引用:

原帖由 Tarocake 於 2012-5-19 02:39 發表

呢幾日真係忙到差點連阿媽都唔認得。兼仲要日日四萬咁笑面迎人，真係賺得小，襟得小，小完仲要你笑。..

陪飲陪笑冇所謂,做成單大刁有錢落袋咯,咪搵人陪番飲陪番笑囉,係冇?

引用:

原帖由 Tarocake 於 2012-5-19 02:48 發表

筆老大正確，但近年以中國人及白人中層白領較多，因為近Canary Wharf. 我有一建議給中庸兄，買我住果度Isle of dog, 投資頗穩陣，因為租盤長期供不應求。

我唔係想同芋兄你抬槓, 大家要用逆線思維去諗嘢, 若然租樓俾人咁好搵, 應該大把人响果度買樓租俾人住吖, 點解會供不應求呢?

總之落叠之前, 要計清楚得失, 值唔值得食濕熱茶飯? 要知英國興furnished, 連燈胆、熨斗呢亭瑣碎嘢都要包埋, 莫講Central Heating個Boiler喎咗咁大鑊, 收收埋埋嘅租都未必夠冚呀!

仲有各種tax呢? 交易費呢? 例如搵人出租、管理、收租…在在係錢, 諗起都雪雪聲!


最最重要, 英國出口約有成50%輸去歐盟。歐盟衰, 英國實衰, 故英國樓以至英鎊有排跌, 芋兄你果 £1=US$1.7嘅蟹貨要預咗長揸坐艇好了。

睇我頭喇, 阿筆我唔入市你唔好郁, 切記!

引用:

原帖由 Tarocake 於 2012-5-19 10:22 發表

筆兄，請問所指小黃是誰？

小黃係我個friend, 佢喺英國駐重慶領事舘裡面司職所長, 專攻男厠, 極受中外人士器重的。

芋兄若响當地出事, 可逃入領事舘搵小黄招呼吓你, 但被捉黄脚雞則保你唔到。

引用:

原帖由 蕉園仔 於 2012-5-19 14:28 發表

現在還學長一個債，我已找回那個相片遮遮掩掩重要部位的電腦相片程式，就是Photocap ver5.01，是個免費軟件來的。...

非常多謝蕉兄義助, 巴打真係巴打, 唔該哂!

引用:

原帖由 Tarocake 於 2012-5-19 17:32 發表

筆兄，早響AR，我果朝先同佢老頂"西門摃扞"開會。如果知你老友係果度，我同Simon 單聲等佢升快D.

多謝芋兄嘞, 小黄好滿意佢份所長優差, 唔想升喎!

引用:

原帖由 Tarocake 於 2012-5-19 17:42 發表

..美食當前都無法享受。有時孤獨一人前亦然。有苦自知。希望筆學長能組織飯局，相信會好享受。

飯局呢啲瑣碎嘢慢慢搞都未遲, 反而首要諗諗點樣振興九龍仔大坑東昔日光輝更重要, 我稍後整個proposal俾大家研究研究, 可否活化我哋故居。  

引用:

原帖由 Tarocake 於 2012-5-19 23:28 發表


折騰左6個小時終於安抵香港。以前國內short haul 回港的餐小弟都怕怕，今日餓一餓，成份餐吃清光。特拍下此照警惕自己，凡事要知足，世事無絕對。

《知足的人有福了》馬生福音第六章第四節。

芋兄, 抵你長食長有!

引用:

原帖由 Tarocake 於 2012-5-19 23:03 發表

理兄，當年你亦是在洪崖洞影吧，你會發覺河岸綫亦越來越窄，滄海桑田！

睇嚟各位兄台對強國嘅偉大建設略有微言, 又話呢度濶果度窄咁。

喂大佬, 你哋係遊客嚟㗎咋, 我哋唔係淨係為遊客而生存㗎, 我哋重慶人民要建設改善㗎!

小平同志講得好, 發展是硬道理, 你哋唔鍾意就咪嚟, 咪响度說三道四, 嘰嘰趷趷!

引用:

原帖由 Tarocake 於 2012-5-19 17:32 發表


筆兄，早響AR，我果朝先同佢老頂"西門摃扞"開會。如果知你老友係果度，我同Simon 單聲等佢升快D.

同芋兄講番我個响英國駐重慶領事舘裡面司職所長嘅friend小黃, 佢原本係五嶽山高人, 之所以肯甘於現狀, 冇好高傲遠, 乃有感於叻果個死果個。

呢, 佢上手小李咪叻過頭衰咗囉! 小李系屬三山高人, 除咗飛刀叻, 放飛劍仲叻, 射親乜嘢, 唔淨止百步穿楊, 加埋佢嘅插沙功力, 百步穿牆都惦, 甚得領事夫人及位內一眾女士器重。

可惜有次發錯功, 响廁所隊冧牆, 搞到响隔離會議室開緊秘密會議嘅高層甚為不滿, 罪在功高振主, 冇大冇細, 卒之炒鬼咗佢。

引用:

原帖由 chungyong 於 2012-5-21 19:05 發表


筆老大, 非常多謝你的真知灼見,所言甚是！ ...

中庸兄唔使咁客氣,啲料最緊要啱使就好了!

引用:

原帖由 chungyong 於 2012-5-21 19:05 發表


...另英磅已稍為回落，定當等你出手才跟從。...

記住,淡定有錢剩,冇錯㗎嘞!

引用:

原帖由 Tarocake 於 2012-5-19 23:28 發表

筆老大，熱切期待老大的鴻圖大計  

其實我呢個鴻圖大計概念源自早前提及英倫之地域性歧視。

九龍仔大坑東原本真係一個好區, 旺中帶靜, 交通方便, 仲風水好, 响果度出身嘅街坊家陣個個都發, 但最衰係港英時代啲九流唐人師爺將果一帶啲地名亂乜咁改, 以至豪唔起來。

我打算展開一場波瀾壯闊嘅運動, 平反六10 四年前或更久嘅被人惡毒歧視、亂改cheap名嘅寃案。

我會用唯物辨證法, 實是求是地, 以大胆假設, 小心求證態度, 採用公平、公開、公正, 及合情、合理、合法方法去將呢個世紀寃假錯案翻案, 除去大坑東居民被強行加上《九龍仔》呢個似乎有點兒那個, 又不切我哋尊貴身份之名稱, 還各位街坊一個公道。

我哋首先要做嘅, 就係要搞《正名》, 因名不正, 條氣就唔順矣。我手上有足夠證據去支持我嘅聲稱指大坑東原屬九龍塘區。我1956年就讀培立小學果本手冊上 (見附圖) 個校址清楚寫明係九龍塘村, 七層大廈A、B座 (即芋兄祖屋13、14座之古稱) 對面, 仲有假?

即係話, 《九龍塘大坑東》呢個名先至係啱嘅!

我早前曾放上一張我收藏嘅舊地圖,係晶報1966年創刋十週年時隨報附送嘅 (見附圖),大家請留意上方中及左皆有《九龍仔山》出現。

除非此两個《九龍仔山》原乃一脈相乘,連綿東西,因建鐵路而被斬開两邊,否則當年可能有人搞錯咗,誤將大坑東當作橫頭磡,亦將之稱為九龍仔而已。

我有理由相信,九龍仔係响橫頭磡,是實亦如是,否則九龍仔公園不會响橫頭磡! Or又唔見佢哋叫花墟球場做九龍仔球場?

引用:

原帖由 Tarocake 於 2012-5-22 00:13 發表


筆兄，小李身懷絕技，在外面大有作為。不用擔心。但我反而擔心你老友精神是否有問題。無端端在廁所隊牆都有，真費解！

並不費解, 小李咁做法响冇功夫底嘅人嚟睇似乎係short short哋。

正所謂薑不磨不辣, 劍不剷不利, 老兄或有所不知插沙功是怎樣煉成的。

引用:

原帖由 Tarocake 於 2012-5-22 00:14 發表

大鑊，攪唔清1149兄今次是醫生還是求診者。

想多口問句芋兄,求診者跟患者有何分别?

引用:

原帖由 scottiehong 於 2012-5-22 20:34 發表

去圖書館搵料, 無意中搵到本 "舊區新語--九龍仔" 有興趣可以睇下

本書正呀, 康兄!

冇見咁耐, 康仔 & 康嫂好嗎?

响本書度睇到啲乜嘢猛料不妨放啲上嚟與大家分享好嗎?

引用:

原帖由 Tarocake 於 2012-5-22 10:29 發表

筆主任，早上好，小李同志由插沙練到隊牆，你都咪話唔服。我有理由相信小李別號九哥，祖藉山西，在昂坪練功，人稱昂....

芋兄您好!

冇錯, 正是九哥也!

此小李九哥確是祖籍山西, 佢老祖民初時被賣猪仔往南洋, 後定居仰光, 為咗入籍當地, 改姓昂山, 傳聞跟家陣好勁果個昂山乜基家族好似有些少景轟。  

至於响昂坪練插沙功叻到鋼板都到穿窿果個係佢細佬阿七而已!

引用:

原帖由 Tarocake 於 2012-5-22 23:44 發表

另外阿七勤練功，日曬雨淋，黑到似賓仔，所以又名賓....

芋兄, 請恕我引用蕉兄早前嘅温馨提示, 你冇有做得用racist字眼去形容我哋附近人民鍾意生/種芒果及吔蕉之國吖, 賓賓聲唔係幾好聼嘛!

雖然呢個香江第一才子口中嘅傭人國家衣家似乎想蝦強國, 致令老兄產生民族主義意識唔like佢哋, 但不可睇少此國, 因佢哋或會有一日成為現今世界超級強國–美利堅合眾國之一個州!

我唔係响度亂噏, 那些年全球恐共兼打越戰, 花旗及賓國確曾商議入州, 碍於強國英明領袖毛主席伙同四人幫強列抗議有個咁嘅州响下面, 並威脅用人海戰術派一百萬隻大眼雞漁船南下攻賓, 以至最終賓不成州而已!

引用:

原帖由 Tarocake 於 2012-5-23 14:11 發表

..筆兄可知道全世界最正芒果在那裡？

唔知,咁問法一定唔係呂宋,請芋兄多多指教!


莫非胯下?

引用:

原帖由 Tarocake 於 2012-5-25 17:36 發表
弊！筆老大無出來指導工作已逾6秋，再過3秋仍無音訊即考慮報警。

鎖你芋兄, 唔好報警住, 我正忙於幫人爭奪總值約一仟萬遺產, 稍後再匯報, 你哋傾住先, okay?

引用:

原帖由 Tarocake 於 2012-5-29 19:38 發表
1路過市集順便買幾個超巨型Aubergin , 專登放罐 Perrier 作 比例

鎖你芋兄,都仲未係我要果隻,革命尚未成功,仍須努力喔!

引用:

原帖由 1149 於 2012-5-28 13:40 發表

老婆問,若她先死.我會怎樣? 我說,剛好汰舊換新,她氣得七竅生煙.罵到臭頭. 沒良心的禽獸.....花很久才能安撫她.

我原本仍忙於幫人争身家, 進入如火如 [茶] 階段, 但俾49兄引到我忍唔住都要噏番兩句。

我早前都响度曾講過, 升官、發財、死老婆乃麻甩佬人生三大喜事, 若果夾啱時間仲正!

引用:

原帖由 Tarocake 於 2012-5-29 23:39 發表

筆老大，唔好玩我啦，英國邊有咁大呀，定係你想搵細架。由於你多秋無蒲頭，致使我今晚無心出外覓食，只在酒店buffet 攪掂，老規矩，張單入你數

多謝芋兄辛勞替我找Aubergine, 但這不是大少問題, 而是完美與否之問題。

你條bill等我搞完爭產案再同你處理。

引用:

原帖由 rfong50/50 於 2012-6-1 01:17 發表

各位九龍仔街坊, 學長大家好. 閒來興之所至欲尋找兒時所生活的地方的一點一滴而搜尋至此. 喜閱各街坊學長的童年往事, 百般滋味在心頭, 驚嘆時光飛逝轉眼已是 ...

我謹代表九龍仔大坑東街坊、大坑東官立小學及此forum各網友熱烈歡迎rfong50/50 (為簡化聲呼, 你不介意我稱老兄為《方兄》好嗎? )!

我因近排事忙, 方兄你哋傾住先好嗎?

我哋要珍惜此難得之平台, 大家都要出一分力, 唔好俾呢個貼沉落底而被鎖貼, 我一有空即蒲頭, okay?

引用:

原帖由 rfong50/50 於 2012-6-1 01:17 發表

直行右轉入榕生巷一直行就會到達1149兄所提及的公廁. 再直行就是蕉園, 左轉就是往大同的方向了 ...

方兄, 未上約十呎高之石級右轉往大同中學前, 還記得有一口井嗎?

我們就是靠呢個井才有水飲用維生的。