引用:

原帖由 liao_marco 於 2011-6-14 11:05 發表

英國政府現在要打擊野雞大學好等啲大陸青年無咁易留响英國,但HOME OFFICE真係PK,...  ...

Marco兄有所不知矣，哎吔契媽要打擊野雞大學呢單嘢，矛頭並非完全指向盛世子民。


至於話等啲燦哥仔冇咁易留响英國，乃一廂情願或作大而已。而事實上，大國子民並不熱衷長居於此沒落帝國，反而美、加、澳先至係呢亭良禽最終棲身之木。


從來最想居英者，首算Asian。（紅毛鬼一般泛指咖喱族為Asian，包括阿差及Paki，即港人稱之為南亞裔，當中並不包括Chinaman, Japs, 馬拉佬, 波佬或越南佬…等等。）


其它湧英最多者尚有中東佬、馬拉佬、Jamaican等。


紅毛鬼當年縱橫七海，出得嚟行，今日要還，故野埋無數紅、黃、藍、白、黑寃鬼上身。家陣見經濟有排衰，怕佢哋上岸同自己啲紅毛鬼搶cheap工做，Home Office出招做嘢，可以理解。


紅毛鬼閱人無數，那有不知班友以讀屎片為名，開工為實之理？早排發大嚟玩，需要cheap labour先至詐唔知佢哋搞邊科而已。

至於話賺少咗外滙，你精佢唔吽，眼見呢班新發彩身家乃紙上浮雲，一两年後佢家鄉亦會跟隨西方各國爆鑊，到時賴死唔走，你仲要養埋佢，又或淪為冇居留黑工，打家劫舍仲衰，不如賺少多覺瞓！

[ 本帖最後由 mtpen 於 2011-6-14 16:28 編輯 ]

引用:

原帖由 liao_marco 於 2011-6-14 11:05 發表

以歐洲諸國而言, 响英國生活都唔係易過, 不過大英公民的確仲有吸引力, ...

至於Marco兄想知英倫經濟近況，從我2004年夏以£300,000賣出响Greater London內嘅 Croydon之两層高，三個bedroom前後花園連車房嘅house，七年後今天，間house只值番£280,000，可見一班矣！


英國樓從來冇得炒，尤其係短炒，除却賺價要與政府對分之Capital Gain Tax外，又手續煩複及高昂之交易費如surveyor，estate agent，solicitor, etc., 最慘這些charges 皆要付20% VAT (Value Added Tax即銷售稅) on top of these charges！


因此一般業主投資房地產皆作長線，並會將單位出租，不會如祖家啲大款咁，鍾意將之長期丟空。


正因如此，樓市升跌，取決於租值。


契媽條數係咁計嘅，自2004年開始，經濟已開始下滑，加上早排金融風暴，怕業主驚冇人租樓／房，爭相走貨推冧市，救市其中一法，乃隻眼開隻眼閉肯俾啲學生讀野雞，等多啲人租屋住。加埋奧運呢個大project會增加外國／外郡人租屋，穩住個市。


出年奧運，除却奧運村外，遊客及奧運相關之工作人員會對房屋需求構成壓力，於是首先掟走呢班讀野雞假學生先，因佢哋一般會响Greater London打躉，嗰度多工做，易揾食，但搶貴房租。


當出年奧運後，失業率一定攀升，而經濟亦會回復衰退，到時如果樓價不相應下跌至國民負担能力，政府就要下台。


今次開始部署冷却／人為推低樓市，降通脹率，整靚盤數，以免要用到加利息仲大鑊。�M家先向呢班野雞假學生埋手，可以用打完齋唔要和尚去形容之！

引用:

原帖由 liao_marco 於 2011-6-14 18:52 發表

近日原居民同政府講數。各前輩有咩睇法，點先解決到呢個香港族群一大矛盾？

土著呢亭嘢，古今中外，早已有之。


响中華大地，有東夷南蠻、西戎北狄。


响番邦，花旗有紅番，袋鼠有生番。


至於處理方面，手法人人有，巧妙各不同。不外乎两條道路，两種選擇。

一係去「淘化大同」佢哋，揾啲人去和佢番，化咗佢。若然仲唔化，就要用到希特拉嗰套，要佢哋化灰！

引用:

原帖由 老何 於 2011-6-18 18:40 發表



打, 問題係..................強人在那？..........誰可拍板！

仲有，羸咗，勝之不武，俾人話大恰細。

輸咗就俾人笑冇屎用！

引用:

原帖由 flowingwater 於 2011-6-18 15:01 發表

...反正中國近二十幾年未打過實戰.是機會試一下解放軍係咪真係打得....

呢單嘢要戒急用忍呀！


呢條越南反骨仔一啲都唔簡單呀，咪睇佢細細粒，唔易食�謘I小心陰溝翻船呀！


法國佬同花旗佬都敗响佢手上，而當年共和戰士亦揩嘢，搞到血染的風采喇！

打老鼠？我費事鬥撚手喇！佢依家唔生唔死，嚇鬼啫，唔使理佢喎，等多一陣佢實天下大亂�瞴A到時先至同佢老舉埋年結都未遲！

引用:

原帖由 flowingwater 於 2011-6-19 00:54 發表

筆兄提我講漏一個前題先開打.就係令越南仔先開第一槍.咁就唔洗再講禮.

冇錯，我絕對有信心共和戰士有能力滅佢國，甚至乎滅佢族都卓卓有餘，如果唔計自己死傷嘅話！

至於邊個開第一槍，問題不大，屈得就屈，又或學�謋J响蘆溝橋嗰鑊一樣，吹呀！

法國佬同花旗佬敗响佢手上祇因懶君子，唔夠爛仔而已！做卑鄙嘢阿爺至到家唔使人教。

引用:

原帖由 liao_marco 於 2011-7-17 14:26 發表


... 我特首謂發展之伊斯蘭金融市場, 在哪�堜O 語言訓練呢? 威 ...

伊乜鬼嘢斯蘭金融市場吖，淨做大陸水都做唔切喇！

除非凸府一早睇穿／收到風，知道阿爺就快爆煲／解體，揾定啲中東油金運作吓，以備不時之需！

引用:

原帖由 suewong 於 2011-7-19 17:24 發表

15 年前去過. 因是豪華團, 團友都是中上階層, 又唔係 shopping 為主. 但導遊介紹 巴特農神廟 時,...

28年前，即1983年，與老妻作背囊客歐遊，到山脚遇一中坑，話肯帶我哋short cut上巴特農神殿，誰知中計俾佢帶咗我哋去對面山，要我哋俾錢先至肯帶落山去巴特農神殿，一世人最蠢嗰次！

引用:

原帖由 suewong 於 2011-7-20 17:03 發表


咁古惑...

其實諗落一額汗，荒山野嶺分分鐘俾佢劏咗我俩都得！

不過亦多得佢唔少，好少人可以有機會响對面山影相而背景係巴特農神殿！

引用:

原帖由 boot_boot 於 2011-7-21 10:32 發表


呢 d 國家治安唔多好, 面對特別的事物, 要小心應對.   

多謝砵砵兄提點！

希臘呢亭歐洲窮國，的確少去為妙！

正所謂人窮褲短，該國壞人多，鬥爭又多，治安／政局混亂，人民絕不河蟹！

當時因Eurailpass火車証包埋免費郵船由義大利Brindisi（即義國南端靴形踭位嗰度）去希臘，山長水遠由羅馬南下，傍晚上船第二天才到，去一次來回三日唔少得，最大鑊回程時又遇啱碼頭工人罷工，如是者寶貴行程白白在希臘碼頭浪費多成日幾，又唔敢四圍去，shit！  



[ 本帖最後由 mtpen 於 2011-7-21 21:16 編輯 ]

引用:

原帖由 mtpen 於 2011-7-21 20:48 發表

希臘呢亭歐洲窮國，的確少去為妙！ 正所謂人窮褲短，該國壞人多，鬥爭又多，治安／政局混亂，

希臘人正大種乞兒，個個講就天下無敵，做就有心無力！理論／哲學多多，正一口水多過嗲，其實千言萬言，就是一句話：「點樣揾着數，唔使做又有得食！」。  

查實啲發噏風理論／哲學根本係烏托邦，一啲都唔work，志在吹水大隻廣又一日，non productive，唯有先使未來錢，父債孫還！

其實我哋話希臘乜乜物物，乃五十步笑百步而已，香港遲早仲叻過希臘多多聲！

不過你哋香港人好命，有阿爺照，如果唔係？你哋香港人食屎喇！唔好又話我幫西環傳話，好心各位民恥派死士，唔該你哋唔好日日响度同阿爺念倒頭經，望佢閉翳啦！

引用:

原帖由 liao_marco 於 2011-7-23 04:25 發表

...呢啲襲擊會唔會响香港發生呢?..

會！絕對會！It’s only a matter of time而已！

你話我睇嘢悲觀又好，有危機感亦好，香港假假地都稱得上係國際城市，搞起大鑊嘢上嚟夠震撼，自然吸引各地寃鬼雲集，持機發難。

加上香港業已回歸成為中國一個城市，阿爺仇家又多，佢哋嘅恩恩怨怨亦會算到我哋頭上，啲乜鬼嘢薑毒、藏毒、大紀元毒、台毒、港毒、上訪毒、有寃無路訴毒…you name it!

驚呢？不過好對唔住，香港係講自由、講法治嘅。根據現行法例，明知佢哋存在，唔可以郁佢，更加唔可以好似港英時代咁，揾政治部�O佢遞介出境，只可以靜待佢哋爆咗大鑊先至可以做嘢，即係打跛嚟醫！

除咗上述外毒，仲有好多內毒，香港大把被加害妄想症團體／病人、自卑自大狂、紅眼症燒壞腦狂犬病…等等，成日話人打壓佢。想出位又有乜計呢？不如搞大鑊啦！否則一個普通人點可以無啦啦上A1頭條呀？唔成事都成仁吖，係冇？

引用:

原帖由 liao_marco 於 2011-7-23 12:37 發表
... 及電視台 NRP得知早上放工時OSLO爆炸案死七個, 少年營死咗十(現在為八十個)  ,被捕者為挪威人..

海盗國呢單「傷」人事件，無論係死咗八件或80件也好，純粹小事一樁，因每個人或多或少都有時都會犯錯。呢位哥哥仔�鰱驦w啫，都肯放低支嘭嘭冇再�顫言h咯，算啦！對唔住囉！

我哋唔可以用中國人咁冇民主自由兼充滿報復思想去睇整件「傷」人事件。

海盗國係全人類民主自由道德標準嘅典範兼審判者，就算呢位哥哥仔做錯乜鬼嘢事，乃一時錯手而已，加上人有人權，做錯嘢啫，都有生存權�謘A唔使死係嘛？使唔使一命填一命咁冇人道呀？死者已矣，唔通又判哥哥仔死刑等添多一冤魂咩？  

放咗佢罷啦，就算冇死刑捉佢踎監都唔人道吖，搞到哥哥仔下半生冇哂自由，唔係幾光彩噃，兼且日後點再講耶蘇講人義道德講自由呀？

咁吖，學我哋祖家咁保外就醫，大家都冇咁尷尬，佢咁叻仔，嚟香港開班授徒實有市塲，教吓軍火槍械俾啲癲狗鄉吓仔學吓嘢，唔使成日只識得掟蕉、掟粟米斑塊飯或紙飛機咁dry,咁低B無聊幼稚兼冇殺傷力吖！

引用:

原帖由 liao_marco 於 2011-7-24 12:59 發表

燒國旗內地翁提堂﹕青天白日旗才是正宗   反共義士,敬禮!   ...

照睇呢位老人家身世，我就話佢唔係Albert叔！

一定唔係，就算係，都係扮嘅！

引用:

原帖由 suewong 於 2011-7-23 16:38 發表

論壇中人, 都知 ah Sue 最怕臨老過唔到世.  到時要同 筆兄 一齊走難, 就唔好啦.  ...

妳咒時咒，千祈咪咒到阿爺响我在生前冧檔！

黃小妹妳後生，冇走過難以為好果制！我响八九六四沙石嗰鑊玩過一次走難rehearsal，以致流落番邦十載，悔不當初！I tell you what? It’s not funny at all!  

我自問年紀老邁，唔想再走多一次難！所以我得閒就求神拜佛，保祐阿爺闔黨富貴，更望佢老人家國運昌隆，�擳^啃美，吞日滅俄，獨霸天下，萬邦來朝，殖民處處，我哋香港人就子憑爺貴，可以四圍蝦蝦霸霸，唔使做又有得食，好似當年大英帝國咁，甚至乎強賣K仔去英倫，唔買就切！

引用:

原帖由 liao_marco 於 2011-7-23 12:37 發表
...不日香港法院就賓賓就申請居留權官司判決,香港人想想有20幾萬賓賓有資格居留,  港人用賓妹已廿幾三十年,點解唔見英治時代有人話打呢啲官司?  ...

Marco兄早前提到20幾萬賓賓居留權問題，老兄有所不知矣！

我阿筆生神仙批死呢班賓賓+賓佬+賓仔呢次一定可以上岸成為凸府早前所聲稱，將凸區打造成有一仟萬人口之國際雜種大都會嘅人口來源之一。

老兄問得好！港人用賓妹已廿幾卅年，點解唔見英治時代有人話打呢啲官司?
其實今鋪乃凸府經阿爺策劃之驚天大行動之一環，一次過配合國內外最新形勢，去將港英當局一直以來，陰謀地、別有用心地、處心積慮地、有計劃地，歧視／篾視／仇視我國北姑／燦婆，掠奪佢哋來港就業／做二奶之機會，並將呢個歷史遺留落嚟嘅問題，劃上完美句號！

又配合先前之最低工資法，去減少香港婦女求職慾，與其用七八仟蚊加機票、燕梳、食宿去請個賓賓，不如辭工唔做，將家務自己做番，分分鐘仲有着數，更可讓出職位俾啲唔係買花戴嘅等工開飯人士，令失業率降低！而長期缺乏新增職位空缺嘅老大難問題亦可即時解決！

至於嗰班上咗岸嘅賓賓+賓佬+賓仔，你同我定！根據最新國際形勢，台灣遲早陷共，花旗佬早經作出應變方案，重提將菲律賓島呢個浮响海上嘅定位天然航空母艦，納入花旗國，成為菲律賓州，以便作為遠東攻華基地，到時啲賓賓+賓佬+賓仔可自由出入花旗，使鬼嚟你哋香港呢亭拾舊地方俾啲Chinaman呼呼喝喝呀？就算唔去花旗，番歸嗌蕉或等生芒果都仲得，頂隴留低幾個洋琴師响啲nightclub同凸區打吓band咁！

嗱！咪鬼郁吓charge我泄露國家機密捉我去秦城踎呀！我純粹玉石商人斷舊估�謕Q，如有雷同、實屬巧合！



[ 本帖最後由 mtpen 於 2011-7-24 18:59 編輯 ]

引用:

原帖由 suewong 於 2011-7-24 15:57 發表


Pen 媽有無講過? 一開始唔教, 積沙成塔, 就遲咖啦..

喂大嫂！妳呢鋪話法要戒啦！

依家阿爺治國唔使妳教係話？冇大冇細！

引用:

原帖由 suewong 於 2011-7-25 15:57 發表


喂大哥！孔老 2 (依家阿爺好 like) 都話-國以民為本, 社稷次之, 君為輕... 所以我最大...

字面上的確係咁寫！

之不過大嫂妳响理解上掉轉咗！

國以民為本，本者，基本也，亦即基層也，意指最低嗰浸！

社稷次之，次者，即另一浸，以三浸嚟講，即中間嗰浸，呢度okay啦！

君為輕，正因為輕，自然就浦上面，一如油咁，成為最高嗰層！

照咁睇嚟，黃小妹妳空歡喜一塲，妳仍然係最細嗰個！Sorry!

引用:

原帖由 36D 於 2011-8-24 14:20 發表
HKBC 20蚊樓下..................   

Highly likely!  

咪話我烏鴉口，當剩餘嘅憧憬，即係中國概念呢個大話爆煲時，分分鐘只值 30p (=HK$2.80), 或者好過 Royal Bank of Scotland 今日個價位 22p 少少嘅！廿蚊肯定俾多呀！  

引用:

原帖由 liao_marco 於 2011-10-7 19:23 發表
... 但如果又話要置業安居, 仲有排都未到岸, 往後十年變數太多.......... ...

Marco兄我知你唔係嗰亭等凸府開倉派米攞着數嘅壞鬼後生，不過香港慘在有好多係呢！

佢哋與其等運到，倒不如聽吓老鬼筆我勸吓，唔好火騏麟週身�痋A咪將啲錢使到刮沙都冇仲好喇！

嗱！Back to basic，就係「勤儉置富」！

以我觀察所得，時下啲後生仔女若果唔改變嗰種未富先驕嘅作風習，第日就算樓市大冧，佢哋都冇錢去買！

至於「勤儉置富」，話「勤」我唔敢認，但「儉」我認！而我之有今日可算能安享晚年，靠嘅係辰早養成節儉習慣也！

仲有，千祈咪鬼聽啲魔鬼財經佬嚇話乜嘢銀紙唔洗會貶值，又或先洗未來錢以抗通脹…等等謬論，佢哋只係想昆你落疊賺你commission咋！

你去問吓蘿蔔國啲渡邊太太啦，叫佢哋投資買乜買物，打死都唔制！咪使旨意滾到佢哋。放錢响銀行，雖然冇利息，但十年後1000 Yen都完整响番度。貶值？零通賬咗成廿年啦！啲樓／股不升反跌添！

再講冇利息，又唔係噃，我近排將啲股／樓套現嘅港幣分散定存响不同銀行，無風無險收緊利息1.65% to 2%, Good! Isn't it?

引用:

原帖由 36D 於 2011-11-2 10:43 發表
何老大，你話希臘佬最終會唔會違約呢？

D兄，不如咁問法仲好，假如你欠落人一億，你睇過連本帶息呢世都冇使旨意還清，你會選擇破產，一筆勾銷，四年後又一條好漢，抑或呢一世white do去還債呢？

引用:

原帖由 36D 於 2011-11-2 12:01 發表
我會想辨法問人借多3,5,7,億，然後走佬！

如果老兄鍾意選擇走佬方式，都好嘅，我strongly recommend巴西俾你，包冇使怕被引渡！

聽講嗰度盛產南美棕色熱情美女，鍾意睇波仲啱！

引用:

原帖由 36D 於 2011-11-5 09:51 發表
其實小弟都担心RMB，當大陸經濟大走下坡時，，，，，，，，，，，

人仔靠得住，猪乸都會上樹！

人仔乃阿爺官方貨幣，信人仔即係信阿爺！

至於人仔and/or阿爺你信不信，反正我都不信了！

有乜證據？我冇揸人仔、我冇攞回鄉證、我冇返大陸，言行一致！



[ 本帖最後由 mtpen 於 2011-11-5 15:37 編輯 ]

引用:

原帖由 牛奶蛇 於 2011-11-6 02:36 發表


...所以人仔只宜短炒，就如大陸才後，搵夠就要走。...

Absolutely!

況且就算可自由浮動又點？可唔可以自由提存先？

响香港、英國，我多次調動美元或英鎊資金，一次過數以百萬計，只需上網搞三數分鐘，彈指之間，就離開户口，第二日就安全滙到。人仔得咩？

有冇諗過乜嘢叫peace of mind呢？係你嘅hard earned money嚟�謘I咁多不平等條款／政策，有起事上嚟走唔走得切、攞得番錢呢？

仲有，係咪阿爺寫包單話人仔滙價有升冇跌先？既然風險大，賺就雞碎咁大把，都係嗰句: Don’t take a chance, make a choice! 你話我杞人憂天好了！

引用:

原帖由 36D 於 2011-11-9 14:32 發表

Sue 姐：我有興 趣呀！

宗教？說穿了不外乎結集信眾／群眾力量以壯大勢力之工具，此乃人類遺傳禽獸群居自保基因，去蝦人或不被人蝦，原理跟納粹主義、共產主義、黑社會、政黨、門派…一樣，跨國／跨種族，分別是各利益集團以各種儀式、教條、口號、服式…以資識別而矣！

當然最重要係加入後可分享集團所蝦／呃／搶／霸番嚟之利益，否則阿水聽你支笛！

雖然集團創辦人e.g. 教主／黨主席／龍頭大哥／派別宗師或有意真心／愛心去為人／自己人，可惜往往不久後就會被別有用心者把持以利一己私慾，獲取包括權、名、利、女人／男人…..等等。