前輩要顧及人義道德，又或為咗要趕上那股不知所謂嘅反政府時尚潮流，以至唔敢我手寫我心掛？

彩虹大姐呢道彩虹來得正合時！Let the rainbow stay!

[ 本帖最後由 mtpen 於 2011-10-17 18:47 編輯 ]

引用:

原帖由 choihung 於 2011-10-17 19:41 發表

無能政府連滅蟲、洗太平地都不敢，全無威信可言，班官員上上下下日日比人吠，也是自招的 ...

Bravo! 彩虹大姐，we speak the same language!

我對凸府冇好感，唔係因為佢施政有過失否，而係班所謂官員，當然包括凸手在內，個個淨係識得烚熟狗頭，摇頭擺尾，成隻哈巴狗咁，冇厘自信，好似剛啱做完「缺失」嘅事咁，真滑稽！以為咁就可以討好全世界，反而两面不是人！

正如大姐妳駡得好，佢哋全無威信，咁點run個government呀？

認受性？吹呀！遵守凸區法律is a must, no matter you like it or not! 上街50萬人算老幾呀？還有冇上街嗰650萬人呢？  

彩虹大姐亦無須介懷言論有否嚇人，正如牛Sir早前有言，活到今天一把年紀，撞你個鬼，有乜需要隱隱晦晦呀？尤其是响呢類討論區，你唔識我、我唔識你，何不忠實咁表達自己？冇必要假人假義假慈悲扮正氣吖，isn't it?



[ 本帖最後由 mtpen 於 2011-10-18 09:16 編輯 ]

引用:

原帖由 choihung 於 2011-10-18 13:04 發表


Yeah，pen兄！好多時候我都覺得是“您手寫我心”！對阿，50万人不能代表其他的650万人！！

It's just because I'd read your mind!

引用:

原帖由 牛奶蛇 於 2011-10-18 19:59 發表


你老豆不用自巳文字討論, 只登戴明報文章作針對性攻擊. .. 你老豆必想方設法找出明報以前的文章, 以作攻擊, 用意是最明顯不過. 你老豆這种針對 ...

理兄跟牛Sir两位前輩皆小弟敬重之「同路人」，既然大家已表述過，看來純屬路線問題，不涉其它。

既然如此，何不西線無戰事，看看可否平息「干戈」，繼而「肉帛」相見，重新上路咁呢？

引用:

原帖由 理魯竇 於 2011-10-18 23:10 發表


小弟當然無問題啦，君不見我從不在他的地盤"隨筆隨緣"插嘴， ...

咁就真係太好嘞！

既然大家都話冇問題，即係話一場誤會而已，大家再玩過，no hard feeling嘛，okay?

至於話要出動版主restore law and order，又冇使咁癌重，人民內部矛盾啫，人民事就人民了，無謂下下出動公安，否則太傷害人民感情了！



[ 本帖最後由 mtpen 於 2011-10-19 17:43 編輯 ]

引用:

原帖由 choihung 於 2011-10-22 02:18 發表


擧凡走那些路綫的人士全都是作秀而已，大部分人都對他們極度鄙視，不過最要命還是，他們還自以爲是，滿嘴歪理，鬥聲大就會贏，多人追隨，遲早pk!!

一語道破，一針見血，一就一二就二……，一道彩虹！

引用:

原帖由 choihung 於 2011-10-22 23:56 發表


這個世界，永遠都是較有錢的控制沒錢的一群的生活，我有點消極，與其無法改變大環境/社會現實，我們只能見步行步，無計。

我發覺香港愈嚟愈多智慧型別有用心偽君子、真小人，肥佬黎、神亦棍乃表表者！

先前我述及窮人有真假之分，未及提到仲有一類叫「被提醒的窮人」！呢斑所謂窮人自知唔係咁慘，係班衰人教佢、提醒佢喊慘！  

呢班所謂窮人，用極高生活標準嚟衡度，無疑勉強可稱為窮人。但今時今日香港，我絕唔相信會衰得過我細個時要抵冷捱餓、瞓石冚蓆，無瓦遮頭咁慘！

就係呢班偽君子，極盡挑撥社會貧富矛盾之能事！為嘅就係混水摸魚、上下其手、博懵抽水！

加埋千萬個明扮好心，實攞着數嘅各路利益集團跳出嚟煽風點火，例如社工、保護兒童組織、人權組織、慈善機構、宗教團體、政黨…..you name it!香港原本相對和諧嘅社會有乜辨法唔笠笠亂、唔分化吖！

最惨呢幫國際反華集團／組織伙同香港一班貓哭老鼠、假人假義假慈悲嘍囉，刻意誇大貧富距離以顯身價，利誘騎劫所謂草根階層，制造階級鬥爭，敵我矛盾，營造反華大合唱有利條件，將之描繪成社會不公義，無限上綱上線，引伸為政制缺失，冇直選、冇認受性，冇民主，阿爺打壓…等等，跟住一轉，要求結束一黨專政、平反六四、釋放特立獨行走私漏税反革命份子、各族人民自決萬嵗、中美聯邦共和萬嵗…好似唐人餐炒雜碎咁，亂哂坑！

彩虹大姐講得好！我哋需要70、80年代的好日子，我哋需要安居樂業！你哋嗰50萬人想搞革命，好得很！不過唔該過主，唔好將反華戰場移嚟香港搞，我哋650萬人唔同意！

夠薑返大陸搞吖，同阿爺死過吖，我就話你有種！  

引用:

原帖由 choihung 於 2011-10-24 17:09 發表


1. highly possible 2. another possibility will be, some young ones manipulated this as an excuse to justify their acts.

My comments are that these young lads are in fact outlaws!

Being young and restless, without the need to get a job yet could survive, they hope to be popular, but without a chance to draw other people’s attention.   

Now there got the battlefield at 菜x村, thereby they take the easy way by doing some anti-social behaviour to show off under the focus of the whole world, that’s it! They just did it for fun!

Do they ever care about the future of the residents of 菜x村? Have they ever done any follow up action on it? Where have they gone now?

I blame their parents!

引用:

原帖由 bobbystar2100 於 2011-10-26 00:30 發表

敢問前輩，香港堅尼系數是世上數一數二地高，僅次於印度，你認為一切都是反華集團的傑作嗎？

我並不太相信堅尼系數呢類看似科學化數據，我對其制作背後目的有偏見及懷疑！我祗覺得發佈此指數者，往往衝着非西方主流社會，包括中國而來，不獨只反華，仲要來踩非我族類之第三世界以抬身價！

我絕唔相信今時今日香港嘅貧富問題會同印度只爭一級半級，亦不相信香港是世上數一數二地高到比非洲等國更甚。

我居於港英政府治下超過四十多年，亦曾是窮人人板，我最有資格評論及比較香港嘅窮人問題。若然現時凸府治下嘅堅尼系數會僅次於印度，那麽港英時代必定要高出印度多倍！

我唔覺得阿爺及其凸府係非善意治港，至於你信不信，反正我信了！

大家問心講，香港搞到今日如斯互不信任局面，是港人太過天真、太傻，想奪權想當家作主以至人民自決或獨立。更令阿爺反感者，乃井水犯河水，個個孫大炮上身，將香港打造成革命基地，要革埋阿爺條老命，call now yeah!

至於八產黨是否可代表整個中華，no matter you like it or not，事實如此，除卻台灣省！而統治者於中國，從來都有權採用任何朝號，唐、宋、元、明、清、民國、中共…..，江山係人哋打／呃／搶番嚟，佢鍾意叫八產國、九產國，吹呀！

引用:

原帖由 suewong 於 2011-10-23 21:27 發表

梁愛詩分享樂施扶貧理念 - 香港文匯報......樂施會董事局成員梁愛詩.. 樂施會調查顯示六分一貧窮家庭陷於捱餓狀態.....72%貧窮兒童進食「隔夜 ...

詩姑肯定係為做秀而做秀，特登將問題表面化，搏長做長有，冇意圖及企圖right to the root of the problem去解决兒童貧困問題！

今時今日有綜援，有關愛基金，有成千幾個過河濕脚／蛆蟲／抽水組織，派錢、派米、派旅遊券。

冇飯食？講嘢呀？打死我都唔信！冇玩具Ｘ斗城最新玩具又或麥記雙層巨無覇食至掛？

詩姑身為強國駐港高級參贊，絕對有能力、有辦法抽出嗰啲聲稱捱餓小朋友嘅人形禽獸父母出嚟打靶！

天下父母心並非個個有，家陣無盡咁多花款社會福利，簡直隨手可得，啲父母刮埋刮埋去哂邊度？將小朋友啲救濟攞哂去嫖賭飲吹，咁就叫窮？打跛嚟醫就真！你駡我涼薄都係咁話！

我認我講嘢偏激，皆因I’m nobody，我冇頭冇面冇包袱，亦無需刻意去討好任何人，故可忠實咁表達自己，夠胆講出事實與真相，冇使假人假義假慈悲！

引用:

原帖由 suewong 於 2011-10-27 16:26 發表


...看看政府發佈調查地產商發水結果.. 和正常諮詢的差異...善意治港 - 我丕... :bu ...

官商勾結，尤以與地產奸商勾結，乃港英當局泡制，乃歷史遺留落嚟嘅問題！這個炸彈不好碰！凸府唯有硬食！

家陣食稅者眾、納稅者寡，正一巧婦難為無米之炊。試想家有二仟，每日二錢，全無生計，用得幾年？

嗱！邊個夠胆撥亂反正，放棄高地價政策，不再採用土地收入以支付凸府運營模式，推出以下英國本土大鑊•飯式税制改革:

VAT (Value Added Tax) 即銷售稅 – 20% of sales value;
CGT(Capital Gain Tax) 即資產增值稅 – 50% of profit gained;
National Insurance Tax 即國民保險稅 – about 25% of your salary （包保你有退体金、免費醫療、生病／失業救濟金…數之不盡着數）

邊個偽港督胆敢稍為提一提有咁嘅建議，我包保生菓讀賣新聞即時網上報導如下訊息:

「….七佰萬憤怒市民上街衝擊偽港督府，將偽港督抄家，並插牌推出，沿阿里巴巴大道押送往西環，送上斷頭台就地正法….大害既除，市民又再如常過着幸福愉快的生活！」

引用:

原帖由 suewong 於 2011-10-27 21:17 發表

樂施會是國際反華集團／組織 之一 ?..

Absolutely!

至於你信不信，反正我信了！

引用:

原帖由 suewong 於 2011-10-30 17:20 發表

佛印與蘇東坡

...蘇小妹聽完原委，卻不以為然地說：
「哥哥！你今天輸得最慘！因為佛印禪師心中全是佛，所以看任何眾生皆是佛，而你心中全盡是污穢不淨，把六根清淨的佛印禪師，竟然看成牛糞 ... (ht ...

佛印欺騙與蘇小妹

...蘇大哥聽完原委，甚不以為然地說：

「小妹！妳今天表面看來嬴了我！但嬴不了小妹妳自己良心！因為妳只是欺騙佛印禪師裝成佛，所以眾生看妳似是佛，而妳心中全盡是偽裝掩飾，把慧眼能觀娑婆世界裡六道眾生的佛印禪師，竟然也想蒙騙！」

引用:

原帖由 suewong 於 2011-10-30 19:38 發表


佛印笑著說：「從我口中出來的是佛，從你口中出來的卻是糞。」- 《東坡禪喜集》第九卷

東坡掩咀答：「彼此彼此！觀點與角度啫！」- 《東坡禪喜集》第九卷半