引用:

原帖由 Tarocake 於 2012-8-3 09:45 發表

Good morning, 筆大督爺，通渠胡果然勁。提醒左我，好耐冇去西環買海味。

芋兄講起去西環買海味, 乃那些年居英時, 逢親回港渡假之例牌指定動作。

除咗自用之外, 鄉里搭買、送禮瑰贈, 成喼都係。

真奇怪, 回流後竟然冇再專登去西環買海味, 而對上一次去西環乃2005年上寶翠園睇樓, 咁嘅環境/location開咁嘅價, 唔制!

其實最主要原因係愈嚟愈明白海味之制作過程, 要保存得耐又要靚仔, 用化學品及添加劑係不二之法, 食落肚噃, 少吃為妙!

引用:

原帖由 Tarocake 於 2012-8-3 12:25 發表

老大，咁你點帶入英國境內呢？捉到罰好重！

Don’t you worry, 托契媽鴻福, 大督筆從來未俾Customs逗過。

兼且老兄都知, 從港赴英之班機, 晨早四、五點天都未光就到達, 應該係每日嘅第一班機到埗, 我哋行本土居民通道, 連印都唔使揼, 一馬當先, 再行綠色通道, 速速行唔好四圍望, Customs班大帝連早餐都未食, 佢理得你海味定老味吖?

引用:

原帖由 Tarocake 於 2012-8-3 09:45 發表

Good morning, 筆大督爺，通渠胡果然勁。

講起嚟, 我老友小胡跟大胡都有共通點, 就係通嘢叻。

小胡乃通渠聖手, 而大胡就係通藏功臣。

當年個個詐哂型冇人肯去食雪, 佢老哥冒着高山症之險, 硬哽呢嚿猪頭骨, 自願奉派去中國故有領土西藏同跌膊神棍一幫國際反華勢力對着幹。

到位後又搞大小三四五六通, 着手打通漢藏交通運輸, 又搞漢藏通婚溝淡, 卒之政通人和, 叻到通天俾中央睇起至有今日。

後遺症係你哋有冇發覺大胡成日木口木面, 藕吓藕吓咁, 此乃高山症中招特徵也。御醫話係咁嘅, 冇乜大礙, 由得佢喎!

引用:

原帖由 rfong50/50 於 2012-8-3 16:41 發表


前幾年有段時間都好嚴架, 出動埋緝私犬添. 不過 , 近兩三年又放鬆番. 無掩雞籠一樣, 任過.

方兄早排感慨英國運動員渣屎, 冇個叻人。

老兄有所不知矣! 皆由於個個貪生怕死唔肯攞條命搏呀!

想創好成績, 一定要瞓身落去, 好似強國啲鐵人咁, 死就乜就, 挑戰最高難度。

其實英國今次搞奧運好矛盾, 好想藉此鼓勵國民勤運動, 但又怕佢哋亂嚟受運動創傷, 加重NHS (National Health Service) 負擔。  

那些年我在英國, NHS曾有一段時期大力宣傳小心預防運動創傷。以我觀察各同事所得, 超過一半曾因運動創傷做過手術, 玩Rugby 同足球乃主因, 而最終亦要give up那些心愛之運動。

自從老妻右膝cartilage torn 之後我更開始留意, 亦give up 一切高危運動, 唔想因做運動而跛咗仲衰。

人嘅體能唔可以超越上天原本設計之上限, 否則一定傷。有名得你叫之傷患部位, 就更要小心出事, e.g. Tennis Elbow, Housemaid’s Knee, Swimmer’s ear….etc.

引用:

原帖由 Tarocake 於 2012-8-3 19:10 發表

Sorry to learn that，筆嫂是勞損或是運動創傷?請小心

多謝芋兄關心, 那是十年前的事了。

老妻先是在廚房學阿信咁跪在地磚上抹地, 站立起身時姿勢不正確, twist咗隻膝頭一嘢, 即時痛到標眼水, 隻腳跟住好似lock死咗咁唔郁得。

我見佢又唔係跌親, 唔理佢到我放工見佢只係腫咗少少, 跛吓跛吓仲郁得, 以為兩三日自動會好番, 冇去睇GP, 只搽咗啲正骨水。

如是者三日都冇好過, 見GP。話cartilage torn, 要盡快入院做keyhole surgery, 開三個窿响膝蓋, 將撕裂突出joint位果片軟骨剪平佢, 要全身麻醉。

好彩我公司個Medical Insurance cover埋佢, 不用等NHS排期, 可第日去Croydon 私家醫院Shirley Oak Hospital 即照磁力共振相(MRI), 醫生話最好做手術, 但我聽做過手術嘅同事講即使做咗, 舊患就是舊患, 久唔久仍痛, 分別不大。

醫生見我哋揸唔定主意, 建議先做物理治療三個月再看病情。真幸運, 好番九成。現已十年, 只於三年前又twist親跛咗三日, 基本上已達完全復完, 就算番風落雨都冇痛, 不過唔可以再踎响度或喪跑。

但每日仍要花半小時依物理治療師教落果幾招在家做。佢仲話一世都要咁日日做, 當做柔軟體操/Yoga。試過偷賴冇做幾日, 隻脚會冇力兼發軟蹄。  

Torn is torn, 冇計。所以奉勸各位網友街坊, 小心運動創傷, 一世㗎!

引用:

原帖由 Tarocake 於 2012-8-3 18:56 發表


筆大督爺，方學長，都要小心呀。這幾年我一年都會碰上2、3次有海關一早值班。加上經常有道友狗巡防。 ...

多謝芋兄提點, 我真係從來冇諗過係犯法咁大鑊, 一路以來冇理會, 真係大話夾好彩矣。

多口問句, 會否是新例唔准帶海味呢? 我只知唔准帶月餅、生菓而已。抑或帶少過免稅額就okay咁呢?

引用:

原帖由 Tarocake 於 2012-8-3 09:45 發表


講開西環，猶記起90年初剛上任西環中心，有個員工正排期做變性手術，煩事一堆堆。有空分享，

使鬼排期咁論盡唧, 引刀成一快, 乾手淨脚啦。

齊口啲用閘刀吖!

引用:

原帖由 flowingwater 於 2012-8-3 22:24 發表

我仲年少無知。話說７年前跟友人係ＢＡＮＧＫＯＫ唐人街某偏僻小店買左虎骨膏。
仲講笑話如果係ＨＫＧ比Ｄ狗聞到。一定嚇到掉頭走。依家諗起真５識死。

請教水哥, 虎骨膏有乜咁好?當真老虎骨做?

南洋啲神藥有時都幾work, 紅花油、獅子油….。  

有次老妻淥親, 攞支陳年坡佬獅子油一搽即好, 正!  

引用:

原帖由 Tarocake 於 2012-8-4 01:29 發表

筆老大，轉瞬間街坊們吹水又到200頁。值此重要時刻，而且閣下貴為保長，可否爲過往100頁中街坊們的積極參與作過總結，並為200頁來個kick off remark 呢

芋兄叫我做老大, 實在當之有愧, 還是叫我「大督」會親民啲!


九龍仔呢壇嘢大家有眼睇, 我係後輩而已。之前高人輩出, 非常熱鬧, 後來各大師雲遊四海, 甚或大隱隱於山, 少咗上嚟吹水, 致令大督筆可乘機攝位。

至於保長此一職, 乃各前輩大師行開咗, 我acting, 即暫代、署理咁咋, 佢哋返嚟我會一如概往, 歸邊站!  

際此200週頁, 總結過往果199.8964頁業績, 呢壇嘢係成功嘅!

除咗得到各網友、街坊支持外, 更喜獲各族、各省市、各派系唔同路線同志支持,
當中有街坊首長、青年才俊、商界翹楚、貧下中農、地富反右壞黑五類、工農兵羣眾、各式反中亂港疑中派、媚美戀英祟日㖭俄親加賴澳… (致賀人士眾多, 不能盡錄, 排名亦不分先後, 以免打交嗌交)。

最最重要係得到各中央國家領導人肯定及祝福, 否則芋兄冇可能响大陸上高都登得入, 故可以繼續發大嚟搞。而此forum已被國務院定性為愛港愛國愛美愛英…偉大傳媒文化產業, 執笠前要經各相關國之國務院外交部批准, 違者… you know..?

最後謹代表胡生(即大胡) 向各網友、九龍仔大坑東街坊作親切問好, 祝大家新頁行好運、身體健康、財運亨通、長食長有、長寫長有…見者有份!

更祈望九龍仔大坑東資深街坊望族陳茂利呢一波大步「Nam」過, 可繼續為坊爭光, 創造九龍仔神話!

引用:

原帖由 Tarocake 於 2012-8-4 00:53 發表


Thanks  God 筆嫂尚算大幸，除左柔軟體操外，要唔要食d  joint  care 幫助下呢？

乜都唔使食, 正常diet已足夠!

坊間有千百種補乜護物supplements,中國人尤其是最興信呢家嘢。  

除非係醫生, 我指西醫, 指出你確診缺乏乜嘢維他命, 否則千祈咪亂食, 嘥錢兼傷身。

我倆有個friend好好心, 見老妻曾膝蓋有事, 自己發 (浸) 開花膠, 送咗啲俾我哋, 聽講好嘢嚟, 都幾貴吓。人哋盛意拳拳, 推無可推, 唯有收咗佢, 但回家後就當垃圾丟咗佢。

呢位朋友就係我早前提到於去年以53歲之齡就腸癌去世果位。佢錢多身痕, 食埋好多呢亭所謂好嘢, 卒之咁後生就去咗。

其實我倆公婆都冇盡好朋友嘅責任, 我哋應該一早就忠實咁叫佢唔好信及食埋哂啲咁嘅嘢, 奈何怕忠言逆耳呀!

引用:

原帖由 Tarocake 於 2012-8-4 01:01 發表

老大，你估以前d 太監? 好spring 煩嫁! 前期心理評估及賀爾蒙反應觀察加埋都起碼1個月sick leave. 政治色彩濃厚，90幾人睇住我點做，人事部瀉得就瀉，班馬又處理唔好，連用廁問題都要我出手，唉!

諗落芋兄你呢位同事基哥 (妹) 真係施佛痕。

搞咁多嘢把袋咩! 既來之則安之, 就算有日要咩喎, 陀槍上陣都冇壞啫, 進可攻、退有守, 唔睇得都嚇得吖, 係冇?

仲有, 萬一有日突然反悔, 要起手都叫做有件嘢用吖, 好過嗱手唔成勢嘛!

若老兄當日搵我跟佢做個心/生理輔導, 我會勸服佢將之留低備用。

引用:

原帖由 Tarocake 於 2012-8-4 20:19 發表


老大，據我所知，佢地唔會想變番直。呢位阿(姐)透露佢係in-born 有呢種取向。唉，當年步步小心。 ...

為免重蹈覆轍, 芋兄第日in人時要打穩萬二分精神。

直問性取向實俾人告, 唯有睇頭眉眼額, 例如明明見果個係哥哥仔, 佢見到老兄你好似見到honey咁, 拋眉弄眼, 那就要醒扒啲喇, okay?

引用:

原帖由 Tarocake 於 2012-8-4 01:18 發表

方學長，係就好喇，下次筆大督爺伉儷回英時，可帶條馬友

帶條女友就好啫, 帶條死魚? 要嚟把鬼!

不過帶條女友就算過得Customs都唔過得… you know, 唉, 算了吧!

引用:

原帖由 rfong50/50 於 2012-8-4 01:34 發表

Torn Meniscus Cartilage 運動員就多數係創傷, 普通人就係退化. 除了要做適當的相關運動外. 膝部千祈千祈不要做一些平時唔做的姿勢, 或者同一個姿勢維持得太耐, 都很容易受傷. ...

方兄此教練式口吻, 非常專業, 大家一定要聽!

「適當」運動, 此句子大家亦要小心去理解, 尤其是「適當」二字, 會因年紀、身體狀況、場地、天氣...而作出修訂, 千祈咪一本通書睇到老, 好多嘢衰咗冇得番頭。因唔適當運動, 人做你又做, 整親仲衰。

我多次在此揭露, 話叫人多做運動乃世紀國際驚天大合奏之陰謀。別有用心者叫人運動, 呢個口號似覺無尚正氣、神聖, 已進佔道德高地, 冇人敢反對。佢哋乜人都有, 以鼓吹刺激消費之各行各業為主, 特登冇highlight small print話俾人知要小心運動創傷後遺症之嚴重性。

加埋一啲成日只係叫人減肥, 但又冇勸人減食, 本末倒置。只係叫人喪做運動, 又唔提勞損呢回事, 正一害人精!

等於見到個大花筒唔夠錢消費, 就勸佢做三份工去搵多啲錢去花, 而唔係叫佢慳啲洗, 小心捱殘!

正一無遮無扇、神仙難變, 小心俾人滾呀!

引用:

原帖由 Tarocake 於 2012-8-4 20:17 發表

Oh Sxxt! 我成日以為食多d 補品無壞，原來會弄巧反拙。

再講Cartilage Torn, 即軟骨撕裂膝蓋創傷, 以我睇筆嫂果劑所得經驗, 做Keyhole Surgery應擺到非不得矣才好去做。

好彩當年唔喺香港, 否則我哋大有可能走去睇跌打, 跟住聽人講食番啲補筋骨補品就算。咁就一世矣!

呢種傷患, 有時捽两捽就會似覺好番, 若過咗黄金時期, 冇徹底糾正行番好個姿勢, 以為就住就住行得番就算, 卒之老咗就變舊患, 行親都痛, at the end of the day就要用拐杖或坐輪椅矣。

原來想膝頭joint位減少創傷或勞損, 要靠膝頭部位之muscle夠強。故筆嫂家陣日日在家所做之物理治療招式, 全部係針對性去strengthen 該部位之muscle。但估唔到, strengthen膝頭部位之muscle亦要同時strengthen 個hip位之muscle才竟全功, 呢啲就係物理治療叻過跌打嘅地方, 是要靠自己去strengthen the muscle, 而非靠跌打師父幫你捽就惦, 信焉?

引用:

原帖由 老街坊 於 2012-8-4 22:33 發表

更祈望九龍仔大坑東資深街坊望族陳茂利呢一波大步「Nam」過, 筆老大: 你意思係波叔都係我哋街坊?

Yes, indeed it is!

引用:

原帖由 rfong50/50 於 2012-8-4 23:37 發表


筆保長果然對Cartilage Torn很有經驗. 小弟對此之所以略有認識, 乃因小弟的波友都有中過招. 所以有點認識. 人地個個禮拜練波都要熱身喇, 佢地一兩個月先黎一次就即刻博老命.  唔知自己身體已經慢慢開始退化,  ...

對呀, 運動原意都係想話活得健康啲啫, 若然因此而引致創傷又或永久傷殘, 那就極之無奈矣。

方兄之所以投訴英國冇體育健將, 以我在英觀察所得, 可能係宣傳創傷後遺症太過深入民心之過, 改變咗國民對體育運動嘅睇法。

以我接觸嘅鬼佬心態, 睇Rugby同足球嘅人就多, 叫佢哋落場就咪區, 正一乖過鬼!

事實亦如是, 搏一時之掌聲搞到掌聲過後自己孤獨療傷之悽慘境況, 值得嗎?

筆嫂當年搞到Cartilage Torn, 究其主因, 乃一如老兄所述, 改變咗生活習慣闖的禍。佢好興學日本仔、韓國佬咁蓆地而坐。閒時睇書、做針黹、煲電話粥…, 屈膝坐响地氈度, 尤其鍾意响二樓, 因地氈下木地板藏有通屋走之熱水喉管作Hot Water and Central Heating用, 每當屋外大雪紛飛, 無可否認咁坐法係會感到特別溫暖的。

人哋自少就早已習慣咁坐法, 問題不大, 咪人做你又做。其實佢未torn之前己試過咁坐法太耐時, 一後起身個膝頭哥會淵淵哋兼啪啪聲, 只是冇經驗不為意而已。

引用:

原帖由 rfong50/50 於 2012-8-5 13:20 發表

今晚男單網球決賽, 茂利如能放低心理包袱, 應該可以羸費達拿奪金而回, 因費天王的狀態真係很差. 除非又打唔出水準, 否則今屆 茂利 羸兩個金牌都唔出奇., 因為 男單同混雙都叫緊糊架 ...

謹代表Kingston/ Richmond/ Kew Gardens退任街坊小方、Dockland現任間歇性街坊大芋、Wandsworth候任街坊大庸及Croydon過氣街坊老筆, 祝茂利仔今鋪大發神威, 數費柴光蛋以報國仇家恨!

引用:

原帖由 Tarocake 於 2012-8-5 17:49 發表

不過你提起中庸兄我對佢有些少意見。佢老哥幾日無見，十成九呢排買歐羅執左好多，跟手北上尋作歡樂，但係又冇預我份，唔知你有無定d. Code of conduct 可以批評下呢 ...

有,第六章第四節寫道:

不可重色輕友

引用:

原帖由 Tarocake 於 2012-8-5 17:49 發表

佢老哥幾日無見，十成九呢排買歐羅執左好多，跟手北上尋作歡樂，但係又冇預我份 ...

仲有,第八章第九節咁寫:

兄弟如手足;夫妻如衣服。
有福同享;有鑊走清光!

引用:

原帖由 rfong50/50 於 2012-8-5 22:01 發表


筆保長 茂利先勝笫一盤 6 : 2, 費天王狀態真一般. 茂利呢次有機會喇.

茂利仔努力! 加油!

全国上下一条心、打到費柴眼金金!

引用:

原帖由 rfong50/50 於 2012-8-5 23:18 發表


英國輸左鞍馬塊金牌緊要, 茂利剛剛為英國羸左面男單網球 金牌 6 : 2, 6 : 1, 6 : 4..

謹代表契媽、各有關單位街坊、皇孫妃御妺Pippa錫錫!

引用:

原帖由 rfong50/50 於 2012-8-5 23:18 發表


茂利剛剛為英國羸左面男單網球 金牌 6 : 2, 6 : 1, 6 : 4..

英國茂利好波!

九龍仔茂利屎波,冇厘政治智慧!  

引用:

原帖由 rfong50/50 於 2012-8-6 10:01 發表


所以 小弟寧願每曰與股壇大鱷, 國際炒家於金融股海中鬥法, 都唔會去炒樓, 因為會將無辜用家拉落水做成市民互相踐踏. 有計的話大把方法搵銀, 唔須要搵呢D無辜市民的錢. ...

方兄呢亭大鱷果真已達最高搲銀境界, 連道德投資都有顧及埋, 我好相信老兄每晚都有覺好瞓。

响英國買基金, 其中會問啲客, 有否投資道德禁忌, 例如摒棄煙、酒、賭業等。我諗老兄咁炒法純屬遊戲人間而已, 賺錢與否已不大重要了, isn’t it?

引用:

原帖由 Tarocake 於 2012-8-6 13:01 發表


HS! 輸牙較又輸side bet, 老大叫Pippa 錫我得唔得呀！

I know you quiet well, Pippa扮哂嘢, 太淑女, 唔啱你嘅。

呢, Amanda吖, 佢話落咗場會call 你, 記得開着mobile喔!