引用:

原帖由 Tarocake 於 2012-8-20 12:24 發表

老大，好呀。中左之後，找方學長指導我抄幾轉Accumulator, 只抄高yield 高風險，因爲獎金始終是橫財，蝕盡都唔肉痛，將1 個billion 變十幾個billion ,當然學長該收幾多佣照收。我留起1billion 到湖南桃 ...

芋兄, 你抖完瞓醒好交代清楚, 若果你真係方兄放上嚟段新聞果個光頭肥佬, 响上個禮拜中咗果18億港銀EuroMillions, 你會打算包幾多個二奶?

坦白從寬、抗拒從嚴!

引用:

原帖由 Tarocake 於 2012-8-20 17:35 發表

老大，真係知我莫若你。我之選擇挑源縣建芋頭行宮，皆因此地為全國有名盛產美女，人民大會堂經常到這裡挑選服務員。到時已經唔需要分2奶，3奶，所有芋頭山莊內美女皆為後宮。(Shit! 未過芋嫂果關） ...

咁你都鬼馬嘞, 不過芋兄你不用太担心, 一塲兄弟, 你踩住我上啦!

若芋嫂問起, 你話啲囡係大督筆嘅, 與你無關。

我應承你, 我會好好幫你打理佢哋, 非不得已, 我唔會拈佢哋, okay?

係! 上次老兄果張正是EuroMillions也, 两鎊一手, 照去喇!  

英國自己出果隻叫Lotto, 一鎊一手, 都係一齊响有Finger cross Logo嘅shop度買, 但彩池好奀, 一般只會有一億幾仟萬港銀而已。

引用:

原帖由 Tarocake 於 2012-8-20 09:48 發表

老大，真係日頭唔好講人，HayFever 免疫但Flu 中招。日上廣州車廂空調唔夠，焗沙甸魚咁。希望小病是福。

芋兄你話中咗Flu, 有否發燒?

若冇, 唔好咁快jump to a conclusion定性話自己係Flu。

若只係咳两聲、流吓鼻水, 乃鼻敏感而已!

引用:

原帖由 Tarocake 於 2012-8-20 19:21 發表


提到桃源縣，除美女外，此地就是當年陶淵明首桃花源記所提到的桃花源所在地。

哦, 明白哂, 唔怪止得果度咁多桃源洞喇!

咁我哋九龍仔大坑東果條桃源街同桃源縣有乜喇能呢? 是否有從屬關係呢呵?

引用:

原帖由 1149 於 2012-8-20 18:10 發表

Hay fever 過敏的一種,免疫糸統中,一種mast cell,受到過敏原的刺激,釋放出組織胺Histamine,引起一連串的過敏反應.
...

多謝49大夫之相關資料。

好彩筆嫂尚未至到此失控地步。我哋識過两個唐人女鄉里就大劑啲, 一發作就口腫、面腫、眼腫週身痕。

英國的確多樹過頭, 我哋曾住嘅Park Hill根本就係個大花園, 我哋後欄係個森林, 我哋自己個前後花園都有成十幾棵樹。

每年三月至六月筆嫂就會間歇性病發, 除咗開花啲花粉外, 我剷草佢都唔可以出花園, 連草都會釋出花粉。

最衰煑食要開抽氣扇, 湧哂啲花粉入屋令佢病發。我哋走頭回港此乃其中原因之一。

引用:

原帖由 Tarocake 於 2012-8-20 22:15 發表

後欄係森林？咁會唔會有猛獸突襲，

有, 常有狐狸跳入花園, Badger咬爛fence及掘隧道整爛草地。

深夜有不知名動物在森林裡叫及打交。

不過從未聞有咬過人。

引用:

原帖由 Tarocake 於 2012-8-20 09:57 發表

多謝兩位，我又學多樣野

呢招我都係從啲鬼子佬度學番嚟嘅。

食隔夜麵包响香港人嚟睇, 簡直匪疑所思。

香港人唔識用oven, 我指傳統焗爐, 並非微波爐, 亦唔識fully utilize個雪櫃去儲存食物, 日日两頭騰落街買食物, 嘥時間。

無他嘅, 香港地買嘢方便, 縱壞哂。你試吓大雪紛飛要你吓吓揸車又或要行成個鐘來回先至買到嘢你都情願一星期買一次, 食雪藏嘢都冇計矣。

方兄冇講錯, 方包、乜包就算有Expiry Date/Shelf Life過咗期都食得, 因frozen咗嘅食物根本上係唔會go off嘅。連牛奶 (但要寫明suitable for frozen者, 否則個樽/包裝結冰後會爆)、魚、肉…都惦。

我哋有時食嘅麵包係成個幾星期前買落的, 家陣响香港都冇改變呢個習慣, 咁食法成廿年有多, 身體一樣咁健康冇食壞。

只要食之前一晚將呢亭冰硬食物從Freezer (冰隔) 放入Fridge (存放生菓、汽水那隔), 第日食時用錫紙包好放入焗爐度焗番熱佢, 你估唔到連法國麵包、Croissant、硬猪…曾經雪到冰咁居然仲會咯咯脆, 但千祈唔好用Microwave, 效果不佳。

至於方包, 用多士爐即可。當然, 生菓及蔬菜不可咁搞作。

引用:

原帖由 Tarocake 於 2012-8-20 22:41 發表


老大，呢兩種你以前已經提過，有無其他如狼，熊等...

冇, 狼嚟咗香港做特首。

熊俾芋兄你攞嚟做咗熊掌。

蛇都冇, 英國人咁懶, 蛇都死。

天鵝我屋企就有隻, 黑白間花, 有時都幾嘈吓!

引用:

原帖由 rfong50/50 於 2012-8-21 10:34 發表


報告 筆保長, 小弟向來睇事兩面睇, 睇報紙亦一樣, 既睇 保守黨 Daily Mail, 亦睇 自由民主黨 Guardian, 香港傳媒爭相仿效之 The Sun 亦有睇以維持多角度的原則. 既然有一些可供作吹水的話題, 定當提供予 筆保長及 ...

我亦是借題發揮啫!

我知雖然方兄離英時尚未有Lotto/EuroMillions, 但老兄亦時有回英探親及跟貼英國時事, 那有不知Lucky Dip乃電腦隨機generated而來, 中獎跟先買後買無關。

我又點會唔知老兄專登襯大家講起EuroMillions時放The Sun呢段純屬炒作嘅新聞讓大家得啖笑而已。再者, 英國人都好無聊啫, 由炒作呢段咁嘅所謂新聞可見一斑矣。

我亦知老兄不會偏看偏聽的, 就看你之鴻文思路就可得知矣。老兄乃金剛不壞之身, 百毒不侵喇!

我亦跟老兄一様, 左、中、右乜報都睇餐懵, 想睇吓佢哋點滾人法, 亦都得啖笑過吓日晨。一如我早前講過, 一個好嘅蘿柚邊會咁易俾張爛鬼櫈坐壞吖, 係冇?  

引用:

原帖由 mtpen 於 2012-8-21 12:30 發表

我知雖然方兄離英時尚未有Lotto/EuroMillions, 但老兄亦時有回英探親及跟貼英國時事, 那有不知Lucky Dip乃電腦隨機generated而來, 中獎跟先買後買無關。

可惜方兄當年已離英, 否則可參與英國萬人渴望之破天荒新賭博遊戲盛事, 番鬼六合彩!

比我哋香港遲了多少年?

引用:

原帖由 Tarocake 於 2012-8-21 13:00 發表


咁老大一日睇幾多份報紙?

過吓日晨啫, 睇得幾多就幾多, 好過日頭百無聊賴要瞓晏覺搞到夜晚瞓唔到!

引用:

原帖由 rfong50/50 於 2012-8-21 13:16 發表


筆保長說得對, 越多資料就越多話題, 越多話題就可以越多囗水花, 大家吹水吹到不亦樂乎. 睇下我地呢個 Forum, 剛慶祝笫200頁, 現在已經 212 喇. 大家越吹越起勁呢!

方兄說得對呀, 天南地北, 無遠弗屆, 乜都噏得一餐懵, 超爽!

我哋有幸生响呢個偉大的年代, 多得internet唔少, 各路英雄竟可安坐家中, 在唔阻人之情況下, 各舒己見, 交流心得見聞, 正!  

我哋嘅上一代冇人諗得到我哋呢一代老來可咁様kill the time法, 佢哋至多响榕樹頭吹吓水而已!

數數手指, 打從2002年在英開始上網玩ICQ/討論區至今已剛好十載, 確實獲益良多!

引用:

原帖由 Tarocake 於 2012-8-21 12:55 發表



舍下未有錢添置焗爐，只能羨慕兩位隨時可DIY各類美食，我在倫敦最喜歡2次加工pizza,放重mozzarella, 鳳梨，完成后放ilberico Jamon, rocket及truffle. 配以Chianti. 一個字，正！

芋兄話冇錢添置乃揾嚟講而已, 不如說唔肯改變現狀就真!

的確, 安部大大座英式build-in oven於kitchen的確掗埞, 兼且中式煑食未能物盡其用。

咁吖, 叫芋嫂買住部Microwave咁大部嘅電焗爐玩吓, 當你落街買咗個雞尾、菠蘿用錫紙包住焗熱嚟食, 試吓跟之與Microwave比較一吓, 你就知龍與凰矣。

你睇方兄家中都冇用Microwave, 唔通方嫂唔知世上有Microwave咩?

引用:

原帖由 Tarocake 於 2012-8-20 22:15 發表

後欄係森林？咁會唔會有猛獸突襲，

芋兄講起有否猛獸嗒人。

實不相瞞, 那些年大督筆其實有個小小非份之想!

我極之盼望森林果邊有晚突然跳隻家陣無線翻播果套陳年封神榜裡面果隻狐狸精入屋就果制矣!

莫講話襲擊呀, 就算劏咗我都冇計, 死就死喇!

引用:

原帖由 Tarocake 於 2012-8-21 18:07 發表

老大，呢樣唔難，我同方學長帶你到國內尋幽探秘，莫講話狐狸精，蚌精，蜘蛛精都有，At your call !  

一言為定!


嗱,若果我破戒問准筆嫂跟方兄與你两隻魔鬼上去尋幽探勝,蜘蛛精都冇所謂,不過你哋千祈咪蝦我新嚟嘅,是是旦旦整隻猪乸精我嘆呀,反面㗎!

引用:

原帖由 Tarocake 於 2012-8-20 22:13 發表


老大，你呢條問題的答案與北京道，上海街，恩平道等同出一轍。

冇, 我想温馨提示吓芋兄你又或方兄咁啫。

你哋知喇, 念新村同14座之間果條「桃源街」即你哋两位之前駐紮根據地所屬區份, 或者跟「桃源縣」乃同一品牌, 隸屬同一集團, 下次你哋再去花天酒地時, 不妨搭朶多口叫聲㗎己冷, 到時食嘢呀、買手信呀、打的呀, 又或…you know…叫/召咩嘅話, 打番個折都好吖, 係冇?

引用:

原帖由 rfong50/50 於 2012-8-22 01:22 發表

基本上唔賣六合彩. 除非感到可能差不多時間有機會中六合彩, 就會連買幾期,. ...

方兄呢句嘢真funny, 乜中獎都會有預感嘅咩? 下次再有預感不妨單聲預埋我喔!

我跟方兄好大分別, 皆因我是Lazy Player, 唔好叫我諗咁多, 最好放抵錢就等攞獎果隻。

其實我在英時亦非期期買, EuroMillions 彩池要過六億港銀、Lotto過三億港銀才落注。

咁玩法, 一年平均會有一至二次中£10。若冇記錯, 其他只中過一次£150及一次£70咁大把。回港後我上網買多三两年就俾佢check到我在境外落注, 警告我中咗都膝頭對上, 唔敢再買。

老兄當年在英又有否買英女皇做庄嘅National Savings保本彩票Premium Bonds呢?

引用:

原帖由 prettysin 於 2012-8-23 20:11 發表
小妹今天農曆生日 ，也可解說是有'生'之'日'，本想請各位大哥吃件餅，可惜年紀大了一點就手腳不靈活，上載不了照片......anyway 祝大家都快樂  

Happy birthday to you… Happy birthday to you… Happy birthday to 仙妹… Happy birthday to you…!

引用:

原帖由 Tarocake 於 2012-8-23 11:26 發表

對呀學長，老大契媽實激到生蝦咁跳，唔知老大契哥會有乜反應

該煨囉, 肉騰騰、條條fing!

你哋即刻幫我傳佢娘親衫尾拉入宮, 咁成何體統唧?

雖然係哎吔啫, 佢食得我茶禮就要好好幫我看住哈孫, 唔好俾人剝佢條褲!  

仲有, 啲MI6、MI4去哂邊? 截幅相都截唔到, 要佢哋嚟把屁呀? 信唔信我炒哂佢班食塞薯, 外判國家安全事務俾遠東果個強國吖哪?

人哋強政勵治,邊個試吓影胡生又或習生個孫啲咁嘅相, 睇怕條茂利冚家由太婆到個塞排隊剝光猪俾國安局班特務續個影幅大特寫並刋登於人民日報以作小懲大戒!

引用:

原帖由 prettysin 於 2012-8-23 20:11 發表
小妹今天農曆生日 ，也可解說是有'生'之'日'，本想請各位大哥吃件餅，可惜年紀大了一點就手腳不靈活，上載不了照片......anyway 祝大家都快樂  

有見仙妹未及製成生日蛋糕與大家分享, 為免伊人掃興, 謹代表大姐妳斜對面14座之街坊芋兄送上Sacher Torte以作慶祝, 原個已由DHL fresh from Vienna送到府上, 請留意門鐘響簽收即可!

引用:

原帖由 rfong50/50 於 2012-8-23 22:06 發表


衫尾拉係後底��, 哈仔唔聽佢支笛都算喇! 果幾個貼身保鑣, 每年每人使我地納稅人 ( 我有俾間接稅, 相信 筆保長同 竽兄, 中庸兄都有俾�鍐{.) 2 百萬鎊��, 咪人地玩你又玩先得��.  玩前要先繳械(手機), 散band要搜身 ...

果班MI6 &4今鋪頭痕兼身痕矣!

金毛倫亦要被傳召入宮解話, 咁搞作即係唔睇我老太婆台戲啫? 咁我咪賣盤套現唔玩囉!


[ 本帖最後由 mtpen 於 2012-8-23 22:40 編輯 ]

引用:

原帖由 蕉園仔 於 2012-8-24 00:40 發表

小弟也去過拉斯維加斯的賭埸，入到去，見到那些衣服穿得甚少而且身裁極豐滿托著酒水四圍行的靚女，完全無晒賭錢的興趣，雙眼根本就唔得閒，哈哈。

其實係人都知Las Vegas品流複雜, 我真唔明英國啲特工點會俾哈利仔上Wynn呢亭賭埸酒店, 容乜易俾阿蓋達幫人捉佢做人質要英國放哂佢哋啲在囚同黨?

芋兄送俾仙妹果個生日蛋糕仔嘅文華, 外貌極之普通, 之所以能夠成為頂級酒店,
皆由於保安做足, 故Royal Family 之Royal Visit, 以至各國元首, 那些年皆下榻該處。當年佢哋連啲員工都要由政治部查過家宅先可受聘, 以防佢哋混入刺殺政要。

引用:

原帖由 Tarocake 於 2012-8-24 12:52 發表


筆老大對酒店業頗有認識，我好多時都見到酒店列隊歡迎一些疑似政要。呢間酒店絕非浪得虛名。政治審查我就唔知，但員工素質，服務水平及customer caring 真係好到無得頂。每個員工對你的喜好都會好在心, 唔需要你 ...

聽講其頂級地位已被其他取代了, 是嗎?

引用:

原帖由 1149 於 2012-8-23 15:52 發表

回港時老媽問我要不要開個聯名銀行戶口,她死了錢可留給我,我說,她和四弟有戶口就可以了,她........
四弟的同居女友是大陸妹,,,,她信不過...

為免兄弟不和, 請聽我提議, 趁伯母尚身壯力健, 搵個朋友做證人, 立下遺囑, 以公平、公開、公正方法平分日後遺產。

四弟跟伯母之聯名户口讓之繼續, 因你在福爾摩沙, 未可替她支取日常生活費, 但應設每月上限, 及不要在此户口存多過三數月洗費, 其餘全數存於伯母獨名户口。

若伯母百年歸老之日乃未立遺囑, 後人承辦遺產會做多很多手續, 亦種下爭產禍根, 不可不防。

筆嫂家人正面臨此無奈之官司, 明益訟棍!

引用:

原帖由 rfong50/50 於 2012-8-24 18:17 發表


筆保長說得對, 趁現在所有人都健在, 應該將所有�洏朘�黑字攪清楚. 咪以為自己大方就冇問題呀! 錢銀����, 多過兩個人有關連就有很多麻煩�豲�. 你就自以為大方唔計較, 又點會估到D人會話你一定係從前搵左唔少, 依家 ...

對呀, 所謂知人口面不知心, 未講錢前都叫做兄弟, 一到分錢時就乘機算舊脹及報仇, 一人一句, 愈講愈多新仇舊恨, 卒之反面而要對簿公堂。

一句講哂, 做乜都要白紙黑字, 數目要清清楚楚!