引用:

原帖由 老街坊 於 2012-4-10 01:38 發表

筆兄文采風流, 小弟佩服之至.

•

老街坊兄過譽了，小弟都係响呢個forum度浸「淫」日久，跟各前輩、高人、大師，包括老兄在內，偷師臨摹／照抄照搬而成啫！

引用:

原帖由 蕉園仔 於 2012-4-10 01:07 發表

芋兄，以大坑東官立小學畢業生輩份來算，筆兄比我早畢業，所以小弟專稱他為筆學長，而小弟又比閣下早畢業，筆兄算是閣下的前輩學長了(大師兄是也)，所以閣下應服到六體投地才對，哈哈哈:lov ...

嘩，蕉園兄整巴咁重手過嚟，受唔起呀！

大家書友仔／街坊／網友，無分前輩／後輩，學兄／學弟嘛！

共勉之！

引用:

原帖由 erichowc 於 2012-4-10 02:14 發表

學兄是否原藉湛江?

非也！小弟祖籍廣東南海佛山。

之所以四處遷徙，皆因那些年家族經營出入口生意小買賣。粵、港、湛and/or省、港、澳皆有業務，有段時期甚至遠至安南，即現今越南等地。

可惜吖，冇危機感、經不起考驗。韓戰一起，禁運隨之，閻家富貴告終，真係多得花旗佬唔少！  

引用:

原帖由 erichowc 於 2012-4-10 01:49 發表
我們這一群都是幸福的一代.  既冇經歷過外戰,內戰, 批鬥, 大型天災,飢餓, 人食人....等境況. 卻又經歷到香港七八十年代經濟起飛, 大多數人亦衣食無憂. 比起上幾十代人幸運數十倍. 但奇怪大多數香港人都不快樂. 唔通因為人性係可以共患難而不可以共富貴之緣故? ...

Eric兄所言，小弟亦有同感！

人心不足蛇吞象，罪已在身，報應或會隨來，望港人小心，好自為之！

引用:

原帖由 蕉園仔 於 2012-4-10 08:48 發表
芋兄關於講到廁所這方面，筆學長真係冇作大，他住過七層大廈，也住過石屋(近大同中學)，所以整個山頭都是他的私家廁所，小弟家住培華小學旁邊木屋，所以小學廁所旁那條水渠就是小弟的私家廁所，有時小弟也會走到蕉園 ...

蕉園兄，事隔幾十年先至揾到元兇，原來我多次响蕉園山上踩中嘅新鮮產品，乃老兄「杰」作！

其實我至今仍好混淆，呂四娘間响環山路嘅石屋，究竟屬朱牯仔區抑或蕉園區？我好相信我哋真係有同厠過，或者老兄都領過我嘢也不定，鎖你囉！

引用:

原帖由 Tarocake 於 2012-4-10 17:09 發表

筆兄，點解見唔到你？

有，在其中，最霉嗰個，不過猜中冇獎！

引用:

原帖由 erichowc 於 2012-4-10 18:12 發表
大家都係同病相憐. 我老豆原是富甲東莞, 解放後逃至香港,再由零開始. 至1973年之前都衣食無憂. 惜怕重滔大陸屋地被收之教訓, 不敢買樓,並將幾間舗賣掉. 之後又遇老千局, 大火後一鋪清袋. 慘哉!.......

咁真係同是天涯淪落人矣！

唉，天呀！

引用:

原帖由 Tarocake 於 2012-4-10 17:47 發表

The Honourable 筆前輩，下次你與兄弟姊妹Reunion會選擇邊處？

At the end of the day, 大家一定會聚首嘅地方乃….天國，no fail！

引用:

原帖由 Tarocake 於 2012-4-10 17:04 發表

筆兄，除了樓上問題外，當年有無區界呢，如果你跨區泡妞又或者跨區爆石，會否引起區間衝突呢？

冇，全無不愉快事件發生過，因為蕉大哥一出，即時變成一區、一界，而阿筆我早已棚尾拉了！

引用:

原帖由 Tarocake 於 2012-4-10 17:03 發表

筆兄，好感動。好彩筆兄苦盡甘來。

有一輪都幾甘嘅，唉！

引用:

原帖由 Tarocake 於 2012-4-10 16:57 發表



蕉園仔兄好，小弟對筆前輩學長的敬意就如滔滔江水......。其實我是六體投地，為左能看見筆兄，所以才抬起頭，變成五體貼地。

嘩，芋兄嘅插沙功確係深不可測，連地都穿埋，犀飛利！

引用:

原帖由 erichowc 於 2012-4-10 18:02 發表
在那些年代, 一般朋友仔,唔夠十歲,就要幫屋企�恕�,揍仔,煮飯. 反觀依家屋企留低個十二歲仔就話要拉佢老母.你話依家D細路仔幾咁經貴呢!

無它嘅，那些年啲人生埋生埋成竇，瓜咁一两件乃閒事，仔死仔還在，next！

引用:

原帖由 Tarocake 於 2012-4-10 17:09 發表

筆兄，點解見唔到你？

好想訪問吓各位大坑東官小書友仔，你哋就讀時還有見過Post #3530附圖上各人背後，操塲旁那幅粗糙建成之小山丘護土牆嗎？

抑或早已整得平滑靚溜咁呢？

引用:

原帖由 Tarocake 於 2012-4-10 17:01 發表

..我有個尷尬問題，以筆兄文釆，才智，樣貌，異稟等條件，估計其街坊中一眾嬌花皆逃不出其五指，唔知筆兄點幫佢班舊菜解決呢 ...

阿筆我份人細細個時早已知書識禮，深明乜鬼嘢叫做「發乎情、止乎禮」、「只可遠觀不可褻玩焉」…等等禮義廉，所以呢亭嘢好少搞。  

引用:

原帖由 Tarocake 於 2012-4-10 17:01 發表

..以筆兄文釆，才智，樣貌，異稟等條件，估計其街坊中一眾嬌花皆逃不出其五指，唔知筆兄點幫佢班舊菜解決呢 ...

我恐怕芋兄或已老眼昏花矣，我叫「筆山」，番文叫Mt Pen，並非「祿山」，特此更正老兄滿腦子色情思想，並提出嚴正抗議，壞我聲名！

引用:

原帖由 Tarocake 於 2012-4-10 23:36 發表

報告筆學長，..，我估左邊背鏡頭果個是你。

我就想！

唉，芋兄呀芋兄，你呢亭富户有錢仔，又何以得知民間疾苦呢？

蒙正個仔又何來咁豪deserve飲支汽水呀？

君不見背住鏡頭果位哥哥仔，即老兄誤指是我者，正在轉身準備接過佢書友仔手上遞來支汽水呀！仲係極品百事嚟�� (Circled in Red)！   

引用:

原帖由 Tarocake 於 2012-4-10 23:36 發表

報告筆學長，小四、五時已起緊 Our Lady of Rosary College, 71年已經有學生。

趁各位大坑東官小書友仔咁人齊，等我放多幅1961年拍攝嘅相上嚟，睇吓大家仲記唔記得母校嘅部份環境，例如課室外此走廊、欄河，與及背景之校務處上落樓梯。

引用:

原帖由 mtpen 於 2012-4-10 20:25 發表

At the end of the day, 大家一定會聚首嘅地方乃….天國，no fail！  

芋兄，我話第日會上天堂，係向好處想�謕Q，我冇乜把握�謘A你要多加保佑你學兄阿筆我呀，否則有今生冇來世，下屆我見唔番老兄你�謘I

我自知罪蘖心重，highly likely係會落地獄嘅。

其它禮義廉輕微罪行唔講，淨係背棄祖國，選擇做逃兵、不仁不義、苟且偷生、醉生夢死、不顧苦難同胞於水深火熱中….等等死罪，我嘅幾兄弟姊妹都deserve下地獄，十七層以上已屬輕判矣！

最罪大惡極者，莫過於不跟風支持反中亂港所謂愛國人士倡議之平反七四、結束七黨專政。更錯誤支持三低、一高，即低唐、低鹹、低油水，及高胆量嘅疑似八產黨員振央哥做特首，可能禍國殃民！

我罪，我罪，告我大罪，望吾主乃念我初犯，而重犯機會只五年一次，平時間歇性有做河蟹、納足税又冇攞綜援，除咗思想上外，physically又冇干犯過非蟻强姦，叫做當過良好市民，請輕判我最低十七層半地獄或以上，而芋兄你亦記緊要打救我呀！

引用:

原帖由 蕉園仔 於 2012-4-11 14:41 發表
..，我等這些頑皮學生時常被木工老師打手板，不過 ...

蕉園兄若果都歸入曳嘅話，阿筆我應屬馬騮精托世果類矣！

打手板閒過立秋喇，老師已錫住你�豲漶I

大家都知道大坑東官小果張書桌係向天揭起才放書包入內那種。

嗱，大刑待候係咁玩法嘅。叫條涉案馬騮乾將一隻（或两隻，視案情嚴重性而定）手掌伸出，手背向天，用支筆竿打橫輕輕挑起其食指及無名指在筆竿上，中指及尾指在筆竿下，如織籐狀。

將桌面揭起至「適當」高度（亦是視案情嚴重性而定），隨即命令其將手放在已打開嘅書桌框邊，然後放手，讓其以地心吸力自動徐徐拍下，手續完成！

番屋企投訴俾佢老母知話老師用刑？好吖，盞打多鑊，我係佢就咪嘞，分分鐘仲會一案两審，而一罪二罰乃是那些年之傳統做法。  

怕佢老母發覺隻／雙手瘀咗，你定，佢生埋成竇根本無暇察覺。就算咁啱得咁翹睇到，只要若無其事咁輕輕帶過便是，說打籃球拗柴而已，無相干的，頂多眼淚在心裡流算了。

引用:

原帖由 Tarocake 於 2012-4-11 13:51 發表

筆學長，我其實用苦肉計引你講出真身在那，無想到你咁醒。

我都知芋兄你夠鬼馬��嘞，以我那些年之窮光蛋身世，你一早知我買鬼得起汽水飲咩，睇人飲就有份！

我知你，扮熊良碩詐懵想激董標頂唔順認叻講真嘢之嘛，你係得嘅，特登揀個有錢仔當係我嚟屈我，道行真高！

其實大家細心再想想，古往今來，窮人從來係no say兼俾人使果隻。  

你淨係睇呢位哥哥仔可以使得人郁去買汽水，除非好打得，有江湖地位，否則一定係有個錢果隻，以至受人景仰，臣服佢，服待佢，我咁講啱唔啱聽先？

你咪又話我侮辱窮人呀，我以事論事咋！

引用:

原帖由 蕉園仔 於 2012-4-11 14:41 發表
首先好多謝筆學長分享大坑東小學41年前的校內相片， ...

好感激蕉園兄將幅相嘅拍攝距今年份故意減少10年，好讓我可將年歲作細，令我感覺良好。  

唔使客氣喇，照數番51年好了，橫惦都呃唔到人的了，謝謝！  

引用:

原帖由 Tarocake 於 2012-4-11 13:55 發表

小弟上學時，對面 Regent Court 已入伙，好羨慕當時住戶有洗衣機。 ...

家陣芋兄咪乜仇都報番哂啦，專登買多幾部洗衣機嚟當櫃咁用！

引用:

原帖由 Tarocake 於 2012-4-11 13:52 發表

筆兄，有個方法，你信耶蘇，耶蘇自然打救你。你唔信耶蘇，耶蘇點救你呢？

芋兄可否幫我問吓耶生，不如用先提供服務，後付款方式，好似醫人／救傷咁，試過work嘅，打救到嘅，咁先至信，得唔得？

引用:

原帖由 Tarocake 於 2012-4-8 22:39 發表

唉，咁無行啦，我地班小學同學時有聚會，80年代仲有同其中一位老師聯絡，90年後已經找唔到。 ...

芋兄話想揾番大坑東官小之老師，今天剛巧又有新聞提到和黃大班霍建寧，令我勾起霍老師（Circled in Red）來，請問芋兄及各書友仔有否俾霍老師教過？

引用:

原帖由 Tarocake 於 2012-4-11 22:58 發表

..,最經典者，小一騷擾旁坐女同學， ...

嘩，好勁呀芋兄你，小一就嚟��嗱？

不過我好想訪問吓老兄你那些年習慣性騷擾and/or侵犯女生時，通常會係如何進行咁呢？

由那個器官首先採取行動？例如眼？咀？爪….？

又或另有一part咁呢？照計仲未work �瞴H莫非食得激素多引至之side-effect作遂，提早發育／起動／郁郁哋／work work哋？又或真個如傳說中有人會極具異禀？還請老兄澄清表白，以解坊眾疑團！

冇，之所以問得咁detail，皆因有朝一日老兄飛黃騰達，成為大班芋、打工皇帝、首富，甚或中央領導人之類，我家陣要搜集定資料，以豐富老兄成龍之路嘅自傳咁啫，不涉其它，請放心！