引用:

原帖由 HAOCHANG 於 2011-4-17 20:47 發表
也向METPEN兄的孩子問好,祝早日康復.

Haochang兄，好久不見，因何不見上嚟吹水？近排忙啲乜？

老兄相信是向kintsun兄之愛兒問好，在此小弟亦有此意，亦希望kintsun兄早日能一如既往，常來吹水！

引用:

原帖由 HAOCHANG 於 2011-4-26 00:29 發表

..我中港两边走,在国内上这网站有些问题,有时上不了..记得儿时未搬到朱牯仔前,曾住在先父方 ...

Haochang兄今時今日中港两邊走定必風生水起矣！

响國内上唔到呢個網站一啲都唔出奇吖！因為呢個網站早已被國安局定性為反革命網站。呢度被太多反中亂港人士盤據，所以國安局派我呢個愛黨愛國嘅資深維園阿伯响度做打手，搞滲透、反盤據，平衡吓生態咁話。

我已將老兄之投訴知會西環，獲告知共和祖國實在太大，早已演變成為聯邦共和國了。雖未至於失控，但諸侯割據，政不出中南海，故某些地區時會軍令有所不行。

若下次老兄能將所在地告知，西環定必特事特辦，頒令該省市領導人不得阻撓老兄自由上網。

至於老兄60年代維景酒店原址唐楼之舊照，請放心，老搜兄收到order定必做嘢，你等收相喇！

ps咁啱得咁翹，請問老搜兄，維景酒店原址是否乃Albert兄前宗主國駐港政經特務機構台灣民生物產百貨有限公司呢？


[ 本帖最後由 mtpen 於 2011-4-26 16:23 編輯 ]

引用:

原帖由 HAOCHANG 於 2011-4-26 22:51 發表
记忆中,该酒店以前曾作为台湾民生物产的办事处,后来改为京港酒店,现为维景酒店. ...

Haochang兄想揾故居舊照問九龍仔大坑東舊街坊應該冇乜錯矣！

我有理由相信實有人有一两幅，it’s only a matter of time而已！

之所以我夠胆咁肯定，只要大家再打開地圖就會發現，太子道及彌敦道這一帶乃我哋大坑東居民出「大街」（我記得當時叫「大街」泛指出咗大坑東道界限街以外一帶）去旺角必經之路，有着各老街坊舊日的足跡甚或慘痛的回憶。

而這一帶亦與九龍仔大坑東有着不可分割的歷史淵源。尤其是於當早期社區初形成時，相對旺角一帶，大坑東乃鄉下地方。朱牯仔更是窮鄉僻壤而已！

除咗一般基本物資，如柴米油鹽外，其它facilities皆付闕如，例如買藥睇醫生等等。我相信連郵局也沒有（Please correct me if I’m wrong）。

引用:

原帖由 HAOCHANG 於 2011-4-27 23:55 發表

MTPEN 兄所言甚是,60年初期,..,旺角,大角咀,深水涉,荔枝角方向最多唐楼 ,渐成一区,..

我突然記起Haochang兄之故居唐樓改建後，該幢大厦並非全為台灣民生物產百貨有限公司，其佔地只是地下及一樓而已。

我於1968年在電話公司做安裝技工時，有一同事花名叫占士邦與妻曾租住一單位於上址。我曾上去探訪過佢俩，記憶所及，乃一很細少單位。

至於現址維景酒店，純粹將整幢大厦作內部改裝而成。

引用:

原帖由 HAOCHANG 於 2011-5-5 22:41 發表

MTPEN兄: 你说68年曾於上址安装电话,当时是否巳改建好新厦?后期才可能改为酒店至今. ...

對呀，Haochang兄，我1968年上去電話公司同事占士邦家時（純粹登門探訪，不是替他安裝電話），該幢大厦外形早已是現今維景酒店模樣，但當時肯定係普通住宅而已。至於現時變成酒店，只是經內部改裝而成。

至於老兄放上之圖片，非常珍貴，相信乃攝於我認識該區之前。

引用:

原帖由 HAOCHANG 於 2011-5-6 21:47 發表
故居对面的三角小公园也引起回忆,记得当年中秋在三角公园赏月,...

Haochang兄講開大世界戲院側之三角公園仔，我想confirm我行將衰退之記憶力，老兄可有記得公園仔內有花圃及凳否？

引用:

原帖由 comm 於 2011-5-7 01:43 發表

HAOCHANG兄你係老香港,何解使用簡體字?

我代Haochang兄答老兄，此乃與時並進，向盛世共和靠攏，陸為港用，一体化，唔化，以備接軌！

引用:

原帖由 HAOCHANG 於 2011-5-7 00:57 發表

这个不大记得,当年三角公園仔內有凳,,不过真的我也记不清楚...附图是1993年拍的远 ...

多謝Haochang兄送上靚圖，呢，其中一幅就係有維景酒店，見附圖circled嗰幢.

我1968年上去同事占士邦家時，該幢大厦外形跟此圖一模一樣。



[ 本帖最後由 mtpen 於 2011-5-7 22:18 編輯 ]

引用:

原帖由 HAOCHANG 於 2011-5-8 14:55 發表

话时话,这要讲番亚洲近代史,星加坡的始创人--李光耀的远见和眼光, ...

理兄講得啱！今時今日唔識用，唔識睇簡體字就大鑊啦！  

Haochang兄提到坡佬之遠見，小弟極表認同。除咗响倡用中文及簡體字有遠見之外，佢响管治國民方面亦甚有威望及口碑。

居英時，某日一黑婆同事同我呻，話佢個黑仔好曳，佢教佢唔掂，講笑咁話，佢再唔聽教就send佢去Singapore接受再教育，等佢知discipline為何物，由此可見一班。

至於Haochang兄提到阿爺倡用簡體字，小弟有所補充。

是為是、非為非，憎佢還憎佢，阿爺呢一步可能行啱咗。開國之初，百廢待舉，資源有限，唔似得家陣凸府咁，錢多到唔知點使。又要揾錢整核彈，又要抗美援朝。Albert兄個前宗主國又冇人性，臨走又擸得就擸，撻得就撻，冇乜好嘢留低。有見人民文盲好大鑊，就算唔夠學校俾小朋友，識多個字就多個，由是用short-cut方法，倡用簡體字，希望連就算冇學校上嘅小朋友都可减少筆劃，用少啲時間去認字。  

為咗多、快、好、省地建設社會主義祖國，實屬用心良苦，亦可理解！  



[ 本帖最後由 mtpen 於 2011-5-8 16:31 編輯 ]

引用:

原帖由 老搜 於 2011-5-9 03:36 發表

見到筆老兄 order, 唔訓覺都要行事哪 !   .

嘩！勁呀！

Haochang兄，滿唔滿意？

多謝老搜兄！下次瞓醒先至搜都未遲喔！

引用:

原帖由 老搜 於 2011-5-9 12:44 發表

早啲講啦 ! 衰鬼豆 !    

我鬼知你咁盡忠職守，托杉唔識轉膊咩？死蠢！

引用:

原帖由 老搜 於 2011-5-9 15:46 發表

跟你咁耐都學唔到... 抵

老搜兄，你要記住你係男人嚟�謘A做乜嘢都要慢、要耐些少，冇有做得好似女人咁猴急先得�瞴I

嗱，鬼子佬一早都知，性格上係男女有别�謚�:
Women want things done yesterday, men are happy to leave them till next week!

引用:

原帖由 HAOCHANG 於 2011-5-8 23:36 發表

MTPEN兄,其实我认为简体字减笔划与学习影响不大,繁体字的千字文巳很简洁,很适合学习,..

我同意Haochang話兄話有些簡體字簡到離譜，反而會做成學習困擾。

惟話雖如此，我仍然覺得繁體字有些真係筆劃太多，或會防碍學習。

現時尚好，學生考試之試卷可用candidate number或英文填寫。當年曾有人考究，話姓名筆劃太多之學生，尤其是小一、小二，一般甚少考試名列前茅，因一個叫「王一山」嘅小朋友已答完第五條數學題，嗰個叫「龐騰雞」嘅仲未鬥完自己個名上試卷，慘！

引用:

原帖由 suewong 於 2011-5-10 11:54 發表


简体字减笔划似乎能幫助学习, 但亦引起一些問題 (e.g. 中國文字的像形, 形聲不存在, 歧異 (后, 後)

有啲所謂國學專家話「后」先至係正字。

即「前后」，而非「前後」，考起？

引用:

原帖由 suewong 於 2011-5-10 11:57 發表

因互聯網的普及, 應該是英文...

Damn right!

阿爺自己教落，客觀形勢非個人主觀意志可轉移！

愛國還愛國，都唔可以不理現實，將自大無限膨脹�謘A係冇？

其實妳留意理兄佢講得好sensible，佢只係話「最多人用的文字」而並非指international language。

你話我話啦，中文多人用歸多人用，照現時中文字之結構及通行趨勢，想取代英文成為international language，難矣哉！恐怕到地球終結時都未掂！我咁講你實話我長它人志氣、滅自己威風，正漢／洋奴！

其實阿爺好似搞過一輪乜鬼嘢漢字拉丁化，可能狭隘民族思想作崇，受太多阻力而作罷。其實有乜所謂唧，全世界各民族咪個個都用緊12345…阿拉伯數字？怕乜醜唧？

話雖如此，德國佬早排都搞過想modernize German，惟失敗告終！

我在英時，曾帶埋毛筆去公司，教啲同事簡單象形漢字，如「出入山水日月人女…」等等，畫埋公仔，又每人幫佢哋用毛筆鬼名漢字化，個個thumbs-up話好玩，將小弟墨寶用透明pocket入起，珍而重之。

玩呀？好玩！好玩！當藝術玩玩吓就得，今時今日學黃小妹話齋，因互聯網普及，乜都要多、快、好、省，唔用英文點掂呀？咪作大啦！

引用:

原帖由 HAOCHANG 於 2011-5-10 21:13 發表

[印象中, 67/68 年, 家姐去影樓拍照, 都仍然是黑白... .

Haochang兄好記性，60年代彩色相大多用於商業上，到70代初才普及至個人用途。而我之最早拍攝彩色相應在1972左右。

不過早在大約1962-1963左右，我曾見過一個比較有錢的同學仔給我們看過佢一幅彩色生活相，當時佢都算幾把閉嘞！

引用:

原帖由 老搜 於 2011-5-11 18:06 發表


筆兄: 請留意短消息 !

Have you got my reply?

Anyway, many many thanks, my dearest brother!

引用:

原帖由 老搜 於 2011-5-9 03:36 發表


見到筆老兄 order, 唔瞓覺都要行事哪 !  ..右下角是巴士廠(早期麗聲戲院.現在始創中心) ...

老搜兄提到麗聲戲院，那裡是我看My Fair Lady及The Sound of Music之地方。

我仲記得My Fair Lady張戲飛印得好認真，粉紅色加上柯得莉夏萍响馬場嘅做型照。

以我當年身世，應該冇資格去睇首輪。我懷疑係有學生飛而已，因我還記得學校曾鼓勵我哋去睇，話可學好英語咁話。

柯得莉夏萍係我當年番鬼妹／婆明星中之飛佛。我亦要用驚為天人去形容之。有時一個人靚起上嚟，唔使乜大物大嘅！

佢响War and Peace裡面個樣仲煞食，嗰種氣質簡直世間難尋！

引用:

原帖由 HAOCHANG 於 2011-5-11 23:33 發表

MTPEN兄,这是从网上找到,可衬充老搜兄的照片,也是从始创中心方面拍的, ...

Magic!

居然俾Haochang兄愈摷愈多料，呢張三角花園仔高空照可算是最清楚之一張，亦可補老搜兄响另一論題「天虹娛樂場」做蜘蛛俠時影嘅高空照之不足，以及因工程未可一窺全豹之遺憾。

對呀！除咗多咗幾棵樹之外，變化不大。

引用:

原帖由 suewong 於 2011-5-12 18:25 發表


E+ 免費英文報紙, 學生都唔要...

闔嘭冷雞腸，送都唔睇啦，out喇！

�M家乜人天下呀？華夏盛世呀！仲學番文！

鬼子佬個個爭住學漢文都嚟唔切呀！

引用:

原帖由 理魯竇 於 2011-5-13 01:05 發表

作為國際語言，英文始終係一哥，中文未有 Loi。

其實我响樓上話英文冇屁用乃專登講反話，理兄呢句先係我心底話。

至於講到我哋偉大社會主義祖國會可以違反牛頓定律，能脫離地心吸力，一飛衝天直上無極，此奇談怪論，我極有保留！

呢度各前輩都知小弟乃China sceptic（疑中派）之忠實信徒，惟共和祖家嘅形成，已係既成事實，no matter you like it or not。

惟又係嗰句，客觀形勢非個人主觀意志可以轉移。我望阿爺好與壞並不阻右大局或隨我意志改變，反而若果阿爺有乜衫長褲短，無論係經濟或政治層面，小弟短期內都幾hassle及唔會有好日子過。

不過我想温馨提示一吓Haochang兄，務請小心，don’t put all your eggs in one basket。你就當祖家係一個casino好了，赢咗好走了，長賭必輸呀！  

時時都要作出两手準備，切莫重蹈Albert兄當年咁要倉惶辭廟呀！

引用:

原帖由 HAOCHANG 於 2011-5-13 20:03 發表

依家全世界无所谓安全地方,钱多会被人劫,无钱走不郁.你话英国是否安全呢? ...

Haochang兄問得好，英國亦非「絕對」安全，仇口之多，與花旗佬不相伯仲。

好肯定講，除咗阿蓋達班友唔妥佢，北非狂人卡達菲亦一定會整鋪杰嘢佢嘆。但不容忘記，英國話細話細，仍然好大地方。

以我居英十年所見，就算當年每次愛爾蘭共和軍玩嘢，只在Central London，好似我匿埋Greater London嘅Croydon咁，就一啲事都冇。

但英國「相對」共和祖家，無疑仍會比較安全一點，你明我講邊瓣�謚捸I

至於一般治安，除咗Brixton之類話明係狗反區，其它雖然亦有盜賊，但不成氣候。

好似有次曾有個friend來英探我，見冇安窗花，花園啲六呎高木fence又冇bark wire，正一大力啲都冧，問我唔怕賊呀？我都唔知點答佢好！

而事實我住咁耐，未嘗聽聞我哋條Close有俾人偷過嘢。

引用:

原帖由 scottiehong 於 2011-5-13 23:09 發表

各位舊街坊 / 網友, 小弟做左人地老豆啦,老婆順產,  母子平安, 感恩 !!   

Congratulations! Scottiehong兄，個BB仔好得意呀！

個大公仔咁好玩，千祈要玩足呀！佢成長嘅每個階段都唔同，帶來之歡樂亦唔同，所謂千變萬化，咪走寶呀！正所謂take it or lose it，大個咗追唔番�謘I

所以老兄你無須學人一般見識，未講付出就諗回報，期望佢大個報答番你俩老。

其實上天賜你一隻咁好玩，又唔使用電蕊嘅大公仔任你舞，乜都回報咗喇，係冇？如果話冇報，係你自己嘥料唔玩啫！

你做得好啱呀！湊BB两個人都嫌少，剩係阿嫂唔夠人手�謘A你都要hands on�謘I

記得遲啲影煲猪脚薑上嚟請呢度啲街坊食呀！

By the way，老兄得閒睇吓响本forum另一論題-「考起」之Post #1456，看看小弟剛代雞寮居民Pierre方撰寫感謝佢父母獨特教育之恩，你睇吓有乜啟示？

引用:

原帖由 HAOCHANG 於 2011-5-15 11:51 發表
引用:

MTPEN兄你好彩,响外国平平安安,我讲讲在瑞士的落难遭遇:

又知多學多咗嘢！  

真係好多謝Haochang兄同我哋分享呢個真人真事「大災難」，我一定會將之告訴老妻，防範日後有同樣事發生响自己身上。

多口問句，雖然聊勝於無，各團友事後可有獲得travel insurance之賠償呢？

引用:

原帖由 HAOCHANG 於 2011-5-15 22:11 發表

事后旅行社赔偿旅行箱鸡碎费用同一些礼品,就算按失物赔偿也是有限得很!

我响度幫Haochang兄諗吓你個case覺得個導遊好dodgy，我唔多相信佢唔知將��van咁unattended泊法好危險，亦唔信佢唔知嗰度有啲打壞响度行。

其實據我在police度做時從同事度學番嚟，除咗bank notes之外，打壞好少乜都攞，以免身藏贓物咁蠢。係人都知咁大件行李內裡大多係衫褲雜物，唔值錢又重，故老兄應該唔係第一時間去報警，而係叫個guide車你哋去附近橫街窄巷刮番啲行李，啲同事話九成會响街邊揾番。