引用:

原帖由 Tarocake 於 2013-1-24 00:37 發表

老大，how  about  you, 會否一齊學番兩招鍛鍊身體？ You  learn , I  learn.

暫時未使用到小師弟嘅大雁神功咁犀利, 因我筆鐵罩自創咗獨門秘功「鐵罩神功」六招十二式, 個bad back發病率由1998年之每年兩三次減至近年之每两三年只發病一次。

最正仲係以前病發痛楚程度係十級, 並last for at least one whole week, 至近年之痛楚程度減為二、三級, 並just last for couple of days. Good, isn’t it?

引用:

原帖由 Tarocake 於 2013-1-23 16:55 發表

長江邊的樓盤示範單位，你唔喜歡泰晤士河可考慮這裡

芋兄講起住响河邊, 把鬼, 好睇唔好食呀!

之不過老兄若你一定要住, 我祝你好運!

或者中國曾出過一位水利先聖夏禹, 佢一次過治好咗之水患, 至今幾千年來都從未再flood過。加上近代果位春禹李鵬水利專家, 修修補補吓, 中國人民千秋萬世從此過着再冇水患之幸福太平日子了。

好可惜我兩個哎吔家鄉就冇咁好彩出過鬼佬夏禹, 搞到週不時flood 吓flood吓咁。呢, Vienna每年七、八月阿爾卑斯山融雪, 例必多瑙河flood, 近河一帶, 遍地藍水。自從呢廿、卅年來請教過Chinaman水利專家, 用分流方法開多條Donau, 情況稍為改善。

Richmond, 方五十郎嘅前駐紮根據地, 每年到時到候太唔是河大flood少flood, 連屋都浸埋, 打得佢少喔。都係我大督筆醒扒, 棄河景、尚山景, 响Croydon時住响Park Hill山上, 永冇水浸, Home Insurance都平啲呀!

引用:

原帖由 Tarocake 於 2013-1-24 16:43 發表

筆環保老板，order 收悉，請問回收後，應該支付多少俾蕉學長呢。

呢亭咁嘅垃圾, 俾俾俾, 膝頭對上, 大脾就有!

引用:

原帖由 Tarocake 於 2013-1-24 16:46 發表


筆羅亞閣下，請問住山上除左可避水災，仲有什麼好處呢？好睡番粒鐘再赴晚宴

練仙! 好似芋兄你家陣咁!

引用:

原帖由 Tarocake 於 2013-1-24 16:50 發表

溫馨提示，你下次高鐵來回武漢千萬不要坐廣州鐵路局承辦的車型班次的特等座，一定谷到爆，二等座都比佢寬敞。買票時可向售票員查詢。我正在寫報告俾筆老大，幫我出頭 ...

抵你吖, 我叫咗你打飛機仲爽啦!

引用:

原帖由 蕉園仔 於 2013-1-24 11:50 發表

筆學長，蕉仔家徒四壁，沒值錢東西，不過近日在同學家見到一些保存有數十年歷史的小說書，給大家分享。

為答謝蕉兄送大家之珍貴集體回憶文物, 我謹代表中央暨西環送兄強國就強時之中宣部軟實力唱紅媚…之…垃圾畫報。

1972呢期人民畫報封面平平無奇, 內裡大有文章, 亦是我偉大社會主義祖國轉角起點見證, 大家定必猜到係乜事矣!

引用:

原帖由 小師弟 於 2013-1-24 22:27 發表

回#7958筆師兄，可否透露一些您自創的神功招式，可以練一練！

我極之樂意與大家分享我之心得, 而練完之後唔work歡迎拆我大督筆招牌喔!

稍後放上圖文介紹!

引用:

原帖由 小師弟 於 2013-1-24 22:27 發表

回#7958筆師兄，可否透露一些您自創的神功招式，可以練一練！

筆鐵罩自創獨門秘功「鐵罩神功」六招十二式, 專醫bad back或「閃腰」之類腰患!

第一式: 側身, 手托頭, 兩腳伸直, 互叠, 將在上之脚慢慢提高, Hold 10 seconds (即大約數十吓), 慢慢放下, 重覆做十次, 然後轉身如是做另一隻腳。

第二式: 側身, 手托頭, 屈腳互叠, 慢慢將在上之脚打開向天, Hold 10 seconds, 慢慢放下合埋, 重覆做十次, 然後轉身如是做另一隻腳。



To be continued….

引用:

原帖由 Tarocake 於 2013-1-25 11:40 發表

Sorry, 72年已過了大躍進，是否四化？

化化化, 我話芋兄你唔化就真!

乜化之前先要搞清楚路線問題嘛! 今趟係總陀主決定洗心革面, 飛沙風中轉, 路線隨勢轉呀!

即係咁, 將無產階級自由化、無產階級資本主義化、共產主義資本化呀!

半遮臉, 唔好聽就係放棄無產階級專政、放棄共產主義, 跟美帝同流合汚齊齊做世界呀! 好聽就係叫做乜鬼嘢有中國特色嘅社會主義and/or中國特色嘅資本主義, whichever you like to call it!

就係响1972當年竟然讓中國人民頭號死敵美帝頭子做家訪呀!

我見老兄咁有心, 山長水遠搞長沙都去拜祭我恩師, 際此咁有意義之大好日子, 我放上姓資姓社兩世仇當日如何把酒言歡之場面讓大家醒覺一吓及為我先師平反, 強國之有今日, 並非是總設計師小平同志之功勞, 而係我先師呀!

Don’t forget, 小平同志當日仲响牛棚執緊牛屎咋!

引用:

原帖由 Tarocake 於 2013-1-25 11:17 發表

嘩，老大，筆氏紅毛物理優化神功犀利，請問這些招式對創傷及長期勞損所引致的背痛是否管用？

基本上乜傷都得!

我之嚴重創傷事發於1998年在英某日刮完十幾級大Gale後, 出花園將棵吹斷樹幹移開, 烏前冇屈膝, 將力集中咗响條腰度, 就係咁一世了!

當場痛到標眼水, 十足老(魯) 漢推車咁款, 條腰唔伸得番直。一兩日都係咁, 去睇GP, 確診Bad Back, 開Ibuprofen Painkiller, 冇鬼用, 好彩約一星期會自動fully recover唔再痛。

之不過後遺症係只要時運低, e.g. 打個大乞嚏、正面/側身取物冇屈膝、單腳着褲…一年起碼三幾次, 痛得要死。

引用:

原帖由 Tarocake 於 2013-1-25 11:19 發表

筆方朔，要練仙去深山好d喎。

大隱隱於廁, 道行高邊度練仙都得, 尤其是大家都知我大篤做邊行㗎啦!

引用:

原帖由 Tarocake 於 2013-1-26 01:15 發表


話時話，你覺得你恩師幅相個樣有無執過？

你只要相信, 不要懷疑, 這是上主的話!

對於強國嘅嘢, 此話更加適用。否則輕則不敬, 重則不忠!

加上我是毛主席的好學生, 我對先師有着絕對的信任, 你不用離間我倆師徒之深厚感情。

溫暖提示, 芋兄正在質疑黨行事嘅正確性, 相信仙妺這位街坊組長已將老兄此黑材料存檔作日後批鬥之用。

引用:

原帖由 Tarocake 於 2013-1-26 01:15 發表

筆近史學家，明白了。原來相中果位阿哥做型係隱喻開拓經濟新局面，所以今日高鐵可以行到時速300公里，遲d仲可以再提速，見相為證

超, 手有多快, 數有多高!  

香港啲Van仔佬果塊爛鬼車速牌都做到手腳啦, 以強國身為高科技先進國, 此雕蟲小技, 濕碎喇!

見大家困响車廂太悶, 搞搞氣氛娛樂吓大家可令致嘩嘩聲而已, 咪當真嘛!

仲有,想快不如去打飛機吖,冇喱情趣!  

[ 本帖最後由 mtpen 於 2013-1-26 10:03 編輯 ]

引用:

原帖由 Tarocake 於 2013-1-26 01:16 發表

正，亦即是話我在你背部劈一刀，傷癒後都可以練。

我俾你劈果刀乃因「資源」爭奪而起, 不涉其他! 物理治療也幫不了多少啊, 除非所傷純因篤背脊引致才有效呢!  

我跟芋兄間之糾紛屬襟兄弟間之人民內部矛盾, 不難解決。

只要大家善用「資源」, 公平、公開、公正地尋求對話就惦, 叫埋志0妺出嚟, 四口六面, 引用釣魚規格, 擱置爭議, 共同開發, okay?

[ 本帖最後由 mtpen 於 2013-1-26 11:16 編輯 ]

引用:

原帖由 Tarocake 於 2013-1-26 01:15 發表

筆近史學家，明白了。

我嚴正要求芋兄登報澄清並更改我正式學術官銜要加番個「代」入去!

崩口人忌崩口碗嘛!

引用:

原帖由 Tarocake 於 2013-1-26 01:16 發表

正，亦即是話我在你背部劈一刀，傷癒後都可以練。

之前放上之第一式及第二式圖片太粗疏, 現放上Revised Picture以供參考。

只需看四方框格內之圖文, 其他無關者不用看, 又或會稍後另行以圖文再作展示。

其實這些招式取材自2002年筆嬸在英國Cartilage Torn時物理治療師建議她之日常在家復康exercises, 我運用筆鐵罩之特異理解力偷師部份招式, 然後自創針對性利於醫治Bad Back而已。

我清楚記得物理治療師話膝及腳之力皆源自腰, 故筆嬸之exercises中有關strengthen腰肌部份皆被我採用。

原來人類郁動並非, 亦並不可能全賴骨與骨joint之間的活動, 要靠骨旁之muscle 做support, 若能strengthen muscle, 形成肌肉保護盾或肌肉腰封, 對減少骨骼負荷及勞損有莫大裨益的。

故我此六招十二式志在强化腰肌, 從而預防到Bad Back Pain也。

引用:

原帖由 理魯竇 於 2013-1-26 14:08 發表

筆兄，呢壇野應該唔會做假�諢A那時候的G1007列車，只停長沙南一站，1069公里，三點鐘開車，六點十六分到達廣洲南站，平均時速達328公里，仲未包括途中有條茂利在廁所食煙引致慢車，我唔信佢個顯示器都要信 ...

理兄請原諒我對強國有�茤T執的偏見啊!

太多做假棍騙負面新聞了, 並已全國上下成風, 怪不了我啊!

「日本�洃が倌�!」呢句我�]細個時常聽之民間流傳, 都要經歷幾十年才成絕響呢。

努力、加油, 從今重新做人, 或者有望人�]改變對你之負面睇法吧!

[ 本帖最後由 mtpen 於 2013-1-26 15:43 編輯 ]

引用:

原帖由 理魯竇 於 2013-1-26 14:08 發表

聽講你祖家都要起高鐵，由倫敦去曼徹斯特，如果起得成都要去到2030年。

.

理兄可能有所不知矣, 不同國家有不同民情。

英國確診為日衰落國已係不爭之事實, 惟講到連起條高鐵連接London and Manchester至今幾百年來都冇錢起又或冇技術去起似乎說不通了。

除非係用嚟炫耀之偉大工程外, 成本效益一定要consider。我唔敢講我係英國通, 但契媽嘅事我略知一二。話要起條London and Manchester高鐵條茂利乃強國假、大、空上身。


我筆鐵罩敢批死, 2030呢條高鐵起好後, 邊間公司接手運營, 邊間就end up in wind up, 稍後再作解釋!

引用:

原帖由 理魯竇 於 2013-1-26 14:08 發表

聽講你祖家都要起高鐵，由倫敦去曼徹斯特，如果起得成都要去到2030年。

...

位處North West England之Manchester人口只有50萬, 比觀塘之56萬還少。London 至Manchester距離257公里(160英哩), 揸車從London用時速80m/h 行Motorway M1-M6, 2小時可到。  

整個英國命脈在South East England, 而在環市公路M25內之Greater London乃全國重中之重, 尤以一切商業活動而言。

我大督筆睇唔到就算到2030年呢個局會有何大變更。到時條爛鬼高鐵唔知起嚟俾乜鬼坐? 坐得高鐵多為Business Travel, 果度根本只有local business, Executive如芋兄之類响London已夠揾食喇, 上去把鬼? 睇曼聯呀? Tourist坐高鐵? 咪講笑啦, 一日有幾多客呀?


Okay, 平民佰姓坐吖, 可惜個個興揸車出入, 去London兩個鐘頭可達, 貪高鐵平呀? 包產到户呀? 英國有兩樣嘢平、靚、正。其一是郵遞, 真二是公路網。每當你揸車只要離開Greater London之M25公路, 駛上任何一條M字頭之Motorway, 路路暢通, 沿途風景秀麗, 一如李生話齋, 簡直心曠神怡呀!

再講, 車之於英國人, 除却部份住响Central London者外, 等於對腳, 不可離身的。所以一般人民對坐公共交通公具並不感興趣。以我大督筆那些年回港省親, 例必揸自己架車去Heathrow, 雖然會離英成個月, 也情願泊架車响機埸長擺, 等一落機即可揾番自己雙腳返歸, 那種感受, 非金錢又或公共交通公具可比擬的啊!

引用:

原帖由 prettysin 於 2013-1-26 22:22 發表

新鮮熱辣,今天發行的蛇年FDC到手了。照片拍得不好,大家將就看看

多謝仙妹!

正, 乜咁早出嘅咩?

有空不妨逐個close up放上嚟look see the 真喔!

引用:

原帖由 小師弟 於 2013-1-26 22:42 發表

回筆師兄；介紹的兩式，昨晚臨睡之前有做練習，期待其他式子不日上傳分享，謝謝！

我以為冇人對我此親身實驗確證係work嘅所謂獨門秘功感興趣, 所以遲了將其餘招式放上嚟, 請小師弟見諒喔!

第三式我至今尚未找到相關示範動作圖片, 唯有用文字表述。假若當中有地方未盡令老兄理解, 包括但不限於此招式, 不妨告之, 我定當一一詳細作答。

第三式: 瞓平在地上, 屈起雙膝, 兩手環抱其一, 將之拉壓近胸前, 愈近愈好, 那便會令你感到背脊及盤骨部位受壓之感覺。Hold 10 seconds, 轉另一腳, 每邊輪替做十吓。

為着令肌肉還原放鬆, 每壓胸Hold 10 seconds一次後, 雙腳可伸直一會再轉脚做下一吓。其實其他招式皆要如是於每一式後還原放鬆, 令肌肉不致於長期受壓緊張。

值得一提, 我所介紹之所有招式並不適宜做於太soft之平面上, e.g. 牀或sofa, 亦不適宜在太solid之地板上, 以免有uncomfortable feeling。最皆是在地毯上做, 又或找來做運動或瑜珈之蓆。

講番第一及第二招式, 頭及腰間部位可用cushion墊着做, 那便可減少uncomfortable之感覺。

引用:

原帖由 蕉園仔 於 2013-1-27 00:59 發表


報告筆學長，財叔，神筆，都冇。

咁是鬼旦摷啲冇咁值錢嘅寶物當交待算啦!

記住, 坦白從寬, 抗拒從嚴喔!

否則我擇日聯同仙妹出街坊組長之名到府上抄家, 見乜擸乜!

引用:

原帖由 小師弟 於 2013-1-26 22:42 發表

回筆師兄；介紹的兩式，昨晚臨睡之前有做練習，期待其他式子不日上傳分享，謝謝！

第四式: 瞓平在地上, 雙手放在身側邊, 慢慢將合拍上之雙腿提起至90度角, Hold 10 seconds, 緩緩放下, 再伸直雙腿平放地上, relax and repeat以上全程十吓。

引用:

原帖由 prettysin 於 2013-1-27 14:42 發表

領旨 但照片一樣拍得不好

多謝仙妺, 已非常清晰了。

足證我呢亭老鬼之心態跟大姐啲細路女不同了, 我已有30多年冇買首日封了!

家陣之郵票, 只是咁啱收到後見個撕個存埋一堆, 連浸都懶呀!

而家真多花臣, 將個郵票咁整上個首日封度, 妳估有冇人stupid到cut咗郵票出嚟拎去貼信寄出吖嗱?  

哈哈, 最尾果款是否叫龍蛇混雜呢?

引用:

原帖由 prettysin 於 2013-1-27 14:42 發表

領旨 但照片一樣拍得不好

請恕我多口, 諸多嘰訖, 呢位靳乜嘅設計大師似乎一時大意, 忘了「龍就上天; 蛇就落地」之名句, 將龍蛇之位置upside down咗, isn’t it?