引用:

原帖由 flowingwater 於 2010-9-12 11:22 發表
前輩..凡事有因有果.因為當時..才造出你今日...本人正處前半部.後半部未知..

水兄說得對，有昨日才有今日。既然老兄將界人生後半部，恭喜！好明顯上天已派與你成績表，話你前半部已 passed。

達爾文進化論好殘酷，話物競天擇，適者生存。若然老兄並非適者，早已被淘汰出局，�p在人世間了。

既然老兄前半部大致做對了，就藉此經驗去行下半部便可。當然，手法人人有，巧妙各不同。祇要唔好 stupid，加上避免重犯前半部之錯，包你有運行。

其實以我觀察所得，話就話物競天擇。好多時係自己打沉自己嘅多。我回流六載，未嘗越界北上，唔好話菲律賓泰國等地。無它，有危機感而矣！

以我哋一把年紀，犯唔着做啲奪寶奇兵式探險行為。Indiana Jones 唔瓜得，做戲咁做�謕Q，現實係好殘酷�謘A咪制呀！

未發生菲律賓挾持人質事件，老妻成日哎學人呢度去嗰度去，仲問我慄乜？近日佢先至 convinced。

引用:

原帖由 天九 於 2010-9-12 12:51 發表

真的，我是不怕死，但極害怕唔知幾時至會死 ....

天九兄，死及幾時至會死皆不可怕，最怕係死緊頭嗰陣時，先至後悔點解自已一早唔醒啲，搞到咁死法，又或死得咁辛苦。

所有動物之中，只得人類才識得怕死。何解？皆由於我哋識得後悔。亦因此，人類才俾其它動物優勝。明乎此，我哋就要利用這種特有天性，在不幸事件未發生前，話俾自己聽，唔制，搏唔過。

又係鬼子佬教落：「Don’t take a chance, make a choice! 」。

引用:

原帖由 天九 於 2010-9-12 19:46 發表


mtpen 學兄，任何生物都怕死的...這是本能來的，豈會獨是人類呢！ ...

可能我的用字未能夠寫出我所表達之真正意思，即詞不達意，歉甚。

我所指之人類怕死，非動物自然反應那種，而是在無即時迹象或未發生死亡威嚇時，仍感到担心、害怕那種。

天九兄所言非虛，若然無悔，確是死不足懼。

引用:

原帖由 天九 於 2010-9-13 11:07 發表
凡事應該適可而止，說的與標題怕已扯的太遠....

很抱歉，小弟才疏學淺，未能我手寫我心，以至詞不達意，令天九兄未明小弟何所指。

不如我舉以下我「怕死」嘅例子，試吓可否令老兄明白我想表達之所謂「怕死」為何物：


我回流香江，有两樣嘢我特登唔做。一，我唔攞回鄉證；二，我唔換香港駕駛執照。

唔攞回鄉證，係費事自己脚痕，忍唔住返咗大陸玩，食錯嘢食瓜咗。講開又講，香港人有精神分裂症嘅，呢頭話人哋運落嚟啲食物有乜有物，嗰頭自己又躝番上去食人哋啲有乜有物嘅食物，依家解放軍用槍指住押你上去�謘H

至於話唔換香港駕駛執照，係費事有日手痕，忍唔住揸吓車玩，出咗事就瓜得。香港地隨街都係劉翔跳欄高手，佢噗一聲突然間响路中間跳出嚟俾你隊中佢，跟住有個仇富嘅亞伯仲同差人叔叔頂證你咁話：「我就見唔到個哥哥跳欄，我淨係見到個哥哥過馬路行慢咗啲啫，咁就俾個司機撞到咁嘞！」。咁就一褲都係，洗定籮柚兼申請定破產穩陣啲。

我認我好「怕死」呀，所以我祇想唔使咁快死，及唔想死得好慘，於是常常 remind自己，乜嘢係可為，乜嘢係不可為，唔任性，識得趨吉避凶。

至於天九兄說小弟之話題與標題怕已扯的太遠... 小弟亦同意，有時講多咗，就當題外話好了。

我開筆時已知自己老懵董，所以自稱為懵董筆。某日路經老何此地盤，見咁熱鬧咪入嚟吹吓水囉。諗住大家九龍仔舊街坊，出身相近，年紀相近，一邊緬懷吓過去，一邊感懷吓身世，亦想藉此交流吓心德咁啫。心諗日日齋講九龍仔，邊鬼度得有咁多嘢講吖，你估何老响隔離講股日日新鮮咩？

兼且小弟發覺，响網絡世界，一個能夠長存嘅 forum，若然標題太過狹窄，往往不能長存。縱可長存，亦因 visitors 太少而淪為殭屍 forum 而矣。不幸沉咗落底，好難起得番身嘅。有見老何此標題有此危機，自問亦很珍惜此 forum，希望噏東話西，搞吓氣紛唔使咁悶咁啫。故萬望各有心人士，鼎力保持此 forum 人氣，好讓九龍仔舊街坊有碇聚吓脚。

小平同志講得啱，唔理白貓黑貓，能 keep 住九龍仔呢個 forum 令佢 up and running 就係好貓。

小弟亦按天九兄之提點，凡事應適可而止。

[ 本帖最後由 mtpen 於 2010-9-13 17:05 編輯 ]

引用:

原帖由 小師弟 於 2010-10-5 21:47 發表
九龍仔桃源街救世軍的賣小食的伯伯及公園內的飛碟

Yeah! That's it!

多謝小師弟傳上此圖片，小弟上次見此飛碟是十二年前。

此飛碟凉亭起碼有50年歷史，居然尚在，奇蹟！  

[ 本帖最後由 mtpen 於 2010-10-6 09:45 編輯 ]

引用:

原帖由 scottiehong 於 2010-10-6 16:36 發表

至於巫山園就真係無乜印象, 細路哥果時, ...

Hong兄揾啱地方，得閒多啲上嚟同啲舊街坊吹吓水吖！

有乜相片亦不妨上載啲同大家分享吓, ok?

引用:

原帖由 scottiehong 於 2010-10-6 23:29 發表

30年前既舊相, 攝於花虛公園 個男仔就係我,最之前有網友問花虛果枝大炮來歷, 呢樣真係唔識答

Hong兄描述七層大厦生活非常詳細生動，又一歷史見證，難得。

牆上幾個窿,我都記得。


講真，我從來未去過你坐緊嗰支大炮，真大鄉里。


摷吓仲有乜舊相讓我們跟你分亨。

引用:

原帖由 scottiehong 於 2010-10-7 14:21 發表

70年代後期, 我老豆教仔仲係用果套 "棒下出孝子",細路仔果時剩係知老豆好惡, 下下用丫差一野就"牛"落黎
...

Hong兄，你個仔有福嘞。己所不欲，勿施於人。你知咁做唔妥，你一定唔會咁吽個乖仔了，對嗎？

我佩服你嘅勇氣，可放下包服，講出上一代之不是。

其實我哋做大人嘅亦要反醒，你都叻嘞，一個出世時白壁無瑕，咁可愛嘅小朋友，經你手凑大，又冇交過俾人，at the end of the day，佢居然會係你所聲稱嘅「所謂」激你，唔聽你話，你大人一啲錯都冇。你自問吖，有否未盡全力，自私去享樂而疏於管教、親子咁呢？你自己最清楚！

唉！稚子無辜呀！

引用:

原帖由 suewong 於 2010-10-7 21:49 發表

而且當時環境唔好，父母搵朝唔得晚，會搵仔女出氣。亞哥 被阿爸打到 17 歲，趕出街。  

適量體罰可以理解，尤其是 guideline 清晰及屢勸不聽情况下。

以前英國體罰小朋友乃犯法，現已改例，smacking 合法。

惟搵仔女出氣，乃純粹蝦人，冇人性之所為。

引用:

原帖由 scottiehong 於 2010-10-7 15:36 發表


話時話, 有樣野想問下..俗稱叫 "水喉腳", 好多師兄叫 "水喉頭" 點解有唔同叫法 ? ...

讓小弟嘗試解答吓，有錯請指正。



"水喉腳" - 除咗說出該處名稱，還會有行動要進行於該處。

例：你家姐叫你將啲衫拎去"水喉腳"度洗咗佢。



"水喉頭" - 純粹指某地方而矣，你冇行動會進行於該處。

例：你家姐叫你幫佢將啲衫拎去"水喉頭"，放低便可，但唔使你洗。

引用:

原帖由 scottiehong 於 2010-10-8 13:10 發表

上一輩死追爛追都要追返個仔, 幾十年過去, 而家睇返轉頭, 十之八九反而無阿女甘孝順,...

Hong兄所見之小農社會特有現象，就讓小弟嘗試拆解此迷團。

早期香港一般父母，唔會俾個女讀咁多書，除咗因個女會外嫁，驚死第日益男家外，個女冇讀書自然蠢蠢哋，唔識得 reasoning & questioning，問點解乜點解物，方便行使愚民政策，好恰啲。

所謂婦人之仁（小弟並無性別歧視，此乃孔老二講先），佢哋多數愚忠愚孝，老豆嫖賭飲蕩吹，唔夠錢使，叫個女去做雞，個女俾佢自細洗咗腦，覺得咁揾錢番嚟顧家，應該還嚟唔切，更仲感覺自己偉大。

就係呢類婦人之仁，無知婦孺，縱容默許、姑息遷就，致令一些人形父母，不思改過，禍害子女 and/or 社會。令其手執孝順這把尚方寶劍、父母這個神聖招牌，進佔道德高地，欺負子女。慘得過被欺凌者，甘之如飴。禮教真的可以吃人。  

剛啱星期三無線播嗰輯港台制作「一念之間」，講個小朋友點樣因禽獸母親疏於照顧而墮樓死亡，真人真事，聞者傷心。我哋嗰代 50 幾年前嘅慘事，依家照樣發生。

但願我有希特拉之無尚權威，我會先捉小朋友之父母，第一時間，男閹女扎，之後接受再教育，若然小朋友日後有乜損傷，即時槍斃，連同小朋友之亞爺亞嫲、亞公亞婆，總共六人，罪狀係管教此對狗男女兒女無方，延禍無辜孫兒。  

我絕非想教人唔孝順。孝順絕對應該兼係人性自然行為，等於口渴要飲水，無須特别嘉許。孝順二字，我昇華之為感恩。任何人有恩於我，與我為善者，無論是父母與否，皆要報恩。反之，縱使是父母，亦不過視之為路人甲乙丙而矣。

唔該啲聲稱自已係好父母嘅人，每年父親節母親節選十大父母時，走去攞啲得獎者列出點先至做到好爸爸好媽媽嘅 questionnaire 番歸，記得呢埋厠所先，tick 吓自己有幾多分，睇吓自己應否 deserve 俾人咁稱呼及孝順，tick 完之後咪面红呀。

引用:

原帖由 suewong 於 2010-10-8 23:00 發表


估唔到你是 70 後，都會留意到。 通常事不關己。

事不關己是為次因，既得利益者又何須多事呢？

引用:

原帖由 杜友明 於 2010-10-9 07:37 發表
好多人指九龍仔就係救世軍後面，的木屋區，當年小巴路線牌都係寫住青山道，九龍仔...

友明兄講起九龍仔嗰名令人混亂呢單嘢，相信祇有揾歷史學家先至搞得惦。

根據 rqrj 兄响佢 page 11 #326 嘅料話，天主堂早於 1952 年開壇。呢幾日得閒摷到我响 1957 年張領洗紙 (見附圖)，寫明叫九龍仔聖伯多祿堂。

由此推理，嗰一帶，包括後期之朱牯仔、大坑東、大坑西，應叫九龍仔才對。

既然培立小學與天主堂相距只有一箭之地，何以我早前响 Page 24 - Post #711附上之培立手册又會叫自己响九龍塘村呢？究竟培立小學起先抑或天主堂起先呢？又或者嗰一帶乃大九龍塘村 (Greater Kowloon Tong Village)，而九龍仔只是後期人口多咗，為咗分野清晰啲，之後才叫九龍仔。其實九龍仔仍屬於九龍塘村範圍至啱。

至於九龍塘乃九龍塘村演變而來。若用陰謀論來看，我哋可能俾港英當局階級歧視咗都未定。想將我哋呢啲賤民分開，以免影衰啲上等人。所以後期索性將之一分為二，仔還仔，塘還塘。

小弟可能過於武斷，亦可能係野人獻曝。各位兄台可能對此早已討論過，並已有定討論，之不過我新嚟唔知埞而已。

若然我之推理成立，那麽各位曾居九龍塘村，即九龍仔之兄台與小弟皆曾為九龍塘人，换句話說，我們皆曾為上等人也。

講開又講，呢排唔多見大師兄 kintsun 蒲頭，佢搞緊邊科呢？I miss him very much!

引用:

原帖由 suewong 於 2010-10-11 15:40 發表

是一向好有 陶傑風格。  

拍馬都追唔到香江第一才子喇！

祇不過得鬼閒冇嘢做响度發吓嗡風咁啫。

真�謘A多的啲寫作，可防止老人痴呆�謘A而且啲作家一般都長命啲！

引用:

原帖由 scottiehong 於 2010-10-11 16:00 發表


話無官商勾結, 打死都唔信 ...

好嘢！分析一流，我信！

引用:

原帖由 scottiehong 於 2010-10-11 16:48 發表

...學到英國佬果種長遠管治藝術,50年後既今日, 仲要佩服得五體投地

英國佬性格陰沉，做起事來深謀遠慮，難聽啲叫老謀深算。亦如 Hong 兄所說，管冶藝術出神入化，時而恩威並著，時而誘之以利，當馬騮咁管。


舉個例好似居屋咁，鬼子佬留低嘅好嘢，俾佢搞喎哂，人家走嘅時候又冇虚心請教吓人哋，剩係識得叫人快啲走。人哋假假地都曾是老牌帝國，對殖民地管治，自有一手，更非我哋聲稱有數千年文化嘅未來超級強國子民所能理解者也。

人家殖民無數，明白何謂懷柔政策，更知道勉強無幸福。佢哋明知當你哋享受咗房屋福利慳咗錢再加上勤力，必然會富起來。夾硬嚟�{你走徒增反感。但知你能力又暫時未可買私樓。

咁點呢？於是乎創出居屋呢個「時代產物」嚟利誘你交番間公屋出嚟。而你哋又好自願嘅噃！因為你可威俾鄉親父老，隔離鄰舍知，我係富户嚟�謘A我有本事買居屋喇！咁使鬼要趕你走咁乞人憎啫，係冇？

可惜啲刁民俾地產佬騎劫兼洗咗腦，夾埋拋一拋此弱勢政府，立即方寸大亂，停建居屋。�M家？亞水肯拎番間公屋出嚟呀？冇喱jetso！  

唉！俾啲心機學吓人哋冶國嘅精髓啦，明日嘅超級強國！人哋個個唔郁停哂响度等你超前嘅！大話講得多連自己都信埋，可憐！

引用:

原帖由 hkgalbert 於 2010-10-11 22:55 發表

做人要發奮，失敗就要自我檢討及發奮圖強，總是找借口為自己的錯失貼金，怎會成功？！: ...

我唔否認黃小妹所講現今仍好有多後生仔女揾食艱難，但我絕對同意 Albert兄所講，佢哋應自我檢討一吓。

從來揾食都係艱難，叫佢哋可否學吓 Albert 兄後生時咁捱法及放下身段？身為老師丈夫，即師公，日間斯斯文文做會計員，為咗賺多個錢，晚上居然去做猪肉佬，捱到似人乾。

我無兒無女，比 Albert 兄幸運，但後生時一樣捱過。1981年結婚時積蓄有限，惟女家所謂父母並不諒解，將預來買樓之錢，响啲環頭環尾爛鬼茶樓擺酒用哂。當然更冇錢渡乜鬼蜜月喇！响北角租人間房仔住。

但我俩不甘心，死慳死抵再儲首期。老妻條衭穿咗，都係去街邊揾人補番就算。有日佢喊住同我講，响厠所個鏡反射睇到個同事用好藐視眼光��吓佢條衭，陰陰咀笑。  

我返工成日着住結婚嗰套黑色單釣西，有日同事大大聲當眾玩我：「乜你成日都着呢套西裝嘅？」。我惟有自嘲咁答：「係呀！好嘢嚟�謘I結婚又得，返工又得，連去送殯都得！」。

比起�M家啲後生仔女，點只衫衭日日新呀，成萬蚊個手袋用一季，話 out 劈咗佢，手機如是，鞋如是。响街上上網傾電話好似唔使錢咁。未富先嬌，有乜辦法唔窮吖？正一打跛嚟醫！

引用:

原帖由 flowingwater 於 2010-10-12 19:41 發表

黑心D睇. 要多謝呢80%甚至90%年青人去拓高少數個10-20%既人.等佢地有機會上.

水兄真係心水清，黑心嚟講，佢哋自甘俾我哋踩住嚟上，真係多得佢哋，與及佢老豆老母唔少，教到啲咁醒嘅下一代。不過我哋咁諗係咪好衰呢呵？

我夠胆咁講，家陣啲後生肯定使大咗。除咗衣裳鞋襪手機要名牌，結緍要豪華大酒店，每年又要出埠旅行起碼一至两次。

最大鑊係興養猫狗。冇時間金錢又學人生仔，猛話好玩好玩，冇計吓自己揾幾多，正一腦囟都未生埋。

到唔夠使就四圍呻生活艱苦，社會迫害佢，吹脹！

引用:

原帖由 scottiehong 於 2010-10-12 23:43 發表

34之麻 , 可能我諗野比較老成啦

Hong兄後生可畏，我唔係想笠你高帽，我見好多你咁年紀仲係一舊飯，成個 mum’s boy 咁。

睇你寫嘢功力，一定好似黃小妹咁係大學生了，仲係為人師表添，am I rignt?


我諗你會咁識諗咁成熟，除咗父母功勞之外，係細時捱過苦。

我敢批你，就算第日唔發達，你將來條路會比人易行，你祇要付一蚊力，收十蚊功効，努力！加油！Young man。九龍仔街坊以你為榮！

引用:

原帖由 flowingwater 於 2010-10-12 22:24 發表

BTW, 我係70中後. 叫我阿水得喇.

咁喇，唔好叫到你老哂，我以後就叫你做水哥仔吖？  

引用:

原帖由 suewong 於 2010-10-13 11:59 發表

他們的 mobility 是低，但講到生活艱苦，點到比不上 70 前，應該首先發奮，求諸己身。 ...

其實唔係 mobility 低，而係大雞唔食細米，啲粗工唔啱亞哥亞姐做啫。

橫惦老豆大把，咪嘆吓先囉！

引用:

原帖由 scottiehong 於 2010-10-13 15:08 發表


..其實學校所教既感恩, 同父母所講 知足常樂, 實有有異曲同工之妙.

...做人學懂珍惜, 唔係就變成可惜...

Hong兄，你真係得道喇！ Congratulations!

小兄弟，take my advice, 揾機會進修吓，執靚個 quali 吖，咪哂咗你吖，我講真�謘I

引用:

原帖由 scottiehong 於 2010-10-13 17:32 發表

小弟出身工業學院, 進修之路從未間斷,小弟明年為人父親了, ...

叻仔，記住 quali 好重要，但並非一定要 U grat。

恭喜，我有信心你個小朋友一定幸福。

再贈你三樣嘢:

第一，唔好做生意；
第二，唔好做生意；
第三，都係唔好做生意。

同朋友夾份，仲衰多幾錢重，at the end of the day, 連 friend 都冇埋。

小弟縱觀叔伯兄弟、親朋戚友，做生意嘅，冇一個有好收場，切記！

引用:

原帖由 36D 於 2010-10-14 13:38 發表
惨！小弟做左好多年生意添。

Brother D & Him!

God bless you!

引用:

原帖由 him4466 於 2010-10-14 10:15 發表

我今年仲開始做生意添

Him兄 & D兄

都係我唔啱，冇早啲勸两位大哥。

既然洗濕咗個頭，就贈你哋陶淵明「歸去來辭」節錄喇：

…悟以往之不諫，知來者之可追。實迷途其未遠，覺今是而昨非。  

無論如何，日後點唔惦都好，千祈咪將層樓嚟按或加按，切記！