引用:

原帖由 prettysin 於 2013-1-4 16:18 發表

剛去了集邮戶口,download兩張邮票照片給大家看,都是以龍年為主題.

咁我送番個咸豐龍年首日封給仙妹贈慶!

引用:

原帖由 prettysin 於 2013-1-4 15:56 發表

當然沒有,那有這般富貴,可以1st day 去搭MTR

啱嘅, 論富貴, 以仙富婆那些年之身份地位, 跟啲下三流嘅人迫地鐵的確是有損大姐Blue Blood上等人高雅儀態嘅。

妳冇迫過當日地鐵, 咁我送妳MTR First Day Cover以資留念喇!

引用:

原帖由 Tarocake 於 2013-1-3 23:11 發表

立此為證，只要我倆同在英國，我請筆氏伉儷坐Eurostar往花都一日遊。早餐於Premier車廂，（scramble eggs同Cumberland Sausage 好正），到達巴黎Gare Nord 稍停留觀察吉卜賽反革命份子犯案手法，然後打車到龐比度中心讓筆嫂先欣賞當代法蘭西藝術，中午於中心頂層餐廳午膳，享受360度花都panorama view.餐後于老佛爺百貨公司讓筆嫂與其他北嫂一齊血拼。我與老大於食品部享受生蠔 ...

我大督筆與筆嬸先在此謝過芋兄之熱誠款待, 高誼隆情, 銘感五內!

老兄所述之上等人高規格排埸, 或會令我倆老坐立不安, 都係咁嘞, 不如我倆pick you (or together with Frau Taro & Taro Junior) up at your hotel, door to door service, 我揸駕錢七大家齊齊經Eurotunnel去Paris, 平、靚、正, 然後响啲平民化,冇使咁週身唔聚財嘅地踎食吓嘢罷了,老兄意欲如何?

話時話, 淨睇牌面, 老兄前半生之享受, 包括衣、食、住、行, 以至…you know…已超出我十世之享受矣。

天啊! Lord Taroland 又係人, 我Baron Pen又係人, 因乜解究會有咁大分別啊?

Don’t forget大家都係九龍仔出身, 大家都係大坑東官小書友仔, 點解Lord Taroland可以食(yes, 我指一切與食有關者)盡天下; 玩盡天下, …點解佢...點解我...(下刪一百個點解? )。

我紅眼症病發, 並已向平機萎完會作出申訴!

引用:

原帖由 Tarocake 於 2013-1-4 20:02 發表

老大，首日通車我好似有坐過，是否當時只行走石硤尾及官塘之間？

對呀, 當日真係大日子呀, 而首日通車竟然咁蹺只係行走官塘及石硤尾呢两個重鎮, 兩者皆我大督筆之前駐扎根據地, what a coincidence喔!

之不過好不幸, 呢两個都係cheap區啊!

引用:

原帖由 Tarocake 於 2013-1-4 19:54 發表

大督爺果然犀利，兩者眥木雕刻，兩種木散發不同香氣。象雕刻去年在新德里買，另外一個國內領導送，咁你知唔知左邊果座水晶是國內（北京）那棟曠世建築？

唔地除, 外形好似個A字, 係咪香港紅A硬膠廠在國內之Headquarters?

引用:

原帖由 Tarocake 於 2013-1-3 23:11 發表

大督爺，過去6年，估計最少30次來回巴黎，加三次來回Brussels.車站以前在Waterloo, 現時在St. Pancreas ...

嗱, 芋兄, 我好相信有日你一定會坐京港飛彈火車公幹嘅, 既然老兄已坐過幾十次Eurostar, 日後可否作個用家比較, 給我專業報告好嗎?

我雖未曾坐過Eurostar, 但餘生極有機會一試。至於強國, 除非由解放軍押解, 我此生絕不想再踏足此生番國, 所以想老兄提供資料八吓掛咁啫!

引用:

原帖由 prettysin 於 2013-1-4 21:48 發表

老大,您老忘了你才是Blue Blood,我是平民的red blood呀
閣下這套MTR First Day Cover我的確沒有（那時根本不知什么叫FDC),但郵票就有,現在不知放在哪個角落

如果仙妹妳連地鐵首日封都冇, 我睇死呢個妳一定冇, 妳都未出世喔!

引用:

原帖由 prettysin 於 2013-1-4 21:48 發表

老大,您老忘了你才是Blue Blood,我是平民的red blood呀  

Sorry, 我大督筆已變成Black Blood矣, 我開始憎人富貴, e.g. Lord Taroland, 更厭人貧啊!

引用:

原帖由 Tarocake 於 2013-1-5 00:11 發表

好，揭曉，中央電視台新大樓是也

咁就真係大吉利是矣!

歪零歪秤, 好似就冧咁, 相當唔好意頭喔!

睇怕要將條設計師捉去雙規, 交待居心何在至得!

引用:

原帖由 Tarocake 於 2013-1-5 00:09 發表


其實我都有一個點解，點解你咁醒，我 ...

醒…醒…醒, 醒得嚟冇銀嘅, 把鬼!

引用:

原帖由 Tarocake 於 2013-1-5 00:14 發表

好呀，不過最好等老大曬多幾件才充公。  

嗱, 講過算數呀!

大家拎哂副身家、珍藏出嚟, 一齊歸公共產咗佢然後撈亂再平分吖嗱, as at 31/12/2012 為cut off day, okay?

我只需拋幾嚿爛鬼磚出嚟就引到玉, why not?


其實幾十年前我好細個住响九龍仔時早已有過咁嘅想法, 加上我不嬲都係共產主義忠實追隨者, 那些年若果有個芋兄、仙妺之類住响半山嘅富翁/婆肯孖我撈亂副身家嚟玩, 進行第一次共產, 該多好啊!

引用:

原帖由 prettysin 於 2013-1-4 22:46 發表

Of course, I haven't it!
老大,你越摷越多,件件都咁有價值,原來你是富在"市區"現在有人知
用您老的motto:一于充公作為"公共財產"

充咪充, 也不是甚麼好東西, 只是有「內心價值」but of no commercial value at all!

之不過呢件都有些少歷史意義, 相當有懷舊feel喔!

引用:

原帖由 Tarocake 於 2013-1-4 19:54 發表


大督爺果然犀利，兩者眥木雕刻，兩種木散發不同香氣。象雕刻去年在新德里買，另外一個國內領導送，咁你知唔知左邊果座水晶是國內（北京）那棟曠世建築？

I see, 嘩, 芋兄獲中央領導人厚禮相贈, 我諗咁落去法, 老兄分分鐘封官歐洲經貿司一職少不了。  

等我數吓國內當紅炸子雞來來去不外乎: 見習近但當日又尚未得見習時果位, 抑或高夾麗但當日又未可將高麗張時果位,係冇?

引用:

原帖由 Tarocake 於 2013-1-6 01:32 發表


嘩，真係好有歷史意義，請問保存左幾多年，原來早年postcode 可以咁短。BA而家已經屬於IA Group

Day one就有, 乃家族「性遺傳」。

引用:

原帖由 Tarocake 於 2013-1-6 01:34 發表


老大，我邊有你咁把炮去到中央層面呀！下周試下搵兩件省級and above 送的禮品撐一撐場

先多謝分享喔!

引用:

原帖由 小師弟 於 2013-1-5 23:45 發表

各位兄長，祝大家新年進步！今日依慣例回南山村老家，在商場二樓與一位賣長輩服裝(P1鋪)的舊街坊閒談，...

多謝小師弟天寒地凍仍緊守崗位為九龍仔街坊作出現場報導, 跟雪糕哥哥一樣咁有專業精神, 實屬可敬!

引用:

原帖由 Tarocake 於 2013-1-6 01:37 發表

大督爺，我又學到野「內心價值」。請問呢件可有些少歷史意義？

起立, 敬禮!
接最高指示:

貓可分黑白;
蟹只係橫行。


石頭要嚟摸過河;
並非用嚟責死蟹。


先讓部份人惡起來;
秋後算賬遂個去宰。


50年不變只限黄賭毒;
其餘一切要問筆大督!

引用:

原帖由 小師弟 於 2013-1-5 23:45 發表

今日見到“雪糕哥哥”執緊雪糕車！

...

小師弟講起我哋東方出了一個「雪糕」伯伯, 令我想起那些年西方亦出了一個「雪」之不過「茄」嘅番鬼伯伯。

可惜呢條雲斯頓雪茄肥佬瓜咗都冇好帶挈。最令人憤慨的是, 竟然乞兒兜揦飯食, 夥同前港英殖民地政府所主理嘅所謂皇家郵政, 連埋個信封, 合謀滾咗我一毫子hard earned money起碼, 以及唔少香港市民之民脂民膏啊!

是鬼旦揾個阿伯, 阿猪阿狗都整個郵票首日封記念吓, 分明呃錢啫! 我大督筆就唔多覺佢有幾咁偉大嘞, 為求目的, 出賣靈魂, 學家陣香港前進革命份子話齋, 容共聯共, 對蘇修姑息養奸、助紂為虐、視而不見!

反觀我雪糕伯伯起碼都默默耕耘, 日曬雨淋, 天寒地凍, 仍緊守崗位地為九龍仔街坊作出過無私貢獻, 更為人民幣附屬貨幣服務了數十載, 居功至偉。

但我恐怕到雪糕伯伯佢有日百年歸老時都享唔到佢應得之榮耀, 特區政府亦未必會幫佢出番個郵票首日封以示表揚他之無產階級勞動人民專有特性, i.e.毫不為己、專門為人嘅偉大精神啊!

引用:

原帖由 Tarocake 於 2013-1-6 01:30 發表


老大，咁都俾你開口中，早兩年在大樓旁一齊起緊的文華酒店大火，到而家尚未開張。

個設計師係荷蘭人，英國公司承包建築方案。

無遮無扇, 神仙難變!

好, 燒得好, 此偉大功程又唔知讓幾許同志, 亦包括一眾番鬼佬, Day Day收集, Good Good 吓水喔!

引用:

原帖由 Tarocake 於 2013-1-6 01:31 發表

老大，我當年住南山村，現時亦不是住半山但英哥係，佢老哥赤柱同半山兩棟樓都掉空，你不妨同佢傾傾。

毛主席教導我們: 世上無難事, 只要肯攀登!

以芋兄你咁叻仔, 加上天賦中、英文采、Extensive China Trade/EU Trade Experience、人脈網絡廣泛、交際手腕成熟老練…等等, 強國於解體前, 商界裡在在需要老兄之才幹的, 故我有絕對信心你搬上山頂乃指日可待也。

之不過take my advice, 要好好保護自己喔, 人面多險詐啊!

揾銀還揾銀, 提防俾人陷你於不義而落鑊, 故小心end up in你提到之赤柱啊! 那裡不住也罷, 我曾客串入去睇過, 九重閘後之生涯絕不好過的!

引用:

原帖由 prettysin 於 2013-1-6 22:19 發表


老大,既然前前......前主席對你信任有加,我也決定把整個"中國"送給你,請笑納

多謝仙妹,那是否jigsaw puzzle����,幾趣怪喔!

引用:

原帖由 Tarocake 於 2013-1-6 01:32 發表

嘩，真係好有歷史意義，請問保存左幾多年，原來早年postcode 可以咁短。BA而家已經屬於IA Group

講起BOAC, 等我放上一件甚有「個」體回憶嘅Souvenir跟大家分享。屬1975年貨, 我懷疑英航當年剛與時並進地改名為British Airways, 但餐具仍沿用舊貨。

呢隻匙羹係我大督筆一生人第一次打飛機去Vienna要stop over London時响機上撻嘅。

之不過我不覺得我屬機上盜竊, 乜唔係包埋嘅咩, 個個都係咁嗖Souvenir㗎啦!?

加上那些年我滿腦子階級仇恨, 我誓要跟英美資本主義集團抗爭, 為被剝削勞動人民助戰, 將反社會價值觀行為立體化, 即物質化or實物化。如是者我將呢亭情操高尚行為解讀為年青人向既得利益者宣戰初階, 以平衡「良心價值」缺失, 亦可舒緩人類固有之紅眼症痛楚。

故此我雖有盜竊之名, 但冇盜竊之實。縱使道德處理上或許稍有偏差, 惟屬可以理解。我之「政治」盜竊跟今日報導話有個阿差响飛機上狼到成件救生衣撻咗嘅「經濟」盜竊有着極大差異喔。

引用:

原帖由 Tarocake 於 2013-1-6 01:32 發表


嘩，真係好有歷史意義，請問保存左幾多年，原來早年postcode 可以咁短。BA而家已經屬於IA Group

芋兄講起英國之Postcode確屬先進社會之一項劃時代偉大創新。

我响當哋工作時先至發現其設計並非只為郵政上方便, 原來响商業上亦被各行各業廣泛地利用。

保險公司會用Postcode去釐定保費、地產經紀用嚟分區、統計學用嚟統計人口/罪案、全國性公司制定管轄區、物流送貨分發、個人上網填form, 只需填上e.g. SW1 6XY, 街名Buckingham Palace Road自動show 出永不出錯, 自己fill in Street Number便可。

至於此信只quote SW1, 我懷疑屬有人懶惰而已, 應尚有e.g. 6XY之類跟尾的。

引用:

原帖由 prettysin 於 2013-1-6 22:19 發表


老大,既然前前......前主席對你信任有加,我也決定把整個"中國"送給你,請笑納

為答謝仙妹送我「中國」地圖, 我還以「中學」地圖一本作回敬。

此地圖大姐妳細路女或未嘗見過, 之不過好多老鬼網友那些年都或人各一本, 故會有似曾相識之感。

呢本舊陳皮是我1962年讀Form 1時買的, 是我一生之第一本地圖。閒時翻閱, 所見各地及名皆面目全非, 真個滄海桑田啊!

我總覺得郵票及地圖都能記載着人類之歷史及發展足跡, 值得珍惜保存喔。

引用:

原帖由 Tarocake 於 2013-1-8 08:27 發表


唔係喎，我發覺你及老大d寶藏先至價值連成，內心價值豐富而且具歷史意義。好，呢兩日如果有時間，再找多些分享...

講真, 我真係好想見識吓芋兄早排提及差啲响頭等艙碌咗落罅果隻幾十盆水嘅滴溚滴, 若老兄肯分享嘅話。