引用:

原帖由 rfong50/50 於 2012-9-7 11:08 發表

屹立深水�鶗|十幾年�� 聯成依然健在, 不過就似珠寶金行多過三手市埸, 少左D親切感. ...

方兄今趟鴨記出巡買到心頭好否?

多口問句SSD硬碟買嚟作甚? Store Data? 跟幾年前之External Hard Drive有乜分別?  

49大夫問仍有大押否, 從老兄放上之相左邊咪有間?

引用:

原帖由 rfong50/50 於 2012-9-7 23:01 發表


報告  筆保長頗有斬穫. 這一兩天都花點時間組裝新電腦.
SSD硬碟 和 傳統硬碟基本上是不同結構的, SSD 是利用快閃記憶體顆粒如SDRAM配合內置控製器改變電壓來分配和儲存資料(和一般SD卡近似), 和傳統的HDD硬碟的 ...

多謝方兄詳細講解, 雖然係對牛彈琴!

都係你哋啲後生仔醒啲, 連電腦都識自己砌。

我用緊呢部HP成四年幾機, 仲係行緊Vista, 個Blu Ray CD Rom又窩咗河, 我都唔想去換機, 怕從頭set機搞過, 好鬼煩, 等佢自然死亡crash咗機先至死死地氣吧!

引用:

原帖由 1149 於 2012-9-8 15:40 發表

有看到周生大押,..曾在那定做18吋喇叭褲,4吋領襯衫, 頭髮被肩,年青歲月,彷如昨日,...一閃眼就是40年前的事了

講起真係眨吓眼就幾十年了, o靚仔變老坑!

1967年暴動後剛中學畢業, 百業蕭條, 去完大世界戲院做暑期工及响尖沙嘴阿差行做雜工後, 有幸响同區呢間百多呎蚊型舖仔(見附圖)搵到份售貨/雜工做。

佢同青山道嘉頓麵包隔條冷巷, 49大夫那些年應該常常穿梭此冷巷short cut往返大埔道/黄金戲院一帶。

呢間舖仔叫「壹圓百貨」, 跟同是位處青山道, 幾個街口前近東京街方兄指出過之新舞台戲院附近那間「平價市場」同一經理管核, 屬當年出名之連鎖百貨大大、大元、大人同一機構。

响度做咗幾個月至1968年頭入邵氏片埸為止。最令我難忘係1967年尾某日公司要我開通宵將所有貨品牌價更改, 話英鎊大變動, 但唔記得係大升定大跌。

引用:

原帖由 蕉園仔 於 2012-9-8 23:10 發表

都還是在用 DVD ROM，比筆學長的 BLUE RAY 落後很多，哈哈。 ...

蕉兄及方兄咪笑我喇!

不過等我講啲瘀嘢俾大家知, 我屋企半隻Blu Ray碟都冇。更瘀嘅嘢就係, 我屋企連半隻DVD電影碟都冇(因除咗呢部PC附設之DVD 機外, 家裡只有一部十多年前回港時响鴨記買嘅VCD機、一部成廿年前响Oxford Street 之John Lewis買嘅Pioneer LD機, 日常錄嘢乃用15年前响Brent Cross之John Lewis買嘅Panasonic VHS帶機), 而我有嘅DVD光碟係要嚟store data而已。

自從我幾年前買咗個Seagate External Hard Drive 有成300GB, 加埋各式手指及SDHC Card, 方便更快捷, 夠用有達, 所以個Blu Ray DVD Rom窩咗河我都冇傷心。

之所以有Blu Ray/DVD Rom乃跟機者, 當時啱啱新鮮出, 冇理由唔要㗎? 其實幾年前有Blu Ray機都冇用, Blu Ray電影碟都未跟得切出。

至於話睇電影碟, 仲失禮, 那些年居英, 唐人回港例牌指定動作, 乃掃VCD電影碟, 我仲記得約一百蚊兩至三隻, 見抵買落好多, 多到有一半至今根本未拆包裝紙。回流八載, 成幾箱紙箱由英國運返至今完封不動尚未拆箱。

都有機會睇嘅, 到十幾年後老到唔郁得, 咪摷番出嚟日日煲碟囉!

引用:

原帖由 flowingwater 於 2012-9-8 22:39 發表

過幾個鋪位好似係 "中國涼茶"?

睇嚟水哥對深水埗青山道呢一帶都時有出巡, 對嗎?

坦白講, 自從1971年搬咗入官塘後, 因有官塘至北角渡輪, 活動範圍改為港島北角及銅鑼灣, 已甚少去九龍西, 尤其是青山道呢一帶, 因就算去都係鴨記附近。  

我呢幾幅相乃攝於2008年一月, 自此亦未尚再踏足該區。而我當時掛住死人尋舊路, 未有留意附近有否「中國涼茶」。  

我對青山道呢一帶嘅認知, 仍停留在60年代尾, 故老兄一定知其近況多於我呢!

引用:

原帖由 rfong50/50 於 2012-9-9 00:09 發表

細個經常用財政司 郭伯偉個名來玩, 所以記得. ...

想多口訪問吓方兄你, 郭伯偉呢個名有乜好玩唧?

呢, 壹仔個老總楊某對佢推崇備致、奉若神明, 唔知以為同佢有路添!

小小一個九流殖民地官員, 乜咁巴閉呀?

鬼佬能, 我哋中國人更能! 呢, 是旦就講唐唐嘞, 佢老哥自己係紅酒精, 引入紅酒免稅港之大有為, 即時砌低全球成為紅酒第一集散中心, 更引入俾香港人知乜嘢叫做Drink Driving呢, 真係多得佢唔少喔!

佢咁興感情缺失, 若果有幸俾佢做埋特首, 我哋啲麻甩佬仲開心。佢一定推行一夫多妻制, 重婚、包二、三、四….奶合法化, 正呀!

仲有, 到時剩係吊高個香港特區公民證賣俾強國啲大款, 我哋香港就發硬喇, 全港市民打跛哂啲腳, 庫房盈餘食十世都食唔哂喇!

引用:

原帖由 rfong50/50 於 2012-9-5 22:35 發表


果陣時 深水�齝X頭在 北河街通洲街交界, 通洲街已經是海邊, 附近是街市好多時都有人在路邊生�茪j龍躉. 如果現在從那個位置行去海邊都唔知要行幾耐, 根本望都望唔到海邊.  ...

方兄講起那些年通州街已是海邊, 而响青山道長沙灣果邊, 我1964年响青山道兼善里住時, 元州邨根本係一避風塘仔, 那邊之元州街已是臨海。

我仲記得岸邊有幾橦三層高有柱唐樓係客棧嚟嘅, 或係俾船上乘客上岸過夜的。

引用:

原帖由 rfong50/50 於 2012-9-10 00:43 發表


筆保長當年能有 VCD 看已經不錯啦.  想當年小弟在英時, 衹能看銢影帶. 由其在 TVB 未有登陸倫敦前(約在87, 88年之前). 當年是有送帶服務的, 大約一盒(三,四集) 要鎊幾一星期左右, 大部份是番錄又番錄. 質素非常差 ...

在英時屋企冇安鑊, 我都冇TVB睇, 亦冇租帶睇。

我响鴨記買嘅VCD機係我離港六年後於1999年頭首次回港時買的, 相信已俾先進嘅香港人享受遲咗五、六年矣。

引用:

原帖由 蕉園仔 於 2012-9-9 22:39 發表

Deon 擴音機，全都買了很久，人與機都一樣咁古董，哈哈。...

嘩, Denon呀, 天龍吖, 勁呀蕉兄!

我首部Hi Fi係Pioneer, 買於1973年。當時我都知Denon好嘢, 夠專業化, 但budget有限, 唯有退而求其次買大路貨好了。

到1987年新屋入伙, 當時已好興CD了, 所以成套Pioneer連唱盤及所有黑膠碟掉哂, 換來部SONY 套裝Hi Fi, 有雙Cassette及CD唱盤。

引用:

原帖由 rfong50/50 於 2012-9-10 00:43 發表


筆保長當年能有 VCD 看已經不錯啦.  想當年小弟在英時, 衹能看銢影帶. 由其在 TVB 未有登陸倫敦前(約在87, 88年之前). 當年是有送帶服務的, 大約一盒(三,四集) 要鎊幾一星期左右,  ...

講影音享受, 香港人比英國人先進及有福了, 正所謂平、靚、正, 香港乜都有!

英國响呢方面迷失咗兩代, 英國市面從來冇出過VCD及機。  

LD亦從不流行, 只出現過一陣便完全消失了。我記得1995年左右去Oxford Street嘅John Lewis買部 Pioneer LD機成£800, 約壹萬港銀, 仲係情商客串專登幫我從日本定來, 其它電器鋪根本唔賣。

換句話說, 英國係由VHS Video直接過渡到DVD, 中間skip咗LD 及VCD兩個generations。

引用:

原帖由 rfong50/50 於 2012-9-7 11:34 發表


筆保長, 老搜兄用了卅十幾年才鼓起勇氣打出果個電話, 其實早做決定. 離別依依, 溢於言表 都冇辦法喇. 緣份���炴N係咁�豲�. 偶然回想, 都會令人牽起一絲感觸的.

我知老搜兄現正有個大project要搞, 未暇上來此forum吹水, 但我仍要向他報喜, 因我有重大發現, 突然從一幅相片卒之找到南洲山婦羅麗莎大姐之芳踪。

從附圖可見招牌寫上「羅麗莎跳舞裙」。

話說當日收到老搜兄放上才女羅麗莎大姐贈詩上有《人去月無聊》之句, 得知她避走澳洲純因想遠離傷心地而歸隱罷了。我在長途電話上勸她大隱隱於市, 不如歸去吧。並將我代她撰寫之詩句《蝶舞花前人嫌早;等得君時天亦老》讓她過目批核。

我有理由相信南洲山婦大姐從《蝶舞花前…》得到靈感, 藉着佢自少習有深厚之芭蕾舞根底及以舞蹈抒發情感之喜好, 早已振作起來, 並悄然回流香江,寓工作於娛樂,搞其與舞蹈相關生意了。

老搜兄, 地址係响青山道嘉頓隔籬。莫遲疑, 見字速往一聚喔!

引用:

原帖由 1149 於 2012-9-10 16:52 發表

馬英九登上彭佳嶼,(基隆外海小島)宣示釣魚台列島主權, 奇怪,騎著自家老婆,宣示林志O的主權,有效嗎,,

我挺英九哥, 叫吓都好吖!

呢啲叫做食住等嘛! 或者就係咁叫叫吓,有日夢想成真, 掉轉頭騎住林志O宣示自家老婆主權咪發達喔?

引用:

原帖由 1149 於 2012-9-10 16:52 發表

馬英九登上彭佳嶼,(基隆外海小島)宣示釣魚台列島主權,

仲有, 英九哥身為現任租住島主, 有責任在租約期滿時完整地交還個島俾番業主, 冇有做得任人跳入花園楝牌都唔理, 係冇?

我已跟胡生通電搭上報告此事, 經商議後佢同意有樣學様, 擇日登上舟山羣島叫囂, 跟英九哥裡應外合, 喝退倭寇!

引用:

原帖由 rfong50/50 於 2012-9-10 02:00 發表


講到「唐唐」都唔知真係佢運氣好, 定係佢人緣真係好到香港人乜都睇唔到. 明明當年係佢簽署果個非深圳戶籍居民加其他六省居民可以來港自由行, 只不過第一階段是要在鄉間辦簽証一簽兩次 ...

方兄提及唐唐條友時運高, 其實都係佢平時做人聽教聽話, 識do得人錫啫。

嗱, 舉例選特首齣馬騮戲都叫做按足本子辦事, 硬食做埋大花臉都冇詐型吖。

不過你哋唔記得之嘛, 我舊年於10 February 2011响此forum另題之《考起》Page 53 Post #1301, http://www.xocat.com/f/thread-248925-53-1.html ,冒住泄露國家機密, 已率先披露記錄於西環黨內部參考文件有關勸退重要講話全文。

各取所需, 一場遊戲啫!

引用:

原帖由 rfong50/50 於 2012-9-10 23:45 發表


筆保長果然堅料, 年幾前已經知道邊個係真命天子. 咁依家我地旅英同學會阿英哥究竟係乜角色, 上星期六先至晌龍門囗執隻死雞勁射入網. 攪到班靚(其實係老教育工作者) 嚮朵連國父遺囑明句都出埋(不過佢政治唔正確,  ...

方兄睇嘢夠深入及有前瞻性, 抵你可以唔使做都有飯食!  

項莊舞劍至在沛公, 大話英算老幾唧, 小丑而已, 英死英還在, 阿爺嘅首級至係合乎孫大砲嘅「革命尚未成功」遺訓。

革命喎, are you ready? 流血㗎, 死人㗎, 你估細路哥玩泥沙呀? 請客吃飯呀?

係人都知政總齣大龍鳳係班大人搞㗎啦!   

果班教惃、學棍夥同神棍陳、訟棍李、報棍黎一幫全球反華集團背後發功, 照抄天安門條formula, 冇腦嘅父母居然又肯交個仔出嚟俾人做棋子, 幫呢班機會主義者、無政府主義者、做皇者上位, 訓練班o靚大搞其反社會行為, 以備日後做紅衛兵、馬前卒去推翻政府等自己當權做其皇帝。而另一班蛆蟲搵食集團亦乘亂哄埋去上下其手攞jetso。  

我又駁長條老命睇吓係咪咁容易, 抑或純屬燒壞腦發白日夢而已。

至於話民見亂配票, 酸嘅! 純屬自己技不如人。生菓報今日鬼摑口都自認犯民配票失敗, 即係話犯民都有點啲選民投呢個投果個啦! 有口話人冇口話自己, 賊嚟嘅!

引用:

原帖由 Tarocake 於 2012-9-11 00:15 發表


近期軍演頻頻，領海基線聲明都出埋即是可以出師有名，胡總會否仿秦誓「嗟！我士，聽無嘩，予誓告汝群言之首...

芋兄冇見幾秋, 好忙咩?

呢幾日是否揸咗你隻64仟呎超級豪華遊艇, 學49大夫話齋, 騎住林志O去咗釣魚台宣示主權呀?

引用:

原帖由 rfong50/50 於 2012-9-11 13:49 發表

就算票源有所增長. 但那些新增的都係溫和, 怕煩, 怕事以前唔去投票的選民, 佢地最後都係流向溫和民主派如工黨, 或偽民主派如新民黨, 自由黨等. ...

方兄若然有日金盤洗手, 唔再操盤做炒家大鱷, 我建議老兄去做時事分析員吖, 既然咁有深度。

我回流咁多年, 發現各民恥派走漏眼於我哋呢批老鬼游離派。日日淨係响度講六四、講謀朝篡位, 面向鍾意搞搞震嘅中坑同後生仔女, 忘記仲有一班講維穩嘅死硬派老坑, 冇理佢哋嘅經歷同感受。


我曾講過英國對老鬼好優待, 何解? 無它嘅, 手執殺黨寶劍, 就係手中一票。邊個夠胆cut老鬼福利又或唔「尊重」佢哋嘅感受, 注定冇運行。  

報紙、電台及電視嘅報導, 不可盡信, 因不同老細自有不同立場, 中外皆one spring colour。

民間係點, 各市民自己最清楚。不如我現場報導我所見及我觀感, 當然是受我個人立場與大家不同而有所偏差, 惟亦可作參考。

我班街坊茶友, 各人冇黨冇派, 當然亦是物以類聚, 睇法大致相同。今次大家兩票皆投葉劉及李慧琼。

大家不知有否聽過英國所謂「報復性投票」。我唔鍾意佢, 不過我更唔鍾意你!

我哋呢班老鬼對政治冷感, 但求安穩50年不變, 要變唔該留番俾你哋啲後生仔女等我哋瓜哂先好變。

我哋根本冇興趣走去投票, TMD忽見神棍陳、訟棍李、報棍黎一幫國際反華集團現身反國教馬騮戲棚, 咁咪即係犯民玩哂? 唔得! 要出動喇!

左揀右揀, 是鬼旦啦, 總之唔係犯民嘅就投!

我哋呢班老鬼, 使去貪少便宜食人派嘅蛇齋餅糭? 大家多銀到派都得喇, 咁侮辱性嘅指控, 太傷害人民感情喇, 何況冇食過呢? 投民見亂係鬥衰之中冇犯民咁衰而已。

我好理解方兄投長毛、癲狗, 講真, 佢哋就「真」過燒鴿黨矣。我哋傾開大家都患有人格分裂症, 一邊唔認同佢哋搞亂檔, 一邊大贊佢哋夠薑, 尤其是响垃圾會當民見亂、民恥黨…個個扮鵪鶉時, 佢哋高聲批鬥貪曾官商勾結, 人心大快、軍心大快! 好…掟佢…掟佢…唔使俾面我喔!

若果呢幾位激情大哥, 肯將一切精力, 留番响深圳河以南之民生事務上, 必定更上七層樓, 我哋一定投佢一票。  

強國事強國理。人家關埋門打仔, 關你港人乜事唧? 阿爺係癲狗係人都知, 你走去撩佢? 實俾佢咬啖! 至於話強國話事, 我哋港人都慣咗做順民㗎啦, 寄人籬下, 咪少句聲囉!

引用:

原帖由 Tarocake 於 2012-9-11 00:15 發表

歷史傷痕，民族情仇，始終要解決。惟怕時機是否成熟。領導班子換屆在即，經濟下行風險尚存，選舉年美帝硬挺日寇腰.....煩

芋兄之愛國心可以理解!

嗱, 呢鋪唔打正衰仔契弟, 以後咪再認做強國!

又嚟香港show off路演上太空、上火星, 一陣又話奧運攞幾仟面金牌, 中國人好強壯好打得, 收番個爛鬼島仔都冇本事, 銀樣蠟槍頭, 以後唔該收皮喔!

其實經我大督筆精心分析過, 打有利過唔打。  

一, 可以睦鄰, 跟福爾摩沙國嚟個Joint Venture, 滾佢做第三次國共合作, 封英九哥為靖東大將軍, 捧打佢, 由佢出精。打輸就趁佢病攞佢命, 乘機過峽收島。打贏佢好彩, 扮friend正式立案封佢邑, 包埋夏門做福爾摩沙特別行政區, 獎雞醒猴, 等其它諸侯得知皇上賞罰分明。

二, 筆嫂嗌出街食飯, 轉頭番嚟再跟大家共商國是, 唔啱傾到啱, 打就打硬㗎嘞!

引用:

原帖由 mtpen 於 2012-9-11 17:30 發表

二, 筆嫂嗌出街食飯, 轉頭番嚟再跟大家共商國是, 唔啱傾到啱, 打就打硬㗎嘞! ...

二, 芋兄乃China Trade expert, 當然深知強國經濟有下行風險。跡象亦已見諸早排全國各地班愛國義和團比英九哥騎住林志0宣示主權更滑稽, 竟然騎住自己公安架㗎產車宣示主權。

即係咁, 強國人民向錢看, 為人民幣服務乃共識, 你試吓工廠有工開, 更有OT開, 你估佢哋會否唔揾真銀而得鬼閒聽你支笛去上街宣示主權吖嗱?

嗱, 開打就惦嘞, 一於響應毛主席那些年嘅號召, 大敵當前, 放手發動羣眾, 滾佢哋去「深挖洞、廣積糧」。响各地地底大挖隧道, 就算場仗打打吓「已經唔存在」, 一定唔會嘥, 備用留作第日要嚟起地鐵。

廣積糧, 叫班友男男女女深挖完洞後就運糧儲藏, 响下抵輪住大米先, 睇日期, 滾佢哋話First In First Out, 久唔久要郁嚟郁去, 郁餐佢哋懵, 唔好理佢哋點搞嘢, 話之佢用推車式、狗仔式、坐蓮式…無限創意、自由發揮, 務求令佢哋get something to do, to kill the time, 輪住啲大米嚟玩襟玩啲。

剩係「深挖洞、廣積糧」呢兩句口號已夠吸納大量因經濟下行衍生之過剩勞動力, 冇使佢哋通街走, 反反吓反到老子頭上。

三, (待續)…

引用:

原帖由 1149 於 2012-9-12 15:21 發表

派馬英九當主帥,軟腳蝦,成事不足,敗事有餘,還是算了, 還是請筆保長另謀大計好了,..

49大夫下旨, 那敢不從命!

俾少少時間我聯絡有關官員再奏!

聞說英九哥大學篇畢業論文都係寫尖閣諸島, 佢唔做主帥我試吓問習生俾佢做軍師吖。

另胡生親口同我講, 習生唔係心口痛, 佢匿埋督師做緊攻日呢個Special Assignment而已, 叫大家放心好了。

引用:

原帖由 Tarocake 於 2012-9-11 23:53 發表


筆主任，幾有創意喎，將其變成gag 去勞軍都唔錯呀。麻煩由三，（待續）開始將個戰埸搬返去釣魚島水域或本州可以嗎，因為今次不能重演當年日寇侵華，反而要雪甲午戰爭前恥。 ...

而芋兄嘅建議, 亦相當有益及有建設性, 我會一併跟習生詳談喔!

引用:

原帖由 蕉園仔 於 2012-9-12 10:33 發表


學弟請教筆學長，你部Pioneer LD機是否屬水貨？ 據知日本電壓應是 100V，英國電壓好像跟香港一樣220V，對嗎？那你部機是否要跟個變壓器才能用呢？...

打仗都要娛樂吖, 係冇?

趁習生去咗廁所開大, 我利用少少時間答咗蕉兄嘅重要提問先。

蕉兄有所不知矣! 大英帝國抵佢沒落, 船頭慌鬼船尾慌賊, 鐵板一塊, 乜都講安全, 講British Standard、講制度, 故水貨好少人敢賣, 尤以電器而言。

香港人賦有獅子山下精神, 加上強國優良血統, 有前冇後、打死罷就, 乜都得, 咁先至搞活個市, 人民豐衣足食吖嗎? (Subject to命大衝得過又唔瓜得,例如飲㗎奶粉水貨咁)

John Lewis乃全英數一數二之大型連鎖百貨公司, 佢唔敢入水貨, 因萬一個客用咗有乜冬瓜豆腐就一身蟻矣。

我入鄕隨俗, 亦有所顧忌, 唔敢用要加火牛之電器, 否則洩電引起火燭燒咗間屋燕梳唔賠㗎!

John Lewis係幫我正式訂行貨, 只因英國人一般冇音樂天才, 好少人識得唱K, 兼且大嗱嗱成£800屬資產階級玩意, 故LD冇市場, 佢要見有客落order才向日本訂。PAL/NTSC制式, 220 –240v UK Standard (見附圖)。

不過講真, 我到而家都從未擁有過Karaoke 機, 呢部LD只是要嚟睇碟及聽歌而已。

多口問句蕉兄, Hi Fi equipment用咗變壓器所出嘅聲會否引至失真咁呢? Sorry, 或者我太過fussy了吧!

引用:

原帖由 Tarocake 於 2012-9-11 23:53 發表

再唔係就話蒼井空偷左我地本國寶級葵花寶典，三日內交唔出即起兵，打佢一鑊稀巴爛! ...

芋兄, 見你提到蒼井空, 我不妨泄露些少國家機密與你作內部參考。

正所謂三軍未動, 精神食糧先行。  

即係咁, 而家軍方議決究竟搵蒼井空定係林志玲隨軍出精勞軍, 尚未達成共識。


呢個問題一定要搞清楚, 否則各兵哥出到海先至發現願望落空, 罷打兼兵變都有份。  

搵林志玲方面問題不大, 都叫做哎吔大中華子民, 兼且英九哥一定樂力捐獻冇阻滯。

有人質疑蒼井空係㗎妹身份, 担心佢係倭奸。然而共和子民早已定性蒼妹屬世界嘅, 身份問題已釐清並通過審查, 加上日雞烏雞, 扮雞有雞味就係好雞。唯一担心係日方不依國際法放行付運而已。

根據WTO (World Trade Organization) , 即「國際貿易組織」, 雞隻屬禽畜類, 要自由買賣。家陣強國出錢要買, 日方一定要賣, 不得阿芝阿咗搞禁運而違反國際公約。

The trouble is, 根據強國軍方最新兵哥民調, 蒼妹同玲妹互有死硬粉絲, 呢單嘢早已做成人民內部矛盾, 要適當疏導處理, 搞不好, 硬哂呔。

中央軍委主席胡生呢排好頭痕, 其實各軍區飛機大炮艦艇已到位, 一聲令下已可即時全方位攻日。

惟各兵頭話要公平、公開、公正選出蒼妹定玲妹去做勞軍, 要公投咁話。死人喇, 全國有89個軍區, 64個兵種。已排除採用網上投票, 因香港特區曾選港姐甩過轆。用紙劃龜呀, 中國咁大, 天都光埋喇。

嗱, 芋兄, 你身為大中華第一橋王, 我已推薦你俾胡生, 你去完武漢直接上京去中南海搵習生, 面授機宜俾王儲, 睇吓用乜橋可以多快好省地落實決議令各方同意選舉方式, 成事論功行賞御賜老兄百年歸老安葬八寶山, 之不過若搞不好以致兵哥放軟哂啲脚, 你會提早葬八寶山!

引用:

原帖由 rfong50/50 於 2012-9-13 00:38 發表

記得 筆保長提起過有個 馬革盟 成員的親戚, 末知現時仍然熱衷否. 很多當年 馬革盟 成員如 岑健勳, 施永青和梁國雄 都已成為香港有頭有面的人了 ...

冇啦, 我堂弟自從60年代尾、70年代頭過份投入「革馬盟」激進路線之社會運動後, 被港英法西斯偽政府打壓釘闔, 政治部24小時監控, 只要再行多一小步, 輕則牢獄待候, 重則人間蒸發。

佢係他家中唯一男丁, 約1973年伯娘見勢色不對, 先行將其自行放逐。避走英倫後, 早已落地生根, 不問世事, 有段長時期遊走於英、法、荷之間, 現已垂垂老矣!

引用:

原帖由 rfong50/50 於 2012-9-13 21:53 發表


唔好意思, 寫錯左 革馬盟為馬革盟. ...

呢亭反動組織, 唔識好過識, 亦顯示方兄乃一界良好市民冇搞搞震。

原名叫「革命馬克斯主義聯盟」,屬托洛斯基信徒, 即所謂「托派」是也。 被視為激進無政府主義份子。

我70年代初曾跟堂弟出席過數次佢哋嘅活動/function, 發覺大家路線不同, 唔啱嘴形。

佢哋口號多多、理論多多, 好似老豆大把咁唔使食飯。我做人好現實, 窮過, 深知冇錢好慘, 我會搏命揾銀先,賺得一蚊就一蚊, 革命呢亭嘢那能天天講呢?