引用:

原帖由 hkgalbert 於 2010-10-12 20:28 發表

當然，人人都望子成龍，然而若真的每人都是龍，那條龍還吃香嗎？

Albert兄講得啱，掉低個仔俾賓賓凑，滾完滾罷，番到屋企行貨式剩係用把口叫個仔勤力啲讀書。

若然賓賓可代替你哋，不如佢叫賓賓做亞媽喇！

如果教仔係咁簡單，望吓個仔就會成龍，我唔識生呀？成打都得呀！

身教呀！親子呀！長期關愛呀！唔係霎時愛心呀！

唉！Fuxking Stupid！

引用:

原帖由 scottiehong 於 2010-10-18 00:02 發表

大坑東 "清兵帽"...

多謝 Hong兄不辭勞苦，影咁多靚相，update 我哋九龍仔大坑東之近況，真係唔話得！

引用:

原帖由 小師弟 於 2010-10-18 13:50 發表

好極了，Hong 兄，遺憾的我不能傳相片，寶安商會學校不見了，換來宣道。

小師弟，我亦曾於 upload 相片時，有一方格跳出，說甚麼相片不合規格。見之不用理會，照去可也，請再試！  

引用:

原帖由 蕉園仔 於 2010-10-27 13:28 發表

小弟在網上搜尋舊照片時，無意見到這裡有個標題講九龍仔大坑東的舊事， ...

蕉兄，你好呀！

老何兄見個市冧緊，正忙於走貨。我代佢歡迎住你先。

小弟我係你大坑東官立下午小學師兄。我1962年响嗰度小學畢業。

得閒多啲上嚟吹水，講你舊史我哋聽，記得帶啲相上嚟呀！

引用:

原帖由 蕉園仔 於 2010-10-28 13:50 發表


小弟當年如何的清貧，家居位於蕉園，有的是破爛舊木屋，與港島的半山豪宅真是一個天堂，一個地獄 ...

小弟真的並非高材生，否則小學會考不會中、英、數全部肥佬。過幾日等我摷啲證據放上嚟等大家笑餐死。

我之劣作，白字連篇，有目共睹，實乃鵰蟲小技而矣。反而焦兄之鴻文，絕對冇失禮母校大坑東官立小學，真的！

老兄講及住木屋區之辛酸，一如正在描述緊小弟之童年生活。

我一年有一套新衫，是校服，於新年年初一開始着，去拜年都靠佢。每年只有一次可自己食晒一隻全雞蛋，乃於生日之時。同學飲冰凍歌喇，呀爸心情好時，會買幾粒汽水餅俾我哋幾兄弟妹放落清水度，喳喳聲升啲泡出嚟，除咗唔凍之外，都幾似汽水，但已覺得好開心、好幸褔矣！

引用:

原帖由 杜友明 於 2010-10-28 19:59 發表

食到牙都爛，所以很早便成無牙阿伯 ...

你自己懶唔擦牙又賴人！

引用:

原帖由 蕉園仔 於 2010-10-31 13:44 發表


MTPEN幾日唔見蒲頭，莫非又係要去走貨，等緊您張小學會考成續表啊、我的成續肯定比您差，
...

我啲貨做咗蟹，未能好似老何兄咁話走就走。

蕉兄真係唔好意思，我呢幾日忙於摷番張成績表俾你睇，可惜搬屋太多，唔知放咗响邊度，一摷到我會第一時間拎上嚟同你鬥衰。

引用:

原帖由 蕉園仔 於 2010-11-1 02:41 發表

九龍仔天主堂的教友啊，當年我經常都返教會學道理唸聖經，派麵條或其它食品...

初初天主堂仲有麪粉派，亞媽同我將之用火爐仔煎薄罉去瑪利諾神父小學個地盤前擺賣，當時應該係1956年該學校正在建築中。

麪包皮响我哋當時嚟講乃美食，我大老响A座(14座)間冰室做過一陣童工，久唔久都有攞到啲返歸俾我哋食。

引用:

原帖由 suewong 於 2010-11-1 16:46 發表

所以不是涼薄 / 老餅, 現在的年輕人, 埋怨人工低, 無前途, ...

黃小妹講開前途，我哋個嗰年代，邊有學人講乜鬼嘢前途啫。

正一見步行步，唔理好醜，最緊要有工做，�M家咪又去到羅馬！

引用:

原帖由 suewong 於 2010-11-1 16:46 發表


現在的年輕人, 埋怨人工低, 無前途, 買唔起樓. 點淒慘, 都不及前輩們, 衣食不足...

其實前途呢味嘢好主觀啫。你冇理由種豆想得瓜�瞴C

好似小弟我咁，自知出身唔好，讀事書唔叻，做嘢唔醒，我冇理由妄想前途會好似曾凸手又或李+ × 咁�瞴A否則便是佛家講嘅「貪」與及不自量也。

人有人，你有你，各人做化不同，自量最重要。At the end of the day 我有今日咁嘅結局，經已 more than happy 了，我話我自己已經係有前途咪得囉，雖然我外母到佢死嗰日都唔同意。

人不知而不慍，不亦君子乎？

引用:

原帖由 flowingwater 於 2010-11-1 17:15 發表

前輩就好已去到羅馬 我就只到羅湖...還有一大段路要走.

Don’t worry, mate!  

我好似你咁嘅年紀，我都估估吓�謕Q，我都冇諗到可以好似�M家咁呢！

樣樣嘢都要 take time �赯嚏A唔使急喎，照住條大路行喇！

引用:

原帖由 suewong 於 2010-11-1 21:24 發表


貴外母心頭都好高喎!!! 理工畢業, 識德文 / 英文. 97 前又可以移民...

黃小妹咪笑我喇！

正途唔係咁�謘I冇計先至用旁門左道啫。

我唔係想互相推許，小妹咁嘅 quali 先至係正途。正如我死鬼外母曾贈我：「你好命！」。佢冇講錯，我之有今日，係於特定時空、政局、機缘而衍生出嚟，妳叫我再做一次都做唔番。  

我唔係想對長輩不敬，惟是為是，非為非。人在做，天在看。還有大家網友在看，好就與人分享，唔好就勸人咪制。做義工或善事响網度都做得，唔使四圍騰�謘C

我老妻做女嗰時，見佢亞哥同細佬唔使做家務，問外母點解？

外母話解咗隨山走，仲狡辯話第日娶咗老婆有老婆做。

祖先不開眼，两個新抱都姓馮嘅，仲好老添。食飽飯两個剩係識得各自俚埋房，由得两個仔輪流洗碗，肉都赤埋。

老妻冇有識死，潤外母乜又話啲仔唔使做嘅，答曰：「唉！�M家世界唔同咗喇！」

唔銅就鐵，自己係女人，俾人蝦咗成世，都繼續咁蝦自己啲女，悲劇！

引用:

原帖由 flowingwater 於 2010-11-1 22:08 發表

家婆用藤條打新抱.後一代唔洗受皮肉之苦.係咪相對可以叫好D???

家婆根本冇權打新抱，此乃恰人文化，要批鬥。

反之亦然，我絕不贊同我老妻两個姑仔之所為。

我在諗，點解佢兩個新抱會咁對佢呢？無它嘅，因為你平時之所作所為令佢俩知穿你乃無知婦人，佢哋睇你唔起，話之你係老佛爺，所以掉轉頭恰番你。

引用:

原帖由 蕉園仔 於 2010-11-1 14:47 發表

首先讓我解說芽菜村上面的湖為何叫猛鬼湖，據說那個湖差不多每年都有小孩遇事的...

睇焦兄寫之童年往事，好似睇緊 The Adventures of Tom Sawyer，請繼續！


等老何兄去完重慶掘金返嚟，佢一定會 filing 呢段珍貴嘅歷史見證的。  

我唔係唔知有猛鬼湖呢撻地方，但我從來冇去過。我唔係怕嗰度有鬼咬我，而係怕返到屋企俾亞爸亞媽知道後我會變鬼啫，佢哋實殺咗我。

引用:

原帖由 suewong 於 2010-11-2 16:58 發表


90 年代初, 我讀 part-time master,同事放工去打波 / 睇戲, 我就 1 星期返 3 晚學,其他時間做功課, ...

所以我話黃小妹妳醒就係咁解，當時個個發緊夢，而妳肯犧牲玩樂，家陣咪可以印印脚囉。

其實 93 年我移民英國時，香港真係好易揾食。我仲記得部門有個馬臣（Messenger)會考冇科及格，佢居然考到入一間中資銀行做 Teller，仲成萬蚊一個月人工，Good! Isn't it?

引用:

原帖由 小師弟 於 2010-11-1 23:08 發表

臘玻璃線的方法基本上一樣，抱歉地多數幫隔壁的哥哥做過線的工作，用線轆收線，...

小師弟同焦兄，你哋就好喇，有錢買紙鳶玩。

我除咗執到你哋介斷咗人啲鳶又或撈到掛响樹上嘅之外，只得企响側邊睇人地玩，乜嘢馬拉、高裝，流晒口水。

高檔嘢冇得玩，唯有自制棺材仔玩。用張 A4 size 紙，摺成 U 形，加條尾一吋濶，呎許長，一樣飛得起，不過唔會太高，都聊勝於無。

[ 本帖最後由 mtpen 於 2010-11-2 22:53 編輯 ]

引用:

原帖由 蕉園仔 於 2010-11-2 22:32 發表

學弟那年教的是一位男老師，好像是性霍的，呢個老師都特別囉， ...

小弟1962年時在大坑東官立小學下午校讀六年班時，確有一男性老師姓霍，戴眼鏡，肥肥哋，鼻子大大，中等身材，年約四十多歲，是否教我英文則記不起。

至於焦兄述及1965有一霍姓老師教英文，是否同一人，則有待考證。

我記不起教我個嗰霍老師有否興揻女仔面珠dun嗰家嘢，但我對之極有印象。有年聖誕左右，佢請我哋十個八個窮鬼上佢深水埗順寕道政府資助嘅Housing Scheme豪宅家玩，仲第一次聽身歷聲音響。佢仲播一段唔記得係汽車定飛機，左右走動咁聲，真嘅一樣，聽到O晒咀。

�M家想番起上嚟，佢真係一個好nice嘅老師，冇階級歧視，佢唔嫌我哋爛身爛世。有個同學好曳，仲揻咗佢個聖誕樹上啲玻璃棉捽我塊面，痛咗我幾日，搞到我留下童年陰影，以後見到玻璃棉都怕怕。

大約廿年前，我睇到和藍大班霍見寕一篇訪問，提及佢Daddy係官立小學教師，住深水埗順寕道，我在想，霍老師是否他Daddy呢？又會咁啱佢個名有個寕字，莫非跟順寕道有關？

大約十年前，我响倫敦唐人街嘆茶，見霍大班坐响隔两張枱，有男有女及青少年共七八人。我原想走埋去拆解我之疑團，並想佢代問候霍老師老人家安好。惟老妻即時阻止，問我是否想高攀人哋而作罷。唉，有錢佬或者真係會少咗啲朋友嘅。不過若然是我呢亭窮鬼朋友，不要也罷！

引用:

原帖由 suewong 於 2010-11-2 22:03 發表


如果唔係衰身痕,  讀master, 跟住衰貪心, 攞獎學金, 去外國讀博士, ...

黃小妹攞獎學金去外國讀博士，相信是英倫吧？

若然是，請問何年？因倫敦唐人街好細，或者小弟跟黃小妹响茶樓撞過面也未定。

引用:

原帖由 理魯竇 於 2010-11-3 00:15 發表

西半山有一個叫做「鳶王」，我等山下的小輩出一隻死一隻 ...

理兄睇嚟同老何兄及 comm 兄响西環��過鳶了。

引用:

原帖由 hkgalbert 於 2010-11-5 04:16 發表

香港鮮有地方放了！

對呀！不過�M家啲後生仔唔會得閒去玩啲咁落後嘅玩意矣。

咦！突然醒起 Albert 兄去咗花旗都幾個月了，睇你 post 呢段嘢嘅時間，想必仍處蕃邦。

好快啲返嚟避寒囉噃！

引用:

原帖由 蕉園仔 於 2010-11-5 12:19 發表

HKGALBERT兄：好多謝你的告知，小弟這一輩子都不會忘記這個猛鬼湖的...

我諗啲人如果响石硤尾配水庫球場踢波而又冇睇掌故或呢個forum嘅話，未必知球場下面有咁多寃魂。

蕉兄所述之煙包遊戲冇乜記憶，可是我常跟家弟拾之作床上足球比賽。將每個硬煙盒剪開摺成两個A狀紙牌，不同牌子變成不同球隊或前鋒後衞等，錫紙則搓成波子狀，然後用手拍下令錫紙波子彈向對陣籠門，中途若跌在對方紙牌前，對方拍下彈回。輸咗盛惠公仔紙一張，或波子一粒。

你說得對，記得學校並無乒乓球桌，一般是用書包作中間分界網在地上打的。至於操行，應該不過不失，因若在校犯過而俾老師寫手册，返歸亞爸亞媽一定殺咗我，所以不敢作反。最無辜係嗰次屋企冇錢俾我帶返校交學費而被罰企黑板。

蕉兄响post #1249所述之揾銀大法，令小弟佩服不已！點解當時我唔識咁做呢？蠢即係蠢！

老兄腦筋轉數快，加以你一手好文章來看，想必正處高薪厚職，又或印印脚嘆緊世界矣，對嗎？

引用:

原帖由 hkgalbert 於 2010-11-5 15:33 發表

已回港一星期！老人捱苦夠了！要啃新鮮蒸鯇魚、新鮮菜心炒牛肉

..

Albert 兄，Welcome back!

至於解放呢啲番邦，咪呀！唔好咁快住呀！係都等我歸西咗先喇！免得祖家啲盛世子民帶埋啲假鯇魚、假菜心、假蕃茄土豆及假豆腐到彼邦破壞人類最後樂土，到時我想走難都冇碇落脚呀！

[quote]原帖由 杜友明 於 2010-11-5 16:01 發表

拍紅毛泥紙袋前面就是殺騎馬工場，紅毛泥..長滿了大大棵的野菊花，拍出來的泥麈滿天飛，/quote]

當時真係民智未開，殺騎馬工場居然會開响拍紅毛泥紙袋附近，食唔死算偷笑！

引用:

原帖由 suewong 於 2010-11-5 17:14 發表

平時觀察--唔慌高分...

黃小妹係老師即係老師，俾妳睇穿咗。

都係趁人少少，認咗先，費事第日咁啱响度真係遇到同班同學仔到時都係要認。

我人冇乜點，硬係鍾意一言九頂咁啫。

引用:

原帖由 flowingwater 於 2010-11-5 17:36 發表

阿水讀幼稚園時默書常取100分.但老師總給我豬仔.其他同學取一百分都是白兔仔.知唔知點解.

水哥仔呢單case問我就最清楚，因我坐响佢隔離。

鬼咩，佢係默啱晒呀，之不過佢搞到張紙又口水又鼻涕咁，汚糟邋遢！

個miss仲有隻黑豬仔印�謘A不過唔想hurt佢弱小心靈，費事佢留下童年陰影，所以只係揼隻白豬仔算嘞！