引用:

原帖由 蕉園仔 於 2012-7-28 15:14 發表

筆學長，你所說的路線不去到猛鬼湖裸泳，但學弟甚少用這條路線，我會在家往山上行，穿過山頂就到大同中學的沙地足球場，再落樓梯，就是那幾個吊環器械操之沙地，這樣會比較快捷。

蕉兄咁行short-cut法當然是正途, 因我從未入蕉園「視察」過, 以為蕉園與大同中學間會被陡峭山坡所阻隔。

咦, 咁那些年你去大同返學咪好快? 唔多過10分鐘一程, isn’t it?

引用:

原帖由 rfong50/50 於 2012-7-28 16:19 發表


筆保長有所不知, 之所以小弟對  大同中學 甚至 九龍仔附近地區甚為熟識, 實因正小弟乃街童一名, 每天大概有四,五小時都是在街山流連也. 究其原因, 正如其它街坊一樣, 年少家貧兄弟姊妹繁多. 家母須拿些外發加工 ...

唉, 無謂望過去, 盞心都碎。大家生於咁嘅環境, 居然都唔瓜得, 此乃萬幸。活到今天仍有飯食有屋住, 此乃二萬幸。Can’t complain 喇!

方兄自貶為街童, 其實係極之無奈之用詞, 亦可反影當年父母缺失之一面。

要揾食吖嗎! 喂大佬, 揾食還揾食嘛, 小朋友嚟㗎, 佢本性係好奇、活潑、跳蹦蹦的嘛! 佢要成長, 佢要依賴你愛心、耐心去引導、教育㗎, 係需要你每分鐘, 而唔係霎時, 嘅愛心呀! 就算架車泊响車房, 久唔久都要楂上motorway 去run吓架車吖, 何況喺佢出世時佢係你所聲稱嘅寶貝喔, 幾時咁快變咗嚿义燒呀?

若果時光倒流50年, 我與筆老豆互換角式, 此情此景, 我會開源唔到就節流, 一有空就拖住筆仔上大同捉金鳯、摘龍珠菓, 乘機親子。

Easier said than done? 非也, 確有實例。那些年, 許冠傑老嗲亦是一窮二白, 還是常常帶佢哋幾兄弟去公園遊玩, 咁就更唔驚佢哋亂嚟學壞/受傷啦。人家食雪糕、飲汽水, 佢哋就圍埋剝花生。稍有空, 佢就將件執返嚟嘅爛鬼黑板一齊教哂咁多隻讀書寫字。咪淨係睇人哋教子成材, 又被冠以好爸爸、好媽媽, 原來背後有犧牲、有做嘢㗎!  

引用:

原帖由 rfong50/50 於 2012-7-28 18:10 發表


其實當年還有很多玩意都很流行. 打波下, 拍公仔紙, 放紙鳶, 斜斜, 摺煙包等等,...

方兄講起兒時玩意, 有啲真係好危險!

老兄提到玩「斜斜」, 唔整盲隻眼變海盜船長算偷笑矣。可能呢個forum好多後生仔未見過「斜斜」係乜東東。

制作過程係咁嘅, 呢, 蕉兄早两日話將個荷蘭水蓋放响火車軌上, 等火車行過壓扁咗之後, 用槌仔加工揼平啲, 再用磨刀石磨利週邊。  

之後好似粒鈕咁篤两個對等窿在「斜斜」上, 穿上一條幼繩並加結於尾, 完成!

將個「斜斜」一邊繩尾勾在左手中指, 然後好似脆麻花咁擰十吓八吓, 再勾另一邊繩尾於右手中指, 當两手一開一合時個「斜斜」會好似風車咁轉。

我跟阿樑就玩得多「界」「斜斜」, 睇吓邊個條繩被對方「界」斷先。上天待我哋不薄, 繩斷後個「斜斜」咁耐都冇試過飛出「界」盲大家隻眼。  

引用:

原帖由 rfong50/50 於 2012-7-28 22:03 發表


講開現時呢代人, 唔知 筆保長對於十號風球 東鐵壞車服務癱瘓事件有乜意見呢. ...

有乜意見? 呵呵! 我大督筆講嘢從來都咁涼薄嘅!

我乃君子, 所以求諸己。只有小人才求諸人。  

夜麻麻已知打大風都冇啲危機感, 仲四圍去?

返工? 乜嘢工呀? 去滾咋係冇?

放工? 電台都教人留番响原地啦, 扺嚿佢死啦!

引用:

原帖由 rfong50/50 於 2012-7-28 23:16 發表


絕對同意, 八號風球都掛左 五, 六小時啦., 仲未返屋企, 意外壞車冇服務怪得誰, 開放個站俾你避雨仁至義盡, 再鬧下次八號風球縣掛後 三小時停止服務你都冇野講呀. 仲累埋街坊呀. 依家 D 傳媒巳經變成不同黨派的打 ...

妖, 一了百了, 以後一掛八號波就全線停駛, 以安全為理由, 吹呀!

啲反中亂港報紙佬打着所謂民主、自由紅旗, 進佔道德高地, 暗裡從中獲取不可告人之利益、支助、捐款, 與國際反華集團靠攏。

最慘啲冇腦刁民, 唔係先俾阿爺洗腦, 而係自已先洗自已個燒壞腦, 逢中必反, 連累埋未明大局之小學雞, 有書唔讀, 走去響應永遠英明正確嘅毛主席果套放手發動羣眾、炮打師令部、敢把皇帝拉下字馬…造反理論, 用紅衛兵式衝激特區政府, 夥用神棍一幫, 乜都反一餐, 到第日讀書唔成, 老豆唔俾錢個搞搞震衰仔使, 卒之鬥到老豆佢自已頭上就真該煨矣。

1967年暴動時, 我最聽得多左仔嗌嘅口號係: 「千言萬語, 就是一句話: 造反有理!」, 用之攻打港英偽政府。古為今用, 呢鋪真頭痕! 自少壯大佢哋個胆, 後患無窮。睇怕阿爺亦樂見其成, 當啲死o靚仔以為好過癮玩到出現暴力場面, 到時借勢出動人民解放軍及六四型坦克restore law & order就吾不欲觀之矣!

引用:

原帖由 rfong50/50 於 2012-7-29 15:34 發表

其實 摺/ 擲煙包 這玩意和現時的收藏閃卡差不多, 衹不過是現在的商人利用閃卡圖利, 而吾等當年貧窮兒童就廢物利用 ...

方兄與蕉兄提到之兒時流行玩意, 請各前輩繼續發掘更多以作歷史見證。  

但作為過來人玩家, 我大督筆有責任作補充其制作及玩法。但年代久遠兼患有老人痴呆症一期, 當中或有錯漏, 萬望各位網友街坊指正。

另蕉兄多次提到去猛鬼湖裸泳, 家陣啲後生仔睇到此壯舉, 仲以為老兄那些年已咁前衛興剝光豬曬白白, 跟當年香港天體會連伯氏乃同好。其實蕉兄咁做法乃另有苦衷者!

不過若啲八、九十後有咁想法, 可以理解。我並非想冒犯佢哋, 的確因夏蟲從來不會, 亦不可能見過冰也。呢啲富二代後生仔點諗得到去游水唔帶或着泳褲咁荒天下之大謬呢。

首先, 話明係猛鬼湖, 年中浸死過唔少o靚仔, 公然話去果度游水父母即場封殺, 絕對正確。仲去嘅, 一定係掩啞抵偷雞果隻, 當年莫講話冇錢買泳褲, 根本分分鐘連褲都冇得着 (尤指大督筆之類窮鬼), 唔裸泳條褲濕滴滴返歸父母見到實行家法侍候。故此裸泳以致自暴其短, 實乃迫不得矣。

蕉兄, 係咪咁唧?

引用:

原帖由 rfong50/50 於 2012-7-28 22:03 發表

當年我要揹住袋布鞋面, 由九龍仔行去 南昌街 元洲街交界果個公廁門囗, 搭五毫子貨車入去 荃灣 沙咀道 交貨.

方兄, 你所提到在你悲慘歲月時等貨車入荃灣果個元州街公廁係咪呢個?

我跟49兄從小便响呢度相遇過。

响大督筆人生中, 此公廁亦佔有非常重要的一席位。加上此公廁有着依利莎佰皇朝英冶殖民地風格, 連英國本土亦不復多見, 極之罕有, 值得保留。

更更重要者, 乃有着方兄及49兄此二偉人之「足」漬, 故屬國務院一級歷史保護文物, 邊個話拆佢我拆佢骨, 我說了算!  

又想訪問吓老兄何年在此出沒咁呢, 或者大家亦從小便响呢度相遇過也不定喔!

引用:

原帖由 rfong50/50 於 2012-7-28 23:16 發表

英國出到 5 大天王又點, 甚麼世界冠軍, 環法冠軍又如可, 結果又係三甲不入, 見佢地過 Putney 的時候重輸俾帶頭過兩個傻佬成條街, 就知冇得追啦 ...

咦, 奧運單車比賽經過Putney, 咁响TV度跟足攝製隊全程咪沿途可讓方兄緬懷當年根據地Richmond & Kew Gardens 一帶之風光?  

老兄那些年做學生時又或未有四個轆時有否在附近踩吓單車咁呢?

引用:

原帖由 rfong50/50 於 2012-7-30 13:23 發表


特別係果D 80後, 如果冇背景很難冒出頭架. 記得約十年前, 請了一個剛大學畢業出生於農村的青年, 才知道以他那種冇背景的貧窮農村戶, 要在 村,鄉 和 鎮 的考試中耍考前幾名, 才有資格去省市考聯招, 比起我地的下一 ...

洗腦? Don’t you worry! 大家過慮啦, 方兄你話係冇?

點洗呀? 用漂白/漂紅水呀?  

張櫈點會坐爛你個蘿柚呀? 一見有釘或夾蘿柚仲坐落去?

與其賴張櫈拮親/夾親你個蘿柚, 不如怪自己個蘿柚起哂枕或爛到開花冇哂感覺仲好喇!

以我大督筆幾十年經歷, 見盡邪魔妖道。從少受港英殖民地奴化教育, 返歸受到家長式政制專政、蹂躪, 絕無行動、思想自由。1957年响九龍仔天主堂受洗, Form 1 開始入讀所謂天主教學校, 讀Biblical Knowledge (BK) 為會考必修科。天主無所不在, 處處都在, 嚇都嚇餐死。

1967祖國江山一片紅, 耳濡目染反英抗暴, 紅燒白皮豬、生炆黄皮狗, 意圖及企圖離間我與哎吔契媽深厚之母子情誼。中宣部開動宣傳機器, 全方位對準港澳同胞搞軟滲透, 一如家陣派太空人上火星咁, 人哋N年前已爆到唔爆嘅核彈, 佢仲大鑼大鼓响啲中乜中物國貨公司 (青山道果間叫中建?) 貼哂啲自以為威水相片响窗厨演嘢, 連個頭甩咗都駁得番嘅神怪醫術。正一報喜不報憂, 年年大豐收!

另加堂細佬乃革馬盟核心黨員, 1975年响Vienna受不明來歷四人幫女同志誘X…等等。

咁家陣大督筆點呢? 愈信愈反!

我對阿爺冇好感, 見到敗壞天主教原教義者如過氣教主神亦棍之流就作嘔!

只要道行高, 百毒侵唔到! 信焉?  

引用:

原帖由 rfong50/50 於 2012-7-29 22:27 發表


記起 筆保長曾經擇居 深水��. 未知曾否幫襯過 南昌街 龍慶大酒樓. 小弟曾於 中一暑假期間於該酒樓做過賣黠心暑假工呢 ...

方兄咪玩我喇, 去大酒樓飲茶食飯呢�籪窶ㄥ弁襲@風�翵禸�幾時輪到大督筆呢亭連褲都差�釂N得���鼣h下中農呀!

我懷疑我第一餐茶係1968年尾,初入電話公司做安裝技工時, 開工前例牌跟師父去茶樓飲早茶及食午飯, �虃ぇY從用戶所俾之貼士度���鵅C成日唔使打皮, 超爽!  

老兄好記性, 我1963年離開大同中學�鄐U遷出九龍仔大坑東之後有成八年, 除�髐@年住�鄏鼮y道外, 兜兜轉轉�鉦`水�鶧洢蛈�, 分别係元州街、大埔道、兼善里、長發街、又再兼善里。直到1971年搬�髐J官塘月華街才算安定下來。

南昌街「龍慶」就冇乜印象, 反而我外婆住過大南街「一定好」茶樓樓上我就記得。

老兄可否記得那些年東京街與青山道鈒角位果間戲院叫乜名? 而東京街與東沙島街一段青山道有間「平價市場」百貨樓上間茶樓又叫乜名呢? 老喇, 記極都記唔番呀!





[ 本帖最後由 mtpen 於 2012-7-30 22:35 編輯 ]

引用:

原帖由 蕉園仔 於 2012-7-30 08:34 發表


學長又一次全中啦，講到家法侍候，當然就係騰條炆豬肉啦，最慘有時找不到騰條，順手就拿起開帆布床前和尾那兩條床棍，呵呵呵，那餐真係和味囉 ...

嘩, 乜蕉爸咁重手呀?

我唔係話打蕉仔你重手, 老兄你銅皮鐵骨實冇事, 之不過出動到帆布床頭或尾果两摝有两個筍位嘅棍, 若你受刑時郁嚟郁去走咗位, 錯手打斷咗果两摝棍就大鑊啦, 成張帆布床耷硬!

引用:

原帖由 rfong50/50 於 2012-7-31 01:39 發表

呢個話題, 小弟本來覺得唔關我事本來唔太關心. 不過, 事情發展到如今, 又遊行, 又話罷課, 就真的有D 問題喇.
首先, 理論上, 邊個人最大責任去教導自己的孩子呢? 邊個人對自己年幼的孩子最有影晌力呢?  ...

方兄, we speak the same language!

「邊個人最大責任去教導自己的孩子呢? 邊個人對自己年幼的孩子最有影晌力呢? 」& 「而非那些被父母遺棄, 管教責任作全部倚靠老師的學生」。   

好, 問得好! 呢幾句嘢一針見血, 夠直接、夠深入!

我成日以為淨係我老豆果代唔識教子女, 估唔到幾十年後今日都一春色!

我無後, 跟老兄一樣原本事不關己, 但本着幼吾幼以及人之幼精神, 多口水咁啫。

不過佢哋成長納税人使咗好多錢响佢哋身上, 名義上人係屬於其父母, 實則屬社會。Don’t forget佢哋叫「公民」, 不是「私民」, 我有責任出聲提點吓。兼且我日後繼續有否有退休金食, 好大程度上係睇啲後生仔女嘅生產力, 當然更不可成為社會負擔, 否則佢哋死即係我死, 你就當我自私好了。

唔合理的確係要出聲及反對, 但不要人云亦云以示時髦。諗都唔諗就逢乜都反一餐, 制造社會矛盾, 添煩添亂。

更不知不覺間唔好大教壞細, 令佢哋產生有anti-social behaviour傾向而不自知, 仲以為好正義添, 咁就正正啱哂啲陰謀家、抽水怪、搵飯食議員、促銷報紙佬、神棍、訟棍、教棍…一班別有用心冚窩神向佢哋埋手搵新血, 啲冇腦父母就自動送羊入虎口, tragedy!

另外, 以我大督筆在坊間所見, 包括親朋戚友在內, I’ve got a funny feeling, 啲小朋友當咗賓賓係佢老母!

啲所謂父母, 跟幾十年前啲人一樣, 仍舊拋出金牌護身符: 「我要搵食吖嗎!」去為不負責任、不識負責任、不想負責任做藉口, 以為有錢大哂乜都使人做, 連教育子女之天職亦復如是, 祝佢哋好運, 阿們!

引用:

原帖由 ali 於 2012-7-28 22:07 發表

我媽以前常做的「蒜頭豆豉炆柚子皮」

再講洗腦, 我哋果代個腦可以能分辨是非黑白, 簡直係奇蹟!

Ali兄講起呢味餸, 我老媽子亦常整, 勝在好味, 可送飯但又差唔多唔使乜錢, 乃窮人恩物!

若大家諗深一層, 咁嘅餸邊度有營養㗎? 個腦點發育呀?

唯一是可令人開胃猛扒白飯。但白米只係澱粉質, 乃含豐富碳水化合物為我哋提供熱量而已, 雖亦含少量蛋白質、維他命及礦物質等。

好彩當年大家都要週身郁, 好似方兄咁要狽住細妺通山/街走之高活動量人士, 否則應有之維他命就冇, 食完唔郁實變痴呆肥仔矣。

所以家陣嘅人, 例如芋兄咁, 平時又唔多郁, 千祈食好餸時要忍口唔好送咁多白飯, 因儲埋就係糖份之類致肥物質呀!

引用:

原帖由 rfong50/50 於 2012-8-1 16:06 發表


其實小弟雖自詡街童, 其實係指生活方式而矣. 家庭教育和全家�霰擛※�, 絕對不缺. 由於家父於船廠工作, 工作地點經常輪流於 牛池灣, 荔枝角 和 大嶼山 陰塢 等地, 故休息曰子不定時. 但每逢他休息的話, 都會有一些 ...

方兄有個咁顧家嘅嗲哋, 簡直羨煞旁人, 亦冇投錯胎矣!

老兄呢個又係另一個案例去證明, 只要有愛心, 搵食與親子是可以併行的。

引用:

原帖由 rfong50/50 於 2012-8-1 16:06 發表

但每逢他休息的話, 都會有一些家庭活動, 少則去美麗宮睇戲, 二三張戲飛, 六七個人入埸 (記得當年美麗宮早期是播西片的. 633敢死隊, 霸海奪金鐘, 火車大逃亡, 木馬屠城記等名片仍然歷歷在目), 大則 夏天一家大細去荔園游水, 其樂融融. ...

好坦白講, 以我記憶所及, 我老豆未帶過我去睇戲、未去過酒樓飲茶或食晚飯、未去過荔園、未上過大同玩…..

家陣大咗/老咗, 我同我家姐/老妻投訴老豆之不是。惟答案則一, let bygones be bygones, 人都死咗幾十年, 仲噏嚟做乜?

我唔同意! 這個問題一定要搞清楚! 我冇後好閒, 但我家姐有仔, 日後有孫, 我叫佢唔使避諱, 天子犯錯都要批判, 否則代代相傳啲衰嘢冇人敢修正、改善, 結果家族定必世代衰落去。

我知我家姐有包袱, 驚講出嚟俾人話不孝, 两個仔第日會有様學様批判佢。Short嘅, 教仔唔係咁教嘅, 只要你真心對待子女, 我絕不担心佢哋會抽秤你, 加上若你其身得正嘅話!

引用:

原帖由 rfong50/50 於 2012-8-1 16:22 發表


今曰的奧運公路計時賽, 就在小第主場, Kingston 和 Richmond 之間的 Hampton Court Palace 做起點和終點, 賽道就環繞於 Kingston 和 Richmond 之間(不經市中心及Richmond  Park), 而其中 Esher 和 Walton 更是 小 ...

照計乘主場之利,應該有國歌奏嘛,天祐女皇…啲子民!

引用:

原帖由 rfong50/50 於 2012-8-1 16:06 發表


所以唔好賴 「我要搵食�黺�! 」, 要搵時間一定搵到. 辛苦安排找出來的聚會, 更加令家人難忘 ...

我真唔明筆老豆當年諗緊乜, 佢當時仍只40歲左右, 自從生意失敗之後就冇再做嘢, 飲、蕩、吹做齊。算嘞, 佢自已响大陸民國時期都讀到中學畢業吖, 橫惦坐响屋企啫, 教吓我哋幾隻嘢功課都冇壞吖! 許冠傑嗲哋都做得到啦!

引用:

原帖由 rfong50/50 於 2012-8-2 00:08 發表


肇保長請忽耿耿於懷, 須知要一個人從失敗中重新振作, 走出失敗的心理陰影, 是一門專門的學問, 幾十年前那有這一種心理輔導的協助丫. 而且, 自尊心越強, 才能越高的人, 遇到失敗挫折, 打擊就越大跌得就最重. ...

一生人咁長, 有邊個未試過失敗吖?

只要唔眼高手低, 摸着石頭過河, 志在參與, 理得佢將來結局係點?

起碼在回頭望過去想番起那段失意時, 都曾盡力做人而無悔, 總之要get something to do, to kill the time!  

但我老豆呢個故事就係find excuse去達致人類嘅劣根性, 即懶惰。身為一家之主頭人, 不理其他家庭成員感受/生死, 活在自己世界中, 我會定性之為不負責任、不肯面對現實, 縱使有心理輔導, 佢都會take the easy way去繼續在夢中做人。天知地知, 佢知我知, 你就屈我不孝好了!

其實筆老豆呢亭憤世嫉俗行為對我家最致命之side effect係因佢之長期失業, 致令我哋無緣上樓住廉租屋, 輸在起步線。要知若有幸入住廉租屋, 等於向政府攞咗福利。


但那些年港英政府之廉租屋政策並無救濟、恩恤或福利元素在內, 就算其他家庭成員有工做, 主頭人失業, 佢會驚你賴租, 一概不批。而筆家响住屋方面從此要食自己, 搞到居無定所, 差不多一年搬一次屋。有次要填form, 其中一項是: 永久住址。永久? 點填呀大佬?
�q

引用:

原帖由 Tarocake 於 2012-8-2 16:09 發表
Wa Sai !
差不多兩周冇上來吹水，極度掛念以筆老大為核心的街坊們，大家別來無恙。 ...

Where are you right now?

嚇死人咩! 等我發散人四圍打聽老兄消息, KGB、FBI、CIA、MI5 & MI6, 國安局、日本海岸防衛廰、Hawaiian Coast Guard….even 中聯辦, 查過哂自從你一家揸咗隻三仟呎豪華遊艇出海去夏威夷跳草裙舞之後, 消失於雷達中, 連此forum資深太空衛星專家comm兄都話冇乎, 大鑊喇, 當日又成十幾號風球添!

好囉, 我轉頭去黄大仙幫你還神先, stay in touch, okay?

引用:

原帖由 rfong50/50 於 2012-8-2 15:45 發表


開波時間英國網站話 14:00( 香港時間 21:00), 香港電視台就話 19: 30 大家留意睇邊個才對啦.

England..England…England..England…事頭婆、我契媽…佢媽媽.!!!

引用:

原帖由 Tarocake 於 2012-8-2 18:03 發表



筆主任，加幾個字可能更押韻 for example. DLM/CNM, what say you please ?

我仲以為你留落太平洋某荒島, 冇諗過强國咁先進, 會上唔到網嘛!

契媽唔識強國國罵, 我代你直譯話佢知: What a fuxk!

引用:

原帖由 Tarocake 於 2012-8-2 17:58 發表



筆老大，剛剛找少兩個關鍵的：公安及香港警察。穿梭穗港兩地。日日有得震冇得訓。

點震法? 做咗貓王呀?

芋兄你唔賴架啦, 梁生新人士新作風, 香港警察已撥歸中聯辦, 即俗稱西環統領。在黨指揮槍之大前題下, 廣州軍區讓出駐港三軍總師令軍權令其隸屬西環, 而新架構阿頭已改名為「駐港三軍一警總師令」。  

返到大陸, 一touch到港人, 公安會自動refer中聯辦轄下之港澳辦, 下次知埞唔使條條fling, okay?  

[ 本帖最後由 mtpen 於 2012-8-2 22:22 編輯 ]

引用:

原帖由 Tarocake 於 2012-8-2 22:22 發表



筆老大，國內上網完全冇問題，而且我有VPN,非常通暢，奈何日日救火，真係一言難盡。

你出句聲, 我一定叫胡生幫你搞定, okay?

引用:

原帖由 Tarocake 於 2012-8-2 22:54 發表

Thanks My Lord, 會唔會都同你老友肥江單聲呢？

肥江? 哦, 死過翻生果個過氣中央領導人呀?

芋兄你諗得太遠喇, 我識果個胡生唔係強國就嚟落旗唔撈果個呀!

我呢個胡生係我同鄉兼同業, 大家一齊拍住上洗廁所識㗎! 後來我把口叻所以升咗做所長, 即大督。

我兄弟胡生都好叻, 強項係空手入黄刃, 唔使架生可徒手通渠。最近佢調任西環公廁, 所以佢响果區好聞名。連西環黨政軍大樓有乜塞屎渠都會揾佢客串吓, 故識落唔少有實權冶港幕後京官。


老兄即管交出响上高搞你班躪癱個名出嚟, 西環出手, 壞人冇鞋挽屐走。佢哋會發出大中華區通輯令, 有效行使區包括強國於歐洲新加盟殖民地英倫三島, 引渡佢哋落嚟歸案並無限期行政拘留。女嘅留番响西環黨政軍大樓備用, 男嘅派去尖沙咀九龍公園男同志公廁勞軍, 專供南亞裔朋友享用。

引用:

原帖由 Tarocake 於 2012-8-2 22:22 發表

老大可以的話，幫我整2句重d, 比 apricot + orange 更惡毒的最好，因為今次實在好慶，可能要被客戶扣起部份尾數，TMD!

唔使咁㷫, 暫時未使出到太惡毒字眼, 用住Piss off先啦!