引用:

原帖由 老何 於 2011-8-19 14:02 發表

...不要質疑, 責怪港大了！

是否逢中必反，先叫正氣、時尚、勇敢？

能夠侮辱八產黨／凸府官員先稱得上民主先鋒、民族英雄？

當年到達中國固有領土香港之英倫紅毛鬼官員／頭戴殖民地瓜皮帽之總督／Royal Visit, etc…你們那班所謂愛國民族英雄統統躲到那裡去？

點解當年啲暴民冇敢出嚟贈慶／搞事？做咗順民呀？吓？

引用:

原帖由 mtpen 於 2011-8-19 14:48 發表


是否逢中必反，先叫正氣、時尚、勇敢？ ..能夠侮辱八產黨／凸府官員先稱得上民主先鋒、民族英雄？..

再講，今次強哥落嚟行吓，你想反佢乜嘢先？

又平反六四？口都臭喇！

不如激啲，要求俾香港獨立吖，笨！

引用:

原帖由 liao_marco 於 2011-8-19 15:36 發表


........真係要聽吓黃姓癲狗既節目, 老何兄都講癲狗睇嘢準, 我諗香港出現動盪時日不遠了 ...

好吖！即管嚟料吖！凸府有強國解放軍 back up 坐鎮，實會有樣學樣，跟英國咁向暴徒 declare “all-out war”，採用以暴易暴, 武力鎮壓, 一於殺它死！

引用:

原帖由 suewong 於 2011-8-19 16:43 發表
只歡迎理性討論

高錕在位時 1987—1996, 有權貴到訪, 學生示威, 副校長要求處罰學生.  高錕反對...

香港係法治城市，全港左、中、右派都承認�謘H係冇？

咁即係大家要守法，話之你有乜訴求，而警務人員只係代表大眾市民维持秩序，and restore law and order而已。

既然法律之前係人人平等，天子犯法都要與戍民同罪，學子搗亂／擾亂公安，憑乜嘢法例可享免責特權？

持學生證有優惠呀？你估依家搭車半價呀？

引用:

原帖由 liao_marco 於 2011-8-19 19:53 發表

...差佬多為無獨立思想，不論高低級俱為政權服務時 ...

政府／黨指揮軍／警乃天經地義之事，冇乜唔妥！

反而好似啲假民主生番區，如菲律賓、泰國、巴基斯坦等國，由槍指揮政府／黨就仲大鑊啦！日日革命都似！

引用:

原帖由 老何 於 2011-8-19 21:04 發表

...警方於港大針對學生行動一事, 100%違法, ...

老何兄素來知小弟包頂頸，就算冒犯都係咁講，你唔鍾意八產黨官員係一件事，依家強哥假假哋都係港大／凸府邀請之嘉賓，若然咁莊嚴嘅塲面，俾呢亭幼稚冇腦、虛無主義、流氓文化嘅搗亂分子衝擊，甚至引致casualty出現，香港之所謂國際大都會，顏面何存？又成何體統呢？

到時怕又會轉過頭來blame凸府／警方保安／辦事不力矣！慘！

引用:

原帖由 mtpen 於 2011-8-19 22:16 發表


到時怕又會轉過頭來blame凸府／警方保安／辦事不力矣！慘！ ...

我無意中响電台聽吳乜森個到反中亂港節目，有條八婆問點解港英時代冇見咁嘅衝擊塲面？

佢真係冇見過大蛇疴尿，我堂兄弟當年乃革馬盟（革命馬克斯聯盟）份子，明知今日強哥來港，琴日政治部探員早已拉咗我呢位兄弟佢番差館喇！

引用:

原帖由 理魯竇 於 2011-8-20 15:32 發表


人在江湖，身不由己。任何人坐到呢個位，都會係咁。

理兄呀理兄！你話我哋中國人係咪低等民族，又或被詛咒咗呢？

百年前革命推翻滿清，過咗成百年，啲所謂有識之士，仍念念不忘成日話要再革命。人哋法蘭西1789年革過命之後，到依家成二百幾年都冇使天天講、日日講話要再革命！

有時唔知好笑抑或可悲，睇見呢個 forum 啲兄弟姊妹提到港大呢次強哥個 Royal Visit，鬧到徐校長隻狗咁，差唔多被定性為漢奸走狗、歷史罪人一樣，為嘅係冇响個場度企埋响那一少部份反中亂港機會主義份子與及嗰條啣住奶咀嘅所謂大學生，未見流血傷亡就已好似死老豆哭喪咁班友嗰邊！

引用:

原帖由 理魯竇 於 2011-8-23 23:24 發表


筆兄呀筆兄，呢個 topic 我都唔係幾敢搭嘴，因為到現在都唔明 "只歡迎理性討論" 是什麼意思 。

理兄呀理兄！你真係激死人喇！

黃小妹早落御筆批示你做呢個 topic 嘅主筆，佢大小姐咁睇你台戲，你仲話唔敢搭咀？  

以我有限之智慧去遄摸皇妹佢意旨，「理性」乃指「理」魯竇兄「性」格之人。而只歡迎「理性」討論，即係只歡迎理兄你講嘢呀！死蠢！

好彩，阿筆我跟老兄乃同路人，「理」念及「性」格相近，掹車邊都算 qualify 搭吓咀！

引用:

原帖由 理魯竇 於 2011-8-23 23:24 發表


而家攪到亞校長兩面不是人，何苦呢？

睇見港大呢間百年老店，原本有着莊嚴崇高學術地位，今次俾班虛無主義、流氓文化嘅打靶仔搞到反轉哂，仲要向野蠻歪理屈服，我真係要代徐校長申寃！

大佬！我接受校長一職時，冇人同我講過除咗作育英才外，仲要兼附訓練革命黨人才喎！

係你哋搞錯哂，呢度唔係黃埔軍校，亦唔係香港軍事革命學院。係你班躪癱入錯大學讀錯書而已！

如果我一早知港大個格言，早已被改為「命得革命」，要命中注定得以搞革命嘅話，你哋揾十人大轎抬我都唔嚟！

呢班死仔乾，柴娃娃搞革命，佔着茅厠不拉矢，浪費納稅人金錢。我早已聞香港為反華基地，但估不到連港大呢個學術機構都俾逆賊滲透把持，做完呢個contract 都咪鬼搞我，見到啲生番怕怕！

引用:

原帖由 liao_marco 於 2011-8-24 19:36 發表
其實啲差佬係好白痴,應該推入後樓梯後,應該大聲叫可以俾佢哋離開, 佢哋賴死唔走就一件事,...

呢班正打靶仔食飽飯等屎疴，咁好機會入到一級大學，唔好好用功讀書，走去花時間搞legal proceedings，仲以為好威，條簽都有教，威人威威不是威！

咁鍾意搞搞震，無謂嘥人個學位，自己亦阻住去威嘅時間吖！嗱，即刻退學，落區跟癲狗又好，長毛又好，爭取實戰經驗，話唔埋夠出位，一两年就做到尊貴議員，行行企企，收幾盆水一個月，好過做雞吖！

引用:

原帖由 liao_marco 於 2011-8-24 20:10 發表
  爭取實戰經驗, GOOD IDEA, 使唔使保送去ALBERT叔宗主國既政戰學院進修,以備向特府發動總攻擊

咁搞作分分鐘俾人誤會「返工第六」��噃！