引用:

原帖由 rfong50/50 於 2012-9-27 08:45 發表


近來經常談及 英國, 愛爾蘭,  強國和 台灣等等的事情, 相信最終 強國和 台灣的關係, 會發展成像 英國和 愛爾蘭的關係. 即理論上冇關係, 但相方在語言, 文化, 經濟和人民之間交往就非常密切, 互相影嚮. 世界上其他 ...

方兄呢個英、愛模式相當合乎當今中、福兩國人民要走�儭禲C

你估英、愛冇矛盾、紛爭咩? Irland support IRA愛爾蘭共和軍搞到契媽雞毛鴨血, 直程係血海深仇啦, 但鬼叫親戚一埸咩, 老舉埋年結喇!

所以契媽早排卒之都肯過隔籬屋探�麊�愛, 若果當年唔嬲就唔使大家住埋一條街幾十年都冇來往互訪喇!

[ 本帖最後由 mtpen 於 2012-9-27 09:43 編輯 ]

引用:

原帖由 rfong50/50 於 2012-9-27 08:45 發表

近來經常談及 英國, 愛爾蘭,  強國和 台灣等等的事情, 相信最終 強國和 台灣的關係, 會發展成像 英國和 愛爾蘭的關係. 即理論上冇關係, 但相方在語言, 文化, 經濟和人民之間交往就非常密切, 互相影嚮. 世界上其他 ...

講起愛爾蘭共和軍, 就令我想起方兄早前提到英國人講人權、講私隱, 連要佢攞身份證都鬼殺咁嘈, 咁因乜解究而家英國通街天眼又冇人反對呢?

之唔係IRA激起公憤, 為咗捉拿佢哋歸案, 犧牲少少也在所不計。當然仲有911後之阿蓋達terrorist要防啦。

我曾响一間飛機工程公司度做, 因有部份合約做軍機, 我留意到911後廠房前後街多了很多天眼。

最轟動一事乃一名女記者被殺, 兇徒之快速被塔, 皆因被每個街口之天眼spot到, 無所遁形, 人民更加接受此監控。

最最重要者, 乃左派回朝。左仔老祖宗教條係昅嘢, 昅實國民不可亂說亂動, 例如街坊組長之類, 而天眼正合朕意。

自從工黨上台, 強勢登場, 強政勵治。呢, 曾經與芋兄同過枱共晉晚餐有過一手嘅前London市長Ken Livingston呢條左王, 將大隻廣咗十幾年嘅 Congestion Charge Zone (CCZ) 呢亭被視為私隱禁忌之電子道路收費於Central London上馬。

就係呢條左仔, 搞到唐人街各行老細媽媽聲, 亦包括我哋一眾要揸車去唐人街飲茶上雜貨之華人, 少咗去Central London以避買路錢, 扺佢後來俾金毛莊隊冧, 人心大快、軍心大快!

引用:

原帖由 Tarocake 於 2012-9-27 16:37 發表

報告待命大督軍，末將曾於長沙國防大學上過2課戰略導論，自薦隨督軍出征，由於領導已霸佔志玲，可否要求召正在台灣省工作的日藉女星中山美繪作末將（軍）事秘書。 ...

乜美繪妹好咩?

喂大佬, 早排芋兄你先至極力推薦蒼妺, 乜咁快又轉畫嗱?

我代表中方剛就蒼妺禁運一事與日方達成初步協議, 就算人唔到, 影及聲都要到。家陣突然又多出個美繪妹, 我好難做噃兄弟?

嗱, 新不如舊, 用住先, 至於換貨問題, I see what I can do, 但老兄唔該盡快provide full justifications, e.g. 太舊、太殘、太濶…甚或樣衰、起哂市、服務態度惡劣…etc.,等我有藉口turn down蒼妺, okay?

引用:

原帖由 Tarocake 於 2012-9-27 16:37 發表

報告待命大督軍，末將曾於長沙國防大學上過2課戰略導論，自薦隨督軍出征，由於領導已霸佔志玲，..

至於話霸佔志玲妺一事, 純屬誤會而已。

我跟妺妹佢乃手帕交, 吟吓詩、作吓對, 不涉其他。

之不過我跟敝國詩人影帝總理有同好, 每次外訪, 興隨身帶埋墨寶掛於酒店牆上, 以備出奇不已贈知心, 啱嘅我會樂意除副對佢。

引用:

原帖由 Tarocake 於 2012-9-27 17:29 發表


督軍，我見你今次去寶島領軍，所以諗住就手d搵美繪妹，因為佢拍完海角七號之後一路都留在台灣搵食

揾食, 咁大路? 會唔會好殘㗎?

引用:

原帖由 Tarocake 於 2012-9-27 17:49 發表

筆大督爺，大功告成，交功課。我抽取幾句關鍵回覆。I trust this answer your queries....

芋兄你呢位巴打真係唔話得, 在日理萬機之中, 尚不忘替我查稅, 實在過意不去, 請受大督筆我一拜。

睇嚟65歲老鬼都冇乜優惠jetso矣!

老兄咁上心幫我解疑難, 美繪妹一事, 包响我身上, 唔到佢唔做, okay?

引用:

原帖由 Tarocake 於 2012-9-27 18:57 發表

現時鬼佬都開始興中秋送月餅給中國人，呢合是龍鳳出品，謹與筆督軍，中庸兄，方學長三位大不列顛常客分享

河漬…河漬! 㗎嘰泠, 磨格其喇喎!

引用:

原帖由 rfong50/50 於 2012-9-27 20:17 發表

當時旳 Home Secertary 左王 David Blunkett 係原因之一, 我亦學  筆保長重申 I’m not a racist, 不過, 一個天生失明的人, 是否係做   Home Secertary 的最佳人選呢! 我有所保留. 有人話佢係 貝理雅用黎對付 白高敦的棋字.

我絕對同意方兄講法, 英國咁多人, Home Secretary一個咁重要嘅位, 除咗David Blunkett呢位全盲人士之外, 冇更佳人選?

你話我涼薄甚或歧視傷殘人士都好, 我總覺得Tony Blair做秀機會大啲。

係人都知Gordon Brown這位獨眼龍亦是半傷殘人士, 老兄話用David Blunkett對付Gordon Brown是否意指以殘制殘? 又或老兄另有所指呢?

引用:

原帖由 Tarocake 於 2012-9-27 18:15 發表

（唔記得是毛主席或是林彪）在天安門講話：「東風吹，戰鼓擂，現在世界上究竟誰怕誰？不是人民怕美帝而是美帝怕人民」，我覺得你會好型，記住要用普通話呀 ...

芋兄你確係好介紹矣!

你知我自少接受港英偽政府強制性奴化教育, 我嘅普通話幾咁靈光㗎喇? 你叫我用普通話誓師我實死就有, 我會講成咁:

「東風螺, 瀨尿蝦, 現在世界上究竟誰仍見大笪地炒蜆? 不是怕人民幣對美金响酒樓食太貴, 而係怕人民食唔番咁嘅美食啫!」。

我諗若當年响天安門城門上我咁噏完, 毛主席定必跟林彪同志單吓眼, 8341部隊轉頭實捉我提早葬八寶山!

引用:

原帖由 Tarocake 於 2012-9-27 22:58 發表

這套black tie，過去幾年在多個場合伴我與多少政客，商賈，望族，名媛，索女，大款，暴發戶，疑似mafia, 貌似道友及一眾AHs擦身而過。去埋今晚個活動就完成佢在英倫的歷史使命，Thank you!

將來嘅事, 有誰可以預測得到?

芋兄, 我對你有信心, 好快你呢啲戰衣又可大派用場矣!

後生仔, 努力! 加油!

Perhaps, just perhaps, London將會是你永久之家呢! You never know!

引用:

原帖由 rfong50/50 於 2012-9-27 22:15 發表


其實  契媽都係做個順水人情�謕Q! 須知 愛爾蘭有個財雄勢大的世侄, 美國, 過去五十年有幾個 美國總統都係 愛爾蘭裔的, 如 甘迺迪, 尼克遜, 列根和 克林頓都是 愛爾蘭裔的. 甚至現任的 奧巴馬都返過去 愛爾蘭尋根 ...

方兄一啲都冇講錯, IRA當年掃契媽檔攤, 係人都知個巢响Ireland。所以契媽好嬲阿愛, 奈何阿愛有花旗呢個大款世侄, 啲阿頭好多係鄉里兼個個有頭有面。

IRA受命於Sinn Fein, 即新芬黨, 而此暴力政黨籌款運營及軍火供應, 全由花旗鄉里捐贈。

又好難怪鄉里情誼比天大, 大家凈聽American accent就知根本係Irish accent, 尤其個
”R”音, 正所謂同聲同氣矣。

引用:

原帖由 rfong50/50 於 2012-9-28 01:33 發表


筆保長所言甚對, Tony Blair 係嚮度做秀, David Blunkett 有幾高辦事能力, 由佢兩次辭職都係俾身邊D人累就知喇! 佢�儱孕爭@風加上其本身身體狀況, 得到很多工黨 back bench MP 支持. 而 Tony Blair 就係以「新工 ...

方兄講起Tony Blair又難怪條死仔一朝得志、語無倫次嘅!

當年左仔在野幾十年, 突然強勢回朝, 加上佢那些年好後生, 好型仔, 比英九哥更型, 甚得一眾阿嬸歡心, 演講時眼仔look look, 雄辯滔滔, 牙斬斬, 非常之inch!

佢啲馬仔亦非常之inch係人都知, 例如老兄提到之John Prescott, 當街一拳打到條選民嘔電乃最經典。

而佢亦係律師嘅老婆亦寸過馬燃。某日响街俾The SUN之類tabloid 影到佢準備上庭前响街跌咗叠文件, 散滿一地, 佢大姐居然繞埋雙手企响度一張紙都冇烏低幫手執, 由得條女四腳爬爬响地下搞。  

啱嘅, 堂堂首相夫人, 踎响街度執紙, 成何體統?

引用:

原帖由 rfong50/50 於 2012-9-27 13:50 發表


49兄 小弟明白登陸絕對有危險, 猶記得可能係惟一在釣魚台宣示主權而殉國的人乃香港人 陳毓祥. 佢係興奮過度, 一不留神, 被大浪沖擊, 頭部撞到船身而受傷而亡的, 不過, 漁民的水性應該比旱鴨子的城市人好得多, 近 ...

方兄, 我哋成班口痕友食飽飯坐响度撥火叫人開打, 不安好心!

打仗? 死人㗎, 你估請客吃飯呀?  

後生時, 約1978年, 睇過齣戲, 叫 The Deer Hunter (獵鹿者), 講花旗某小鎮一班friend同接徵兵帖上路去越南打仗以為好好玩, 之後嘅一連串經歷, 將各人一生改變, 場面震撼, 睇完都幾心噏。

[ 本帖最後由 mtpen 於 2012-9-28 17:56 編輯 ]

引用:

原帖由 rfong50/50 於 2012-9-28 17:49 發表


獵鹿者 套戲絕對係好戲. 羅拔.狄尼路表演十分出色, 而且套戲旳配樂亦冇得頂呀! ...

方兄既然咁欣賞The Deer Hunter呢亭心噏戲, 想必亦有睇過齣同年上影嘅戲,
叫做Midnight Express (午夜快車) 吧?

引用:

原帖由 rfong50/50 於 2012-9-28 17:12 發表


Tony Blair 係叻仔而且係  演說家. 但係攻心計就唔夠 Gordon Brown, 睇佢兩個愛將點樣墮馬就知喇!
講開 John Prescott 仲過癮, 有次佢上 BBC 「Top Gear」做嘉賓, Jeremy Clarkson 問佢關於 筆保長提到的果次俾 ...

問心講句, Tony Blair呢班左仔治國確有一手, 之可以冧莊幾屆, 並非無因, 做事夠強勢, 狼夾爽, 絕不畏首畏尾。

Gordon Brown做財相時亦非常稱職, 可能係單眼佬掛, 對盤數能做到一眼關七。至於卒之都爆煲, 但都好過歐美吖!

若果佢哋幾兄弟唔係患有全世界左仔通病, 興搞內部鬥爭, 玩耐啲都有可能。

引用:

原帖由 rfong50/50 於 2012-9-28 01:33 發表


筆保長所言甚對, Tony Blair 係嚮度做秀, David Blunkett 有幾高辦事能力, 由佢兩次辭職都係俾身邊D人累就知喇! 佢�儱孕爭@風加上其本身身體狀況, 得到很多工黨 back bench MP 支持. 而 Tony Blair 就係以「新工 ...

其實左仔當權, 當然要劫富濟貧啦! 為攏絡人心, 故施政不外乎開倉派米先洗未來錢, 用公帑制造就業, 更大派福利, 令廣大無產階級勞動人民大翻身, 各取所需, 當然唔理有否各盡所能嘞。你理得佢吖, work噃!

我居英果十載, 大部份係Tony Blair朝代, 好坦白講, 的確做到國泰民安、風調雨順。IRA放下武器、cut契媽budget、樓價升三倍、失業率低至差不多全民就業、加薪追得上通脹….。  

以我親身感受, 揾工跳槽易、稅項相對合理、物價穩定、治安okay冇乜暴動、罷工甚少發生…總之你唔覺生活有壓力。

方兄那些年居英屬Tory年代, 雖則正在大學求學, 但亦應感受到外間民生一切的, 你對當時生活有乜評價咁呢?

引用:

原帖由 rfong50/50 於 2012-9-28 22:56 發表


午夜快車絕對係一套好戲, 唔知點解常覺得以前D大片特別多, 同午夜快車講 逃獄的戲還有 1973年的 巴比龍, 由 史提夫.麥昆, 德斯汀. 荷夫曼 主演. 很奇怪, 當年是由 Engelbert Humperdinck 唱的 Free as the Wind  ...

方兄講起Papillon (巴比龍) 的確是另一齣描述含冤受屈猛片, 我而家仲記得德斯汀荷夫曼果種慘法。

那些年, 唔知係咪世上太多不公、太多冤屈, 好興呢類令人睇完唔開心嘅戲。

另一齣經典叫One Flew over The Cuckoo’s Nest (飛越瘋人院) 1975年, 老兄亦應該有看吧?

引用:

原帖由 rfong50/50 於 2012-9-28 23:26 發表


其實係 Gordon Brown和其後台唔肯做幕後做表面阿二, 而Tony Blair 又霸道, 又搵埋D廢柴做埋D水喉位. 如果大家分工合作, 一個台前, 一個幕後, 做到依家都仲得喇!

Absolutely!

其實一如一個家庭咁, 男主外、女主內, 各盡所能、分工合作, 大家唔好蝦人又或唔好想奪對方權, 家和萬事興, 何樂而不為呢?

以我觀察, Tony做首相, Gordon做財相乃完美組合。此事我反而怪Gordon不安本份!   

引用:

原帖由 rfong50/50 於 2012-9-29 11:39 發表

講開電影, 都係講番D溫情勵志的電影, 由Jon Voight ( 安祖蓮娜. 祖莉的父親),「影后」 菲.丹娜蕙, 童星 Rick Schroder, 所主演的The Champ「 天涯赤子心」當年在 凱聲戲院睇的, 轉眼 33年, 人生真係過得快. 而戲中的插曲, 由Chris Thompson 主唱旳 If you remember me 亦是小弟當年喜愛的歌曲之一.

...

方兄感嘆時光飛逝, 我亦有同感。轉吓眼就幾十年矣, o靚仔變老坑, 真無奈!

卅幾年前冇可能預測得到有今日, 之不過有咁結局, 也不過不失矣。

就當神話故仔, 有日上天話system故障要restore, 要我回到未來, 為表歉意, 賜我可opt全新結局, 但好壞未定, or一齊照舊重行一次。  

大佬, 唔使客氣嘞, 照舊番炒喇! 起碼至今一切, 大致上仍在我可控制範圍内喔!

好坦白講, 呢齣「天涯赤子心」我冇睇過, 既然老兄話好, 我會將之列入我要買之DVD list内, 等下次搬屋換全新Audio Visual Equipment時慢慢欣賞!

引用:

原帖由 rfong50/50 於 2012-9-29 16:20 發表

講開六, 七十年代的電影和電影主題曲, 一定要點番一,兩首由 Sam Hui 唱的電影主題曲俾 九龍仔 超級 許冠傑粉絲, 蕉園仔兄收聽收睇 玉樓春曉 主題曲  ...

阿Sam呢首「玉樓春曉」應在70代頭, 亦即鐵塔凌雲等廣東歌之前。

我即show筆嫂睇吓認唔認到果位嗦女係邊個? 佢一估就中話係肥婆好姨!

我有理由相信取景於somewhere in Kowloon Tong, 乃於我哋各位九龍仔街坊故居一箭之地。

引用:

原帖由 rfong50/50 於 2012-9-29 11:39 發表

真係科學發達幾重要呀! 當年的影像網上垂手可得. 又係果句, 科學越發達, 相關的專業人仕的操守越重要. 水能載舟, 亦能覆舟.

...

方兄讚嘆現今科技之先進, 我可更讚嘆這些科技能出現於我哋呢班老鬼剛好退休之年及被廣泛地使用, 徹底地改變了我哋之lifestyle 呢!

其他唔計, 單單PC及Mobile乃劃時代之偉大發明! 真不枉此生呢!

卅幾年前又有誰可以預測得到有今日之網上通訊以至移動通訊可普遍及廉宜如斯呢?

引用:

原帖由 Tarocake 於 2012-9-29 20:51 發表

筆大督爺，唔好意思，可能我個tone唔好，表達不佳。套black tie 我留低俾老友，所以道個別。但絕無眷戀英倫此等活動。（香港同美國d Black tie Ball過引好多），食又??，唔似昨晚一班老友提前慶中秋,條拖拔魚好 ...

芋兄可否道來邊間寶號會响London可令食神如老哥你都thumbs up?

我想記低佢以備日後中咗16億EuroMillions時包機接載各位九龍仔街坊去食餐咁啫!

引用:

原帖由 Tarocake 於 2012-9-29 20:54 發表

老大，麻煩你加埋套泰國電視February落個list,使唔使建議幾套國內電影？另外，有空麻煩你單拖去睇「低俗喜劇」，笑死!!

泰國片好咩? 唔識泰文都識笑咁巴閉?

好啊, 講出嚟聽吓, 強國片又有邊套正呀?

引用:

原帖由 Tarocake 於 2012-9-29 20:52 發表

今晚香港迎月夜，芋頭遙祝各位街坊中秋及國慶節日愉快

And you!

And everybody as well!

[ 本帖最後由 mtpen 於 2012-9-29 22:21 編輯 ]

引用:

原帖由 rfong50/50 於 2012-9-29 23:41 發表

係呀! 九十年代一初, 我地仲要花成萬幾蚊, 去買部大大舊好鬼重的 VHS 攝錄機, 質素又唔高, 要同朋友分享就要帶過帶, 質素就越過越蒙. 現在, 一按制就攪掂. 快靚正. .

方兄所述之VHS攝錄機(even而家嘅digital), 我居然掂都未掂過!

可想而知我大督筆對影音科技產品之追求有幾熱切?   

响呢方面, 我起碼skip咗一至兩個generations!