引用:

原帖由 老何 於 2011-3-7 18:56 發表
其它留番Ah筆講..............  

老何兄咁即係考我啫，我都係响度亂嗡咋！  

都係Marco兄睇得透澈，香港人會愛國？阿爺打死都唔會信！  

大家思想唔同，阿爺話愛共產黨等於愛國，or愛共產黨先至等於愛國，可惜香港人唔係咁睇，矛盾由此而生。

引用:

原帖由 老何 於 2011-3-7 18:43 發表

B. 亞超著褲......焗住. ...

老何兄講嘢太深奧，唔多明！

阿超著褲點解會焗住咁呢？  

因乜解究只會阿超先至會焗住呢？

點解唔叫阿珍著褲呢？  

仲有，焗住邊part咁呢？考起？  

引用:

原帖由 liao_marco 於 2011-3-7 17:35 發表


九七後,香港 說是共和國一部份, 點解香港人不能做解放軍?老共認定香港人成份不純, ...

Marco兄甚有見地！分析得好！

其實你哋咪當阿爺新嚟嘅，唔知你哋香港人啲蠱惑嘢吖！

阿爺响國策上一早就批死你哋香港班契弟靠唔住�豲漶I

講就天下無敵，做就有心無力。未開打前，個個義憤填腔，拍枱拍凳，話郁佢！  

嗱，你試吓有日話要同花旗佬開拖，我睇你哋班香港人點玩嘢吖嗱！有埞狷嘅就即刻摷passport走頭，話橫惦阿爺都唔信我呢亭孤臣孽子會愛黨愛國�豲漶I倒不如去選擇一個疑似愛我嘅國家去罷！

冇埞狷嘅就話閘住。要入伍當兵？咪拘！愛國？值幾錢斤呀？咪望住我呀，我唔得�謘I又話心律不正，見血會暈，唔想累兄弟抬番后後方，or患有隱性隔代色盲，驚�鰱蠿謘A殺錯自己人，or一時又話有家族性間歇性失聰，驚聽錯前進當撤退order，總之一定諸多藉口詐晒形。最後話，咁嘞！至多捐吓錢助戰算嘞！

其實你哋港人定啲喇，揾你當兵？慳啲喇，保你哋大，乖乖哋咪搞亂檔仲好喇！你估我唔知你哋想搞邊科呀？有槍到手，仲唔乘機做漢奸，串通花旗佬明明作反就嗌起義嗌革命。

好嘞，就算唔敢作反，上到戰場就講民主，講法理。Commander叫你班香港人從後兜篤花旗軍，就問點解唔正面隊佢，又話要事先做民調，咨詢民意，聽吓做細嘅意見，有乜决定都要一人一票咁達成至算。甚至有日突然質疑個Commander嘅認受性，佢權力來源合法性等等。

唉！算阿爺怕咗你喇，唔該你番香港打機喇，哥哥仔！

引用:

原帖由 liao_marco 於 2011-3-11 03:31 發表

母親帶兒子去呢啲event會唔會構成疏忽照顧兒童? 警務處長應該立案調查,有証據即刻拉埋個阿媽, ...

呢單嘢如果發生响英國，我相信無須警務處長立案調查等証據，社署自會聯同警務人員上門甚或破門接收那個無辜兒童，免其再受非人道對待。至於起訴其母疏忽照顧兒童罪乃後話。  

皆因証據確鑿，呢條人形獸心阿媽正fuck up，咁樣利用自己個仔上位出風頭，錯後並不知悔改，仲大大聲當衆聲稱會再揾個仔咁做，其罪行跟容許童工及帶兒行乞一樣嚴重。

响西方社會，兒童是國家未來主人翁，並非用把口噏，而係切切實實地被認定為國家財富。若國家與父母在領飬權上有所衝突，前者有優先權。

英國社署上門搶仔，年中必有多起，尤其有關paedophile（戀童癖）案例者。一聞其父母乃涉嫌戀童癖，雖然對象並非其親兒女，無須等候審訊判決，即可做嘢！

引用:

原帖由 老何 於 2011-3-12 12:44 發表

今日是植樹節............孫中山先生逝世紀念日.........敬禮....

老何兄講起孫中山及植樹節，令小弟回憶起50多年前讀大坑東官立小學時，國文課裡有課書，依稀如下:

三月十二日，就是植樹節；
開完記念會，都到校園來；
捲起衣袖，拿起銼頭；
掘掘掘，掘好地了，
放下樹苗，蓋上泥土，快快栽好。

引用:

原帖由 老何 於 2011-3-12 21:35 發表

中山先生試卷及其兩位老師 ...

講開孫中山，再令我記起小學時之國文課裡有課用意良好嘅書講及孫中山後生時响中山家鄉，見鄉里迷信，個個係咁响廟宇求神拜佛，做埋啲non-productive嘅嘢，甚為憤怒。於是當衆走上神壇，將佛像之手拗斷，並對鄉里說，既然個佛連自己都保祐唔到，又何以能够保祐你哋呢？  

諗起呢課書都戥港英政府一額汗，若然今時今日出啲咁侮辱宗教之課題？大鑊喇！我怕凸手要俾人�臟磾蚗Y當衆食咗頁書至得！

跟住，八大教派由過氣神棍陳帶頭發動五百萬人上街，乘機無限上綱上線，話凸府蓄意打壓宗教及迫害，仲操到平機會絕食話宗教歧視，誓要告到有關官員甩褲先肯食番飯！

都係紅毛鬼好嘢，夠煞氣，鎮得住啲生番冇敢搞事！

[ 本帖最後由 mtpen 於 2011-3-14 17:02 編輯 ]

引用:

原帖由 hkgalbert 於 2011-3-18 15:19 發表

例如：「老虎巖」、「虎地」：塑料玻璃纖維老虎雕塑； ...

仲有，馬尿水整兜馬尿、馬屎洲整番篤馬屎！

引用:

原帖由 老何 於 2011-3-19 17:27 發表

第一次拍幻燈片.............. 元朗晨光..............長駐腦海....

想請教老何兄你呢幅牛耕田幻燈片傑作用何方法令其數碼化上腦咁呢？

引用:

原帖由 老何 於 2011-3-20 10:09 發表

有片如下, 我諗快靚正, 頂癮可以了. ...

Brilliant, thanks!

引用:

原帖由 老何 於 2011-3-8 10:59 發表


幾十年前我又係咁問老爹, 答案 : 木宰羊 , 不過冇你問得咁深入. 話時話, bin位版友得知出處,
請話俾兩隻老鬼知

睇嚟阿超着衭呢個典故來源，後生仔未必識，都係等我呢亭老鬼在此講述一番，以免失傳。

話說70年代初，有個飛仔叫阿超，佢見歐美啲麻甩仔興脚踏高跟鞋，身穿喇叭褲，但下圍窄到見勢嗰隻，人着佢又着。

點知着咗冇幾耐，下面生嘢去睇醫生，經細心反覆檢視，告之曰非生嘢，只因香港天口熱，條褲太窄，純粹焗襯小超，不涉其它，但建議阿超改穿鬆身褲為佳，以免焗ｘ住。

話時話，查實「焗ｘ住」文法上有語病，理應叫「焗住ｘ」才對。

引用:

原帖由 老何 於 2011-3-27 10:24 發表

少時百厭, 每每扭傷手腳, 老爹總是以梁財信田七跌打酒按擦吾患處,  ...

少少瘀傷用跌打酒捽吓無妨，否則都係去睇物理治療穩陣啲，以防錯失黃金治療期，日後變為舊患。

引用:

原帖由 維圓阿伯 於 2011-4-8 10:08 發表
哭哭啼啼小男人一個
做大事就無份

三分鍾英雄
[當我無講過]
咪玩啦

引用:

原帖由 維圓阿伯 於 2011-4-8 10:08 發表

哭哭啼啼小男人一個

意猶未盡！

等我轉頭同花旗國事領館個friend單聲，俾個passport佢闔家出國佢就自然破涕為笑矣！Don’t worry!

引用:

原帖由 維圓阿伯 於 2011-4-8 10:08 發表

哭哭啼啼小男人一個..做大事就無份..三分鍾英雄..咪玩啦

維圓兄，唔好意思，想借老哥個真身「維園阿伯」個title用一陣！頂唔順，不吐不快！

睇到趙乜海呢條戲子佬呢两日戲劇性發展，真係嘆為觀止！

條友不如落嚟入無線做藝員，包保唔使入訓練班捱。

係人都知我對阿爺冇好感，否則我唔會自從1988年以來未曾踏足大陸半步。但我睇唔過眼阿爺猛俾啲刁民無限抽水，兼食死貓！

我覺得整件事好funny，可能我廿幾年冇返過上面，不知國情，乜�M家啲大國子民咁趣怪嘅？不知那門子道理，興無限上綱上線，乜都話人政治打壓嘅？真係大惑不解！

啲毒奶粉食到佢個仔頭都大埋，我十扑佢去同奶粉公司追討，一定要！  

但君子求諸己、小人求諸人，我首先會反問自己點解咁失策買大陸奶粉？你新嚟�謘H點解唔買外國牌子？冇錢？咪唔好學人生仔囉！唔識避孕？唔係話？你遲早都要學識�瞴A唔通由得佢做一次生一個呀？

所謂寃有頭、債有主，乜又關中央官員事？間奶粉廠佢哋有份開�謘H好似早幾年英國發現Heinz啲唔知乜鬼醬有蘇丹红，假如啲人食咗疴啡啡，個個走去國會大樓用粟米班塊飯去掟當時個單眼佬首相白高敦呀？咁成何體統唧？又或者响前面條馬路，太字or容字形咁瞓响路中心呀？咁阻住條路塞車，人哋要返工／見工／揾工�謘I老細唔明就話你興遲到，抄魷�謘I

最搞笑係呢個趙乜春，無喇喇走去抿住鬍鬚肥佬愛咪咪呢條Bourgeois小資產階級無政府主義份子衫尾狂抽水。�M家文化大革命紅衛兵上山下鄉搞串連呀？人哋係高幹子弟，老豆响井岡山幫毛Sir、周Sir、鄧Sir倒過痰罐，你咪亂嚟學呀！下次唔只charge你尋釁滋事咁輕�謘I

嗱，小趙，你呢幾日咁搞作，個名臭臭哋嘞，响上高冇乜得點搞喇，不如落嚟行個轉，我介紹李大狀棍你識，佢個仔專搞你嗰味嘢，你鍾意咪自己直接揾佢又得，你話阿pen我介紹，記得quote暗號：「反中亂港」，包保你no win ，no fee喔！

引用:

原帖由 維圓阿伯 於 2011-4-9 17:14 發表
阿畢蛇
長期拜讀閣下高見大部份都 口岩 晒咀形 小弟又 是198X 年後從未踏過羅湖橋..不過閣下係大蛇
小弟是蛇仔了 :

維圆兄太抬舉喇，小弟並非乜鬼嘢大Sir，I’m nobody，a small potato而已！

Tele-com？I see! 我响英國識得一個friend乃港英時代响政治部做你個field，做嘅嘢一如哎吔祖家之軍情五處（MI5），最興匿埋人哋床下底偷聽人講嘢，因知得嘢太多，未有居英權前早已俾個special passport佢，要佢97前避走英倫，以免落入阿爺手中就大劑矣！

冇返大陸since 198X？哈哈！原來跟維圆兄志同道合，自我放逐兼自絕於人民！

恭喜你喇！大陸也不是甚麽好地方，玩／食得提心吊胆，不去也罷！感恩呀！去少一次就食少一次毒乜毒物又或坑渠油喇！

而且自知定力不足，無謂俾啲北姑引誘，做石罅米，俾雞啄。Hard earned money唔見事少，最慘遇着捉黃脚雞，分分鐘俾人揼一身嚇餐懵。仲有，唔知幾時野埋啲乜鬼西蘭花呀、安南玫瑰呀就唔死一身潺矣！  

既然大家咁啱咀形，多啲上嚟助陣／叫陣／站台吖，實行同老何兄佢老人家對着幹！

好彩老何兄大人有大量，個胸襟大到可以撑船，唔會計較我哋呢亭小嘍囉嗡乜鬼嘅！老何兄呵？

引用:

原帖由 理魯竇 於 2011-5-10 20:53 發表
今年以來，最好天係這幾日。
機會難逢，拿拿聲上天台影返幾張相，心情都靚 d 。

嘩，理兄你就爽啦，可享無敵煙花海景！

引用:

原帖由 老何 於 2011-6-8 13:37 發表

昨日up開起跑線, 水哥話那兩個木頭�|上小朋友, 將來命運難料, 悲憫之情見筆端....

琴日回應水哥關於木頭車上之可憐男孩因老版兄冇backup唔見哂，現再post於下:

稚子無辜，I blame his parents!

乜今時今日生仔唔係先睇吓自己有冇時間、愛心及金錢才生嘅咩？

呢亭自私自利之所謂人形父母，識搞嘢唔識避孕，跟禽獸冇乜分别！

至於佢老哥提及東南西北沙，黨國大事關你哋啲海角遺民、孤臣孽子、反中亂港漢賊屁事呀？

仲大想頭到話叫嗰仔參加做解放軍，貪你掉轉槍頭作反好呀？

唔該你哋少啲提愛咪咪，少啲食六四老本我已多得你哋唔少矣！

引用:

原帖由 suewong 於 2011-6-8 18:39 發表


曾有天主教神父說 - 納粹黨殺害猶太人/迫害基督徒, 他默不作聲, 結果天主教徒都要入集中營...

黃小妹琴日嘆謂香港社會嚴重傾斜，其實香港社會冇嚴重傾斜到，只不過係啲所謂好爸爸好媽媽冇與時並進，仲係用番舊思維及舊方法去生仔飬仔，以致被嗰啲十優父母早着先機，用update方法去做，令教出嚟嘅子女夠哂競爭力咁啫！。  


呢啲十優父母多得啲蠢父母唔少，自願墊底俾佢哋踩住上。   


啲蠢父母仲唔知自己衰邊瓣，淨係識得怨天怨地，最慘係啲投錯胎嘅小朋友！   


妳又問，咁點先至做到十優父母？It’s simple and straightforward, 不外乎愛心、耐心、財力、時間…，一如妳將來老咗所期望佢點對妳一樣！   


妳咪詐詐啼扮唔識呀！


每年必有組識辦最佳父母／長者，妳去攞張form/questionnaire對吓自己得分幾多，唔使話番俾我知！  


答完唔使面紅，記得匿埋厠所先至好答，無謂出醜！

引用:

原帖由 suewong 於 2011-6-8 18:39 發表


曾有天主教神父說 - 納粹黨殺害猶太人/迫害基督徒, 他默不作聲, 結果天主教徒都要入集中營...

我明妳意思，之不過我担心妳純良嘅意願好可能俾人利用咗，而妳亦為他人作嫁衣裳或做咗踏脚石俾人踩住上位咁啫。


好似琴日妳曾提及嗰個司乜華同李狀棍咁，好多人都咁講，其實呢两位仁兄有否後悔自己當年押錯注，做唔成孫中山第二，之後仲唔識轉軚搞到轉唔到膊吖嗱？

引用:

原帖由 牛奶蛇 於 2011-6-9 02:18 發表

我孫女興趣多多, .., 能夠與人及動物 get along nicely 比什么彈琴繪畫更緊要.

牛Sir呢套教育下一代方法／價值觀，响花旗呢亭窮國或者有出路。  


香港現已靠攏盛世強國，國富民強，睇吓花花草草、牛牛羊羊呢啲咁無聊低B嘅行為，絕不符合中國／香港國情。

香港人乜都要認叻，睇怕老兄嘅好意，只會淪為對牛彈琴而已！

引用:

原帖由 suewong 於 2011-6-8 22:19 發表

華叔/李大狀, 兩袖清風...

呢两位仁兄之所以狀似兩袖清風，係佢哋自己發得白日夢／春秋大夢多，冇全心用於正職，以致相對收入冇同行咁多啫，食得鹹魚抵得渴。


莫講一個唔該如佢哋所願，做咗孫中山第二and/or開國元首，就算�M家咁都唔差吖，普通一個教書佬，可以打哂市民尖，享有一級醫療服務。嗰個狀棍仲叻，可以入白宮同花旗總統交心報寸，乜威都攞盡啦！

引用:

原帖由 牛奶蛇 於 2011-6-9 21:54 發表

在美國能與各式人种get along well 很重要, 細路仔自少被教導與人和睦相處, 愛護所在地的環境比...

牛Sir你啲孫有個咁嘅granddad真係有福矣，你肯帶佢哋去睇花花草草接近大自然。


响香港我觀察到一個非常普遍而獨特嘅現象，响外國好少見，而我响英國就未嘗見過，就係一個／對老人家每天（係，每天）帶住個孫响茶樓打躉成幾個鐘。


佢哋成棚人掛住吹水，由得啲小朋友當咗茶樓係playground隨處走，懶理佢哋俾嘢淥襯或蹗落escalator跌襯夾襯。


天真活潑嘅小朋友最需要在户外跑跑跳跳，認識大自然，吸收陽光及新鮮空氣，因所託非人，珍貴嘅幼／童年就咁白白虚渡過去。


啲所謂親愛嘅阿爺／公及阿嫲／婆仲週不時往自己臉上貼金，講自己幾咁偉大去湊孫，其實係自私自利、未盡全責！


我仲留意到咁環境成長嘅兒童多數又奀又矮，除咗困於汚濁室內，活動空間少，不夠運動量外，主因係跟住啲大人食埋茶樓啲又鹹又肥膩食物，以致冇胃口食正常飯有關，富有但可憐的香港兒童！

引用:

原帖由 牛奶蛇 於 2011-6-10 21:19 發表

愛護環境及大自然是未來的通識及使命, 少些浪費, 少些汚染呀.

It’s easier said than done, 一如阿爺成日講，走資本主義已冇回頭路矣！


其實全世界現今社會，包括各國政府，鼓吹刺激消費，無限發大，先使十世錢，耗盡我哋子孫之資源但用於無謂／聊產品上。


繼前蘇聯嗰鑊，日本311悲劇係上天對世人敲响之喪鐘。


雖然希特拉破壞咗世人對日爾曼民族嘅聲譽，亦無損我對其民族之景仰，因佢係全球首個國家宣佈會於十年左右完全關閉所有核電廠。而响短短三個月內，居然可全國達成共識更通過有關法例，並致力於十年後減少power consumption 10% or more.


換句話說，全德人民不單只冇學阿爺打造乜鬼嘢世界第一，仲甘願十年後將昌盛繁華比當今倒退10% or more，除非此十年可將每unit之能源効益相應提升。  


早幾日與老妻去飲特價時段早茶，隔離枱有三個女人，其中一個相信係响大陸做山寨，帶咗成喼古靈精怪小禮品，有筆、鎖匙扣、裝飾公仔…叫其它两個女人揀，任攞，送嘅。两女望一望，答覆好funny，話屋企太多呢亭嘢，唔使客氣咁話！


上面好多所謂工廠，好多人開工，原來只係見籮柚郁唔見米熟，將啲原材料及耗用水電，生產呢亭non productive, useless things! 慘！


話說回頭，冇咁嘅customer demand又何來此垃圾產品呢？

我哋是否有責？又應否以身作則及自少教導我哋嘅下一代要明智呢？

引用:

原帖由 suewong 於 2011-6-24 12:28 發表

到底香港人精定呆 ? 考起!!!

我就話呆兼死蠢嗰隻！


呢啲咁嘅爛鬼蟲，俾人吹噓到神藥咁巴閉，食咗可以有病醫病，冇病強身，仲賣到貴一貴都有人買。


掘呢啲蟲嘅人，破壞環境生態，定遭天譴，買者乃幫兇！


我曾於此forum多次講過，只要食新鮮蔬果魚及肉便已是最佳補品，無須將啲hard earned money咁花法！

引用:

原帖由 suewong 於 2011-6-24 13:26 發表

又說泛民議員反對修改基本法, 所以內地媽咪來港產子; 又說肥彭干預立基本法, 專登比新移民湧現....

咁我想請教黃小妹妳高見，大肚婆湧港呢壇嘢，搞到如斯田地，仲留底啲有問題B俾凸府照顧一世，若然修改基本法可令此問題解決，更減少呢類不幸之問題B成長後致令香港第日隨街都見此慘況，妳贊成「特事特辦」去修改嗎？  

If your answer is negative, then妳認為由得佢令情況繼續惡化落去，抑或妳已想出更有建設／前瞻性之高見呢？請批示！