引用:

原帖由 rfong50/50 於 2012-11-5 23:17 發表

據方太所說, 她當年自己的房間都有百多呎, 比起我地一家九囗衹有幾十呎, 真係.

...

此所謂同遮唔同柄, 同人唔同命是也。  

好醜命生成, 此道理以我自少生長在貧民窟有更深體會。  

我講呢亭說話會被視為大不孝, 又或不人道, 但我還是要講!   

冇資格做好爸爸好媽媽嘅父母, 不要貪一時之快而隨便搞出人命。所謂冇資格, 除咗冇足夠金錢之外, 還包括冇時間、冇愛心、冇耐性、冇學識、冇修養、冇教養者, 例如大督筆之流。

在此方面, 有幸我一早能convince筆嫂, 列舉我哋永不會合乎上述好爸爸、好媽媽之基本要求, 並與她達成共識, 無謂制造不幸, 兼日後被子女反控訴。

所以我雖曾為天主教徒, 我極之反對梵蒂崗、愛爾蘭之原教旨主義, 一刀切唔俾教徒避孕、墮胎, 簡直係食古不化之害人教義。而目的只有一個, 乃自私地希望教徒有仔生去世代延續參拜佢哋, 令佢哋嘅利益集團可千秋萬世長存下去。

於此, 我得澄清我並非說天主教徒冇好人, 例如我先前提到之外籍修女, 佢哋就算明知被別有用心之教會利用, 仍將錯就錯, 借力打力去救世, 真偉大!

引用:

原帖由 rfong50/50 於 2012-11-6 11:55 發表


筆保長, 我地 中國人是以姓氏行頭的, 「筆烏Sir Sir」絕對正確和合適, 亦唔會調轉排列來讀. 猶記得那些年在外國的電視台, 經常聽到老外新聞報導員稱呼我們的偉大領袖「車盲毛」前, 「車盲毛」後, 心裡十分有氣.  ...

方兄你死呀你, 將我哋嘅偉大紅太陽個名咁樣搞作, 下次你上常平西環實交帶啲姐姐仔整鑊大嘢你嘆, watch out!

引用:

原帖由 rfong50/50 於 2012-11-5 22:54 發表

小弟就要多謝第五座的政府診所, 2號房的 孫醫生, 將一個出生時重病纏身的我醫好, 從此身體壯健如牛, 幾年都唔需要睇一次醫生, 衷心感激!

...

恭喜方兄有幸遇上公立診所良醫, 惟老兄一講起那些年大坑東嘅醫療設施我就把幾火!

老兄先前講爬上去雞公石要經大坑西街嘅警署。

該受咀咒嘅港英殖民地偽政府, 不分急緩, 那些年明知起咗咁多七層大厦徙置區, 加上附近寮屋眾多, 人口自然龐大, 竟然不是先起診所之類公共設施, 而是响半山起座巍峨嘅警署, 要嚟樹立皇氣, 鎮住個長場。

咁跟我哋強國家陣咁, 將要用嚟做社會服務之資源去搞擴大公安、武警編制有何分別?

呢種重管治、輕民生所為, 是否一早視我哋九龍仔為蠻荒生番區, 吓吓要拉要鎖去武力鎮壓才惦?

我好有興趣想知, 英國當日响Milton Keynes 起新市鎮時, 是否先起分區警署, 之後才慢慢加建其他社區設施?

If the answer is negative, then why did they do it like that to us at that time, eh?

引用:

原帖由 1149 於 2012-11-6 15:30 發表

第5座診所應該比警署早,記得我返工要由大坑西平房爬樓梯上斜坡,經警署落石硤尾,再到深水埗,下坡有石峽尾郵局,當年集郵就在那買郵票. ...

我之所以話對那些年之政府診所一類社區公共設施, 至今仍一想起就恨, 皆由於有親身經歷而來。

話說約1956年某天日間, 我細妺約三歲, 在C座地下, 因老媽子看管不力, 一時好奇將腳踏入一單車狗牙齒輪與鐵鍊之間, 並被夾着。

救出時深可見骨, 血流不止。因家貧冇刮痧錢, 負不起車錢, 老媽子孭住細妺, 我跟着尾, 半走半跑出大坑東道往旺角方向去廣華醫院縫針, 我相信整個路程 (單程) 為時約一個鐘。

49大夫或其他街坊可否確實那些年K座(即第五座) 是否真有一政府診所?

引用:

原帖由 rfong50/50 於 2012-11-6 16:16 發表


筆保長小弟絕無侮辱我�]�黻隊j領袖的意思. 衹不過想強調 中國人的稱呼是以姓氏行先的, 像老外般將姓氏放到最後, 隨時會產生語病的. 至於那句 「盲毛又點做舵手呀」和 范婦人那句「冇料又點做特首呀」意思完全是南 ...

方兄咁講法就襟劑啲, 我謹代表全黨接受你老哥嘅交代, 並指示西環下令常平有關單位不得將兄列入黑名單內。

此指令將會惠及老兄之老死芋兄及中庸兄, 以至蕉兄及已投敵之49大夫!

引用:

原帖由 rfong50/50 於 2012-11-6 20:48 發表

所以很多街坊都有一些草藥或成藥放在屋企睇門囗的, 其中很多人用

「狗仔毛」的草藥去止血的. 而另一種叫

「雷公頭」的草藥, 聞說在朱牯仔的山頭有得採摘, 未知  筆保長及各學長街坊知否此藥的作用呢?

...

啲名好熟, 但我屋企冇用過, 皆由於老豆响出入口公司倒閉時, 留低幾tube約10 gm一支之德國止血散傳家, 外形像以前未出塑膠tube牙膏前之metal tube。

但那些只適用於一般小傷口而已, 細妹那劑好得人驚, 若當時有其他方法, 一如可像49大夫call白車咁, 又或第五座有政府診所可求救, 日光日白啲街坊一定不會見死不救及指點老媽子而不用她長途拔涉去廣華醫院咁遠的。

講起土法救急, 大家都知我跟老兄念新村一帶乃Low Rise House豪宅區, 家家興養番狗, 聞說若有幸俾寵物錫咗一啖, 用萬年青加冰糖笪住個傷口就唔使去醫院打九針咁話, 係冇?

引用:

原帖由 蕉園仔 於 2012-11-6 23:41 發表

筆學長，學弟只記得用萬年青加另一樣東西的，但是不是冰糖就不敢肯定。

蕉道友, 我可能記錯, 或是加片糖才對。

引用:

原帖由 蕉園仔 於 2012-11-6 23:49 發表

更有些人食水煙筒，用竹做的那種，現在的年青人可能未聽過水煙筒。

仲有個俗啲嘅名, 叫「大碌竹」。

引用:

原帖由 rfong50/50 於 2012-11-7 09:01 發表

蕉兄, 那些用煙絲加煙紙捲起來抽的煙, 是分「生切」和「熟切」的, 家父當年原先是抽 生切煙的, 後來才轉抽 「百萬金」香煙. 當年小弟經常要幫家父去 14座旁的煙仔檔買「生切」包裝分紅色和綠色, 生切是紅色綠色應 ...

我老媽子好學唔學, 跟外婆食這些紙捲煙絲, 如方兄所述, 有生切、熟切, 分紅綠packing。

我唔記得乜牌子, 只知有條龍响中間, 軟packing, 比煙仔包裝大些少。

後期富有咗, 改食良友。

我阿嫲仲姿整, 食metal水煙斗仔, 要頻頻點煙, 好似係將啲玉扣紙捲成條狀作引火。

引用:

原帖由 rfong50/50 於 2012-11-7 09:52 發表

至於

「

雷公頭」和

「

雷公滕」是不同的, 後者有劇毒, 而前者傳說對小童有妙用.

...

點妙用法?

引用:

原帖由 Tarocake 於 2012-11-7 19:34 發表


My Lord !請問令祖母支metal 水煙斗仍有保存下來嗎，呢antique而家值錢呀！ ...

喜見芋兄鳥倦知還!

冇, 那些年可能太common喇, 邊有人識寶吖!

另外我記得老媽子叫阿嫲個metal水煙斗仔做水煙「帶」, 不知何解?

引用:

原帖由 Tarocake 於 2012-11-7 19:34 發表

話時話，當年你受洗的天主堂屬於那個堂區？唔知你有無印象修女們是屬於那個會？ ...

屬聖伯多祿受刑聖堂。  

讓我再次放上我之領洗紙給芋兄研究。

除咗簽名果位賴神父外, 我仲記得有一位顏神父。至於其他修女所屬堂區就不甚了了。

引用:

原帖由 Tarocake 於 2012-11-7 19:34 發表


坊間流傳將其泡酒塗於掌上或直接將雷公頭擦掌上，可減輕體罰（只限打手板）時痛楚,其實此法要懂得掌握才見效，我另有妙法。 ...

點妙法?

辰早練定插沙掌呀?

引用:

原帖由 Tarocake 於 2012-11-8 01:24 發表

在我參加聖母軍活動時，探訪牛池灣老人院，親眼見到The Little Sisters of poor 會的修女們多麼偉大，慈祥，關愛令我敬佩萬分。 ...

那些年之神職人員對貧民之偉大無私奉獻, 我大督筆可作證, 賴神父、顏神父、尚有許多許多不知名之外籍修女皆表表者。

天主教當年之所以受歡迎, 派奶粉呢招當然煞食, 惟最最重要是他們個個情操高尚、別「無」用心, 不花巧、幹實事, 毫不為己、專門為人之精神。

其入世精神將佛教只懂出世贏得更多信眾。

冇喇, 俱往矣, 相比家陣啲魔鬼神棍, 他們乃上帝臨收工前之selected 優秀人種, 被派落凡間行善之天使也。

引用:

原帖由 dirtyoldman 於 2012-11-8 10:32 發表

...水煙帶， 原詞是水煙袋（帶袋和立歷 ...

我都話過呢個forum高人輩出, 兼「龍蛇混雜」㗎啦!

非常多謝老人兄前輩呢個漢人土話專家confirm, 原來我老媽子筆師奶並冇講錯, 只不過佢老人家响度講土話啫!

又學到嘢, 呢個forum都幾有用喔!

[ 本帖最後由 mtpen 於 2012-11-8 20:35 編輯 ]

引用:

原帖由 dirtyoldman 於 2012-11-8 10:32 發表

廣府話有些詞彙是夾雜中原音的，我知的有兩個， 1。立亂，原詞是歷亂（試用普通話讀一讀歷字，...

老人兄另題問公務員子女英國留學一事, 若唔介意, 趁此九龍仔forum夠聚腳, 不妨借啲位响度答老兄。

我有同事個仔早幾年LSE畢業, 中學亦在英入讀Boarding School, 我稍後攞齊料再答老兄。

之不過方兄或芋兄, 甚至其他網友或能更早及更詳細給你回覆。

引用:

原帖由 rfong50/50 於 2012-11-8 13:35 發表


筆保長 對當年 天主教於九龍仔(其他地區不清楚, 故難下斷語, 相信都係一樣)的貢獻絕不誇張. 相信大部份的街坊都曾直接受惠於此等神父修女的無私奉獻和引導外. 此等模範亦間接和長遠地輔導著我們健康地成長. ...

方兄所言我絕對認同, 亦分析得相當深入及提供到實例, Good Stuff!

謝(天)主隆恩!

引用:

原帖由 Tarocake 於 2012-11-8 01:25 發表


經實踐，適當使用漿糊及白花油均可減輕痛楚，但只適用於「預約」體罰，可以事前準備，「突擊」體罰就無計！

芋兄真搞笑, 乜呢味嘢唔係即興, 有預約嘅咩?

睇嚟芋世伯治家如烹大龍躉, 相當有制度及企業化喔!

唔怪止得古時有午時斬首之說, 死都死得有時有候, 夠哂人道。

之不過咁, 若果芋世伯那些年能加入一些國際人權元素, 重視一吓犯人尊嚴及人身自由, 盡量行使酌情權, 改判自我更生又或保外就醫之類, 咁就更user friendly矣!

引用:

原帖由 1149 於 2012-11-8 13:12 發表

香港地產商大力反對額外印花稅SSD及買家印花稅BSD這兩辣招違反自由經濟云,個人非常支持,.

係人都知西環治港, 此乃事實, no matter you like it or not。

而係人都知香港樓之可以炒起, 多得強國人唔少。

你估僭建英需要著幾多條牛皮褲先至頂得順阿爺個勢吖嗱, 若果佢竟敢自把自為去出啲乜鬼LSD、DDT令強國老細蝕錢?

以我大督筆跟得京官多, 今次中央趁換畫乘機強政勵治, 自己人都照殺, 鬼叫佢哋貪勝不知輸呀。

引用:

原帖由 dirtyoldman 於 2012-11-9 08:53 發表

多謝提供！當年不計機票，全部使費一年若干？

老人兄, 我己全方位替你搜集資料, please give me a little time, okay?

In the meantime, 除却芋兄外, 方兄或有一些一手資料呢?

引用:

原帖由 dirtyoldman 於 2012-11-9 09:41 發表

兄台似有誤會，每年使費是向竽兄提問（精明如竽兄必先圍了數才考慮commit）

小弟吃了豹子膽也不敢逼筆兄，筆兄可慢慢來不用急！

LSE那位舊同事尚未搭上, 我現正在找另一位舊同事佢個仔亦於數年前曾留學英國Imperial College, 多啲料冇壞嘛, isn’t it?

引用:

原帖由 小師弟 於 2012-11-8 22:39 發表
雪糕伯伯年中無休，每次返南山村都見到他開檔，這次攝於10月27日。

小師弟好久不見喔!

多謝送上九龍仔近照, 我謹代表各街坊向閣下致謝, 並繼續委任老兄為駐九龍仔特派新聞時事顧問司, 有空請四圍捐窿捐罅睇吓What’s Up over there in our lovely home town, 並作即時現場報導, okay?

引用:

原帖由 dirtyoldman 於 2012-11-9 09:41 發表

兄台似有誤會，每年使費是向竽兄提問（精明如竽兄必先圍了數才考慮commit）小弟吃了豹子膽也不敢逼筆兄，筆兄可慢慢來不用急！

老人兄, 有料到!

剛跟個仔讀LSE那位舊同事搭上, 好消息, 學生在英讀書若有病睇政府或學校醫生免費, 連睇牙都免費。至於同個仔買醫療保險佢就冇, 所以無可奉告。

F.6 & F.7 Boarding School 學費為£6,000一年, 包食宿。公務員之Education Allowance為£4,200, 即70%, 故實pay £1,800一年。

一年有大約20 days half term 要去Guardian處住宿, 為£35一日。

以上洗費為十年前之數字, 最新數據暫時欠奉, 因大督筆果輩之子女一般皆已大學畢業矣。

I see what I can do, 當我一查到近三兩年之中、小學實例, 定必於此forum再向兄提供, okay?

引用:

原帖由 Tarocake 於 2012-11-10 00:35 發表


Dirtyoldman 兄，補充信息，以供參考。公務員子弟，今年F.5, 計劃明年英倫升學，屬Top tier 學府，預算如下 ...

吾老矣, 無能為也矣!

從老人兄一個小小嘅查詢, 我花咗成日幾咁耐, 竟然只能提供出一啲慢、散、爛、殘嘅shit information, 相比芋兄之快、靚、正, 實在太不像話了!

所謂一代新人勝舊人, 我大督筆趁此18.5大開會期間, 向全國各族人民宣報引咎辭職, 從此退居「英國通」第二線, 並欽點Lord Taroland頂上。

我去意已決, 請大家不要挽留我!

我需要冷靜一下, 深切檢討及反醒, 滔光飬悔, 十年生聚, 潛伏爪牙, 伺機反撲, 收拾舊山河!

我更要趁此得來不易之機會, 引蛇出洞, 看清誰是我同路人, 誰是反革命喔!

引用:

原帖由 Tarocake 於 2012-11-10 11:15 發表

Wa Kow ! 老大，蛇無頭不行，我地仲要靠你推動改治改革，步向小（糠）水平。至於英國通此重任，只有你及方學長才能勝任，我最多只能充任暫委首席助理秘書長。..

後生仔, 你得嘅! 求你做住一陣先喇!

芋兄你對xocat嘅貢獻經已獲官方肯定, 你無謂推嘞。

咁喇, 在我未物色到「英國通」主席人選前, 賜方兄為副主席, 老兄你為總書記, 即係除咗副係你, happy? 我則保留「英國通」「過氣主席」職銜十年。

呢两日我已發散人去Dublin/Isle of Man刮中庸兄, 我哋虛位以待佢老哥答允接棍主席一職。